Teks MC Syawalan

TEKS PRANATA ADICARA Assalaamu’alaikum warahmatullaahi wabarakaatuh Alhamdulillahirobil alamin, wabihi nasta’inu ala umuridunya wadin, Washolatu wasalamu ala asrofil ambiya’i wal mursalin, sayidina wa maulana muhammadin wa’ala alihi wa sohbihii ajma’in ama ba’du. Ingkang tansah kulo hormati Para Alim ulama, para Kyai Para Sesepuh Pinisepuh ingkang tansah tinuladha dhumateng para umat Ingkang tansah kinurmatan dhumateng Bapak Kepala Dusun, Bapak RT Soho Perangkat desa wonten ing Pedukuhan Sudimoro Ingkang tansah kinurmatan dhumateng Ustadz Mahroji Khudori ingkang samangke badhe maringi pengaosan Ingkang tansah kinurmatan dhumateng para Bapak, Ibu saha sederek sedaya ingkang lenggah wonten ing papan punika, ingkang tansah dipunrahmati Allah SWT   Langkung rumiyin sumangga kula dherekaken sami manengku puja puji, ngunjukaken raos syukur dhateng ngarsanipun Allah SWT ingkang dumugi ing titiwanci menika taksih kepareng paring nugraha kawilujengan dhumateng panjenengan sedaya dalasan kula, saha awit paringipun sak sae-saenipun ni’mat arupi iman lan Islam. Innalhamda lillaah. Shalawat saha salam mugi tansah katetepna dhumateng junjungan kita nabi agung Muhammad SAW, para garwa saha putra, para keluarganipun saha para sahabatipun, saengga benjang ing yaumul akhir mugi-mugi kita tansah pikantuk syafaatipun.   Para Bapak, para ibu kaum muslimin lan muslimat rahimakumullah. Saderengipun Pengaosan Syawalan Wonten ing ndalu menika kita awiti, kulo selaku pranata adicara badhe maosaken menggah reruntutanipun adicara Pengaosan Syawalan wonten ndalu menika : 1. Adicara angka sepisan PAMBUKO 2. Kalajengaken adicara ingkang angka kalih, WAOSAN KALAM ILLAHI 3. Adicara ingkang angka tiga ATUR IKRAR SYAWALAN 4. Adicara ingkang angka sekawan SAMBUTAN dari Bapak Kepala Dusun Sudimoro 5. Wondene adicara ingkang angka Gangsal PENGAOSAN dening Ustadz Mahroji Khudori 6. Minangka pungkasaning titi laksana pengaosan nun inggih DO’A LAN PANUTUP

Hadhirin wal hadhirat, kaum muslimin lan muslimat rahimakumullah, mekaten menggah urut reroncening titi laksana adicara Pengaosan ing dalu punika. Mugimugi adicara ingkang sampun karantam menika sageta lumampah kanti rancag winantu barakahipun Gusti Allah SWT. ========== Adicara ingkang sepisan inggih nmenika Pambuko, sumonggo adicara Pengaosan wonten ing ndalu menika kito bika sesarengan kanthi waosan ummul kitab ALFATIHAH..... ========== Matur nuwun. Mugi – mugi kanti waosan menika adicara wonten ing ndalu menika saged lumampah kanthi lancar..Amiiin... ========== Ndungkap adicara ingkang angka kalih, nun inggih Waosan Kalam Illahi, Pramila dhumatheng Sederek Hafidz Jauhari, wekdal soho sasono wicoro kita sumanggakaken...  ==========   Paripurna waosan ayat-ayat suci ingkang sampun kaaturaken. Mugi mugi kanthi waosan kala wau kito sedoyo pikantuk ganjaran saking ngarsanipun Allah SWT. Amiin yaa rabbal ‘aalamiin. ======= Ndungkap adicara ingkang angka tiga inggih menika IKRAR SYAWALAN, pramila dhumateng Mas Cahyo M soho Perwakilan saking Pemuda lan Pemudi Sudimoro, wekdal soho sasono wicoro kita sumanggakaken. ======= Adicara ingkang angka sekawan inggih menika SAMBUTAN saking Bapak Kepala Dusun Sudimoro, pramila Dhumateng Bapak Muklis Pitedam Wekdal soho sasono wicoro kito sumanggakaken........ Para bapak, para ibu sarta sedherek sedaya rakhimakumullah, Ndungkap adicara ingkang angka gangsal inggih menika PENGAOSAN INTI lan samangke dipuntutup kanti DOA ingkang badhe dipunpimpin kaliyan Ustadz Mahroji Khudori, Nanging saderengipun, kito selaku pranata adicara mbok bilih anggenipun ngaturaken lampahing adicara kathah kalepatan ingkang mboten mranani wonten ing penggaleh panjenengan sedoyo saestu kito nyuwun agungin pangapunten,, Pramila Dhumateng Ustadz Mahroji Khudori wekdal soho sasono wicara kito sumanggakaken, Saking kulo cekap semanten, Akhirul kalam.... Wassalaamu’alaikum warahmatullaahi wabarakaatuh