Sagu Rem Wa Kaja

1 SAGU REM WA KAJA ( GOOD SHEPHERD) Ga Hpaw Sagu rem ai bungli gaw moi shinggyim masha ni nga pra masa ring chying hpang wa ai aten kaw nna, gun hpai ai bungli re (N.N 4:2). Ga Shaka Dingsa prat hta sagu rem ni a bungli gaw yak ai bungle re. Katsi kahtet du hkra ladaw hpe hkam jan ra ai bungli, wudat taw ai hte hka taw ai hpe hparan ra ai bungli, nam du sat ni a hpyen hpe ninghkap ra ai bungli re ( N.N 31:38-40; Amo 3;12). Dai majaw sagu rem bungli hpe ningbaw ningla bungli hku kum la shapraw ma ai. Lachyum madung dat ai gaw yu lahku gawn lajang ai hte woi awn ai amu bungli sha n rai, yak hkak lam hpe hkam jan lu ai atsam rawng ai hpe lachyum shapraw ma ai. Sagu rem ai ni gaw sagu ni hpe jahkrit shama, jahten sharun ai hpyen ni yawng hpe , gasat ninghkap na matu galoi mung maja let hkyen lajang nga ra ai ni re ( Yawhan 10:1,10-12; Kasa 20:28-29). Sagu ni prat a matu hkum dingnum shim lum lam hte, shawng lam ma hkra hpe galu kaba wa hkra woi awn ningshawng lu ai ni re. I. Sagu Rem Ni a sak hkurn lam: Palistina hte makau grup yin mungdan hkan masha law law galaw gun hpai ai pu kan magam bungli langai re. Sagu rem ni gaw sum hkan shanu shingbyi let sagu ni a matu wu dat hte hka lu mai ai shara ni hkan htawt hkawm let sagu hpung hpe rem ma ai (Pru 3:1; Tara 8:15; Esai 13:20). Mare kaw wulawng tawn nna shani rai jang tsan ai wudat de sa rai, shana bai mare na wulawng de bai wa yup ai ni mung nga ma ai. Rai tim chyumlaika hta ka da ai lam hpe yu ai shaloi, law malawng gaw mare hte tsan ai wudat shara hkan sagu ni hpe rem ai hku chye na la lu ga ai. Kalang lang hka lu mai ai gaw masha ni htu da ai hka htung kaw na re majaw ga law ga la lam law law hkrum hkra ra ma ai. Israela amyu ni Hkanan mung hpe madu la lu ngut ai hpang gaw loi tem si rai tinang a sagu ni hpe rem lu ma ai. Rai tim tsit lali ai wu dat shara hte hka tam ra ai lam ni, nam du sat ni a hpyen hpe ning hkap ra ai lam ni gaw dingyang rai ma ai ( 1 Sam 17:34; Sh.K 23:2,4-5: Mahte 10:16). Dai hta grau nna, shana e sagu lagu ai lagut ni hte zai bru jang nga masha ni group hte dingsa ai lam ni hpe ninghkap ra ma ai ( N.N 31:39; Yawba 1:14-15; Yawhan 10:10). Sagu ni dam hkawm ai hte mat mat mai ai (sh) nam du sat hte lagu lagut hpyen ni nga ai majaw ayan sin yu nga ra ma ai. La ma sagu langai ngai mat jang bai hkan tam ra ai hta kalang lang asak hte rang nna hkan hkye la ra ma ai.( Eze 34:8,12; Mahte 18:12). Sagu rem ni law malawng gaw n chyang hku rem ai ni re majaw, la ma sagu langai ngai mat yang madu hpe jahpu manu bai wa ra ma ai (N.N 31:39; Pru 22:1013). Shana rai jang sagu lawng hta bang da nna, yu lahku makawp maga ra ma ai ( Bu.Hk 32:36; Mihka 2:12; Habak 3:17; Lk 2:8; 10:1).Sagu lawng de shang ai aten sagu ni mat ai lam, yawm ai lam, machyi makaw hkala nba hkrum n hkrum jep yu nna, jahpawt rai jang wudat shara de bai woi sa ma ai (Yer 33:13; Ezek 20:37; Yawhan 10:3,37; 17:12).

2 Ga Shaka Dingsa prat hta Karai Kasang hpe sagu rem wa ngu mung tsun ma ai (Sh.K 23). Israela amyu a ningbaw ningla ni hpe mung sagu rem ni ngu tsun shamying ma ai (BuHk 27:17; Esai 63:11). Rai tim Israela ningbaw ningla law law wa n kaja ai sagu rem ni rai nna, shanhte a majaw Israela amyu ting hte Israela mungdan jam jau ai, htenza ai, daw rum ai lam ni byin lai wa sai re (Yer 33:13; Ezek 20:37; Yawhan 10:3,27; 17:12). Ga Shaka Ningna hta mung Karai Kasang a kashu kasha ni hpe woi awn ai ni hpe sagu rem ni ngu shamying ma ai. Yesu shin an mung “ngai gaw sagu rem kaja re” ngu tsun da nga ai (Yawhan 10). Nawku hpung a ningbaw ningla ni mung hpung masha ni hpe woi awn ra ai, wenyi malu masha jaw sha ra ai, wenyi lam hku lam dam (sh) hten za mat wa na kaw nna makawp maga la ra ai majaw sagu rem ni ngu tsun shamying ma ai (Yawhan 21:15-17; Kasa 20:28-29; 1 Pet 5:1-3). II. Sagu rem ai ni lang ai arung arai ni : (1) Lu sha ni bang na matu shahpyi hte galaw ai tingsan nhpye langai (2) Tinang hkum hte sagu ni hpe makawp maga na matu lakli (lai hpaw) langai (3) matu kaw hpri jun da ai hpun shingna kadun langai (4) Matu kaw magaw ai daw hkrawng galu langai ni rai ma ai. (1 Sam 17:40,49; YAwba 30:1; Sh.K 23:4; Zech 11:7,10). III. Sagu Rem ni a shani shagu na magam bungli: Jahpawt jau jau sagu ni hpe wulawng nna shapraw let tsit lali ai wudat nga ai shara de shawng kaw hkawm let woi sa ai (Yawhan 10:4). Dai hpang wudat hta shani tup sagu ni hpe yu sin makawp maga ai (Yawba 30:1). Ntsin lu ra ai aten hta hkashi (sh) hka htung de woi sa nna hka jaw lu ai ( N.N 29:7, 30:38, Pru 2:16, Sh.K 23:2). Lam dam ai (sh) mat ai sagu nga wa yang hkan tam ai (Ezek 34:12, Luka 15:4). Shana de sagu lawng de bai woi wa nna langai hkrai hpe mat n mat, ningma lu n lu jep yu ai ( Jawjau 27:32, Ezek 20:37). Shana tup wulawng hpe bau sin makawp maga ai (Yer 33:13, Luka 2:8, Nahe 3:18). IV.Sagu Rem Kaja a lit lamang (The responsibilities of a good shepherd): (1) Sagu ni hpe bau ai (Feeding): Yesu Petru hpe tsun ai shaloi, “Nye a sagu kasha ni hpe bau nga u (Yawhan 21:15), “ Nye a sagu ni hpe bau nga u” (Yawhan 21:17) ngu htet da ai re. Nye sagu ngu nna sagu madu gaw Yesu she re ngu ai hpe myit dum let Yesu a n chyang mayam zawn daw jau let, sagu ni hpe bau na matu tsun ai lam re. Sagu kasha ni hpe chyu (sh) kya ai lusha hte bau nna sagu ni hpe ja ai lu sha hte bau na matu tsun ai re. Sagu ni chyu sha achyu nga ai (sh) kya ai lu sha sha asha nga ai chyana nga ai sagu ni n rai hkra, lani hte lani kung kaba wa ai ni tai hkra bau maka ra ai hpe tsun mayu ai rai nga ai (Hebre 5:12-14; 6:1-3). Hkum hkrang myit masin myit mang lam Kung kyang ai, hkamja zet let ai, myit su shaga madat ai, sagu ni tai wa hkra tsaw ra myit hte bau maka ra ai re. Dai ni na sagu hpung masha ni hpe Karai mungga hte Hkum hkrang myit masin myit mang lam Kung kyang ai, hkamja zet let ai, myit su shaga madat ai, sagu ni tai wa hkra tsaw ra myit hte bau maka ra ga ai. “K.K shungya ai chyum laika shagu gaw, sharin

3 shaga ya ai, daru sharin chye ai, mye shading lu ai hte, dinghpring ai lam hta sharin achyin ya na matu akyu rawng nga ai” ( 2 Tim 3:17). K.K a kasha a chye chyang ai hpungda hpe dep lu nna, hkum tsup re ai masha ngu ai, Hkristu hte shadaw ram ai gawng shingyan a lanang hkap lu hkra bau rem ra ai( Ehp 4:13). (2) Ntsin jaw lu ai : Ga Shaka Dingsa Prat na Palestina mung hta gaw sagu ni hpe ntsin jaw lu na matu hka htung hpe madung tawn ma ai.N.N 29:3 hta hka htung mahka na nlung hpe galau kau nna, sagu ni hpe ntsin jaw nhtawm, dai nlung hpe hka htung mahka e bai magap da da di ma ai ngu ka da nga ai. Hka ntsin gaw sagu ni asak hkrung lu na matu ahkyak dik ai lam langai mi re. Shani shagu sagu ni hpe ntsin jaw lu ra ai. Sagu rem wa gaw hka gara kaw nga ai ngu ai hpe chye ai sha n ga, hkahtung e magap da ai nlung hpe mung galau kau lu ai n gun rawng ra ai. Shaloi she sagu ni hpe hka lu jaw lu ai re. Hka (sh) ntsin hpe chyum laika hta asak hte seng ai, htani htana asak ngu ai hku ga shadawn tawn let tsun da ai re.Dai ni sagu rem ni gaw sagu hpung masha ni shani shagu asak ntsin lu lu na matu, hka htung gara kaw nga ai, kaning re ai hka htung magap ni hpe galau kau ra ai ngu ai hpe chye da ra ai, atsam rawng ra ai. Asak hka ngu ai Karai mungga shani shagu mu lu na matu, Sagu rem wa tinang nan mung, sagu hpung masha shagu mung (1) asak ntsin Yesu hte rau asak hkrung ra ai (2) “Ngai ngu ai tinggyeng lam, awu asin re ai hkum shan lam, mungkam marin marit lam” ni ngu ai hka htung magawp hpe gun kau ra ai. Shaloi she asak ntsin hpe shani shagu mu lu ai hte hkrung nga lu nag a ai. (3) Jasan jaseng masit ya ai ( Grooming): Sagu rem wa gaw tinang a sagu ni hpe mungkan marin marit lam, hkum sai shan a marin marit lam, tsa dan a mayam tai ai lam ni a majaw awu asin rai nga ai lam ni hpe jasan jaseng masit yeng seng kau ya ra ai. Shaloi she san seng tsawm htap ai sagu kaja tai wa na re.Karai Kasang gaw chyoi pra san seng ai wa rai nga ai hte maren Karai Kasang a hkrang bung sum la ni mung chyoi pra san seng nga na matu sagu rem wa lit la ra ai. (4) Sagu mun rep zen ya ra ai (Shearing): Sagu ni hpe mun rep ra ai (sh) rep ram ai aten ngu ai nga ai. Dai gaw sagu a hkam kaja lam a matu mung, sagu rem wa sagu mun lu la na matu mung akyu pru ai lam re. Dai ni mung sagu rem wa gaw sagu ni hpe rip kawp tara mungga ni hte, n gun jaw ai shalan shabran ai mungga ni hte, daru sharin ai mungga ni hte mung sagu hpung masha ni hkam ja zet let ai hte n htoi tai, jum tai ai sagu ni tai nga na matu mun ( n kaja ai lam ni) rep zen ya ra ai. (5) Yubak tsin yam kaw na shalawt ai (Delivering): Sagu ni shangai wa ai aten kaw nna, hkam ja lam a matu, lam dam ai kaw na lawt na matu, nam du sat hpyen hte lagu lagut hpyen ni a lata kaw na hkye shalawt la ra ai re. Shinggyim masha ni yubak a mayam tai ai kaw nna lawt lu na matu, matut nna agung alau lam kawn lawt lu na matu shalawt la ra ai lit gaw sagu rem wa a lit rai nga ai.

4 (6) Woiawn ningshawng ai (Leading): Sagu rem wa gaw sagu ni a shani shagu na sak hkrung lam yawng hpe woiawn ningshawng ai re. Wu dat de woi sa ai, ntsin jaw ai, sharin achyin ya ai, bau sin makawp maga ai re. (7) Makau mayan hkan wam hkawm let sagu ni hpe sin ai (wandering sheep): Sagu ni lawng kata rawng ai aten, wudat shara hta nga ai aten, shim lum ai lam lu na matu hte hpyen tai ai ni n du sa lu na matu, sagu rem wa gaw makau mayan hkan wam hkawm let sagu ni hpe sin ra ai. (8) Makawp maga ai lam (protection): Sagu rem ngu ai magam bungli gaw shani shana sagu ni hpe yu sin makawp maga ai bungli re. Lam dam lam n nga hkra, hten za lam n nga hkra, mat mat ai lam n nga hkra makawp maga ra ai sha nga; nam du sat hpyen, lagu lagut damya hpyen ni kaw na mung asak ap nawng nna makawp maga ra ai bungli re. Sagu madu a man hta sadi dung kangka ai n chyang mayam ngu ai kum la pra hkra, sagu ni a prat hpe atsawm makawp maga ai lam shani shana galaw ra ai re. V. Kaja ai sagu rem hte N kaja ai sagu rem (Yawhan 10:11-17; Sh.K 23) N o 1. 2.

3. 4.

5. 6.

7. 8.

9.

1 0.

Kaja ai Sagu Rem

N kaja ai Sagu Rem

Sadi dung kang ka ai/ madu myit rawng ai Sagu hpung ting hpe lit la ai. Lama ma byin jang, yawng a matu lit la hparan ai Sagu ni a matu asak nawng ya kau lu ai. Sagu ni a matu myit tsang ai. Sagu ni hpe tsaw ra ai.

Sadi dung kang ka lam n nga ai/ n chyang myit sha rawng ai Sagu hpung ting hpe lit n la ai.Tinang tinggyeng akyu machyu ai.

Sagu madu Karai Kasang hte atsawm chye chyap hku hkau ai. Sagu ni sagu rem wa hpe atsawm chyechyap hku hkau ai. Ga madat ai. Sagu ni sagu rem wa a n sen hpe chye ai hte madat mara ai. Sagu ni ra n rawng hkra, tsit lali ai wudat shara hta hpum shangun nna ngwi ai hka kau de woi sa ai. Myit masin hpe shalan shabran ya nna, K.K a man hta ding man ai masha tai wa shangun ai. Sagu ni si ai hkaraw a shingnip hta hkawm sa ai aten hta sagu ni hte rau

Chyahkawn sa wa ai mu jang sagu ni hpe kau da nna hprawng mat ai Sagu ni a matu n tsang ai. Sagu ni hpe n tsaw ra ai. Tinang a matu sha myit tsang ai. Sagu madu Karai Kasang hte atsawm chye chyap hku hkau lam n nga ai. Sagu ni sagu rem wa hpe atsawm chyechyap hku hkau lam n nga ai. Ga n madat ai. Sagu ni sagu rem wa a n sen hpe n chye ai hte, madat mara lam n nga ai. Sagu ni a prat shim lum lam n nga ai. Tsit lali ai wudat hta n sha lu ai. Ngwi ai hka kau de galoi n woi sa ai. Sagu rem wa nan marung marang rai asak hkrung ai. Dingman lam n nga ai. Sagu ni si ai hkaraw a shingnip hta hkawm sa ai aten hta sagu ni hpe kau

5

1 1. 1 2.

1 3.

1 4.

nga nna, aru ara hpe n hkrit ra hkra n gun jaw ai. Sumdoi daw hkrawng hte sagu ni hpe shapyaw ya ai. Gumlau ni a man na makawp maga la nna, tsawra shagrau shatsaw la ai hte akyu chyeju law law lu la hkra galaw ya ai. Sagu ni hkrung nga ai nhtoi nlang hte hta kaja ai hte chyeju ayan lu la hkra hte, lam n dam hkra woi awn lu na re ngu myit dik lam jaw ya lu ai. Sagu ni asak hkrung lu na hte nhpaw n-ya lu la ngu nna bau rem ai.

da ai. Sumdoi daw hkrawng hte sagu ni hpe shapyaw ya ai lam n nga ai.Kalang lang zingri ai Gumlau ni a man na makawp maga la ai lam n nga. Tsawra shagrau shatsaw la ai lam n nga. Akyu chyeju law law lu la hkra galaw ya ai lam n nga ai. Sagu ni hpe asak hkrung ai a manu, mai kaja ai namchyim chyeju n lu hkam la shangun ai. Lagu na, sat na, hpya sha na matu she myit ai.

Ga Hpungdim Chyum laika na Israela ni a labau hpe yu ai shaloi kaja ai sagu rem ningbaw ningla ni nga ai zawn, n kaja ai sagum rem ningbaw ningla ni law law nga ai hpe mung mu mada lu ga ai. N kaja ai hkawhkam ni law law re. Myihtoi masu ni law law re. Shut shai ai hkinjawng ni law law re. Ningbaw ningla shagu hpe Karai Kasang san da ai ngu nna myi di shim hkan nang n mai ai lam sakse law law chyum laika hta rawng nga ai. Karai Kasang a myihtoi ni n kaja ai hkawhkam ni hpe daru sharin shaga ai, myithtoi masu ni hpe ninghkap ai, n kaja ai hkinjawng ni hpe daru sharin ai re. Yesu mung Herod hkawhkam hpe ga gwi ngu daru sharin ai. Hkin jawng agyi hte hkinjawng ni, Hparishe ni, laika ka sara ni, tara sara ni hpe asung arung ngu nna daru sharin ai re. Dai ni mung ninbaw ninglaw position kaw nga ai ni yawng Karai Kasang san da ai re ngu nna myi di shim mahkawn shakawn (Hymn no. 450) let hkan nang yang dingnye hkrum sha mai ai baw law law rai na re hpe sadi ra ga ai. Anhte Kachin ni gaw manau nau ai amyu re ngu nna, majoi hkan kanawng nang ai baw na re. Chyum laika na mungga, Yesu a kasi the bung nga ai kun? Atsawm jep joi yu nna, jaw ai lam rai yang chyu sha hkan nang ra ai. Chyum laika na Israela ni a labau hta ningbaw ningla ni n kaja yang amyu sha ting (sh) Israela mungdan ting ruyak jam jau hkrum ai lam ni, htenza ai lam ni, kaga amyu ni hpyen la ba hte htim gasat amya sha hkrum ai lam ni, mayam tai hkrum ra ai lam ni byin lai wa sai hpe sharin la chye ra ga ai. Yesu a sak hkrung lam hte, tsun shaga galaw gun hpai daw jau ai kasi hpe yu nna sagu rem kaja rai n rai daw dan ra ai. Yesu a lai kasi hpe yu kasi la nna sagu rem kaja ni tai wa ra ai. Mani hpa chye shakrai shagu ningbaw ningla kaja ngu sana kun? Byin lai wa sai hte byin nga ai masa ni hpe hkan tsun dan lu ai shi htawn bungli lu galaw ai hpe sagu rem kaja ngu sana kun? In- group hte church politic gasup nna, mana masu su let nga kaba kapung sha lu ai hpe sagu

6 rem kaja rai sai ngu na kun? Hpaji dagree tsaw ai hpe ningbaw ningla kaja ngu na kun? Hpung masha htinggaw mi kade bang ga ngu n dau alu lahkawn la nna, aloi ali gaw gap bungli lu woi galaw ai hpe sagu rem kaja ngu na kun? Mai gan mungdan law law du hkawm lu ai wa hpe sagu rem wa kaja ngu na kun? Dai ni myit yu na lam law law rai nga ga ai. Sagu ni hkrung nga ai nhtoi nlang hte hta kaja ai hte chyeju ayan lu la hkra hte, lam n dam hkra woi awn lu na re ngu myit dik lam jaw ya lu ai sagu rem kaja, sagu ni asak hkrung lu na hte nhpaw n-ya lu la hkra ngu nna bau rem lu ai sagu rem kaja law law ra nga ga ai. Chyurum W.P Amyu (Kachin) ni yawng, sagu rem kaja ni a woi awn ai n pu hta “shanglawt ai amyu ni”, “Karai Kasang a Sali wunli tai ai amyu ni” tai nga lu hkra tut nawng akyu jawm hpyi ga! To God Be The Glory!

Ginlen shalai ai, Rev. Dr. Lahpai Awng Li MIT, Insein, Yangon. 9 Oct, 2016.