Misa de Gallo_lyrics

BITOON SA LANGIT (Introit) Ang bitoon sa langit nga misidlak karon dili sama kahayag sa kanato midan-ag. Sa lawom kagabhion gibanwagan kita sa Mesiya, sa Mesiya. Koro: Karnero sa sibsibanan, tanum sa kaumahan, nunot kamo kanako kay atong halaran. Ug tambor sa musikero, lingganay sa simbahan, sadyaon ta king yuta, king masulobong yuta. Miabut si Jesus ang Manunubos sa kalibutan. Huni sa katawhan sa katawhan ug kinaiyahan sarang ba ikatandi niadtong atong nabati. Huni sa mga anghel sa nagsibya sila: Miabut na ang Mesiya. (Koro) EMANUEL (Kyrie 11 Mass) Dumuol Ka O Emanuel ug luwasa ang binihag nga Israel. Duawa na (duawon Mo na) ang Israel (kabus ng' Israel). Lipaya na ang naghandum sa Emanuel (ug lipaya'ng naghandum sa Emanuel). Ang Imong kalooy, dako Mong kalooy, among gipangandoy, ihatag Mo na. Ginoo, malooy Ka. th

HIMAYA (Gloria 11th Mass) (Koro) [SATB] Himaya sa Dios sa kahitas-an, himaya, himaya sa kahitas-an. Ang Iyang katawhan karon nagmaya, ang Diosnong kadait nanaog sa yuta. [Tenor/Bass] Ginoong Dios, langitnong Hari, Dios Amahan makagagahum sa tanan. [Soprano/Alto] Nagasimba kami Kanimo, nagapasalamat kami Kanimo, nagadayeg kami Kanimo tungod sa Imong himaya. (Koro) [Tenor/Bass] Ginoong Jesukristo, bugtong Anak sa Amahan, Ginoong Dios [Soprano/Alto] Kordero sa Dios Ikaw nagwagtang sa sala sa kalibutan, kaloy-i kami. (Kordero, Kordero sa Dios Ikaw nagawagtang sa sala sa kalibutan, kaloy-i kami)

[Soprano/Alto] Kay Ikaw lamang ang santos. Ikaw lamang ang Ginoo. Ikaw lamang ang labing halangdon, O Jesukristo. [SATB] Uban sa Espiritu Santo, diha sa himaya sa Dios Amahan. Amen, amen, amen. SALAMAT SA DIOS (Pre-Gospel) Salamat sa Dios (2x) Sa Pulong Mo Ginoo, Salamat. Salamat sa Dios (2x) Sa Bugtong Mong Anak, salamat. Aleluya (6x) GLORIA SA DIOS (Offertory) Dunggon nato ang awit gikan sa kalangitan, harianong tingog maanindot pamati-on. Gloria sa Dios sa kahitas-an (2x) Pastores nanagbantay sa sibsibanan, sa kahilum may tingog gikan sa kalangitan. Gloria sa Dios sa kahitas-an (2x) Ang Balaang Bata natawo sa pasungan tingog ipalanog awit sa kaluwasan. Gloria sa Dios sa kahitas-an (2x) AKONG GASA (Offertory) Ning adlaw sa pasko nga miabut may diyutay kong gasa Kanimo bisan di takus. Wala koy bulawan sarang ikagasa ug wa koy pulong nga wa malitok sa uban. Kining akong awit kabus nakong awit hinatag sa langit ug Imo karon. SANTOS (11th Mass) Santos, santos, santos [T & B] Santos, santos, santos [S & A] Ginoong Dios sa kagahuman Ginoong Dios sa kagahuman, Ginoong Dios sa kagahuman. Puno ang langit ug yuta sa Imong himaya, himaya. Hosana, hosana sa kahitasan. Daygon ang naga-anhi sa ngalan sa Ginoo. Santos, santos, santos, santos. Daygon ang naga-anhi sa ngalan sa Ginoo. Hosana sa kahitas-an, kahitasan.

SI KRISTO NAMATAY (Narcisa) Si Kristo namatay, si Kristo nabanhaw, si Kristo mobalik, mobalik nganhi. ANG NATAWO (Agnus Dei 11th Mass) [S & A] Ang natawo nga Bata didto sa Bethlehem maoy magluwas sa katawhan sa ilang mga sala. [T & B] Pagatawgon Siya ug Emanuel, Dios nga nagpakatawo. Mag-antus Siya ug mamatay aron kita maluwas. [SATB] Ang kordero nga nagawagtang sa sala sa kalibutan, malooy unta sa atong mga sala, dawaton ta unya ang kalinaw. ADLAW'G GABII (Communion) Adlaw'g gabii nagpaabot kami. Adlaw'g gabii naghulat kami. Naghandum kami Kanimo, O among Ginoo, nagkinahaglan kami sa kaluwasan Mo. 1.) Nasayud Ka man, Ginoo, sa among mga sala Kanimo; nasayud Ka man sa kahaw-ang nga nag hari niining dughan. 2.) Nabati Mo ba, Ginoo, ang among agulo ug pangagho? Nabati Mo ba ang pangandoy, mga hilak ug dangoyngoy? 3.) Nakit-an Mo man, Ginoo, ang among mga gipakadamgo; nakit-an Mo man, O Ginoo, ang katim-os sa'mong pagtuo. 4.) Ikaw ra gayud, Ginoo, ang bugtong makaluwas kanamo. Ikaw ra gayud ang paglaum, ang kadasig ug kalig-on. UMANHI KA MESIYAS (Recessional) Umanhi Ka Mesiyas, kami Kanimo nagahulat. Ikaw man ang paglaum kanamo magluwas. O Manunubos di Ka maglangan, ang kangitngitan sa yuta hayagi sa Imong gugma.

+ Misa de Gallo Songs 2014+

- - - Auxillium Choir - - Archdiocesan Shrine of Our Lady of Lourdes

♪♫♪♫♪♫♪♫♪♫♪♫♪