Timatarin-2

TAM D ass-a i d ass n tlelli*

ZWA

RUT

Kigan a-yad iγ ar ttaran imaziγn, uran f ugudi n isental g mnnawt taγulin s mnnawt tutlayin amr tinnsn !!. Mad ur issen Ibn Xeldun d aylli-d ifel, mad ur issen Afulay(apulée) bab n ungal amzwaru g umadal, mad ur issen St Augustin d Averroès, wid lli smmasnin amzruy skern mad ur zdarn wiyyad att skern. Macc aseqsi ar-d ittaγul : Mad fkan-t tirra n γγwid i tsekla tamaziγt ? Amya mek lli nnan iqqburn : “yan ilsan aqccab n wiyyâd iàra nit”*. Ssimγurn tutlayin tibrranyyin feln taymmant ass lli γ sisn tsγawsa ur akkw ssen. Ass-a tsγawsa uggar n kra n wass adnin, tilin n tutlayt tamaziγt illa nger ifassen nnun a ymaziγn tudert nnun g tudert nnes, ar-d nkwtti awal n umγnas amqran lli yusin asafu n ubrid n ulelli mqqar-t ijder Dda Ali Azayku lliγ inna :

« Awal nneγ ad aγ igan iγ immut nemmut »

D yat twinst irwasn tin Uzayku tga tin yan g wid mmaγnin ad rarn mqqar d imik i wawal amaziγ s tirra ; Brahim L.Amaziγ lli γ inna : « awal nneγ ad aγ igan iγ immut nemmut iγ ittyara nsul ». Ilkm wass lliγ ra nara s wawal nneγ, tutlayt izdgn iγusn ifawn, fadd a nsselkm awal nneγ i wswir amadlan. Γid aγ-d tucka twwargit n TMATARIN, tawwargit mu ssutln ingazn urta tllul, imun wakud d ufgan f tirzi nns, macc ur trza s umyawas n irgazn hat tffaγ-d, nmms gis ad tssusm wid sis iqqeln tg talkiwt immaln awttas amaziγ d tγarasin sis illan, tasγunt nγ taγmmist nnun ar tfsser s tutlayt tamaziγt s uskkil alatini d tutlayin tilatiniyyin (tafransist-taspenyult awd taglizit..), rad tmaggarm d inγmisn izdin d tmentilt awd idrisn d isefra d yan usdaw imzli kud uttun.. d kigan n tγawsiwin.

Biywgra 17/07/2960

*azwl ad iga tawinst izwarn g umseγrat Aqvayli * ittyasay-d g udlis : “Textes berbères des Aït Souab”