Liturgi 52 Mggu GBKP Edisi III Serayan

LITURGI TAHUN BARU A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Penaruh Mejuah-juah man banta kerina, kita si lit ibas gereja enda, secara khusus man bandu turang senina kami si sekali enda denga kam ikut erkebaktin minggu i bas gerejanta enda, ialo-alo kami kam alu meriah ukur. Kebaktin enda ningetken kita kerna perkuah ate Dibata sinaruhken kita mentasi tahun si ndekah si dem alu perbeben, jenari iatankenNa kita bengket kubas tahun si mbaru enda. Tahun si mbaru e me tanda perkuah ate Dibata, ije lit pengarapen maka tahun enda geluhta reh ulina, reh dewasana ibas ngalaken perbeben geluh. Arah kebaktin enda mari situduhken keriahen ukur ras pengataken bujurta man Tuhan. Mari dage sibenaken ndalani tahun si mbaru enda alu pusuh ras pengarapen si mbaru.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum - Salam L I bas gelar Dibata Bapa si nepa wari-wari, i bas gelar AnakNa Jesus Kristus si mereken kegeluhen si mbaru, ras i bas gelar Kesah si Badia si nemani perdalanen geluh manusia. Keleng ate Dibata si la ersibar, tetap ngarak-ngarak kegeluhenta (ndu), ikawaliNa kita (kam) subuk suari ras berngi, IA kap si mada kuasa seh rasa lalap. Amin. P Amin..... Amin..... Amin..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken kata Dibata enda, sipuji IA alu radu ras ngendeken : ..... 4. Keriahen Ukur i Bas Mengketi Tahun Si Mbaru Perp. Kundul L Dibata mereken wari-wari guna si isi alu kegeluhen si mehuli. Teptep erpagi-pagi, iatankenNa kita makeken wari si mbaru. Wari ras tahun si mbaru e me kesempaten si jadi dalan Dibata mereken pasu-pasu. Genduari jumpa me kita kubas tahun si mbaru, emaka marilah radu ras kita ngataken bujur man Tuhan. P Bujur Tuhan, iatankenNdu kami ngaloken tahun si mbaru enda. Meriah dingen malem ate kami, sabab lit denga kesempaten kami ngidah kiniulinNdu i bas kegeluhen enda.

Liturgi GBKP 52 Minggu

1

L

P L

Tahun si mbaru e me kesempaten dingen pendilo Dibata. Labo surut keleng ate Dibata kempak manusia si megati nilah dingen talu i bas ngalaken perbeben doni. Tetap ibereNa kepercayan man manusia guna makeken wari-wari si labo manusia nepasa. Bujur Tuhan. iatankenNdu denga kami makeken wari-wari si labo kami nepasa. iatankenNdu denga kami ngaloken keleng ateNdu, gia metunggung kami ngalokensa. Adi situlihken ku bas perdalanen geluhta ibas tahun si lepas, tuhu mbue perbeben si erbahan kita kelsehen erkiteken la siidah serpang luah. Maun-maun keri gegeh erkiteken perbeben si lalap la erkedungen. Kuh kal dalanta bene, erkiteken gegehta erbaleng. Tapi erkiteken keleng ate Dibata, perbeben pe nese-nese sitik alu la sieteh oratna. Dingen perbeben e jadi dalanta ngidah kuasa Dibata ras ndatken kepentaren. Sipuji Tuhan ibas keleng ateNa, alu ras kite rende : .....

5. Kinata Kegeluhen Manusia i Bas Nimai Kerehen Dibata (SL : Song Leader) L Tuhan, adi nulih kami ku paksa-paksa kegeluhen siiberekenNdu, megati kal kami nundalken Kam, la tutus erminggu, kurang muat bagin i bas perpulungen, kisat i bas erdiakoni, njuruken i bas pengelako kami, bage pe kurang beluh ngamparken ranan. Ngaku kami kuadepenNdu Tuhan. SL Manusia nggo erdosa, meluat mekalesa Nggeluh labo lit damena ‘di sirang ras Dibata (Ngendeken bagin KEE GBKP No. 292:1) Mamre Tuhan, kami selaku anggota Mamre, bapa itengah jabu, rusur kami la jadi usihen, megati la jadi ikuten nandangi seisi jabu kami. Kurang tanggungjabab kami i bas mabai keluarga guna nandai Kam, erkiteken kesibuken kami sekalak-sekalak. P Manusia nggo erdosa, meluat mekalesa Nggeluh labo lit damena ‘di sirang ras Dibata (Ngendeken bagin KEE GBKP No. 292:1) Moria Tuhan, kami selaku anggota Moria, selaku nande itengah jabu, menam-menam lanai ngasup jadi teman arih i bas jabu. Lanai banci jadi ingan tertande di kune lit perbeben, kurang ngasup makeken wari-wari kami alu payo. Ngaku kami ku adepenNdu Tuhan. P Manusia nggo erdosa, meluat mekalesa Nggeluh labo lit damena ‘di sirang ras Dibata (Ngendeken bagin KEE GBKP No. 292:1) PERMATA Tuhan, kami selaku anggota PERMATA, anak singuda itengah jabu ras gereja, menam-menam lanai ieteh kami uga carana ngergai diri, erkite-kiteken ngikutken sura-sura doni enda saja. Kurang mediate kami nandangi orangtua, kurang metami i bas erturang-ersenina, kurang tutus ate kami i bas persekolahen.

Liturgi GBKP 52 Minggu

2

P

Manusia nggo erdosa, meluat mekalesa Nggeluh labo lit damena ‘di sirang ras Dibata Begikenlah pendiloNa, malang erlajar baNa Nggeluh pelimbaruiNa rembak kita ras IA (Ngendeken KEE GBKP No. 292 :1)

6. Berita Pengalemi Dosa Perp. Tedis L Turang ras senina, la ate Dibata anakNa bene ibas kegeluhen si la erguna. Emaka tetap kita ialemi dingen ipelimbaruiNa. Selaku persuruhen Dibata, aku nehken kataNa man banta (ndu) kerina, niNa : “Kalak si nggit megiken kata Dibata, si nggit ngalokenca, janah ersura-sura mperobahi kelepakenna, ia kap si ngaloken kesangapen ibas Dibata nari. Kalak si ngasup nadingken kerina biak si la ngena ate Dibata, ipekena-kena Dibata kap geluhna janah dame jadi sikerajangenna “ Meriah ukurta ibas kita enggo ngaloken padanNa, emaka sipuji IA alu ngendeken : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makenca i bas geluhna si teptep wari. Haleluya. P Haleluya..…Haleluya.…Haleluya..... (Iendeken) b. Khotbah (Ibenaken ras i dungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Seh paksana kita nehken pengataken bujurta man Dibata. Kata Dibata si jadi palas man banta e me : “Ietehndu uga liasna Tuhanta Jesus Kristus: maka aminna bayak gia IA, tapi guna kiniulinndu, ipemusilNa baNa, gelah arah kemusilenNa e jadi bayak kam” (2 Korinti 8:9). Iherta ngendesken persembahen rende kita ibas : ..... Pertoton Persembahen ras Pertoton Syafaat 10.Perpadanen Man Dibata Perp. Tedis L Ngidah uga belinna lias ate Dibata, si nemani ras nampati kita (kam) i bas kegeluhenta (ndu) sedekah enda, i bas tahun si mbaru enda, nggit nge kita (kam) alu tutus ernalem man Dibata? P Erpadan aku Tuhan, ateku tetap ernalem man baNdu. Enda me jadi kesaksinku nandangi keluarga, bage pe nandangi sekelewetku. L Dibata ngatanken kita (kam) ngaloken tahun si mbaru enda, dingen ndilo kita (kam) gelah maba kiniulin ku sekelewetta (ndu).

Liturgi GBKP 52 Minggu

3

P L

Erpadan aku Tuhan, kupakeken me tahun si mbaru enda, maba kiniulin kusekelewetku. Guna peteguhi perpadanenta man Dibata, sipuji Tuhan arah : .....

11.Pertoton Tuhan 12.Pengutusen Ras Pasu-pasu Dibata L Turang ras senina, dalankenlah kegeluhenta (ndu) iteruh penampat Kesah si Badia, janah sialoken (aloken) pasu-pasu idur Dibata nari : “Patuhlah kam man perentahKu, Kupepaler me man bandu kemalemen ate desken lau; janah ke menangen reh nepet kam, desken galumbang si ergalun ku tepi lawit”. Amin. (Bdk. Jesaya 48: 18) P Amin..... Amin..... Amin..... (Iendeken)

Liturgi GBKP 52 Minggu

4

LITURGI MINGGU KENCA TAHUN BARU / EPHIPANIAS I A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Minggu enda bengket kita ku bas Minggu Ephipanias si pemena. Ephipanias e me Dibata ncidahken diriNa man manusia gelah manusia banci lebih nandai Dibata alu payo. Si enda enggo ipetangkasNa arah ketubuhen Jesus, Anak Dibata. Janah arah Minggu Ephipanias si pemena enda, Dibata tole mpetandaken diriNa arah dampar si deban man banta, gelah reh tangkasna penandainta kerna IA. Sabab kalak sinandai Dibata, ietehna kap sura-sura Dibata, jenari itandaina pe dirina selaku tinepaNa. Alu bage, ngasup kita nuduhken keleng ate Dibata i bas geluhta si teptep wari.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa si enggo encidahken kuasaNa arah kerina tinepa, i bas gelar AnakNa Jesus Kristus si maba rupa Dibata ku doni enda, ras i bas gelar Kesah si Badia nampati kita (kam) nandai perukuren Dibata. Malem ateta (ndu) erkiteken seh wari enda, Dibata mpetandaken diriNa man banta (ndu) si erbahanca tuhu-tuhu sitandai IA ras surasuraNa, gelah kita nggeluh erkiniteken man baNa. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita rende : ......

Liturgi GBKP 52 Minggu

5

5. Pujin Man Kemulian Dibata Perp. Kundul L Dibatanta enggo empetandaken diriNa alu erbage-bage dalan, gelah kuh dalan manusia nandai Dibata si mada kuasa. Doni inganta nggeluh ras kerina tinepa enda, e me tanda kuasa ras ulina rancangen Dibatanta. P Ipuji kami Kam Tuhan, kiniulin tinepaNdu naksiken kuasa ras kiniulinNdu. L ItepaNa pe kegeluhen rikut biakna si erbage-bage, rikut ras biak manusia si erbage-bage, gelah reh kuhna kiniulin i doni enda, dingen reh buena dalan manusia ngenanami kiniulin Dibata. P Bujur Tuhan, ibahanNdu kami bagi ringring ibas sada kula, bagi anak i bas sada keluarga. Kuh kal dalan kami ngenanami kiniulinNdu. Pengasuplah kami ngergai ras makeken pe mereNdu si mehuli. L Sipuji Tuhan alu ras kita rende arah : ..... 6. Kinata Kegeluhen Manusia i Bas Nimai Kerehen Dibata L Adi doni enda e me saksi kiniulin Dibata, dingen dirinta e me kehadiren rupa Dibata i bas doni enda, Kuga nge pengerganta kerna kiniulin Dibata i sekelewetta ras ibas dirinta? P Ngaku aku Tuhan. megati kal aku la ngergaken kiniulinNdu si lit isekelewetku, i bas diringku, bage pe i bas temanku manusia. L Kuga nge pengerganta kerna kiniulin Dibata i bas dirinta ras i bas temanta manusia? P Ngaku aku Tuhan. megati kal aku la ngergaken kiniulinNdu si lit i bas diringku, bage pe i bas temanku manusia. Alemilah dosangku o Tuhan! L Sisehken pingko-pingkonta man Dibata alu ngendeken: ..... 7. Padan Dibata Man Si Ngakuken Kinilatunggungenna Perp. Tedis L Selaku persuruhen Dibata, aku nehken kataNa man banta (ndu) si erkadiola dingen nggit jera ibas dosa ras kelepakenta (ndu) : “Kalak singkelengi Aku, dingen si engkelengi kerina tinepangKu, Kukelini me ia, dingen kalak singakui Aku kap Tuhan, Kukawali me ia rasa lalap”. Meriah ukurta i bas kita enggo ngaloken padanNa, emaka rende kita ibas : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makenca i bas geluhna si teptep wari. Haleluya. P Haleluya..... Haleluya..... Haleluya..... (Iendeken) b. Khotbah (Ibenaken ras i dungi alu pertoton) 9. Pengakun Kiniteken 10. Persembahen

Perp. Tedis Perp. Kundul

Liturgi GBKP 52 Minggu

6

L

Kata Dibata si jadi palas i bas kita ngendesken persembahenta man Dibata : “Dibata si simpar alu kebayaken si lit i bas Kristus Jesus mereken kerina keperlunndu” (Pilipi 4: 19). Iherta ngendesken persembahen rende kita ibas : ....... Pertoton Persembahen ras Pertoton Syafaat

11. Perpadanen Man Dibata Perp. Tedis L Kiniulin tinepa Dibata i sekelewetta, e me tanda kehadiren Dibata ibas doni enda. P Erpadan aku Tuhan, tetap aku njaga kiniulin tinepaNdu, sabab kuidah kerehenNdu arah kiniulin tinepaNdu i sekelewetku. L Kehadiren Gereja, e me tanda kehadiren Dibata i tengah-tengah doni enda. P Erpadan aku Tuhan, tetap aku njaga kiniulin gerejaNdu, sabab gerejandu me dalan kami ngaloken gegeh, ras keleng ateNdu i bas kegeluhen kami. L Kita (kam) itepa tudu ras tempas Dibata. Kita (kam) e me tanda kehadiren Dibata i bas doni enda. P Erpadan aku Tuhan, tetap kujaga rupaNdu ibas rupangku, pusuhNdu ibas pusuhku, gelah idah doni enda maka Kam engkelengi doni enda, erkelang-kelangken diringku. L Guna peteguhi perpadanenta (ndu) man Dibata, sipuji Tuhan alu rende : ..... 12. Pertoton Tuhan 13. Pengutusen Ras Pasu-pasu Dibata L Laweslah ku bas kegeluhenta (ndu) si teptep wari, cidahkenlah persadanta (ndu) i bas Kristus, alokenlah pasu-pasu Dibata : “Dibata sumbul kemalemen ate e gelah sincukupi keperlunta (ndu) guna ndalanken si sentudu ras peratenNa. Janah Dibatalah erdahin i bas kita (kam) arah Jesus Kristus, gelah kita (kam) ngelakoken kai si ngena ateNa, man Kristuslah kemulian seh rasa lalap”. Amin. P Amin..... Amin..... Amin..... (Iendeken)

Liturgi GBKP 52 Minggu

7

LITURGI MINGGU EPHIPANIAS II A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras Senina, Dibata nepa doni enda ras kerina isina alu dem kiniulin. Kemulian Tuhan ersinalsal i babo kerina tinepaNa. IpehagaNa kita alu nepa kita tudu ras tempasNa, jenari idiloNa kita jadi temanNa mpekena-kena doni enda, njaga kiniulin ras kemulianNa subuk i bas dirinta bage pe i bas kerina tinepa. Arah kebaktin enda, ate Dibata empersingeti kita ulihi kerna kiniulin Dibata si enggo ituduhkenNa ibas kerina tinepaNa. Mari dage kita mpesikap ukurta ngadap man Dibata.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L Kebaktin enda lit i bas gelar Dibata Bapa sinepa doni enda, i bas gelar Jesus Kristus si mpelimbarui tinepaNa ras i bas gelar Kesah si Badia si mpegegehi manusia guna njagai isi doni. Perkuah ate ras dame i bas Dibata Bapa ras i bas Tuhan Jesus Kristus nari, i bas kerembaken Kesah si Badia, ras kita (kam) kerina gelah. Amin. P Amin.....Amin.....Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : .....

5. Pujin Kerna Kemulian Tuhan

Perp. Kundul

Liturgi GBKP 52 Minggu

8

L

L

Marilah sipuji Tuhan ibas kiniulinNa man banta, nintalah ibas ukurta sekalak-sekalak: Ipuji kami Kam Tuhan. Kam enggo nepa doni enda seh kal ulina. IberekenNdu taneh si mehuli ingan kami erdahin, dingen ingan kami ndatken pasu-pasuNdu. IlitkenNdu kerangen meratah ras lau si meciho gelah kami mejuah-juah. IbahanNdu deleng-deleng si meganjang si ngingetken kami kerna kuasa ras kemulianNdu. Terpujilah Kam Tuhan, arah kerina tinepaNdu. Sipuji Tuhan alu ras kita rende arah : .....

6. Kinata Kegeluhen Manusia i Tengah-Tengah Doni Si Itepa Dibata L Dibata mereken tanggungjabab guna ngusahai doni, gelah manusia nggeluh alu mehuli radu ras tinepa si deban. Arah kiniulin e teridah kemulian Dibata. Kai ndia si enggo sibahan i bas tanggungjabab si enggo ibereken Dibata man banta? (Paksa Teneng) L P

L

I bas paksa enda marilah kita mungkuk iadep-adepen Dibata, ngakuken kerina kelepakenta ras kinilangasupenta guna njagai ras mpekena-kena doni enda. O Tuhan, ngaku kami kerna dosa ras kelepaken kami. Enggo reh cedana doni enda erkiteken kelepaken kami. Megati kami la ngasup melasken ras ndalanken sura-suraNdu, seh maka reh cedana doni enda i lebe-lebe mata kami. Alemilah kami o Tuhan. Sisehken pingko-pingkonta man Dibata alu ngendeken : .....

7. Padan Dibata Man Si Ngakuken Kinilatunggungenna Perp. Tedis L Selaku persuruhen Dibata, aku nehken kataNa man banta (ndu) kerina, si ngakuken kinilatunggungenna : “Aku me Dibata si nepa doni enda alu kemulianKu, Aku setia man bandu, perkeleng ateKu tetap rasa lalap, amin gia kam rusur ndabuh i bas dosa, keleng ateKu la urak man bandu. Tetap Kupercayaken doni enda man bandu, Kualemi dosandu, janah Kubereken kengasupen man bandu guna njagai doni enda, ernalemlah man bangKu, sabab Aku me ulu gegehndu.” I bas kita enggo ngaloken padanNa, emaka rende kita ibas : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makenca i bas geluhna si teptep wari. Haleluya. P Haleluya..… Haleluya..… Haleluya..... (Iendeken) b. Khotbah (Ibenaken ras i dungi alu pertoton) 9. Pengakun Kiniteken 10. Persembahan

Perp. Tedis Perp. Kundul

Liturgi GBKP 52 Minggu

9

L

Kata Dibata si jadi palas i bas kita nehken persembahenta man Dibata : “Kerina ibahan Dibata sue ras si ngena ateNa dingen rikutken si enggo itetapkenNa. Tangtangna nari kita enggo ipilih Dibata sabap IA ersura-sura gelah kita dat bagin i bas kai si enggo jadi sikerajangen Kristus. Janah gelah kita, kalak si pemena erpengarapen man Kristus, nggeluh tama pujin man kemulian Dibata” (Epesus 1:11-12). Iherta ngendesken persembahen rende kita ibas : ........ Pertoton Kerna Persembahen ras Syafaat

11. Perpadanen Man Dibata Perp. Tedis L Dibata nepa kita (kam) alu tempasNa gelah kita ngasup jadi temanNa guna njagai ras mpekena-kena doni enda. P Bujur Tuhan i bas kepercayanNdu man kami, erpadan kami guna njagai ras mpekena-kena doni enda. L Kerina ibereken Dibata man banta (ndu) gelah kegeluhenta (ndu) pe jadi mehuli. P Ateku tetap njaga kiniulinNdu Tuhan, si enggo isuankenNdu i bas diringku. L Guna mpeteguhi perpadanenta man Dibata, sipuji Tuhan alu rende ibas : ..... 12. Pertoton Tuhan 13. Pengutusen Ras Pasu-pasu Dibata L Bengketlah kita (kam) ku bas kegeluhenta (ndu) si teptep wari, pekena-kenalah doni enda. Ingetlah! maka Dibata tetap kap ras kita (kam) seh ku kedungen doni enda, dingen aloken pasu-pasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam), janah malem ateta (ndu) ibahanNa. Amin. P Amin....Amin.....Amin.... (Iendeken)

LITURGI MINGGU EPHIPANIAS III Liturgi GBKP 52 Minggu

10

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Minggu enda bengket kita ku bas Minggu Ephiphanias si peteluken. Minggu enda mabai kita ngidah Dibata kehadiren i bas doni enda arah gerejaNa. Sabab gereja e me dalan Dibata ncidahken keleng ateNa nandangi doni enda. Gerejanta labo terjeng gedung ingan pulung-pulung si sikap secara tatapen, tapi sada ingan si Badia, ingan mpepaguhi kiniersadanta ras Dibata dingen temanta manusia, gelah reh paguhna kita ngalaken si mehuli ibas kegeluhen enda. Mari dage sipesikap ukurta ersembah man Dibata si mada gereja.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L Kebaktin enda lit i bas gelar Dibata Bapa si mada gereja, i bas gelar Jesus Kristus takal perpulungen, ras i bas gelar Kesah si Badia si mpengasup kita (kam) guna ngidah kemulian Dibata. Perkuah ate ras dame i bas Dibata Bapa, ras i bas Tuhan Jesus Kristus, ras i bas kerembaken Kesah si Badia, ras kita (kam) kerina gelah. Amin. P Amin.....Amin.....Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : .....

5. Pujin Man Kemulian Dibata

Perp. Kundul

Liturgi GBKP 52 Minggu

11

L

P L

Tuhan Dibata encidahken keleng ateNa erkelang-kelangken persadan anak-anakNa, e me gereja secara institusi, bage pe gereja secara pribadi. Teptep Dibata encidahken diriNa, atena gelah tetap terjaga dingen reh ulina kegeluhen kerina tinepaNa. Bujur Tuhan i bas keleng ateNdu, Kam enggo reh kutengah-tengah kami, gelah terjaga kiniulin dingen kemalemen ate i bas kegeluhen kami. Amin. Sipuji Tuhan alu ras kite rende arah : .....

6. Kinata Kegeluhen Manusia i Bas Nimai Kerehen Dibata L Adi siperdiateken kecibal kegeluhenta selaku gereja, siinget nge maka gerejanta GBKP e me tanda kehadiren Dibata i tengah-tengah doni enda? Kuga nge ketutusenta i bas engkelengi gerejanta, rikut makeken dirinta selaku gereja i tengah-tengah masyarakatta? I bas paksa teneng, marilah sigejapken salah lepakta iadep-adepen Dibata. (Paksa Teneng) L

Kita (kam) kap surat Kristus, si la itulis alu tinta, tapi alu Kesah Dibata si nggeluh. Adi siperdiateken kecibal kegeluhenta secara pribadi, siinget nge maka dirinta e me gereja ingan Dibata reh engkelengi keluarga ras masyarakat? Kuga nge ketutusenta i bas makeken dirinta selaku gereja i tengah-tengah keluarga ras masyarakatta? (Paksa Teneng)

L

Mari dage siakuken dosa-dosanta man Dibata, alu ngendeken : .....

7. Berita Pengalemi Dosa Perp. Tedis L Dengkehken dage kata Dibata kerna pengalemi dosa, man banta (ndu) singgejap dingen ngakuken dosa-dosanta (ndu). Selaku persuruhen Dibata, aku nehken KataNa man bandu (ta) kerina si enggo ngakuken dosa-dosanta (ndu). Nina Tuhan : Nai mate pertendinta (ndu) erkiteken dosa-dosanta (ndu), dingen erkiteken kita (kam) la ngikutken perentah-perentah Dibata. Tapi genduari enggo ipegeluh Dibata kita (kam) ras Kristus, kerina dosadosanta (ndu) enggo ialemi Dibata. (Kolose 2:13) Meriah ukurta i bas kita enggo ngaloken pengalemi dosa idur Dibata nari, emaka rende sipuji IA alu ngendeken : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makenca i bas geluhna si teptep wari. Haleluya. P Haleluya..... Haleluya..... Haleluya..... (Iendeken) b. Khotbah (Ibenaken ras i dungi alu pertoton) 9. Pengakun Kiniteken Perp. Tedis

Liturgi GBKP 52 Minggu

12

10. Persembahen Perp. Kundul L I bas keriahen ukurta perban kerembakenta ras Dibata, mari siendesken persembahen pengataken bujurta man Dibata. Kata Dibata si jadi palasta guna ersembah e me : “O senina-seninangku, nginget perkuah ate Dibata si mbelin si isehkenNa man banta, kupindo man bandu: Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur. (Roma 12:1-2) Tupung ngendesken persembahen rende kita ibas : ..... Pertoton Persembahen ras Pertoton Syafaat 11. Perpadanen Man Dibata Perp. Tedis L Kita (kam) kap surat Kristus, si la itulis alu tinta, tapi alu Kesah Dibata si nggeluh. Adi siperdiateken kecibal kegeluhenta secara pribadi, siinget nge maka dirinta e me gereja ingan Dibata reh engkelengi keluarga ras masyarakat? Nggit nge kita (kam) makeken dirinta (ndu) maba pusuh ras keleng ate Dibata ku bas keluarga ras sekelewetta (ndu)? P Erpadan aku Tuhan, kukelengi me gerejaNdu, dingen kupesikap me diringku selaku Rumah PertotonNdu. Gelah gerejaNdu ras diringku jadi pasu-pasu man sekelewetku. L Guna mpeteguhi perpadanenta (ndu) man Dibata, rende kita ibas : ..... 12. Pertoton Tuhan 13. Pengutusen Ras Pasu-pasu Dibata L Guna pengasup kita (kam) jadi kula ni Kristus, selaku gereja si nggeluh si maba ketenengan, kedamen, keadilen ras kemalemen ate kutengah-tengahta (ndu), alokenlah pasu-pasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu) janah malem atenta (ndu) ibahanNa. Itatap Dibata ku kita (kam), janah malem atenta (ndu) ibahanNa”. Amin. P Amin..... Amin..... Amin..... (Iendeken)

Liturgi GBKP 52 Minggu

13

LITURGI MINGGU EPHIPHANIAS IV A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehendu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina, Minggu enda e me Minggu Epipanias IV, ija kemulian Dibata teridah i bas kegeluhen manusia. Kita enda me surat ni Kristus, si idilo guna ncidahken kemulian Dibata e arah perukuren, pengerana, pendahin ras perbahanenta nandangi temanta manusia. Kita i pehaga Dibata alu makeken kita selaku pribadi bage pe perpulungen jadi inganNa encibalken pasupasuNa, dingen jadi dalan Dibata mereken pasu-pasuNa man doni enda. Mari dage kita ersembah man Dibata i bas kebaktin enda.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si nepa doni enda i bas kiniulin, i bas gelar AnakNa Jesus Kristus si ngajarken kekelengen man banta (ndu), ras i bas gelar Kesah si Badia si nuratken kerna peraten Dibata i bas pusuhta (ndu). Meriahlah ukurta (ndu) si ngidah kemulian Dibata i bas geluhta (ndu) janah si ncidahken kemulian e i bas kegeluhen si teptep wari. Damelah sikerajangenta (ndu) si reh ndahi Tuhan. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu radu ras kita rende : .....

Liturgi GBKP 52 Minggu

14

5. Pujin man Dibata Si Mereken KemulianNa Ibas Manusia Perp. Kundul L Kemulian Dibatanta teridah i bas kerina tinepaNa. IatankenNa pe kita ngaloken kemulianNa erkiteken mehaga kal kita i lebe-lebeNa. Terpujilah Tuhan rasa lalap. P Muliakenlah, o tendingku, muliaken Tuhan Dibata o tendingku Muliakenlah, muliakenlah, muliaken Tuhan o tendingku (KEE GBKP No. 358, iendeken iulih-ulihi) L Keleng ate Dibatanta teridah arah Jesus Kristus, si la mpertahanken kinihagan ras kebayakenNa, tapi ipehagaNa kita alu kiniteruken ukur, kemusilen ras kematenNa. Terpujilah Tuhan rasa lalap. P Muliakenlah, o tendingku, muliaken Tuhan Dibata o tendingku Muliakenlah, muliakenlah, muliaken Tuhan o tendingku (KEE GBKP No. 358, iendeken iulih-ulihi) L Keleng ate Dibatanta, teridah maka IA makeken kita jadi dalanNa nehken pasu-pasuNa man doni enda. Terpujilah Tuhan rasa lalap. P Muliakenlah, o tendingku, muliaken Tuhan Dibata o tendingku Muliakenlah, muliakenlah, muliaken Tuhan o tendingku (KEE GBKP No. 358, iendeken iulih-ulihi) 6. Kinata Kegeluhen Manusia L Nginget keleng ate Dibata si mpehaga, si negu-negu dingen si nebusi kita, marilah sigargari pusuhta i lebe-lebe Dibata. (Paksa Teneng) L

O Tuhan, kemulianNdu lanai teridah i bas kegeluhen kami. Biak-biak si mehuli si enggo isuankenNdu bas kami la turah. Perbahanen kami lanai nuduhken kami anak-anakNdu. P O Tuhan, ngaku kami kerna kesalahen kami, alemi min salah kami. O Tuhan, O Tuhan alemilah O Tuhan, O Tuhan, alemilah (Iendeken) L Kegeluhen kami si dem alu biak-biak si jahat naluken biak-biak si mehuli si enggo isuratkenNdu ku bas pusuh kami. Gedap kami i bas dosa si erbahanca kami mbiar jumpa ras Kam selaku Bapa. Megati kebiaren ngeliami kegeluhen kami, serko i bas pusuh kami si erbahanca la terbegi soraNdu si ngelebuh kami mulih kempak kiniulinNdu. P O Tuhan, ngaku kami kerna kesalahen kami, alemi min salah kami. O Tuhan, O Tuhan alemilah O Tuhan, O Tuhan, alemilah (Iendeken) Mamre O Tuhan ngaku kami kerna kinilangsupen kami jadi suratNdu i bas gereja, jabu ras masyarakat. Kiniganjangen ukur kami erbahanca salih rupaNdu si melias i bas kami jadi ayo si merawa. Megati ipelebeken kami kesenangen rikutken doni enda asangken persadan kami ras Kam. Si e erbahanca kami papak i bas kerina dahin si ialokoken kami. O Tuhan, alemi min kami.

Liturgi GBKP 52 Minggu

15

Moria O Tuhan mbiar kal kami ndalani geluh si bagenda beratna. Segedang wari kuskas kami guna kebutuhen kami si erbahanca lanai dat kami keriahen ukur. Kesibuken dahin kami erbahanca lupa kami kerna kewajiben kami ncidahken tempasNdu si lit i bas kami. O Tuhan sampati min kami. PERMATASelaku rudang-rudang gereja, megati kami la ngasup ncidahken kemulianNdu Tuhan. Usuren kami italuken kiningudan kami si dem alu sura-sura si meneken kami. Kiniganjangen ukur kami encedai kiniteruken ukur si enggo icidahkenNdu man kami. Bapa, selaku anakrudang-rudang gereja, la terbanggaken perbahanen kami, tuhu mengecewaken, si erbahanca geluh kami lanai meherga. Tuhan kelengilah kami. (Paksa Teneng) L

Guna tole nggejapken dosa-dosanta, rende kita ibas : .....

7. Padan Dibata Man Kalak Si Ngakuken Dosana Iadepen Dibata Perp. Tedis L Selaku persuruhen Dibata, aku nehken kataNa man banta (ndu) si ngakuken dosanta (ndu), niNa : “Marilah kam kerina, mulihlah man bangKu. La ateKu kam nggeluh i bas dosa. Kam me anak-anak si Kukelengi. Tedeh kal ateKu kam reh man bangKu guna ngakuken dosandu, gelah banci Kubersihken tempasKu si lit i bas kam bagi Aku ndube nepa kam. I bas kam enggo ngakuken dosandu, Kualemi ras Kubereken mulihi kepercayan man baNdu, Kusalihken kebiarenndu jadi keriahen ukur.” Amin. Erkiteken dosanta (ndu) enggo ialemi, mari sipuji Tuhan alu ngendeken : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10. Persembahen Perp. Kundul L Sibegiken Kata Dibata si jadi palas man banta guna ngataken bujur : “Sabab bage pengkelengi Dibata doni enda, maka iberekenNa AnakNa si Tonggal, gelah ola bene ise pe si tek i bas IA, tapi dat kegeluhen si rasa lalap.” (Johanes 3:16) Tupung sisehken persembahenta, ras kita rende ibas : .....

Liturgi GBKP 52 Minggu

16

Pertoton Persembahen ras Pertoton Syafaat. 11. Perpadanen Man Dibata Perp. Tedis L Kesah si Badia enggo nuratken peraten Tuhan i bas pusuhta (ndu), uga dage perbahanenta (ndu)? P Ateku njaga surat e i bas diri, perukuren ras perbahanenku. Kucidahken me Berita e man doni enda, gelah ermulia i lebe-lebe Dibata. L Dibata Bapanta ngangkat kita (kam) jadi anakNa, janah enggo mbersihken kita (kam) alu darehNa, gelah banci kita (kam) meherga i adep-adepenNa. Uga dage ninta (ndu)? Mamre Selaku Iman keluarga ateku ncidahken perbahanen si mehuli alu nehken kekelengen Dibata ku sekelewet. Em tandana aku enggo itebus. Moria Ateku tetap erpengendes man Tuhan rasa lalap, janah kucidahken kemulian Dibata i bas kerina dampar geluhku. Permata Aku erpadan guna mpersembahken kula, ukur ras tendiku jadi perkakas Dibata si engkelengi aku gelah teridah kemulian Tuhan i bas kiningudanku. L+P Tek kami o Tuhan adi kami tetap kerina ernalem man baNdu, la banci kami kemalun i bas doni enda. Amin. L Guna mpeteguhi perpadanenta man Dibata, rende kita arah : ..... 12. Pertoton Tuhan 13. Pengutusen Ras Pasu-pasu Dibata L Bengketlah kubas kegeluhenta (ndu) siteptep wari. Cidahkenlah maka kita (kam) surat ni Kristus radu ras kemulianNa ku tengah-tengah doni enda. Guna si e, alokenlah pasu-pasu idur Dibata nari : “KekelengenKu la ersibar ngarak-ngarak geluhndu. Kukawali kam, Kupegegehi ras Kupasu-pasu me kam si ndalanken si ngena ateKu. Aku njamini ras nikapken keperlunndu. La kam kekurangen janah Aku tetap ras kam seh ku kedungen jaman”. Amin.

P

Amin..... Amin..... Amin..... (Iendeken)

Liturgi GBKP 52 Minggu

17

LITURGI MINGGU SEPTUAGESIMA A. PERSIKAPEN

Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik .....

B. KEBAKTIN

1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina, Minggu enda igelari Minggu Septuagesima si ertina wari pepitupuluhken sope Paskah. Ibas Minggu enda ibabai kita guna nginget masa-masa ija Tuhan Jesus ngalalaken percuban rikut erbage-bage kiniseran i bas IA ngelai i bas doni enda. Siinget uga Jesus icubai Iblis i padang gurun, Jesus tetap menang ibas kerina percuban. Emaka marilah kita muji ras mpebadiaken Dibata i bas kebaktinnta enda maka kita pe ipengasupNa naluken kerina percuban bas kegeluhennta.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si mada kuasa, i bas gelar AnakNa Jesus Kristus si naluken kerina kuasa kegelapen, ras i bas gelar Kesah si Badia si mereken gegeh guna ngalaken perbeben geluh. Penampat man banta (ndu) rehna i bas Jahwe nari, si nepa langit ras doni, si ngkawali perberkat ras permulihta (ndu) genduari nari seh rasa lalap. Amin. P Amin..... Amin..... Amin.... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken kata Dibata enda, sipuji IA alu radu ras ngendeken : .....

Liturgi GBKP 52 Minggu

18

5. Berita Kerna Keleng Ate Tuhan Perp. Kundul L Jesus enggo naluken kerina percuban guna engklini manusia i bas kuasa dosa nari. Emaka gelah tetap kita i bas ke menangen Kristus, nina Tuhan: "Kelengilah Tuhan Dibatandu asa ukurndu, asa tendindu, dingen asa gegehndu lit. Enda me perentah si mbelinna dingen si pentingna. Si peduaken bali ras si ndai e me, 'Kelengilah temanndu manusia bagi kam ngkelengi dirindu.' Kerina Undang-undang agama si ibereken Musa ras nabi-nabi erpalasken duana perentah enda ndai kap." P Ipuji kami Kam Tuhan, i bas kinigengengenNdu ngalaken percuban. Kam me Dibata si meteruk ukur, la Kam ngukurken DiriNdu saja, gelah kami terkelin. L Sipuji Dibata erkiteken perbahanenNa alu ngendeken : ..... 6. Pengakun Diri Kerna Kinilangasupen Ndalanken Kegeluhen Si Mbaru L Turang ras senina, kenca siidah keleng ate Jesus i bas ngalaken percuban, marilah siorati pusuhta, kerna kinigenggengenta i bas ngikut Jesus. (Paksa Teneng) L

Marilah siakuken dosanta, i lebe-lebe Dibata, nintalah i bas pusuhta sekalak-sekalak : Ngaku kami O Tuhan, adi ipergermetken kami perdalanen geluh kami, megati kami la megenggeng dingen setia, bagi Kam megenggeng dingen setia i bas ngalaken percuban. Megati kami la ngasup erkorban guna kiniulin teman kami, bagi Kam erkorban guna kiniulin geluh kami. Ngaku kami Tuhan, maka kami kalak perdosa, bagi biri-biri si enggo lalar, bene kami i bas ngayaki sura-sura kami. Lanai min kami metunggung ngaloken keleng ateNdu. Alemilah kami O Tuhan. Mari sipindo pengalemi dosa idur Dibata nari, dingen mpegegehi kita alu ras kita rende ibas : ....

7. Padan Dibata Guna Ndalani Kegeluhen Si Mbaru Perp. Tedis L Tuhan e perkuah dingen perkeleng kap, la pedas IA merawa. IA dem alu keleng ate si tetap. Labo kita iukumNa sue ras dosanta, labo IA erbalas man banta sue ras kesalahenta. Emaka, selaku persuruhen Dibata aku nehken kataNa man banta (ndu) kerina si ngakuken dosa ras kesalahenna, dingen jera ibas dosa ras kesalahenta (ndu) nari, niNa :

“Peridilah banta (ndu) maka kita (kam) bersih. Ngadikenlah erbahan kejahaten i adep-adepenKu. Olanai bahan si la mehuli, tapi erlajarlah

Liturgi GBKP 52 Minggu

19

erbahan si bujur. IperidiNa kita ( kam) maka bersih bagi salju. Aminna gia erkiteken dosanta (ndu) kita (kam) enggo mbiring bagi tengguang, mulihi kita (kam) jadi mbentar bagi kapas.” Amin. (Bdk. Jesaya 1:16 – 19). Sipuji Tuhan i bas pergegeh si enggo iberekenNa man banta alu ngendeken : ..... 8. Kata Dibata Perp. Kundul a. Ngoge Kata Dibata Bagin Si PEMENA L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10. Persembahen Perp. Kundul L Sikataken bujur dage man Dibata i bas lias ras perbahanenNa man banta. Kata Dibata si jadi palas i bas kita nehken persembahen pengataken bujurta, niNa : “Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur”(Roma 12:1) Tupung sisehken persembahenta, ras kita rende ibas : ..... Pertoton Persembahen ras Pertoton Syafaat. 11. Perpadanen Man Dibata Perp. Tedis L Enda me undang-undang Tuhan : “Kelengilah Tuhan Dibatandu asa ukurndu, asa tendindu dingen asa gegehndu lit. Si peduaken bali ras si ndai e me, 'Kelengilah temanndu manusia bagi kam ngkelengi dirindu.” P Erpadan aku O Tuhan, kukelengi me Kam, lebihen asangken kai pe bas doni enda. Kukelengi me Kam, arah engkelengi temanku manusia. L Sipeteguhi perpadanenta man Dibata alu ngendeken : ..... 12. Pertoton Tuhan

13. Pengutusen Ras Pasu-pasu Dibata

Liturgi GBKP 52 Minggu

20

L

P

Bengketilah ku bas kegeluhenta (ndu), saksikenlah man kerina jelma maka kita (kam) anak-anak Dibata, janah alokenlah pasu-pasu idur Dibata nari: “KekelengenNa (KekelengenKu) la ersibar ngarak-ngarak geluhta (ndu). IkawaliNa kita ( kam), ipegegehiNa ras ipasu-pasuNa me kita (kam) guna ndalanken si ngena ateNa. IA sinjamini ras nikapken keperlunta (ndu). La kita (kam) kekurangen janah IA tetap ras kita (kam) seh ku kedungen jaman”. Amin. Amin..... Amin..... Amin..... (Iendeken)

Liturgi GBKP 52 Minggu

21

LITURGI MINGGU SEXAGESIMA A.PERSIKAPEN

Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik .....

B.KEBAKTIN

1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Minggu enda igelari Sexagesima, e me wari peenempuluhken sope Paskah. Minggu enda mabai kita guna ngidah uga Tuhan Jesus tuhu-tuhu ersikap mengketi wari-wari kiniseran seh ku bas kayu persilang guna nggenepi surasura Dibata si erkuasa i bas nelamatken manusia. Minggu enda pe, ndilo kita gelah naksiken kegeluhen Jesus si setia naksiken kuasa Dibata, amin gia IA arus mentasi kiniseran. Turang senina, mari dage si pesikap ukurta ngadap man Dibatanta si setia.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si mada kuasa, i bas gelar Jesus Kristus si mereken DiriNa engkelini doni enda, ras i bas gelar Kesah si Badia si mpegegehi kita (kam) i bas ndalanken sura-sura Dibata. Perkuah ate ras dame i bas Dibata Bapa, AnakNa Jesus Kristus nari, ras i bas kerembaken Kesah si Badia ras kita (kam) kerina gelah. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken kata Dibata enda, sipuji IA alu radu ras ngendeken : .....

Liturgi GBKP 52 Minggu

22

5. Pujin Man Dibata Perp. Kundul L Jesus reh ku doni enda, nggit IA ngenanami kiniseran gelah manusia terkelin. IA setia i bas keleng ateNa, seh maka la IA surut amin gia ngalaken kematen. Jesus kap pengarapen si tuhu-tuhu. P Ipuji kami Kam o Tuhan, sabap Kam setia engkelengi kami. Kam kap ulu pengarapen kami. L Jesus reh ku doni enda. IpulahiNa manusia si perdosa ibas kuasa kematen nari. Jenari ijujurkenNa kegeluhen si mbaru. P Terpujilah Kam Tuhan, nggit Kam ngalaken kematen, gelah kami ndatken kegeluhen si mbaru. L Sipuji Tuhan i bas keleng ateNa, arah ende-endenta : ..... 6. Pengakun Dosa L Turang ras senina, Jesus Kristus enggo nuduhken kesetian ras keleng ateNa man banta. Kuga nge kita ngergaken kesetian ras keleng ateNa e sedekah enda? (Paksa Teneng) L

Jesus nggit mereken diriNa ngalaken kiniseran guna keterkelinen manusia. Kuga nge ketutusenta sedekah enda engkelengi temanta manusia? (Paksa Teneng)

L

Marilah siakuken dosanta, dingen sipindo pengalemi dosa idur Dibata nari alu ngendeken : .....

7. Berita Pengalemi Dosa Perp. Tedis L Meriah kal ukur Dibata adi anakNa meteh salah ras lepakna janah nggit jera i bas dosa-dosana nari, nina Dibata man banta kerina : “Kam enggo erkubang-kubang ibahan dosa, tapi Kuperidi kam maka bersih bagi salju. Aminna gia erkiteken dosandu kam enggo mbiring bagi tengguang, mulihi kam jadi mbentar bagi kapas.” (Jesaya 1:18). Malem kal ateta erkiteken dosanta enggo Ialemi Dibata, emaka sipuji IA alu ras rende ibas : ..... 8. Kata Dibata Perp. kundul a. Ngoge Kata Dibata Bagin Si PEMENA L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

Liturgi GBKP 52 Minggu

23

10.Persembahen Perp. Kundul L Turang ras senina, seh me paksana man banta guna ngendesken persembahen pengataken bujurta man Dibata. Kata Dibata si jadi palas i bas kita ngendesken persembahen pengataken bujurta man Dibata, niNa : “Kalak si empersembahken pengataken bujur, IA nge kap si empehaga kap Aku, janah man kalak si perdalinna la erpandangen, kucidahken kesangapen ni Dibata” (Masmur 50:23). I bas kita ngendesken persembahen, mari ras kita rende ibas : ..... Pertoton Persembahen ras Pertoton Syafaat 11.Perpadanen Man Dibata Perp. Tedis L Kegeluhen Jesus e me tanda keleng ate Dibata kempak manusia. Megenggeng IA ndalani percuban, gelah Dibata ermulia. P Erpadan kami Tuhan, kami jadi saksiNdu gia melala kiniseran, gelah doni enda tek dingen muji gelarNdu. L Jesus reh ku doni enda labo guna diriNa. IA setia gia ngenanami kiniseran guna keselamaten manusia. P Erpadan kami nggeluh bagi Jesus, lanai kami nggeluh guna diri kami saja, tapi kami nggeluh guna kiniulin kalak si deban. L Jesus meteh kiniseran si arus ibentasiNa erkitekiteken dosa manusia. Tapi la IA surut i bas ngalaken kiniseran erkiteken keleng ateNa. P O Tuhan, la ipindo kami gelah la kami jumpa perbeben, tapi ipindo kami gelah ibereNdu kami gegeh, guna ngalaken perbeben. L Sipeteguhi perpadanenta man Dibata alu ras kita rende ibas : ..... 12.Pertoton Tuhan 13.Pengutusen Ras Pasu-pasu Dibata L Berkatlah, dalanilah kegeluhenta (ndu), tetaplah kita (kam) megenggeng i bas mentasi kerina kiniseran si reh man banta (ndu) janah saksikenlah kinitekenta (ndu) arah ndalanken si mehuli. Guna jadi gegehta (ndu), alokenlah pasu-pasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam), janah malem ateta (ndu) ibahanNa. Amin. P Amin..... Amin..... Amin..... (Iendeken)

Liturgi GBKP 52 Minggu

24

LITURGI MINGGU PASSION I

(ESTOMIHI : Jadilah Man Bangku Lingling Kecion) A. PERSIKAPEN

Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik .....

B. KEBAKTIN

1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Dibata ndilo kita ku bas kebaktin enda, guna mpegegehi kinitekenta man baNa, IA ngasup nampati kita i bas ngalaken perbeben geluhta. Arah kebaktin enda iajuk kita gelah njadiken Dibata jadi ‘lingling kecion’ i bas geluhta. Anem gia melala perbeben si nderpa geluhta, la bera-bera kinitekenta ernalem man baNa.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa, si jadi sekawalta (ndu) i bas ngalaken perbeben. I bas gelar Jesus Kristus, si enggo ncidahken kekelengenNa man manusia i bas mereken diriNa guna nebusi dosa manusia si erbahanca kita (kam) erpengarapen i bas ngalaken si la bagi ukur. I bas gelar Kesah si Badia, si ibereken Dibata nemani kita (kam) i bas kerina geluhta (ndu), si erbanca kita (kam) megegeh ngalaken perbeben geluh. Mejuah-juah man banta (ndu), o kam kekelengen ni Dibata si reh ndahi Dibata janah si erpengarapen man baNa, pujilah Tuhan i bas ingan enda. Damelah sikerajangenta (ndu), kita singendeken pengataken bujurta (ndu) janah singgejapken Dibata jadi ingan cicio i bas kegeluhennta (ndu). Amin. P Amin..... Amin..... Amin..... (Iendeken)

Liturgi GBKP 52 Minggu

25

4. Berita Kerna Perbahanen Ras Sura-Sura Dibata (Invovatio) L (Ngogeken Teks Sue Ras Almanak) Mari radu ras kita muji Tuhan alu rende : ..... 5. Pujin Kerna Kempak Dibata Si Jadi Lingling Kecion Perp. Kundul L Nina pemasmur : “Dibata kap kecion dingen gegehta, lalap IA sikap nampati katawari kita i bas kesusahen. E maka la kita gentar, aminna pe doni mundu-undu, janah deleng-deleng gedap ku teruh lawit; Aminna pe lawit ergalumbang dingen rugup-ugup, dingen delengdeleng pe kumetter itendengna. (Masmur 46:2-4). P Terpujilah Kam Tuhan ibas keleng ateNdu si engkelini aku. L IA ngenca si ngkawali aku dingen engkelini aku, IA penampatku, la ndigan pe aku talu. IA kap Dibata si ngkelini dingen mereken kemulian bangku, Dibata kap gegehku dingen kecionku. (Masmur 62:7-8). P Terpujilah Kam Tuhan ibas keleng ateNdu si engkelini aku. L Bagi Tuhan megiken penderkuh bangsa Israel i bas perbudaken Mesir janah ipulahiNa ije nari, bage pe penderkuh bangsa e isalihkenNa jadi ende-enden meriah ukur. Bagi Dibata megiken pertoton Daud sanga ia iayak-ayak Saul guna ikernepken, janah Dibata nelamatkenca ras nangkuhken Daud jadi raja gancih Saul. Bagi Tuhan megiken pertoton Hanna, diberu si la mupus, janah arah pertotonna e Dibata mereken Samuel, Imam si Mbelin tubuh arah bertinna. Bage me Dibata ngangkai kuga perbeben geluhta janah Dibata mereken dalan. P Terpujilah Kam Tuhan ibas keleng ateNdu si engkelini aku. L Mari sipuji Tuhan ibas keleng ateNa, alu rende : ..... 6. Pengakun Dosa Man Dibata L Tuhu melala kebiaren i bas ndalani kegeluhen enda. Kebiaren e megati mabai kita ndabuh ku bas perukuren si ndauh i bas Dibata nari. Tempa-tempa perbebenta e gegehen asangken gegeh Dibata, bagi Daud si aru atena sanga i ayak-ayak Raja Saul. Bagi kalak Israel si eraru ate sanga i ayak-ayak tentera Paro i laut Teberau si erbahanca kalak Israel jungut-jungut man Dibata, lupa ia kerna rencana Dibata, tempa-tempa Dibata la banci mulahi bangsaNa. Megati pe manusia nadingken Dibata jenari erpenalem nandangi kuasa-kuasa doni enda. Talu kita i bas perbeben geluh seh maka lupa kita padan Dibata man banta. P Ngaku aku O Tuhan, kerna kinilangasupen ras kelepakenku. Perbeben geluh si arusna mpebayak kinitekenku, megati enggo naluken aku. Megati kutundalken Kam erkiteken ndarami ingan cio si deban. O Tuhan, alemi min aku. L Sipebagesi pengakun dosanta alu rende : ..... P Tuhan sampati aku i bas erpenalemen man baNdu. Alemilah salah lepakku. L Mari tole siakuken dosanta arah ende-endenta : .....

Liturgi GBKP 52 Minggu

26

P

L

O Bapa, megati bera-bera ukur kami maka Kam selaku Bapa kami si megiken perbeben geluh kami. Rusur kami kiam ndarami ingan cicio si lit i bas doni enda. Iasamken kami me teman-teman kami, kade-kade, erta, kepentaren doni enda jadi penampat i bas geluh kami. Ngaku kami O Tuhan dingen alemilah salah ras dosa kami. Rende : ..... Marilah kita sekalak-sekalak ertoto i bas pusuhta guna kerina kesalahen-kesalahennta i lebe-lebe Dibata. (Paksa Teneng)

7. Pengalemi Dosa Perp. Tedis L Nina Dibata : “La ateKu kam mate i bas dosa, tedeh ateKu kam ngakuken dosa-dosandu, sabab Aku me Tuhan Dibatandu si setia janah erkeleng ate man kalak si ngakuken dosana. Aku me Dibata si megiken pingko-pingkondu, si ngidah perbebenndu, si mperdiateken kearun atendu, si mulahi kam i bas kiniseranndu nari, bagi Aku mulahi bangsaKu i bas perbudaken Mesir nari, bage me pe kami Ku pulahi i bas perbudaken dosa nari. Kusasapken salah ras dosandu. Emaka nggeluh lah alu setia iadep-adepenKu, ula mbiar sabab Aku si milih kam, la kam Kutadingken. Ingetlah padanKu man bandu jadi gegehndu”. Meriah ukurta dosanta enggo ialemi Dibata, e maka mari radu ras kita rende : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10. Persembahen Perp. Kundul L Kata Dibata si jadi palas i bas kita ngataken bujur e me : “Kelengilah Tuhan Dibatandu asa ukurndu, asa tendindu, asa gegehndu lit.”(Ulangen 6:5) Tupung siendesken persembahenta, mari ras kita rende ibas : ..... Pertoton Persembahen ras Pertoton Syafaat 11. Perpadanen Man Dibata Perp. Tedis L Kita enggo ipilih Dibata jadi anakNa janah enggo isikapkeNa pe man banta si mehuli si jadi sikerajangenta, gelah kita ngasup ngalaken perbeben geluh, janah tetap erpengarapen man Dibata.

Liturgi GBKP 52 Minggu

27

P L P

L

Ateku tetap ras Kam Tuhan, tetap nggeluh i bas rencanaNdu si enggo isikapkenNdu man bangku, aminna pe melala perbebenku, erpadan aku tetap erpengendes man bandu Tuhan. Tuhan enggo mereken jaminen man banta maka IA me ingan cicionta si megiken pingko-pingkonta, uga dage ninta ? Tetap aku tek ras alu nteguh kucikep padanNdu man bangku Tuhan. Erpadan aku nginget perkuah ateNdu i bas aku menaken dahinku teptep wari. Man baNdu saja kuendesken perbebenKu, janah kuberitaken gelarNdu si tetap setia ras si erkeleng ate man bangku arah perbahanenku teptep wari. Sipeteguhi perpadanenta alu ras kita rende : .....

12.Pertoton Tuhan 13.Pengutusen Ras Pasu-pasu Dibata L Laweslah, ersaksilah kita (kam) kerna Dibata i bas kerina dampar kegeluhenta (ndu), dingen alokenlah pasu-pasuNa : “IA me Dibatanta (ndu) si enggo milih kita (kam) jadi persuruhenNa. Ula mbiar, ipasu-pasuNa kita (kam), ikawaliNa kita (kam) janah ipegegehiNa kita (kam) guna ndahiken si ngena ateNa. IA tetap ras kita (kam) seh ku kedungen jaman”. Amin. P Amin..... Amin..... Amin..... (Iendeken)

Liturgi GBKP 52 Minggu

28

LITURGI MINGGU PASION II

(INVOKAVIT : Erlebuh IA Ku Aku) A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN

1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina, i bas kegeluhenta melala perbeben si jadi, si erbahanca lanai sieteh ku ja situriken kerna kepiceten ukurta. I bas Minggu Invokavit enda iajuk kita guna ngelebuh Dibata i bas kepiceten ukurta, perbeben geluhta. Mari dage siendesken man Tuhan kerina kearun ateta, sabab IA si ngaturken kegeluhenta ras IA kap si nampati kita.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa si megiken anak-anakNa erlebuh bas kepiceten ukur, i bas gelar Jesus Kristus si jadi dalanta (ndu) guna ngelebuh man Bapa ras i bas gelar Kesah si Badia si mabai kita (kam) guna setia ngelebuh kempak Tuhan Dibata. Perkuah ate ras dame i bas Dibata Bapa, ras i bas Tuhan Jesus Kristus nari, i bas kerembaken Kesah si Badia ras kita (kam) kerina gelah. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu radu ras ngendeken : .....

Liturgi GBKP 52 Minggu

29

5. Pengakun Kerna Kekoten Manusia Perp. Kundul L Dibata ulu penampat, IA me Bapa si la pernah nundalken anak-anakNa si erlebuh man baNa. P Tuhan, ngaku kami i bas kelemahen kami, megati lupa dingen nundalken Kam. O Tuhan, ula kal kami itadingkenNdu kami i bas kelepaken kami. Dengkehkenlah sorang kami erlebuh man baNdu. L I bas paksa teneng, marilah sisehken pingko-pingkonta man Dibata. (Paksa Teneng) L

Mari tole sisehken pemindonta arah ende-endenta : .....

6. Padan Dibata Kerna Pergegeh i Bas Dibata Nari Perp. Tedis L Turang dingen senina, kenca kita (kam) ngakuken dosanta (ndu), maka nina Dibata man banta (bandu) : “Tetapkenlah ukurta (ndu) janah teklah. Tuhan Dibata kap singarakngarak kita (kam), la kita (kam) juru ibahanNa. Emaka ola bene ukurta (ndu), ola mbiar sabab la kam itadingkenNa”. (Ulangen 31: 6,8). Mari sipuji Tuhan si enggo mpegegehi kita, alu ngendeken : ..... 7. Kata Dibata Perp. Kundul (perp. kundul) a. Ngoge Kata Dibata Bagin Si PEMENA L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Genduari seh paksana kita ngendesken persembahen pengataken bujurta man Tuhan. Kata Dibata si jadi palas i bas kita ngendesken persembahen pengataken bujurta : “Ermengkahlah atendu asa si lit i bas kam. Sabap nina Dibata, "Asa ndigan pe la kam Kutadingken, asa ndigan pe la kam Kupulahi" (Heber 13: 5b). Tupung siendesken persembahenta, ras kita rende ibas : ..... Pertoton Persembahen ras Pertoton Syafaat

Liturgi GBKP 52 Minggu

30

10. Perpadanen Man Dibata Perp. Tedis L Tuhan enggo nehken padanNa guna nemani ras ndengkehken pertoton anak-anakNa. P O Tuhan, ateku tetap erpengendes man baNdu. Ateku tetap naksiken kinitekenku, sabab Kam kap pengarapenku. L Mari sipeteguhi perpadanenta alu ngendeken : ..... 11. Pertoton Tuhan 12. Pengutusen Ras Pasu-pasu Dibata. L Turang dingen senina, berkatlah kita (kam) jadilah saksi si ncidahken maka enggo ibegiken Tuhan soranta (ndu) erlebuhlah man baNa : “IA si ngasup ngkawali kita (kam) gelah ola celus, emaka ola kita (kam) mbiar. IA si ngasup maba kita (kam) ngadap ku adep-adepen Dibata si mulia. IA ngenca Dibata si ngkelini kita (kam) arah Jesus Kristus Tuhanta, siakuilah kemulianNa, kuasaNa genduari nari seh rasa lalap”. Amin. (Judas 1: 24-25). P Amin..... Amin..... Amin..... (Iendeken)

Liturgi GBKP 52 Minggu

31

LITURGI MINGGU PASSION III

(REMINISCERE : Ingetlah Min Perkuah AteNdu O Jahwe) A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Minggu enda igelari Minggu Reminiscere si ertina minggu kita nginget perkuah ate Dibata. Kita ibabai guna nandai kebujuren ras perkuah ate Dibata i bas kekotennta si tentuna erbahan tetap ukur guna ernalem man Dibata i tengahtengah perbeben geluhta. Turang ras senina, mari dage tedis kita kerina guna nikapken dirinta jumpa ras Dibatanta i bas kebaktin enda.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si ngerajai kegeluhen tinepaNa, i bas gelar AnakNa Jesus Kristus si tetap nampati kerina manusia i bas kerina kegeluhenna, ras i bas Gelar Kesah si Badia si mpegegehi manusia ernalem man baNa. Perkuah ate ras dame i bas Dibata Bapa, i bas Tuhan Jesus Kristus nari ras i bas kerembaken ras Kesah si Badia, ras kita (kam) kerina gelah. Amin. P Amin.....Amin.....Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken kata Dibata enda, sipuji IA alu radu ras ngendeken : .....

Liturgi GBKP 52 Minggu

32

5. Pujin Kerna Dibata Si Perkuah Dingen Bujur Perp. Kundul L Enggo icidahken Tuhan perkuah ateNa si la erkeri-kerin, gelgel nari seh ersundut-sundut. P Idah kami perkuah ateNdu Tuhan, si enggo gelgel nari icidahkenNdu. Kam kap Dibata si la pernah mobah seh rasa lalap. L Tuhan perkeleng dingen perkuah kap, la pedas IA merawa, janah dem keleng ate si tetap. P Bujur kap kerina perbahanenNNdu Tuhan, kerina perbahanenNdu e dem alu perkuah ate. L Mari sipuji Tuhan i bas perkuah ateNa, alu rende kita ibas : ..... 6. Pertoton Pengakun i Bas Kurang Nggejapken Perkuah Ate Dibata L Marilah siakuken salah lepakta man Dibata, nintalah i bas pertotonta : O Tuhan, megati kal kami lupa nandangi kebujuren ras perkuah atendu. Megati idarami kami penampat i bas doni enda nari. E me si erbahanca ate kami erndele ate tupung reh perbeben ku bas kegeluhen kami. Alemilah kami erkiteken kebujuren ras perkuah ateNdu O Tuhan. Mari sipindo perkuah ate Dibata arah ende-endenta : ..... 7. Padan Dibata Mereken Kemalemen Ate Perp. Tedis L Nina Tuhan man banta (bandu) kerina : Marilah kam si latih dingen beraten, maka Kubereken pengadingadinndu. Tamakenlah pasangenKu ku kudukndu janah erlajarlah i bas Aku. Sabab pasangen si Kubereken man bandu entabeh mabasa, dingen baban si Kutamaken ku babondu menahang kap” (Matius 11 : 28-30). Sipuji Tuhan erkiteken Padan si enggo iberekenNa man banta (ndu) alu ngendeken : ..... 8. Kata Dibata Perp. Kundul a. Ngoge Kata Dibata Bagin Si PEMENA L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L Kata Dibata si jadi palas i bas kita nehken persembahen, niNa :

Liturgi GBKP 52 Minggu

33

“O senina-seninangku, nginget perkuah ate Dibata si mbelin si isehkenNa man banta, kupindo man bandu: Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur.” (Roma 12:1) Tupung siendesken persembahenta ras kita rende ibas : ..... Pertoton Persembahen ras Pertoton Syafaat 11.Perpadanen Man Dibata Perp. Tedis L Dibata kap kebujuren si tetap, IA tetap setia i bas Padan si enggo ibelaskenNa. P Kucikep padanNdu Tuhan, i bas kerina kecibal geluhku. L Dibata labo nadingken kita (kam) i bas perbebenta (ndu), tapi tetap nampati kam alu kebujuren ras Perkuah ateNa si tetap. Tetaplah ernalemlah man baNa. P Ateku tetap ernalem man baNdu saja segedang-gedang geluhku. L Guna mpeteguhi perpadanenta man Dibata rende kita ibas : ..... 12.Pertoton Tuhan 13.Pengutusen Ras Pasu-pasu Dibata L Turang ras senina, berkatlah dingen tetaplah inget kebujuren ras perkuah ate Dibata si mbelin, alokenlah pasu-pasu idur Tuhan nari : “Dibata si mada perkuah ate, si enggo nenahken kita (kam) ku KemulianNa si rasa lalap i bas Kristus, njadiken kita (kam) serta, tetap megegeh dingen paguh. IA nge si mada kuasa seh rasa lalap. Amin.” P Amin..... Amin..... Amin..... (Iendeken)

LITURGI MINGGU PASSION IV (OKULI : Matangku Tetap Nare Ku Jahwe) Liturgi GBKP 52 Minggu

34

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina, i tengah-tengah kegeluhenta megati kita ngalaken perbeben si erbanca kita kote. Gegehta jine la ngasup mulahi kita i bas perbeben si ihadapi kita. Megati perbeben e mpeturah kebiaren i bas geluhta. Kai nge ndia si banci erbahansa kita pulah i bas perbeben e nari? Kuja nge kita erpengendes ras ija nge penampatta? I bas paksa enda Dibata ndilo kita bengket ku bas kebaktin enda gelah matanta nare kempak Dibata si jadi penamapatta, gelah kita ngasup ngalaken ras pulah ibas perbeben nari.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa si mperdiateken kegeluhen manusia, i bas gelar AnakNa Jesus Kristus si mereken kegeluhen si mbaru, ras i bas gelar Kesah si Badia si mereken pengapul ras mpegegehi kita guna tetap ernalem baNa. Perkuah ate ras dame i bas Dibata Bapa ras i bas Tuhan Jesus Kristus nari, i bas kerembaken Kesah si Badia, ras kita (kam) kerina gelah. Amin. P Amin.....Amin.....Amin..... (Iendeken)

4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu radu ras ngendeken : .....

Liturgi GBKP 52 Minggu

35

5. Puji-Pujin Kerna Perbahanen Dibata Perp. Kundul L Pujin man Tuhan i bas kerina perbahanen ras keleng ateNa si tetap. P Kam si mperdiateken geluh kami, si mereken kai si iperluken kami i bas paksana. L Kam me ulu pengarapen kami O Tuhan. P Si mulahi kami i bas perbeben geluh kami ras si naluken imbangimbang si ilat perukurenna. L+P Terpujilah Kam O Tuhan si tetap setia erdahin njagai dingen engkawali kegeluhen kami. L Mari sipuji Tuhan i bas kerina perbahanenNa, alu ngendeken : ..... 6. Kinata Kegeluhen Manusia L Turang ras senina sigejap maka kita nggeluh i tengah-tengah doni si dem alu perbeben. Perbeben ras tantangen reh jadi rudang i tengah kegeluhenta. Lit ka si ngasup ertahan i bas perbeben ras percuban si reh nderpa ia, tapi mbue ka si guling janah lanai ngasup keke perbahan beratna percuban e. Lit ka deba bene pengarapen geluhna sabab lanai ngasup ngidah si mehuli i bas doni enda. Manusia ndarami ingan cicio arah perbebenna, ndarami dalan pulah ras terkelin. Mari kita bengket ku bas paksa teneng guna tole ngukuri kinilangasupenta ndalanken Pedah Dibata. (Paksa Teneng) 7. Pengarapen Man Dibata L Turang ras senina, i bas paksa enda Dibata lit itengah-tengahta guna megiken isi pusuhta, emaka marilah situriken man Dibata kai si jadi perbeben geluhta. P O Tuhan, kelengilah aku, pulahilah aku i bas kesusahen ras perbeben geluhku. Kelengilah aku o Tuhan, pulahilah min aku. L Turikenlah man Dibata kai si jadi kebiarenndu. P O Tuhan, berelah gegehNdu man bangku, sampati min aku pulah i bas si jahat nari si atena ngerimrim aku. L Turikenlah man Dibata kai si jadi kebiarenndu. P O Tuhan, megati aku lalar erkiteken buena perbeben geluhku, ku darami penampat si deban si la ibas Kam nari. Ndabuh aku ku bas dosa erkiteken la aku setia man banNdu. O Tuhan, alemi min aku. Pulahi min aku ibas kuasa dosa nari. L I bas kita erpengarapen man Dibata ras kita rende ibas : ..... 8. Berita Perdamen Perp. Tedis L Nina Tuhan man banta (bandu) kerina (kita) kam si enggo nuriken perbebenta (ndu) man baNa :

Liturgi GBKP 52 Minggu

36

“Enggo Kubegi kerina isi pusuhndu. Aku me Tuhan Dibata si erkeleng ate man bandu, Kupulahi kam i bas kesusahenndu janah Kualemi salah ras dosandu : Marilah kam si latih dingen beraten, maka Kubereken pengadin-ngadinndu. Aku si nemani ras si masu-masu kam, Kulupaken kesalahenndu janah la Kutaktaki dosandu, nggeluhlah kam alu erkemalangen man bangKu”. Meriah ukurta i bas perdamen si ibaba Tuhan, rende kita ibas : ..... 9. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 10.Pengakun Kiniteken

Perp. Tedis

11.Persembahen Perp. Kundul L Kata Dibata si jadi palas man banta i bas kita ngendesken persembahen pengataken bujurta man Dibata i buat i bas Masmur 23:1-3 : “Tuhan kap permakanku, emaka la kekurangen aku. I bas mbal-mbal si meratah ipesenang-senangNa aku. Kempak lau si teneng permalerna, itegu-teguNa aku. IbabaiNa aku arah dalan si pinter erkiteken gelarNa.” Tupung siendesken persembahenta, ras kita rende ibas : ..... Pertoton Persembahen ras Pertoton Syafaat 12.Perpadanen Man Dibata (Perp. Tedis) L Dibata erpadan man banta (ndu) guna ngkawali ras mpengasup kita (kam) i bas kerina dampar kegeluhenta (ndu), uga dage ninta (ndu)? P Aku erpadan tetap ernalem man Tuhan i bas kerina dampar geluhku. L Kai dage tandana kita (kam) ernalem man Dibata? P Ateku makeken geluhku guna ersaksi i tengah-tengah doni enda, kudalanken kai si ngena ate Tuhan. L Mari sipegegehi perpadanenta man Tuhan alu ngendeken : .....

13.Pertoton Tuhan 14.Pengutusen Ras Pasu-pasu Dibata

Liturgi GBKP 52 Minggu

37

L

P

Laweslah! Cidahkenlah kinitekenta (ndu), dalankenlah kebujuren Dibata, ola kita (kam) mbiar, Dibata kap si nemani ras si nikapken kerina keperlunta (ndu), alokenlah pasu-pasu idur Dibata nari : ”I pasu-pasu janah i kawali Dibata kita (kam), siang ayo Dibata ersinalsal i babonta (ndu) janah melias ateNa ngenehen kita (kam), i tatap Dibata ku kita (kam) janah malem ateta (ndu) ibahanNa”. Amin. Amin..... Amin..... Amin..... (Iendeken)

MINGGU PASSION V (LETARE : Teridahlah) Liturgi GBKP 52 Minggu

38

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN

1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Minggu enda igelari Minggu Letare e me Minggu Passion si pelimaken, si ertina “Teridahlah.” Ija i bas Minggu enda kita kerina ibabai guna nginget ras ngidah uga Tuhan Jesus Kristus enggo ngenanami kiniseraan i bas IA erbahan si mehuli, i bas IA ngelawan si jahat, i bas IA mbela kegeluhen manusia, i bas IA mabai ras ngajari manusia ku bas geluh si mehuli. Emaka selaku kita kalak si ngikutken IA, kita pe genduari idilo guna ras IA ngenanami kiniseraan i bas kita ndalanken si mehuli. Jesus kap terang doni enda, emaka kita selaku anak-anak terang iajuk guna ncidahken sinalsal terang e i bas kerina dampar kegeluhenta gelah arah si e terpuji gelar Dibata Bapanta i Surga. (Paksa Teneng) Marilah kita ersikap guna ndahi Tuhan, alu ngejapken uga belinna kekelengenNa nandangi kegeluhenta si dem alu kekurangen, gelah kita ngasup ngataken bujur i bas kai pe si ibereken Tuhan man banta.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam

Liturgi GBKP 52 Minggu

39

L

P

I bas gelar Dibata Bapa si mereken AnakNa si Tonggal man banta (ndu), i bas gelar AnakNa Jesus Kristus si mate i kayu persilang guna nebusi dosa-dosanta (ndu), ras i bas gelar Kesah si Badia si mereken gegeh ras terang man banta (ndu). Lias ate Tuhan Jesus Kristus, kekelengen Dibata Bapa ras kerembaken Kesah si Badia, ras kita (kam) kerina gelah. Amin. Amin.....Amin.....Amin..... (Iendeken)

4. Berita Kerna Perbahanen Ras Sura-sura Dibata (Invocatio) L (Ngogeken Teks Sue ras Almanak) Mari radu ras kita muji Tuhan alu ngendeken : ..... 5. Pengakun Kerna Kekoten I bas Kegeluhen Perp. Kundul L O Tuhan nehenlah kami anak-anakNdu si kote dingen dem salu kekurangen ras kelepaken. Situhuna la kami metunggung i lebelebeNdu, sabap Kam kap Bapa si dem alu kebadian, kekelengen ras kuasa, emaka tuhu-tuhu ngaku kami Tuhan, kalak perdosa kap kami. L + P Rende : ..... : ..... L O Tuhan i bas kegeluhen enda rusur kami la nginget uga belinna perkuah ateNdu si nggit ngenanami kiniseran guna gancih kami. Uga belinna kekelengenNdu si nampati i bas perbeben kami subuk i bas sakit, pendahin kami, perbeliten ras i bas kai saja pe si jadi i bas kegeluhen kami. Megati kami nalahken Kam i bas kai si terjadi, Tuhan sasapkenlah dosa kami. L + P Rende : ..... L Megati kami la ngukuri ise kami i lebe-lebeNdu, megati pengakap kami belinen kami asangken Kam. Arah kata, ras lagu langkah icurnaken kami gelarNdu. Arah mata si arusna ipake kami guna ngenehen kemulian ras kekelengenNdu megati ipake kami guna ngenen si la mehuli i bas kegeluhen kami. Alu babah si arusna ipake kami guna muji ras mpermuliaken gelarNdu, megati ipake kami guna ngeranaken si la mehuli, cakap sumpah si nakiti pusuh teman kami, terlebih-lebih kam o Tuhan. Arah tan si arusna ipake kami guna nampati kalak i sekelewet kami ras ndahiken si ngena ateNdu, gatin ipake kami guna njemak ras ngelakoken si la ngena ateNdu, nulak dahin-dahinNdu. Arah nahe si arusna ipake kami guna erdalan i bas kebujurenNdu, gatin ipake kami guna nilah i bas kebenaren ras mabai kami ku dalan si la mehuli si dem alu kinilabujuren. O Tuhan tuhu-tuhu ngaku kami maka geluh kami megati enggo ndauh ibas Kam nari. Mari sipindo gegeh idur Dibata nari arah ende-endenta : .....

6. Padan Dibata Man Kalak Si Ngakuken Dosana

Liturgi GBKP 52 Minggu

40

L

Selaku persuruhen Dibata, aku nehken kataNa man banta (ndu) kerina, niNa : “Bahan maka pusuhndu si getem ncidahken atendu ceda. Adi uisndu saja nge icaingkenndu la kap bias. Jeralah kempak Tuhan Dibatandu. IA melias dingen dem perkuah ate. IA persaber janah tetap icikepNa padanNa. Tetap IA nggit ngalemi dosandu la kam iukumNa” (Joel 2:13). Malem kal ateta erkiteken dosanta enggo ialemi Dibata, emaka sipuji IA alu ras kita ngendeken : .....

7. Pendilo Guna Ikut i Bas Kiniseran Tuhan Jesus Perp. Tedis L Ngaloi Jesus niNa, "Kukataken pe man bandu, maka ise pe si nadingken rumahna, seninana ntah turangna, nandena ntah bapana, anak-anakna ntah jumana erkite-kiteken Aku dingen erkite-kiteken Berita si Meriah, genduari e pe ialokenna buen asa si ndai. Ialokenna seratus kali lipat : rumah, senina, turang, nande, bapa, anak ras juma, aminna gia mesera akapna erkiteken iayak-ayak kalak janah ialokenna pe pagi kegeluhen si tuhu-tuhu si la erkeri-kerin” (Markus 10 :29-30). Guna pergegehta ikut i bas kiniseran Tuhan Jesus, rende kita ibas : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahan Perp. Kundul L Kata Dibata si jadi palas man banta i bas nehken persembahen niNa : “Geluhndu arus erpalasken keleng ate, bagi Kristus enggo engkelengi kita, dingen ngendesken kesahNa man gunanta. IA enggo mpersembahken diriNa jadi persembahen si merim si ngena ate Dibata.” (Epesus 5 :2) Tupung siendesken persembahenta mari ras kita rende ibas : ..... Pertoton Persembahen ras Pertoton Syafaat

11.Perpadanen Man Dibata

Perp. Tedis

Liturgi GBKP 52 Minggu

41

L P L P L

Nina Jesus : “Aku kap terang doni, ise singikutken Aku, ialokenna me terang si mereken kegeluhen, Janah lanai IA erdalin i bas gelap.” Emaka ersinalsallah min terangta (ndu) selaku kalak si tek man Jesus. Tuhan tetap ate kami ncidahken terangNdu e i bas kerina dampar kegeluhen kami ras jadi kesaksin si nggeluh guna sekelewet kami. Ise si ngikutken Tuhan Jesus arus kap mersan kayu persilang i bas ndalani wari-wari si ibereken Dibata. Tuhan, la kami mbiar ras jungut-jungut i bas mersan persilang e. Tapi tetap ukur kami i bas meritaken kiniulin ras kebujurenNdu. I bas mpeteguhi perpadanenta man Dibata, ras kita rende ibas : .....

12. Pertoton Tuhan 13.Pengutusen Ras Pasu-pasu Dibata L O turang ras senina, tetaplah ukurta (ndu), ola mbewat-mbewat. Mejingkatlah kita (kam) rusur i bas ndahiken dahin Tuhan, sabab sieteh labo sea-sea dahin si idahinkenta (ndu) i bas Tuhan. E maka bengketilah kegeluhenta (ndu) alu mejuah-mejuah ras alokenlah pasu-pasu idur Dibata nari : ”Tapi kenca kita (kam) ngenanami kiniseran kentisik, serta me kita (kam) ibahan Dibata, si dem lias ate, si ndilo kita (kam) gelah ngenanami kemulianNa rasa lalap erkiteken persadanta (ndu) ras Kristus, ipetetapNa dingen ipegegehiNa kita (kam) janah iberekenNa man banta (ndu) palas si nteguh. Dibata kap erkuasa seh rasa lalap”. Amin. P Amin.....Amin..... Amin..... (Iendeken)

Liturgi GBKP 52 Minggu

42

LITURGI MINGGU PASSION VI (JUDIKA : Cidahkenlah Kerajangku Bujur O Jahwe) A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina, minggu enda kita bengket ku bas minggu Passion peenemken, e me minggu Judika, si mabai kita ngangka kerna keadilen Dibata. I bas kinata kegeluhenta, megati kel si idah terjadi kinilaadilen. I bas si e, megati lanai sieteh ku ja ingan ngadu guna ndarami serpang pulah. Meremang kal sukat-sukat keadilen ras kebujuren i bas doni enda. Janah banci jadi, kita pe mekatep ikut ndalanken kinilaadilen i bas kegeluhenta, subuk i bas jabu, gereja ras masyarakat. Tuhu labo ngasup manusia mereken si la lit ibas ia. Labo kita ngasup ndalan keadilen adi la kita nggeluh i bas keadilen Dibata. Emaka arah Minggu Judika enda, ibabai kita nggejap ras nggeluh i bas keadilen Dibata, seh maka kita pe ngasup nggeluh i bas ndalanken kebenaren ras keadilen Dibata.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa si adil ras bujur, AnakNa Jesus Kristus si ncidahken geluh adil ras bujur, ras i bas gelar Kesah si Badia si ngajari pusuhta gelah adil ras bujur. Perkuah ate ras dame i bas Dibata Bapa ras i bas Tuhan Jesus Kristus nari, i bas kerembaken Kesah si Badia, ras kita (kam) kerina gelah. Amin P Amin.....Amin.....Amin..... (Iendeken)

Liturgi GBKP 52 Minggu

43

4. Berita Kerna Perbahanen Ras Sura-sura Dibata (Invocatio) L (Ngogeken teks sue ras Almanak) Mari radu ras kita muji Tuhan alu rende arah : ..... 5. Pujin Kerna Perbahanen Dibata Perp. Kundul L Keadilen Dibata e me keadilen si maba kejuah-juahen. Si e teridah ibas biak Dibatanta si nepa manusia ras tinepa si deban nggeluh mulia bagi IA. Keadilen Dibata me erbahanca kita medolat. Keadilen Dibata me si erbahanca kerina tinepa terjaga alu mehuli. Si mbelin mehaga jadi erguna, si kitik pe la juru tapi ibahanNa meherga. P Ikataken kami bujur Tuhan, ibas keadilenNdu si erbahan kami mehaga, dingan kerina tinepa pe erguna. L Sipuji Tuhan erkiteken perbahanenNa, alu ras kita rende ibas : ..... 6. Pengakun Kinikoten Ndalanken Kinibujuren L Turang senina, megati latih siakap, gulut ukurta, erkiteken melala si idah ras si gejap kinilaadilen ras kinilabujuren i sekelewetta, bage pe i bas geluhta jine. Lanai sieteh serpang pulah ingan ngendesken gulut ukurta. Meremang kal pengangkanta ras megati kal doni enda si pake nentuken sukat-sukat keadilen ras kebujuren i bas doni enda. P O Tuhan, kugejap kurang kal gegehku guna ndalanken kinibujuren i bas geluhku. Subuk i bas jabu, pendahin ras kegeluhen si teptep wari. Sampati kal min aku o Tuhan, i bas kinilangasupenku ngangkai ras ndalanken keadilen ras kinibujurenNdu i bas geluhku. L + P Rende : ..... L Turang senina, labo kita ngasup mereken si la lit i bas kita. Labo kita ngasup ndalan keadilen adi la siangka, adi la kita nggeluh i bas keadilen ras kinibujuren Dibata. Perlu pe sisadari maka kebiaren, aru ate, perjengilen e me ulih kalak si nggeluh i bas kinilaadilen ras kinilabujuren. P Ngaku aku O Tuhan, maka megati aku la adil ras bujur, si erbahan jabu ras temanku erate mesui. Ulihna, la lit kedamen ras ketenengen i bas pusuhku. Alemi min aku O Tuhan. L + P Rende : ..... 7. Pergegeh Idur Dibata Nari Perp. Tedis L Selaku persuruhen Dibata aku nehken kataNa man banta (bandu) kerina kita (kam) si ertedeh ate ndalanken keadilen ras kinibujuren Dibata. Nina Tuhan : ”Kalak si ngkelengi Aku, Kukelini kap, dingen kalak singakui Aku kap Tuhan, Kukawali kap ia. Adi erlebuh ia man bangKu, Kualoi me ia. Tupung ia i bas kiniseran, Aku kap ras ia; Aku kap simulahi ia dingen si pemuliakenca. Ku bereken umur si gedang jadi upahna, dingen Kukelini ia. (Mzm 91:14-16). Erkiteken kita enggo ipegegehi Dibata, sipuji IA alu ngendeken : ..... 8. Kata Dibata Perp. Kundul

Liturgi GBKP 52 Minggu

44

a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp.Tedis

10.Persembahen Perp.Kundul L Kata Dibata si jadi palas man banta i bas nehken persembahen man Tuhan : “O senina-seninangku, nginget perkuah ate Dibata si mbelin si isehkenNa man banta, kupindo man bandu: Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur.” (Roma 12:1) Tupung siendesken persembahenta mari radu ras kita rende ibas : ..... Pertoton Persembahen ras Pertoton Syafaat 11.Perpadanen Man Dibata Perp. Tedis L Dibata me ulu keadilen si mbela kita i bas kinilabujuren doni nari. IdiloNa pe kita gelah nggeluh i bas keadilen ras kebujurenNa. P Erpadan kami Tuhan, ernalem man keadilen ras kebujurenNdu. Kami pe erpadan ndalanken keadilen ras kebujuren i bas jabu kami, i bas gereja, masyarakat ras i bas pendahin kami. L Guna mpeteguhi perpadanenta man Dibata, rende kita ibas : ..... 12.Pertoton Tuhan 13.Pemasu-masun L Berkatlah alu dame ras mejuah-juah, lakokenlah keadilen ras kinibujuren i bas kegeluhenta (ndu). Guna mpegegehi kita (kam) ngelakoken si e, alokenlah pasu-pasu idur Dibata nari : “Dibata si perkuah ate, si simpar alu kebayaken, si enggo nenahken kita (kam) ku kemulianNa si rasa lalap i bas Kristus, njadiken kita (kam) serta, tetap, megegeh dingen paguh. IA nge simada kuasa seh rasa lalap.” Amin. P Amin..... Amin..... Amin..... (Iendeken)

LITURGI MINGGU PASSION VII Liturgi GBKP 52 Minggu

45

(PALMARUM : Lambe) A. PERSIKAPEN

Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik .....

B. KEBAKTIN

1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo). 2. Kata Penaruh Minggu enda igelari Minggu Palmarum, e me Minggu si mabai kita nginget ras nggejapken Tuhan Jesus si bengket ku Jerusalem alu ngersak kelede. Labo kuda si iersak Jesus, e tandana maka kerehenNa mbaba dame. Kalak si enterem ngalo-ngalo IA, dingen ersurak “Hosana”, si ertina Bereken Kehamaten Man baNa si reh i bas Gelar Dibata. Ate Jesus gelah sitandai IA si mbebasken manusia i bas iketen kuasa dosa nari. Mari dage sipesikap dirinta guna ngelai Tuhan si meteruk rukur, si mbaba keterkelinenta manusia.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa si mada kegeluhen tinepaNa, i bas gelar AnakNa Jesus Kristus si tetap nampati manusia i bas kerina kegeluhenna, ras i bas gelar Kesah si Badia si mpegegehi manusia guna ernalem man baNa. Perkuah ate ras dame i bas Dibata Bapa, i bas Tuhan Jesus Kristus nari ras i bas kerembaken Kesah si Badia, ras kita (kam) kerina gelah. Amin. P Amin.....Amin..... Amin..... (Iendeken)

4. Berita Kerna Perbahanen Ras Sura-sura Dibata (Invocatio)

Liturgi GBKP 52 Minggu

46

L

(Ngogeken Teks Sue Ras Almanak) Mari radu ras kita muji Tuhan alu ngendeken : .....

5. Pengakun Dosa Perp. Kundul L Dibatanta enggo reh nelamatken kita ibas kuasa dosa nari. Adi sitare ku bas pusuhta, kuga nge ketutusenta ngakuken Jesus jadi Raja ras Juru Selamatta? P Ngaku kami Tuhan, megati kal pengakun kami, lenga sendalanen ras perukuren bage pe perbahanen kami. Megati denga pe meteh si bereken doni enda, jadi raja singaturken kegeluhen kami. O Tuhan, alemi kal kami. L Ieteh Dibata kap, maka erbaleng kal gegeh ras kepentarenta guna ngaturken kegeluhenta. Emaka reh IA jadi Raja si mabai manusia ndalani kegeluhen si mehuli. P Ngaku kami o Tuhan, megati denga kami irintak sura-sura doni, guna majekken kinirajan kami. Sura-suraNdu enggo tambur ibahan surasura kami. O Tuhan, alemi kal kami. Sampatilah kami o Tuhan, gelah ngasup kami ngidah sura-suraNdu si reh ndahi kami ku doni enda. L Mari tole siakuken dosanta arah ende-endenta : ..... 6. Berita Pengalemi Dosa Perp. Tedis L Selaku persuruhen Dibata, aku nehken kataNa man banta (ndu) si ngakuken dosanta (ndu), niNa: “Kam enggo erkubang-kubang ibahan dosa, tapi Kuperidi kam maka bersih bagi salju. Aminna gia erkiteken dosandu kam enggo mbiring bagi tengguang, mulihi kam jadi mbentar bagi kapas.” Amin. (bdk. Jesaya 1:18b) Malem me ateta (ndu), sabab enggo ialemi Dibata dosanta (ndu), e maka sipuji IA arah ende-endenta : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Hosiana. P Hosiana..... Hosiana..... Hosiana ..... (Iendeken) b. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Kata Dibata si jadi palas i bas kita nehken persembahenta, niNa ibas Roma 12:1 : “O senina-seninangku, nginget per kuah ate Dibata si mbelin si isehkenNa man banta, kupindo man bandu : “Endeskenlah kulandu

Liturgi GBKP 52 Minggu

47

man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur.” (Roma 12:1-2). Tupung siendesken persembahenta, ras kita rende ibas : ..... Pertoton kerna Persembahen & syafaat 10.Perpadanen Man Dibata (Perp. Tedis) L Jesus enggo reh jadi Raja ku bas kegeluhenta. IA me raja si erkuasa, dingen ndigan pe IA la tertaluken doni enda. I bas IA me kita mejuahjuah dingen terkelin. P Ateku tetap ngerajaken Jesus i bas geluhku, gelah lanai aku talu ibas kuasa dosa. L Jesus enggo reh jadi Raja si mbebasken manusia ibas kuasa dosa nari, ibas perukuren si banci encedai. Akukenlah IA jadi Raja i bas geluhndu ras saksikenlah kiniulinNa e. P Meriah ukurku erkiteken enggo kuidah pendahin Tuhan si enggo mulahi aku ibas kuasa dosa nari. Kusaksiken me Jesus jadi raja i bas perukuren ras perbahanenku. L Mari sipeteguhi perpadanenta man Dibata alu ngendeken : ..... 11.Pertoton Tuhan 12.Pengutusen Ras Pasu-pasu Dibata L Turang ras senina kekelengen ni Tuhan, bengketilah ku bas kegeluhenta (ndu), tetaplah inget kebujuren ras perkuah ate Dibata si mbelin guna keselamatenta (ndu), lakokenlah kata Dibata si enggo sibegi (ibegindu), janah alokenlah pasu-pasu idur Tuhan nari : “Dibata si mada perkuah ate, si enggo nenahken kita (kam) ku kemulianNa si rasa lalap i bas Kristus, njadiken kita (kam) serta, tetap megegeh dingen paguh. Sabab IA nge simada kuasa seh rasa lalap si masu-masu kita (kam).” Amin. P Amin..... Amin..... Amin..... (Iendeken)

LITURGI KAMIS SI BADIA Liturgi GBKP 52 Minggu

48

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... A. KEBAKTIN 1. Kata Penaruh Mejuah-juah man banta kerina. Arah kebaktinta sekali enda, Dibata ningetken kita kerna keleng ateNa si teridah arah kiniteruken ukur ras kesetianNa ngalaken kiniseran si jadi usihen man banta kerina. I bas kebaktinnta enda, silakoken me Lakon Persadan Si Badia si mpepaguhi kinitekenta guna nggeluh i bas kiniteruken ukur ras kesetian i bas ndalanken sura-sura Dibata. Enda me biak geluh anak-anak Dibata.  

Erkata lonceng Rende :.....

Perp. Tedis (Serayan Kebaktin Bengket ku Mimbar)

2. Votum – Salam L I bas gelar Dibata Bapa si tetap engkelengi doni enda, i bas gelar Jesus Kristus si setia ngergaken kegeluhenta (ndu), ras i bas gelar Kesah si Badia si mpengasup kita (kam) nggeluh meteruk ukur dingen setia ndalani kegeluhenta (ndu). Perkuah ate ras dame i bas Dibata Bapa ras i bas Tuhan Jesus Kristus nari, i bas kerembaken  Kesah si Badia ras kita (kam) kerina gelah. Amin. P Amin..... Amin….. Amin….. (Iendeken) 3. Berita Kerna Kiniteruken Ukur ras Kesetian Dibata (Invocatio) L (Ngogeken Teks sue Almanak) Erpalasken kata Dibata enda, sipuji IA alu ras kita ngendeken : ..... 4. Kinata Kegeluhen Manusia Perp. kundul L Tuhan setia i bas ngergai kegeluhenta, igengkenNa kiniseran guna kiniulin geluhta. Adi situlihken ku bas kegeluhenta sedekah enda, kuga nge ndia kita ngergaken kesetian Dibata e? (Paksa Teneng) L P

L

Kuga nge ndia kita ngergaken kesetian Dibata e? O Tuhan, ngaku kami, maka megati kal kami la ngergai kekelengen ras kesetianNdu. Megati pe kami kurang nehken kekelengenNdu alu setia. O Tuhan, alemilah salah lepak kami, dingen pegegehilah min kami. Mari sipindo perkuah ate Dibata alu ngendeken : .....

Liturgi GBKP 52 Minggu

49

5. Padan Dibata Kerna Penemani Geluh Manusia Perp. Tedis L Turang dingen senina, adi siakuken salah lepakta man Dibata, isehkenNa me padanNa, ilakokenNa kai si bujur, ialemiNa janah ibersihkenNa kita ibas kerina perbahanenta si la payo, nina Tuhan : "Asa ndigan pe la kam Kutadingken, asa ndigan pe la kam Kupulahi." Amin. (Heber 13:5c) Meriah ukurta, Dibata enggo ngalemi kerina perbahanenta si la payo, emaka sipuji IA arah ende-endenta :..... 6. Renungen / Refleksi Perp. kundul Siburihen Nahe (ilakoken rikutken kemungkinen / situasi perpulungen) 7. Lakon Persadan si Badia 8. Persembahen Pengataken Perp. Kundul L Dibata enggo nehken kekelengenNa man banta arah AnakNa Jesus Kristus, emaka genduari seh me paksana kita ngendesken persembahen pengataken bujurta man baNa. Kata Dibata si jadi palas i bas kita ngendesken persembahen pengataken bujurta : “Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur” (Bdk. Roma 12:1). Iher kita ngendesken persembahen pengataken bujurta man Tuhan, ras kita rende ibas : ..... Pertoton Persembahen ras Pertoton Syafaat 9. Perpadanen Man Dibata Perp. Tedis L Tuhan enggo nehken kekelengenNa alu setia ngalaken kiniseran guna kiniulin geluhta. P Erpadan aku Tuhan, ateku tetap setia i bas nehken kekelengen amin gia melala perbeben si man alanken. L Tuhan ndilo kita anak-anakNa guna engkelengi geluhta, isi jabunta, sangkep nggeluhta bage pe sekelewetta, selaku tanda kita anak Dibata si erkiniteken. P Erpadan aku Tuhan, ateku setia i bas nehken kekelengen alu nggeluh meteruk ukur i bas jabungku ras sekelewetku. L Sipepaguhi perpadanenta man Dibata arah ende-endenta : ..... 10. Pertoton Tuhan

11. Pengutusen Ras Pasu-pasu Dibata L Turang dingen Senina, jadilah kita (kam) saksi kegeluhen si mehuli alu nehken kekelengen alu meteruk ukur dingen setia nandangi

Liturgi GBKP 52 Minggu

50

P

sekelewetta (ndu). Janah guna gegehta (ndu), alokenlah pasu-pasu idur Dibata Bapa nari : “Dibata si enggo ndilo kita (kam) ku bas kemulianNa si rasa lalap i bas Kristus, IA me njadiken kita (kam) serta, tetap, megegeh dingen paguh. IA me si mada kuasa seh rasa lalap.” Amin. Amin..... Amin..... Amin..... (Iendeken)

LITURGI LAKON PERSADAN SI BADIA SANGA KAMIS SI BADIA Liturgi GBKP 52 Minggu

51

Turang ras senina kekelengen ni Kristus, paksa enda pulung kita kerina erbahan peringet-ingeten kerna kematen Tuhanta Jesus Kristus. I bas berngi ope Jesus tersilang, pulung me IA ras ajar-ajarNa si sepuluhdua kalak. I je iturikenNa maka enggo seh paksana IA ngenanami kiniseran guna kiniulin manusia. Ibas berngi e pe ipesikap Jesus me pusuh ajar-ajarNa guna ngantusi erti kekelengen, kiniteruken ukur ras kesetian. Emaka itangtangiNa jubahNa, erjimpuh IA murihi nahe ajar-ajarNa. (bdk. Johanes 13:1-20) Ate Jesus nuduhken kuga kin arusna biak sekalak ajar-ajar si maba kiniulin ku bas doni enda. Ieteh Jesus pe maka mbue erbage perukuren ajar-ajar si ngikutken IA; lit si terjeng ngikut-ngikut perdalanNa tapi la ngantusi pusuhNa, lit si ngarapken Jesus jadi tokoh pembaharu alu make kinimbisanNa, tapi la iangkana maka Jesus maba pembaharun arah kiniteruken ukur ras keleng ate. Lit ka pe si teridah mejingkat ras megegeh tapi minter nilah di kune lit perbeben. Deba ajar-ajar ngikutken Jesus gelah sura-surana tersehi, janah lit ka pe si ngikutken Jesus di kune tudu ras perukurenna. Ibas pengujung kegeluhenNa, tuhu mesera dingen mberat kal dalan si man bentasen dingen la lit teman si nuriangi ibas keberaten. I bas kelatihen ras kebiaren Jesus, ertoto me IA sisada seh panasNa naktak bagi dareh. Erjimpuh erpengendes IA man Dibata, niNa: “O, Bapa, adi banci pedauh min calung kiniseran enda ibas Aku nari. Tapi labo peratenKu, peratenNdulah jadi.” (Lukas 22:42). Nginget keleng ate Jesus i bas nebusi dosanta, arah Lakon Persadan Si Badia enda, kita kerina idilo Tuhan gelah nggeluh i bas kekelengen, kiniteruken ukur ras kesetian. Alu bage mari dage bengket kita ku bas paksa teneng guna ngukuri kekurangenta i bas kita nehken kekelengen, meteruk ukur ras ibas nuduhken kesetianta. (Paksa Teneng Iiringi Musik) Marilah ras-ras kita tedis kerina, jenari aloilah penungkunen si kusehken man bandu i lebe-lebe Dibata: 1. Tuhu ceda kal atendu kerna dosa ras salah lepakndu? 2. Tuhu nggit kam nehken kekelengen Jesus gia ngenanami kiniseran? 3. Tuhu nggit kam ngumban kiniteruken ukur Jesus i bas kerina dampar geluhndu? 4. Tuhu nggit kam nggeluh setia bagi Jesus ngikutken sura-sura Dibata Bapa? ADI TUHU BAGE ATENDU, NINDULAH SEKALAK-SEKALAK : TUHU BAGE ATEKU Mari dage siakuken kinitekenta raduken kerina kalak Kristen i doni enda, ninta dage : ..... Aku tek man Dibata Bapa, si la ersibar kuasaNa, si nepa langit ras doni. Aku tek man Jesus Kristus AnakNa si Tonggal, Tuhanta, si jadi arah Kesah si Badia, tubuh idur singuda-nguda nari si so keliamen, tergelar si Maria, si

Liturgi GBKP 52 Minggu

52

ngenanami kiniseran, sangana pe merintahen Pontius Pilatus, nipakuken ku kayu persilang, mate, jenari ikuburken, nusur ku doni kematen, peteluwariken enggo keke ibas si mate nari, nangkih ku Surga, perkundulNa arah kemuhen Dibata, jenari reh me IA pagi, ngeranaken si nggeluh ras si enggo mate. Aku tek man Kesah si Badia, janah lit sada Gereja si Badia, Persadan kalak si Badia, pengalemi dosa, kinikeken kula, kegeluhen si rasa lalap. Amin. Aku enda persuruhen Dibata i bas dahin enda, janah erpalasken kata Dibata ngataken man bandu : “Guna si enda me kam idilo Dibata; sabap Kristus jine pe enggo ngenanami kiniseran man gunandu, janah itadingkenNa sada usihen si man usihenndu, gelah iikutkenndu dalanNa.” (I Petrus 2:21) Mari dage siendesken geluhta man Dibata arah ende-endenta : ..... KEE 207:2,4,6; KEE 456:1-4; KEE 211:1,2,4 (pilih salah sada) (Perp. Kundul)

MARILAH, SABAB ENGGO SIKAP KERINA Muat ngelaken roti ras lau anggur, nina Pandita: Adi Tuhanta Jesus Kristus, berngina ije IA idudurken, ibuatNa me roti, icepikcepikNa, iberekenNa man ajar-ajarNa, nina:

“BUATKEN, PANKEN, ENDA ME KULANGKU SINISEMBAHKEN MAN GUNANDU, BAGEKALAH PERBAHANENNDU LAKO PERINGETINGETEN KEMPAK AKU” Bage pe kenca enggo elah man, ibuatNa me calung, ikatakenNa bujur, idudurkenNa, nina:

“BUATKEN, INEMKEN KERINANA TARESA, CALUNG ENDA ME PADAN SI MBARU IBAS DAREHKU, SINIAMBURKEN MAN GUNANDU LAKO PENGALEMI DOSA, BAGEKALAH PERBAHANENNDU TEPTEP KALI DIINEM KAM, LAKO PERINGET-INGETTEN KEMPAK AKU.” Pujilah Dibata, o tendingku; tendi, kula, ukurku, pujilah gelarNa si Badia. Pujilah Dibata, o tendingku, ola lupa kerina kiniulinNa. Bagi keleng ate bapa nandangi anak-anakna, bage kal me keleng ate Dibata nandangi kalak si meteruk ukur dingen setia man Dibata. Amin. (bdk. Masmur 103:1,2,13)

Liturgi GBKP 52 Minggu

53

Cataten: Ibas ngogeken liturgi sanga mbagiken roti ras anggur, kata “Panken” ras “Inemken” ibelasken Pandita kenca kerina perpulungen ngaloken roti ras anggur.

LITURGI JUMAT SI MBELIN A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen

Liturgi GBKP 52 Minggu

54

..... (Musik) ..... B. KEBAKTIN 1. Kata Penaruh Runggun gereja bage pe kerina si ngelai i bas kebaktin si sendah enda ngataken mejuah-juah man banta kerina. I bas wari enda icidahken Dibata me kuasaNa man banta arah kematen AnakNa si Tonggal e, e me Jesus Kristus. KematenNa jadi kahulta, gelah kita anak-anakNa si arusna iukum erkiteken dosa-dosanta banci ndatken kegeluhen si mbaru. KematenNa e, ngingetken kita maka kita rutang man Dibata erkiteken kekelengen si enggo isehkenNa man banta bage pe doni enda. Utangta e me nehken kekelengen man doni enda dingen ikut mersan kayu persilang Kristus.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum - Salam L I bas gelar Dibata Bapa si erdiate dingen ngkelengi tinepaNa, i bas gelar AnakNa Jesus Kristus si enggo ngasamken KesahNa guna nebusi manusia, ras i bas gelar Kesah si Badia si mereken gegeh man banta guna mersan kayu persilang. Mejuah-juah man banta kerina anak-anak Dibata si lit i bas persadan ras Kristus Jesus. Amin P Amin.....Amin..... Amin..... (Iendeken) 3. Berita Perbahanen ras Sura-Sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken : ..... 4. Ende-enden Pujin Man Dibata Perp. Kundul L “O Tuhan, keleng ateNdu seh ku langit, kesetianNdu seh ku awangawang. KebenarenNdu seri ganjangna ras deleng, kinibujurenNdu seri bagesna ras lawit, manusia ras rubia-rubia ipekena-kenaNdu o Tuhan. O Tuhan andiko ergana keleng ateNdu e, ikawaliNdu aku i teruh kabengNdu”. Tole sipuji Tuhan alu ngendeken : .....

5. Pertoton Perpulungen Guna Ngendes Man Dibata L “Aminna pe kita dem alu kesalahen, erbahan si la ngena ate Dibata segedang-gedang wari, tapi Dibata e tetap engkelengi kita. Perkuah ateNa tetap simpar i bas kegeluhenta. Emaka gundari mari dage si pake waktuta guna bengket ku bas paksa teneng, guna rukur kerna kinilangasupenta ndalanken si ngena ate Dibata.

Liturgi GBKP 52 Minggu

55

(Paksa Teneng, Ertoto Sekalak-sekalak i bas pusuhna) 6. Pengakun Dosa L “Kalak jahat megiken pengajuk dosa seh ku bas pusuhna, sitik pe la ia mbiar man Dibata. Erkiteken meganjang iakapna bana, iakapna maka la ieteh Tuhan dosana janah la IA iukumNa. Rananna jahat janah melala takina, simehuli dingen pentar lanai IA nggit ngelakokenca.” (Masmur 36:2-4) Tole mari kita ngakuken dosanta arah ende-endenta : ..... 7. Berita Pengalemi Dosa Perp. Tedis L “Terpujilah Dibata erkiteken kiniulinNa si mulia, si icidahkenNa man banta arah pe mereNa i bas anakNa si ikelengiNa. Sabab erkiteken Kristus kita enggo itebus, e me dosa-dosanta enggo ialemi Dibata”. Malem kal ateta erkiteken dosanta enggo ialemi Dibata, e maka sipuji IA alu ras kita rende ibas : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen me kalak si megiken kata Dibata dingen si makekenca i bas kegeluhenna si teptep wari. Haleluya. P Haleluya..... Haleluya..... Haleluya..... (Iendeken) b. Khotbah : (ibenaken ras idungi alu pertoton) c. Lakon Persadan si Badia 9. Pengakun Kiniteken

Perp. Tedis

10.Persembahen Perp. Kundul L Seh paksana kita nehken persembahen pengataken bujurta man Dibata. Kata Dibata si jadi palas i bas kita nehken persembahen, niNa : “O senina-seninangku, nginget perkuah ate Dibata si mbelin si isehkenNa man banta, Kupindo man bandu: Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur.” (Roma 12:1-2) Iherta ngendesken persembahen, ras kita rende arah : ..... Pertoton Persembahen ras Pertoton Syafaat 11.Perpadanen Man Dibata Perp. Tedis L Turang ras senina, perkuah ate Dibata si mbelin enggo sialoken. Jesus nggit jadi kahul man banta gelah kita terkelin. Erkiteken si e kita rutang sikeleng-kelengen i bas doni enda. P Bujur Tuhan i bas perkuah ateNdu si mbelin si enggo kualoken. Aku erpadan maka kekelengenNdu kusehken pe man doni enda.

Liturgi GBKP 52 Minggu

56

L P L P L

Turang ras senina, kematen Tuhan Jesus e mereken usihen man banta i bas ermeteruk ukur, setia ras nggit erkorban guna kiniulin enterem jelma ras doni enda. Erpadan aku Tuhan ngusih Kam i bas ermeteruk ukur, setia ras nggit erkorban guna kiniulin enterem jelma ras doni enda. Turang ras senina, i bas kematen Jesus, kita enggo nggeluh i bas geluh si mbaru. Erpadan aku Tuhan i bas ndalani wari-waringku, tetap nggeluh ndalanken si ngena ateNdu. Sipepaguhi perpadanenta man Dibata arah ende-endenta : .....

12.Pertoton Tuhan 13.Pengutusen Ras Pasu-pasu Dibata L Bengketilah ku bas kegeluhenta (ndu) sekalak-sekalak. Cidahken kesetian ras ketutusen ateta (ndu) ngikutken si ngena ate Dibata i bas geluhta (ndu). Guna si e, alokenlah pasu-pasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam), janah malem ateta (ndu) ibahanNa.” Amin. (Bilangen 6:24-26) P Amin.....Amin.....Amin..... (Iendeken)

LITURGI SABTU PENGARAPEN A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen

Liturgi GBKP 52 Minggu

57

..... Musik ..... B. KEBAKTIN 1. Kata Penaruh Turang ras senina, wari enda bengket kita ku bas Sabtu Pengarapen, ija kita ngerenungken erti keleng ate Dibata arah kematen Jesus Kristus. Kematen e me hal si tuhu-tuhu ibiari manusia. Seh maka ncakapken kematen ras ngidah tanda-tanda kematen pe enggo nambahi kebiaren. Emaka tambah me ateta mesui di kune kalak si ikelengi kita lawes nadingken kita. Pengertina enda me si ipelimbarui arah kita emperingeti kematen Jesus Kristus wari enda. Jesus enggo bengket ku doni kematen, dingen naluken kuasa kematen. Kematen pe la ngasup nirangken kita ibas keleng ate Dibata nari. Seh maka ku doni kematen pe kita iperjuangkenNa dingen iselamatkenNa. Kematen Kristus e me maba keselamaten dingen keterkelinen man banta bage pe man kerina kalak si enggo mate i bas Kristus. Mari dage sibaba pusuh ras ukurta ngadap ilebe-lebe Dibata, gelah idemiNa kita alu pengertin ras pengarapen si mbaru. Si dahi dage Tuhan, ras kita tedis dingen ras kita ngendeken : “Tuhan Demi Salu KataNdu” Tuhan demi aku salu KataNdu, Tuhan demi aku salu KataNdu Pusuhku bagi tambe kubaba ku pancurNdu, Tuhan demi aku salu KataNdu. Tuhan demi aku salu dameNdu, Tuhan demi aku salu dameNdu Pusuhku bagi tambe kubaba ku pancurNdu, Tuhan demi aku salu dameNdu. 2. Votum – Salam L I bas gelar Dibata Bapa si mada kegeluhen, i bas gelar Jesus Kristus si naluken kematen, ras i bas gelar Kesah si Badia si mereken pengertin kerna erti kegeluhen ras kematen. Perkuah ate ras dame i bas Dibata Bapa, i bas gelar Jesus Kristus ras kerembaken Kesah si Badia, ras kita (kam) kerina gelah. Amin. P Amin..... Amin..... Amin..... (Iendeken) 3. Berita Kerna Perbahanen Ras Sura-sura Dibata (Invocatio) Perp. Kundul L (Ngogeken Teks sue Almanak) Erpalasken kata Dibata enda, sipuji IA alu radu ras ngendeken : ..... 4. Kinata Kerna Kebiaren Manusia Nandangi Kematen L Jesus bengket ku doni kematen. Ije pe IA nuduhken maka kematen la ngasup naluken kuasaNa. Kematen Jesus nuduhken, maka kematen la ngasup nirangken manusia ras Dibata. La kal ate Dibata kita bene i bas dosa, seh maka ku doni kematen pe IA erdahin guna anak-anak si ikelengiNa. Kai nari ndia kebiarenta kerna kematen? I bas paksa teneng enda mari situriken kebiarenta man Dibatanta. (Paksa Teneng)

Liturgi GBKP 52 Minggu

58

L

Melala kal kita manusia eraru ate tupung kalak si ikelengi kita idilo Dibata, lit pengakapta maka kalak si enggo mate nggeluh i bas ate mesui dingen kelinon. Lupa kita maka Dibata nemani ia i bas kematenna. Seh maka labo lit ingan si ngasup nirangken Dibata ras anak-anakNa. Kekelengen ni Tuhan, i bas paksa teneng enda mari si ampeken kebiarenta nandangi kematen man Dibata. Dingen si endesken kearun ateta kerna kekelengenta si enggo leben nadingken kita. (Paksa Teneng)

L

Adi nulih kita ku bas isi pusuhta, situhuna banci jadi kita pe mbiar ngalaken kematen, erkiteken lit pengakapta maka kematen e me kebenen dingen kesirangen si rasa lalap ras anak jabunta. Lupa kita maka kematen e me dalan si enggo ibentasi Tuhan Jesus guna bengket ku bas kegeluhen si mbaru. Dingen kematen e jadi dalanta jumpa pagin ras kerina si ikelengi kita i bas persadanta si rasa lalap iadepadepen Dibata. Kekelengen ni Tuhan, i bas paksa teneng enda mari dage si endesken pusuh ras ukurta guna ipelimbarui Dibata gelah tangkas man banta kematen e lanai jadi kebiaren. (Paksa Teneng)

L

Mari dage sipetetap ukurta alu ngendeken : .....

5. Kata Dibata si Mpetetap Ukur Manusia Perp. Tedis L Selaku persuruhen Dibata, aku nehken KataNa man banta (ndu) kerina kita (kam) si ngaloken keleng ate Dibata arah kematen Jesus, niNa : “Sabab Kristus mate cukup sekali saja ngenca erkiteken dosa-dosa manusia, janah sekali saja ngenca IA mate. La kalak bujur, mate man guna kalak perdosa, gelah banci kam ibabaiNa rembak ras Dibata.” (1 Petrus 3:18a) Sipuji Dibata i bas kekelengen si icidaheknNa arah kematenNa, alu ngendeken : ..... 6. Nehken Kata Dibata Perp. Kundul a. Ngoge Kata Dibata bagin si pemena L Ketuahen me kalak si megiken kata Dibata dingen si makekenca i bas kegeluhenna teptep wari. Haleluya. P Haleluya..... Haleluya..... Haleluya...... (Iendeken) b. Khotbah : (ibenai ras idungi alu pertoton) 7. Pengakun Kiniteken

Perp. Tedis

8. Nehken Persembahen Perp. Kundul L I bas kita nehken Persembahen Pengataken Bujurta man Dibata, si jadi palas man banta ibuat ibas Jesaya 54:10 :

Liturgi GBKP 52 Minggu

59

“Bicara deleng-deleng miser gia, uruk-uruk pe mundu-undu, tapi keleng ateKu tetap la miser i bas kam nari, janah padan dame si Kubahan lalap paguh la mundu-undu. Bage nina Tuhan si ngkelengi kam tetap.” Tupung siendesken persembahenta mari ras kita rende ibas : ...... Pertoton kerna Persembahen ras syafaat 9. Perpadanen Man Dibata Perp. Tedis L Turang ras senina, enggo tangkas man banta maka arah kematen Jesus, ituduhkenNa kuasa dingen keleng ateNa guna keterkelinen kalak si tek man baNa. P Lanai aku mbiar Tuhan, sabab enggo italukenNdu kuasa kematen si ngiket aku. Kematen la ngasup nirangken aku i bas keleng ateNdu nari. L Jesus Kristus nemani kita seh ku bas kematenta. Seh maka labo lit ingan si ngasup nirangken kita ras IA. P Malem kal ateku Tuhan i bas penemaniNdu. Lanai ateku aru nandangi kematen si arus ku bentasi. L I bas kita mpeteguhi perpadanenta ras Dibata gelah kita lanai mbiar nandangi kematen, sipuji Tuhan ibas : ..... 10. Pertoton Tuhan 11. Pengutusen Ras Pasu-pasu Dibata L Bengketilah kegeluhenta (ndu) siteptep wari, saksikenlah ketetapen ukur ras kinitekenta (ndu) maka Dibata la pernah nadingken kita (kam) seh rasa lalap. Guna mpetetap ukur ras kinitekenta (ndu), alokenlah pasu-pasu idur Dibata nari : “Dibata, sumbul kemalemen ate e gelah si ncukupi keperlunta (ndu) guna ndalanken si sentudu ras peratenNa. Janah Dibatalah erdahin i bas kita (kam) arah Jesus Kristus gelah kita (kam) ngelakoken kai si ngena ateNa. Man Kristuslah kemulian seh rasa lalap.” Amin. P Amin..... Amin..... Amin..... (Iendeken)

LITURGI MINGGU PASKAH I A. PERSIKAPEN Perpulungen nikapken pusuh ras ukur guna ngadap man Tuhan

Liturgi GBKP 52 Minggu

60

Pelayan ibadah ersikap i ruang persikapen ..... (Musik) ..... B. KEBAKTIN 1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehendu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda. (Ngogeken Momo) 2. Kata Penaruh Turang ras senina, Dibata ndilo kita ku bas kebaktin enda, gelah kita mulihi nginget maka Jesus ngenca ngasup ngelawan dosa, darehNa si nebusi kita i bas dosa nari. Jesus nggo keke, IA enggo naluken kuasa dosa. Jesus menang! Kita pemenang, i bas naluken kuasa dosa, ras lanai nggeluh i bas kuasa dosa. Kekeken Jesus i bas si mate nari la terjeng nelamatken manusia, tapi mpekena-kena tinepaNa mulihi bagi tangtangna i tepa Dibata. Emaka marilah kita bengket ku bas kebaktin enda guna ngataken bujur man Dibata, erkiteken kekelengenNa si mbelin si enggo i sehkenNa man banta. (Nagani 3 Lilin Paskah)  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L Kebaktin Paskah enda lit i bas gelar Dibata Bapa si nepa doni enda alu kemulianNa, i bas gelar Jesus Kristus si nebusi ras nelamatken manusia ibas kuasa dosa nari, ras i bas gelar Kesah si Badia, si negunegu kita (kam) ku kegeluhen si rasa lalap si la erkeri- kerin. Perkuah ate ras dame i bas Dibata Bapa, i bas Tuhan Jesus Kristus nari ras i bas kerembaken ras Kesah si Badia, ras kita (kam) kerina gelah. Amin. P Amin..... Amin..... Amin..... (Iendeken)

4. Berita Paskah (Perbahanen Dibata man manusia) L

Perp. Kundul

Kenca lepas wari Sabat, erpagi-pagi si lampas wari Minggu, lawes Maria Magdalena ras Maria si deban ku kuburen Jesus. Rempet jadi linur mehantu kal. Sekalak malekat Tuhan nusur i Surga nari,

Liturgi GBKP 52 Minggu

61

igulingkenna batu e jenari kundul ia i babona. Ayona ersinalsal bagi kilap janah uisna mbentar bagi kapas. Mbiar kal prajurit-prajurit si erjaga e, nggirgir ia jenari ampar bagi kalak mate. Ngerana malekat e man diberu ndai, "Ola kam mbiar! Kueteh nge maka idaramindu Jesus si enggo ipakuken ku kayu persilang e. IA lanai i jenda. IA enggo ipekeke Dibata i bas si mate nari bagi enggo pernah ikatakenNa man bandu. Erpalasken Kata Dibata enda, sipuji IA alu ras kita ngendeken : ...... 5. Kinata Kegeluhen Manusia si Dem Alu Dosa (SL : Song Leader) L Turang ras senina, Tuhan enggo encidahken perkuah ateNa si mbelin man gunanta, IA enggo erbahansa kita menang naluken kuasa dosa doni enda. P O Tuhan, megati la ipakeken kami kuasa si enggo jadi gegeh kami guna naluken kuasa dosa e, seh maka kami megati labuh ras kote, sabab gegeh kami saja la kepeken ngasup guna ngelawan kuasa dosa. SL (Ngendeken KEE No. 211:1) L Turang ras senina, Kekeken Jesus mulahi kita i bas perukuren si jahat nari. Sura-suraNa gelah perukurenta pe bagi perukurenNa si ermeteruk ukur encidahken kekelengen man doni enda. P O Tuhan, megati perukuren kami nge ipebelin kami, seh maka jadi perukuren si jahat i bas kami. Erkiteken si e igejap kami maka la metunggung nggeluh iadep-adepen Tuhan. SL (Ngendeken KEE No. 211:1) 6. Pengakun Dosa L Marilah siakuken dosanta i lebe-lebe Dibata, nintalah i bas ukurta sekalak-sekalak : O Tuhan ieteh kami kelepaken kami, megati kami la ngergai perbahanenNdu si mehuli man kami. Megati ilupaken kami maka kam enggo nebusi kami alu darehNdu, gelah kami ngelakoken perbahenen si mehuli, tapi perbahenen kami tetap bagi kalak si erkubang-kubang i bas dosa. L + P (Ngendeken KEE No. 211:4) L O Bapa, ieteh kami kinilatunggungen kami guna ngaloken keselamaten i bas Kam nari, sabab geluh kami ikuasai dosa. Kebiaren ras aru ate erbahanca la meriah iakap kami i bas ndalani geluh enda. Sampati kami o Tuhan gelah kami ngasup nggeluh sentudu ras sura-suraNdu. L + P (Ngendeken KEE 211:2)

7. Berita Pengalemi Dosa Perp. Tedis L Dibata enggo nikapken rencana si mehuli man banta. Ipilihna kita jadi anak-anakNa. ItebusNa dosanta, iarak-arakNa perdalanen kegeluhenta. IpetunggungNa kita ersembah man baNa, isikapkenNa

Liturgi GBKP 52 Minggu

62

kerina si mehuli man banta. Nina Tuhan man banta (ndu) si ngakuken dosa, janah mungkuk iadep-adepenNa : “La ateKu kam mate i bas dosa, tedeh ateKu kam ngakuken dosa-dosandu, sabab Aku me Tuhan Dibatandu si setia janah erkeleng ate man kalak si ngakuken dosana, si la nginget-nginget kesalahenNdu.” Meriah ukurta sabab Dibata la nginget-nginget dosa ras kesalahenta. IalemiNa kita dingen iangkatNa kita jadi anakNa. Emaka sipuji IA arah ende-endenta : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) a. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10. Persembahen Perp. Tedis L Kata Dibata si jadi palas i bas kita ngataken bujur e me : “I bas si e arus iingetndu gelah ipatuhindu undang-undang si ipedahken Musa man bandu; kelengilah Tuhan Dibatandu. Bahanlah kai si ngena ateNa, ikutken pedahNa, patuhlah man baNa, janah permuliakenlah IA alu bulat ukurndu ras tendindu”. Iherta ngendesken persembahen, sipuji Tuhan arah : ..... Pertoton Persembahen ras Pertoton Syafaat 11. Perpadanen Man Dibata Perp. Tedis L Dibata enggo naluken kuasa dosa. kekekenNa mereken kegeluhen simbaru ras mereken jaminen keselamatan man banta, uga dage ninta ngaloisa? P Alu paguh kegeluhenku tetap i bas Kristus si jadi keselamatenku, kubahan IA jadi ulu gegehku i bas aku ngalaken perbeben geluh enda. L Kekeken Kristus njamini kita, gelah metunggung i adep-adepen Dibata janah metunggung ndahiken dahin Tuhan jadi perberita si meriah ku sekelewetta. Uga dage ninta? P Ateku makeken kula, tendi ukurku, meritaken berita si meriah i bas kerina dampar geluhku. L Sipepaguhi perpadanenta arah ende-endenta : ..... 12. Pertoton Tuhan 13. Pengutusen Ras Pasu-pasu Dibata L Erkiteken kita (kam) anak-anak kekelengen Dibata, geluhta (ndu) arus erpalasken keleng ate, bagi Kristus enggo engkelengi kita (kam).

Liturgi GBKP 52 Minggu

63

P

Bengketlah ku bas doni enda, beritakenlah kekeken Kristus seh ku tampuk doni enda. guna si e alokenlah pasu-pasu idur Dibata nari : “Aku me Dibatandu si milih kam jadi persuruhenKu. Kupasu-pasu kam, Kukawali kam janah Kupegegehi kam guna ndahiken si ngena ateKu. Aku tetap ras kam seh ku kedungen jaman.” Amin. Amin..... Amin..... Amin..... (Iendeken)

LITURGI PASKAH II A. PERSIKAPEN Perpulungen nikapken pusuh ras ukur guna ngadap man Tuhan

Liturgi GBKP 52 Minggu

64

Pelayan ibadah ersikap i ruang persikapen ..... (Musik) ..... B. KEBAKTIN 1. Kata Penaruh Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas Paskah peduaken enda, ibabai kita guna ngasup ncidahken keriahen, kekelengen si enggo si aloken i bas Tuhanta Jesus Kristus nari, sabab IA enggo mereken ke menangen ras jaminen keselamaten man banta. IpelimbaruiNa gegehta guna nggeluh sentudu ras sura-suraNa. Mari dage sipesikap pusuh ukurta ersembah man Dibata.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum - Salam L Kebaktin enda lit i bas gelar Dibata Bapa si nepa langit ras doni, i bas gelar Jesus Kristus si jadi penebus, ras i bas gelar Kesah si Badia si nemani ras nampati kegeluhen manusia. Dibata Bapa ras Kristus Jesus Tuhanta mereken lias ate, perkuah ate ras kemalemen ate man banta (ndu) gelah. Amin. P Amin..... Amin..... Amin..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken : ..... 4. Pujin Manusia Kerna Kuasa Dibata si Mbelin Perp. Kundul L Kenca lepas wari Sabat, wari Minggu erpagi-pagi si lampas, lawes Maria Magdalena ras Maria si deban ku kuburen Jesus. Rempet jadi linur mehantu kal. Sekalak malekat Tuhan nusur i Surga nari, igulingkenna batu e jenari kundul ia i babona. Ayona ersinalsal bagi kilap janah uisna mbentar bagi kapas. Mbiar kal perajurit-perajurit si erjaga e, nggirgir ia jenari ampar bagi kalak mate.Ngerana malekat e man diberu ndai, "Ola kam mbiar! Kueteh nge maka idaramindu Jesus si enggo ipakuken ku kayu persilang e. IA lanai i jenda. IA enggo keke”. P Haleluya, Kristus enggo keke. L Jesus enggo naluken kematen, IA enggo keke. P Haleluya, Kristus enggo keke. L Meriah ukurta, ras ersuraklah, Kristus enggo keke. Mari sipuji Tuhan alu ngendeken : .....

Liturgi GBKP 52 Minggu

65

5. Pujin Nandangi Kuasa Dibata Perp. Tedis L Jesus Kristus enggo naluken si ibiarken manusia, e me kematen. Mbelin kal pe mere Dibata man manusia. Sabab enggo iberekenNa kai si la ngasup manusia erbahansa. P Ipuji kami Kam Tuhan, sabab enggo ibereNdu kegeluhen simbaru man kami, e me kegeluhen si la kami ngasup ngelitkensa man kami. L Kekeken Jesus e me jaminen, maka kalak si tek pe ipekeke me pagi ibas si mate nari, jenari nggeluh rasa lalap i bas Kristus. P Ikataken kami bujur Tuhan, enggo iberekenNdu jaminen, maka kami pe pagi keke ibas kematen nari. L Kekeken Jesus erbahan kita jadi manusia si mbaru, si lanai ikuasai dosa. Kegeluhen si mbaru e me kegeluhen si naksiken maka kegeluhen Kristus enggo lit i bas kita. Emaka sipujilah Tuhan i bas keleng atena arah ende-endenta : ..... 6. Kata Dibata

Perp.Kundul

a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 7. Pengakun Kiniteken

Perp. Tedis

8. Persembahen Perp. Kundul L Ke menangen Jesus Kristus arah kematen, mereken keriahen ukur ras kemalemen ate man banta. Emaka siendeskenlah persembahen pengataken bujurta man Tuhan Dibata. Kata Dibata si jadi palas i bas kita ngendesken persembahen : “Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur.” (Rom 12 :1). Iherta ngendesken persembahen, sipuji Tuhan alu ngendeken : ..... Pertoton kerna persembahen ras Syafaat

9. Perpadanen Man Dibata

Perp. Tedis

Liturgi GBKP 52 Minggu

66

L

Meherga kal kita (kam) i bas mata Dibata. Emaka ipulahina kita (kam) ibas kuasa kematen nari. Tek nge kita (kam), maka kita (kam) meherga ibas mata Dibata? Nggit nge kita (kam) njaga dirinta (ndu), tanda kita (kam) meherga i adepen Dibata? (Paksa Teneng)

L

Sipepaguhi perpadanenta man Dibata arah ende-endenta : .....

10.Pertoton Tuhan 11.Pengutusen Ras Pasu-pasu Dibata L Petetaplah ukurta, ulanai mbewat-mbewat, dalankenlah peraten Dibata ras nggeluh bagi si ngena ateNa. Beritakenlah kerna perbahanenNa simbelin ku kerina bangsa i doni enda. Dibatalah simperlengkapi kita (kam) alu kerina si mehuli, janah alokenlah pasupasu idur Dibata nari : “Dibata, sumbul kemalemen ate, e gelah si ncukupi keperlunta (ndu) guna ndalanken si sentudu ras peratenNa. Janah Dibatalah erdahin i bas kita (kam) arah Jesus Kristus gelah kita (kam) ngelakoken kai si ngena ateNa. Man Kristuslah kemulian seh rasa lalap. Amin.” P Amin..... Amin..... Amin..... (Iendeken)

LITURGI MINGGU QUASIMODOGENETI Liturgi GBKP 52 Minggu

67

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina, minggu enda igelari Minggu Quasimodogeneti, si ncidahken kecibal anak-anak Dibata bagi danak-danak si mbaru tubuh. Kegeluhenta enda me bagi anak si mbaru tubuh. I bas kekotenta arus me kita erpengarapen ku Dibata gelah banci nggeluh. Mari dage bengket kita ku bas kebaktin enda gelah kita tuhu-tuhu nggejapken uga Dibata tetap ngasuhi kegeluhenta si tetap erpengendes man baNa.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa ulu kegeluhen, i bas gelar AnakNa Jesus Kristus si mereken kegeluhen si mbaru ras i bas gelar Kesah si Badia, si njagai kegeluhen manusia. Penampat man banta (ndu) reh ibas Jahwe nari, si nepa langit ras doni, singkawali perberkat ras permulihta (ndu) genduari nari seh rasa lalap. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken : ......

5. Kinilangasupen Manusia i Bas Makeken Pedah Dibata

Perp. Kundul

Liturgi GBKP 52 Minggu

68

L P L P L+P L

Dibata kap ulu kegeluhen. IA me nande si mpebelin-belin dingen njagai anak-anakNa gelah nggeluh reh dewasana i bas ndalani kegeluhen. Ngaku aku O Tuhan, megati aku nirangi Kam, si njagai aku i bas kinilangasupenku ngantusi perdalanen doni. Dibata kap ulu kegeluhen. IA me Bapa si negu-negu dingen ngajari anak-anakNa i bas ndalani kegeluhen. Ngaku aku O Tuhan, megati aku nirangi Kam, si negu-negu dingen ngajari anak-anakNa i bas ndalani kegeluhen. O Tuhan, ola kal pelepasNdu kami lalar, i bas kinilangasupen ras kekoten kami. I bas kinilangasupenta makeken pedah Dibata, mari sipindo gegeh man baNa arah ende-endenta : .....

6. Padan Dibata Si Mpetetap Ukur Manusia Perp. Tedis L Tuhan e perkuah dingen perkeleng kap, la pedas IA merawa. IA dem alu keleng ate si tetap. Labo kita iukumNa sue ras dosanta, labo IA erbalas man banta sue ras kesalahenta. Emaka, selaku persuruhen Dibata aku nehken kataNa man banta (ndu) kerina si ngakuken dosa ras kesalahenna, dingen jera ibas dosa ras kesalahenta (ndu) nari, niNa : “Ola mbiar anakKu. Aminna pe kam kitik dingen la ergegeh bagi gaya, sabab Aku kap sinampati kam : Aku, Dibata nu Israel, Aku si ngekelini kam” (Jesaya 41:14). P Bujur Tuhan, ibas pergegeh si iberekenNdu. Amin. L Meriah ukurta erkiteken enggo ipetetapNa ukurta, emaka sipuji IA alu ngendeken : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Turang ras senina kekelengen ni Tuhan Jesus Kristus, genduari ibereken kesempaten man banta guna ersikap ngendesken persembahen pengataken bujurta man Dibata i bas kita nggejapken lias ras perkuah ateNa si njayam kegeluhenta. Kata Dibata si jadi palas kita ngendesken persembahen e me : ”Sabab bage me arusna kam ersembah man Dibata sue ras biakndu selaku makhluk si rukur “ (Roma 12 : 1b).

Liturgi GBKP 52 Minggu

69

Tupung sipepulung persembahenta rende kita arah : ..... Pertoton Persembahen ras Pertoton Syafaat 10.Perpadanen Man Dibata Perp.Tedis L Bagi keleng ate Bapa man anak-anakNa, bage kal me pengkelengi Dibata man kalak si erkemalangen man baNa. P Bujur Tuhan, ateku tetap nggeluh i bas keleng ateNdu. L Sabab ietehNa i bas kai nari kita itepaNa. IingetNa me maka abu kap kita. P Ateku tetap erkemalangen man baNdu Tuhan. L Kalak si erkemalangen man Tuhan tetap ikelengiNa. KiniulinNa tetap seh rasa lalap. L + P Amin. L Enggo sibelasken perpadanenta man Dibata, guna mpeteguhisa mari dage ras kita rende arah : ..... 11.Pertoton Tuhan 12.Pengutusen Ras Pasu-pasu Dibata L Berkatlah kita (kam) ku bas kegeluhenta (ndu) sekalak-sekalak, dalankenlah si ngena ate Dibata, rehlah ku terang e, gelah i je teridah maka kai si ibahan kita (ndu) e sue ras kai si ngena ate Dibata. Janah alokenlah pemasu-masun idur Dibata nari : “ Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam), itatap Dibata ku kita (kam), janah malem ateta (ndu) ibahanNa.” Amin. P Amin..... Amin..... Amin..... (Iendeken)

LITURGI MINGGU MISERICORDIAS DOMINI Liturgi GBKP 52 Minggu

70

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta, mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Minggu enda igelari Minggu Misericordias Domini, e me Minggu si mabai kita ngejapken lias ate Tuhan Dibata. Ija kita ikelini dingen ipulahiNa i bas ukumen nari. Kita enggo itebusi, jenari iperembakken Dibata kempak DiriNa arah kematen Jesus Kristus i kayu persilang. Dosa ras kelepakenta lanai iingetNa, jenari iatanken Dibata kita bengket kubas kemulianNa si rasa lalap. Dage, alu meriah ukur, sipuji Dibata erkiteken Jesus enggo mperdameken kita ras Dibata.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa si nepa langit ras doni, i bas gelar Jesus Kristus si enggo mereken geluhna guna mulahi manusia i bas dosa nari, ras i bas kerembaken Kesah si Badia si nampati kita (kam) gelah kita (kam) paguh i bas ngalaken perbeben. Lias ate Tuhan Jesus ndilo kita (kam) gelah dat bagin i bas kemulianNa si rasa lalap, Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-Sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA arah ende-endenta : ......

5. Lias Ate Dibata si Mbelin Ku Bas Kegeluhen

Perp. Kundul

Liturgi GBKP 52 Minggu

71

L P L

Dibatanta e melias perkuah. IetehNa maka labo kita ngasup mulahi dirinta i bas kuasa kematen nari. Emaka itebusiNa kita arah kematen Jesus, gelah olanai kita ikuasai kematen, dingen bene i bas dosanta. Terpujilah Kam Tuhan. Ermengkah dingen malem kal ate kami. Erkiteken lias ateNdu, pulah me kami i bas kematen si la tertaluken kami. Sipuji Dibata erkiteken lias ateNa man banta alu ngendeken : .....

6. Pengakun Dosa L Adi itatap Dibata ku bas pusuhta sekalak-sekalak. Pusuh ras ukur si kuga nge idapeti Dibata i bas dirinta? IdapetiNa ndia pusuh si dem pengataken bujur i bas keselamaten si enggo ijujurkenNa? IdapetiNa ndia perukuren si ngergaken keleng ateNa? Pusuh ras ukur si kuga nge idapeti Dibata i bas dirinta? (Paksa Teneng) L

Mari siakuken dosanta arah ende-endenta : .....

7. Berita Pengalemi Dosa Perp. Tedis L Dibatanta setia kap. Keleng ateNa la ersibar. La itaktakiNa dosa manusia si meluat mekelesa. Emaka selaku persuruhen Dibata, aku nehken kataNa man banta (ndu) si nggejap ras ngakuken dosanta (ndu), nina Dibata: ”Aku kap Dibata si nasapken dosa-dosandu; janah si e Kulakoken erkiteken bage kin biakKu. Lanai Kupeinget-inget kerina dosadosandu” Amin. (Jesaya 43:25). L Erkiteken dosanta enggo isasapken Dibata, sipuji IA arah endeendenta : ..... 8. Kata Dibata Perp. Kundul c. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) d. Khotbah : (Ibenai ras idungi alu pertoton) 14. Pengakun Kiniteken

Perp.Tedis

15. Persembahen Perp. Kundul L Genduari ibereken kesempaten man banta guna nehken persembahen pengataken bujurta man Dibata. Nina Dibata i bas kita ngendesken persembahenta : “Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata, sue ras biakndu selaku mahluk si rukur”

Liturgi GBKP 52 Minggu

72

(Roma 12 :1). Mari siendesken persembahenta, janahta rende arah : ..... Pertoton Persembahen ras Syafaat 16. Perpadanen Man Dibata Perp.Tedis L I bas kita enggo ngaloken lias ate Dibata, kai nge ndia si jadi perpadanenta ras IA? P O Tuhan, enggo kualoken lias ateNdu jadi gegehku. Erpadan me aku, nggeluh setia man baNdu. L Dibata enggo mulahi manusia arah kuasa dosa, jenari idiloNa manusia naksiken keleng ateNa. P O Tuhan, Kuendesken diringku man bandu, gelah idah doni enda keleng ateNdu arah perbahanenku. L Sipeteguhi perpadanenta man Dibata, alu ras kita rende arah : ..... 17. Pertoton Tuhan 18. Pengutusen Ras Pasu-pasu Dibata L Berkatlah naksiken keleng ate Dibata, gelah idah doni enda maka Dibata erkuasa njagai dirinta (ndu). Jadi gegehta (ndu), alokenlah pasu pasu idur Dibata nari: ”Dibata Bapa ras Tuhanta Jesus Kristus mereken kemalemen ate, kekelengen ras kiniteken man banta (ndu) gelah. Lias ate Dibata rembak ras kerina kalak si erkeleng ate man Jesus Kristus alu keleng ate si la erkeri-kerin”. Amin. (Epesus 6:23-24). P Amin..... Amin..... Amin..... (Iendeken)

LITURGI MINGGU JUBILATE (ERSURAKLAH) Liturgi GBKP 52 Minggu

73

A.PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Minggu enda igelari Minggu Jubilate, e me Minggu si mabai kita ersurak erkiteken ke menangen si enggo isehken Tuhan Jesus Kristus man banta arah kekekenNa. Minggu si mabai kita guna ermeriah ukur erkiteken IA si enggo mulahi kita i bas erbage-bage kesusahen si enggo sibentasi. Pembebasen sinilakokenNa labo erkiteken kiniulinta, tapi erkiteken keleng ateNa banta. Sipesikap dage ukurta, radu kita ersembah ras ngataken bujur man baNa si enggo mbebasken kita. Ersuraklah, haleluya!  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si nepa doni enda ras kerina isina, i bas gelar Jesus Kristus si enggo mulahi kita (kam), i bas kuasa dosa ras perbeben nari ras i bas gelar Kesah si Badia si nampati ras ngapuli manusia. Perkuah ate ras dame i bas Dibata Bapa, ras i bas Tuhan Jesus Kristus nari, i bas kerembaken Kesah si Badia ras kita (kam) kerina gelah. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ngendeken : ...... 5. Kinata Kegeluhen Manusia Perp. Kundul L Turang ras senina, bagi Tuhan enggo mulahi bangsa Israel i Mesir nari, jenari itegu-teguNa seh ku Jerusalem. Labo itimai Dibata manusia

Liturgi GBKP 52 Minggu

74

P L

ngasup mulahi bana ibas iketen kesusahen nari, tapi leben IA nampati ope denga manusia beluh nampati bana. Tuhu mehuli kal Kam O Tuhan, igejapken kami penampatNdu i bas kekoten kami. Adi itatap Dibata kempak kegeluhen manusia si enggo ikelengiNa, kegeluhen si kuga nge genduari idapeti Dibata i bas dirinta? (Paksa Teneng)

L P

L

Marilah siakuken salah dosanta i adep-adepen Dibata. Ngaku kami O Tuhan, megati kal mberat akap kami ngalaken perbeben, erkiteken lupa kami nandangi padan ras keleng ateNdu. Megati pe ernalem kami man gegeh ras pe meteh kami. O Tuhan alemi kal kami. Mari dage sipindo perkuah ate Dibata arah ende-endenta : .....

6. Padan Dibata Guna Petetap Ukur I bas Perbeben Perp. Tedis L “Ketuahen kalak si erceda ate erkiteken dosa; sabap Dibata me ngapuli IA. Ketuahen kalak si meteruk ukurna; sabap isehken Dibata me padanNa man bana” (Matius 5:4-5). Sipuji Tuhan i bas keleng ateNa si mbebasken kita, rende kita arah ende-endenta : ..... 7. Nehken Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Ersikap kita guna nehken persembahen pengataken bujurta man Dibata, janah sibegiken Kata Dibata kerna persembahenta : “Nembahlah man Tuhan alu ukur meriah, dahilah ku adep-adepenNa janah rende meriah” (Masmur 100:2). Tupung sisehken persembahenta ras kita rende arah : ..... Pertoton Persembahen ras Pertoton Syafaat

10.Perpadanen Man Dibata Perp. Tedis L Tuhan enggo mulahi manusia i bas iketen perbeben nari. IdiloNa kita gelah tetap njaga kemerdekan si enggo ijujurkenNa.

Liturgi GBKP 52 Minggu

75

P L P L

O Tuhan, tetap ateku nginget keleng ateNdu. Ersurak me aku naksiken kinimbisanNdu. Tuhan tetap setia njagai kegeluhen anak-anakNa, IA negu dingen encukupi keperlun geluh kalak si erkemalangen man baNa. Erpadan aku Tuhan, kujaga me kinitekenku gelah tetap enteguh. Lanai aru ateku kerna kegeluhen enda. Mari sipuji Tuhan i bas keleng ate ras kesetianNa man banta, rende kita ibas ende-endenta : .....

11.Pertoton Tuhan 12.Pengutusen Ras Pasu-pasu Dibata L “Berkatlah alu mejuah-juah janah saksikenlah pembebasen si enggo sialoken (ialokenndu) i bas Dibata nari”, jenari alokenlah pasu-pasu idur IA nari : "Ipasu-pasu janah ikawali Dibata kita (kam). Siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam) janah malem ateta (ndu) ibahanNa.” Amin. P Amin..... Amin..... Amin..... (Iendeken)

LITURGI MINGGU KANTATE (RENDELAH) Liturgi GBKP 52 Minggu

76

A.PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina i bas Tuhan Jesus Kristus, manusia itepa Dibata guna muji ras mpebadiaken gelarNa arah perukuren, pengerana ras perbahanenta. Arah Minggu Kantate enda, ibabai kita lebe nggejapken ras ngidah keleng ate Dibata si jadi ulu keriahenta guna nehken puji-pujin. Sabab kalak si ngidah kiniulin Dibata nge si ngasup muji ras empermuliaken GelarNa. Mari dage kita ngadap ku IA alu pusuh si ersikap guna ngida kiniulin Dibata, ras alu pusuh si dem alu pujin ras pengataken bujur.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa ulu kerina kiniulin geluh, i bas gelar Jesus Kristus si metunggung ngaloken puji-pujin ras i bas gelar Kesah si Badia si ngajari kita (kam) muji Dibata alu mehuli. Perkuah ate ras dame i bas Dibata Bapa, ras i bas Tuhanta Jesus Kristus nari ras i bas kerembaken Kesah si Badia ras kita (kam) kerina gelah. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-Sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken : ...... 5. Berita Kerna Perbahanen Dibata (Masmur 104) Perp. Kundul L Andiko seh kal muliana Dibatata, iaturkenNa doni enda seh maka sikap kal jadi ingan nggeluh man kerina tinepa. O kam kerina tinepa, Pujilah Dibata Si mada kuasa.

Liturgi GBKP 52 Minggu

77

P L+P L P L+P L P L+P L P L+P

Haleluya...! Haleluya...! Haleluya...! (Ngendeken KEE GBKP 306:1) Kemulian Dibata teridah arah terang si ersinalsal, arah embun ras angin si rembus. O kam kerina tinepa, Pujilah Dibata si mada kuasa. Haleluya...! Haleluya...! Haleluya...! (Ngendeken KEE GBKP 306:1) Kemulian Dibata teridah arah lau maler si meciho, seh maka kerina tinepa lanai muas. Haleluya...! Haleluya...! Haleluya...! (Ngendeken KEE GBKP 306:1) Kemulian Dibata teridah arah deleng-deleng si meganjang, juma ras sabah, sinuan si meratah bage pe page si enggo megersing. Bage pe kerina rubia si meliar ras asuh-asuhen kerinana itepaNdu alu mehuli. Haleluya...! Haleluya...! Haleluya...! (Ngendeken KEE GBKP 306:1)

6. Kinata Kegeluhen Manusia Ras Pengakun Dosa (Bdk.Kejadin 1:28) L Tuhan enggo ncidahken kemuliaanNa arah kerina tinepaNa. P O Tuhan, dosangku namburi mataku guna ngidah kemuliaanNdu i bas ulina tinepaNdu, emaka la aku ngasup muji Kam. L Tuhan enggo mpetangkas kiniulinNa i bas diri manusia. P O Tuhan, megati la kugejap, maka aku itepaNdu mulia mehaga bagi Kam, seh maka la turah ukurku muji Kam. L Tuhan enggo mpekena-kena kegeluhenta erkelang-kelangken temanta manusia, bage pe arah kiniulin tinepa si deban. P O Tuhan, megati lepak pengertinku, subuk nandangi temanku manusia, bage pe nandangi tinepandu si mehuli enda. Megati lupa aku muji gelarNdu dingen njagai doni enda. O Tuhan, alemi kal dosangku. L Marilah siakuken salah ras dosanta man Dibata alu ngendeken : ..... 7. Berita Pengalemi Dosa Perp. Tedis L Selaku persuruhen Dibata aku nehken KataNa man banta (ndu) kerina kita (kam) si ngakuken dosanta (ndu), niNa Dibata : “Kutamaken me undang-undangKu ku bas pusuhndu, janah Kusuratken me i bas ukurndu." Kulupaken me dosa-dosandu ras perbahanenndu si jahat." (Heber 10 :16b, 17). Bage me nina Dibata man banta (ndu) kerina. Amin. Sipuji dage Tuhan i bas dosanta enggo ialemiNa, alu ngendeken : .....

8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya.

Liturgi GBKP 52 Minggu

78

P Haleluya..... Haleluya..... Haleluya..... (Iendeken) a. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L Genduari sisehken persembahen pengataken bujurta man Dibata. Kata Dibata si jadi palas man banta guna mereken persembahen niNa : “Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur” (Roma 12:1). Tupung sisehken persembahenta ras kita rende arah : ..... Pertoton Persembahen ras Pertoton Syafaat 11.Perpadanen Man Dibata Perp. Tedis L Dibata tetap mereken kesempaten guna ngidah kiniulinNa, dingen mereken kinihagan man manusia guna njagai kiniulin doni enda. P Erpadan aku O Tuhan, kuendesken geluhku man baNdu. Atanken aku tetap ngenanami kiniuliNdu, jenari pakelah aku njagai dingen naksiken ulina bekas tinepaNdu. L Sipuji Tuhan alu ngendeken : ..... 12.Pengutusen Ras Pasu-pasu Dibata L Berkatlah ku bas kegeluhenta (ndu) si teptep wari, rendelah dingen ersuraklah ibas kita (kam) naksiken kiniulin Tuhan, ras pakekenlah geluhta (ndu) guna mpekena-kena doni enda. Guna mpegegehi kita (kam) ndalankenca, alokenlah pasu-pasu idur Dibata nari : “Ipasu-pasu janah ikawali Dibata kita (kam), demi, dingen pekenakena doni enda guna kemulian gelar Bapanta (ndu) si ni Surga. Dibata tetap ras kita (kam) seh ku kedungen jaman”, Amin. P Amin..... Amin..... Amin..... (Iendeken)

LITURGI MINGGU ROGATE (ERTOTOLAH) Liturgi GBKP 52 Minggu

79

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta, mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina, Minggu enda igelari Minggu Rogate, si ertina Ertotolah. I bas buena perbeben geluh i doni enda, megati kal erbahan manusia mbiar, kote dingen eraru ate. Tuhu, labo manusia ngasup mulahi bana i bas buena perbeben geluh. Emaka, arah kebaktin enda, ate Dibata nuduhken maka IA me temanta arih arah pertoton, gelah lit pengarapen ras gegehta ngalaken perbeben nggeluh. Mari dage kita ngadap man Dibata si jadi temanta arih, si mereken serpang pulah i bas kita ndalani perbeben kegeluhenta.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si jadi inganta (ndu) guna nehken pertoton, i bas gelar Jesus Kristus si ngajari kita (kam) ertoto, ras i bas gelar Kesah si Badia si ertoto man gunanta (ndu) raduken ras kerina tendinta (ndu). Perkuah ate i bas Dibata Bapa, i bas Jesus Kristus nari ras i bas kerembaken Kesah si Badia ras kita (kam) kerina gelah. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken : ...... 5. Berita Kerna Kiniulin Dingen Kekelengen Dibata Man Manusia Perp.Tedis L Turang ras senina, Dibata mereken diriNa jadi inganta (ndu) nehken pertoton. IA setia jadi inganta (ndu) ngampeken keguluten ukur. IangkaNa sora pusuhta (ndu) gia la siangka (iangkandu) nangkeli

Liturgi GBKP 52 Minggu

80

P L

perbeben geluh. IA si mulahi bangsaNa ibas kepiceten ras kebiaren nari, dingen iteguNa pusuh si kote kempak keriahen. Kukataken bujur man bandu Tuhan. Kam kap inganku cicio, ingan pusuhku nuri-nuri, ingan tendingku pekesahken. Nginget perbahanen Dibata si mehuli, pujilah IA erkiteken kiniulinNa alu ngendeken : .....

6. Kinata Kegeluhen Manusia I Lebe-Lebe Dibata Perp. Kundul L Pertoton, e me inganta nuriken isi pusuhta man Tuhan. Turikenlah kearun atenta ku adepen Tuhan alu pertotonta. P (Ertoto i bas pusuh sekalak-sekalak) L Pertoton, e me inganta mpeseh sura-sura geluhta man Dibata. Emaka mari dage situriken sura-suranta i lebe-lebe Dibata arah pertotonta. P (Ertoto i bas pusuh sekalak-sekalak) L Pertoton, e me inganta nginget kerina kalak si ikelengi kita, rikut pe kerina jelma si jadi temanta mpekena-kena doni enda. Mari dage si turiken sura-suranta si mehuli kempak Dibata kerna temanta manusia. P (Ertoto i bas pusuh sekalak-sekalak) L Mari dage sipepaguhi pertotonta alu rende arah ende-endenta : ..... 7. Dibata Ngaloken Pertotonta Perp.Tedis L Turang ras senina, guna pepaguhi pengarapenta (ndu) i bas Tuhan. Dengkehken dage kata Dibata kerna pertoton : “Ertotolah kita (kam) man baNa sabab IA ndeher ras kita (kam). ItimaiNa kita (kam) katawari pe, janah italangiNa pinggelNa guna megiken pemindonta (ndu), keleng ateNa man banta (ndu), icidahkenNa keleng ateNa dingen perpadanenNa man banta (ndu) tetap seh rasa lalap” (Bdk. Jesaya 44:22). Meriah ukurta, Dibata tetap ertima nandangi pertoton anak-anakNa. Emaka genduari sicidahken keriahen ukurta, dingen ngataken bujur man Dibata arah ende-endenta : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L Turang ras senina, seh paksana siendesken persembahen pengataken bujurta man Dibata. Kata Dibata si jadi palas man banta i bas kita ngendesken persembahen pengataken bujurta, niNa :

Liturgi GBKP 52 Minggu

81

“Kalak si ernalem man Tuhan, bali kap ras deleng Sion, enteguh la mugur-ugur dingen la terpiser rasa lalap. Bali ras deleng-deleng sekelewet Jerusalem, bage pe pengkeleweti Tuhan bangsaNa genduari nari seh rasa lalap” (Masmur 125:1-2). Tupung sipepulung persembahenta rende kita arah : ..... Pertoton Persembahen ras Pertoton Syafaat 11.Perpadanen Man Dibata Perp. Tedis L Dibata kap inganta ertoto, inganta nuriken isi pusuh ukurta. P Erpadan aku O Tuhan, ku Kam me kuturiken isi pusuhku, Kam me inganku erpengendes i bas kerina perbeben geluhku. L Kalak si setia man Dibata, itegu Dibata kap pusuhna i bas rukur ras ndahiken si mehuli. P Ateku tetap setia man baNdu Tuhan. Kam kap penggurunku i bas rukur ras ndalani kegeluhenku. L Kalak si tutus ertoto, ikuhi Dibata alu gegeh ras kepentaren i bas ndalanken mehuli man kerina jelma. P Ateku tetap nuriken sura-sura pusuhku man baNdu Tuhan, gelah ngasup aku jadi pasu-pasu man kerina jelma. L Teklah dingen tetaplah kita ertoto man Dibata, sabap sialoken kap kai si ipindo kita man baNa arah pertotonta. Sipuji Tuhan alu ngendeken : ..... 12.Pertoton Tuhan 13.Pengutusen Ras Pasu-pasu Dibata L Geluhkenlah geluhta (ndu) i bas pertoton. Dibata ndengkehken pertotonta (ndu), jenari alokenlah pasu-pasu idur Dibata nari: “Dibata si mada perkuah ate, si enggo nenahken kita (kam) ku kemulianNa si rasa lalap i bas Kristus, njadiken kita (kam) serta, megegeh dingen paguh. IA nge si mada kuasa seh rasa lalap”. Amin. P Amin..... Amin..... Amin..... (Iendeken)

LITURGI PERINGETEN TUHAN JESUS NANGKIH KU SURGA A.PERSIKAPEN

Liturgi GBKP 52 Minggu

82

Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B.KEBAKTIN 1. Kata Penaruh Mejuah-juah man banta kerina, perpulungen si ni kelengi Tuhanta Jesus Kristus. Sendah enda kita pulung guna ngerayaken Kenangkihen Tuhan Jesus ku Surga. Kenangkihen Tuhanta ku Surga ncidahken man banta, uga belinna Kuasa Dibata i bas Kristus Jesus. IA nggo mate, tapi keke i bas wari si peteluken, jenari nangkih me IA ku Surga. Kenangkihen Jesus e jadi jaminen man banta, maka kita si tek man Jesus lanai ikuasi kematen, janah i bas paksana pe pagi, bengket me kita Surga, e me ingan si enggo isikapken Dibata genduari nari man banta. Genduari, idilo Dibata kita guna tetap nggeluh ngusih kegeluhen si enggo ilakokenNa i doni enda. Dahin enda me si njagai geluhta gelah tetap ersada ras geluh ni Kristus. Gia kita mentasi kiniseran ras kematen, lanai bo e jadi kebiaren, tapi jadi dalan kiniersadan ras Dibata. Dage arah perayaan enda, ate Dibata mpetetap ukurta ngaloken keselamaten si enggo isikapkenNa man banta.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum - Salam L Kebaktin enda lit i bas gelar Dibata Bapa si nepa langit ras doni, i bas AnakNa Jesus Kristus si enggo nangkih ku Surga, ras i bas gelar Kesah si Badia si nemani geluh manusia. Perkuah ate ras dame i bas Dibata Bapa, ras i bas Tuhan Jesus Kristus nari, i bas kerembaken Kesah si Badia, ras kita (kam) kerina gelah. Amin. P Amin..... Amin..... Amin..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken : ......

4. Pujin Kerna Kiniulin Pendahin Tuhan Jesus Perp. Kundul L Jesus Kristus enggo ncidahken kiniulin pendahinNa alu naluken kuasa kematen, jenari nangkih ku Surga. IA enggo mereken jaminen

Liturgi GBKP 52 Minggu

83

P L

keselamaten man manusia si tek man baNa. Janah genduari, mulih IA ku Surga guna nikapken ingan man kalak si tek man baNa. Terpujilah Tuhan i bas kerina perbahanenNa. Sipuji Tuhan i bas keselamaten si enggo isikapkenNa man banta, ras kita rende ibas : .....

5. Kinilangasupen Manusia i Bas Ngaloken Padan Dibata L Dibata enggo nuduhken kiniulin pendahinNa. IsikapkenNa pe Surga jadi inganta ersada ras IA rasa lalap. Enda me si jadi jaminen keselamaten man banta. Tetap nge ndia ukurta ngaloken jaminen si enggo isikapken Dibata man banta? (Paksa Teneng) L

Genduari, idilo Dibata kita guna tetap nggeluh ngusih kegeluhen si enggo ilakokenNa i doni enda. Enggo nge si jagai geluhta gelah tetap ersada ras Kristus? (Paksa Teneng)

L

Marilah siakuken dosa ras kearun ateta man Dibata arah kita ngendeken : .....

6. Berita Si Mpetetap Ukur Manusia Si Erpengarapen Man Dibata Perp. Tedis L Aminna pe Jesus enggo nangkih ku Surga, labo kita (kam) itadingkenNa, sabab IA erpadan nikapken ingan man kalak si tek man baNa. Nina Tuhan : “Labo kam Kutadingken melumang. Reh nge Aku mulihken ndahi kam. I bas rumah BapangKu mbas ingan; janah lawes me Aku nikapken ingan man bandu. Tuhu kap enda; adi lang labo Kukataken bage man bandu” (Johanes 14:2,18). Sipuji Tuhan simpetetap ukurta alu ngendeken : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Seh paksana kita nehken persembahen pengataken bujurta man Dibata. Kata Dibata si jadi palas i bas kita nehken persembahen, niNa :

Liturgi GBKP 52 Minggu

84

“O senina-seninangku, nginget perkuah ate Dibata Si Mbelin si isehkenNa man banta, Kupindo man bandu: Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur” (Roma 12:1-2). Iherta ngendesken persembahen, ras kita rende ibas : ..... Pertoton Persembahen ras Pertoton Syafaat 10.Perpadanen Man Dibata Perp. Tedis L Turang ras senina, Tuhan Jesus enggo ndahiken dahinNa alu mehuli i doni enda. Janah genduari enggo isikapkenNa ingan si mehuli man banta. P Lanai aru ateku, lanai aku mbiar, sabab geluhku enggo ijaminiNdu Tuhan. L Tuhan enggo nehken padanNa, maka IA tetap nemani kita (kam) seh kedungen jaman. P Kupuji dingen kupebadiaken me Kam Tuhan. Kuendesken diringku, ngikutken dalan si enggo ibenakenNdu arah lebengku. Ijenda aku, suruhlah aku. L Tuhan si masu-masu kalak si nggit ngelakoken perentahNa. Emaka mari sipuji IA arah ende-endenta : ..... 11.Pertoton Tuhan 12.Pengutusen Ras Pasu-pasu Dibata L Kita (kam) idilo maba berita keselamaten ku kerina bangsa manusia, jenari bahanlah ia jadi ajar-ajar Dibata, janah nggeluh ngikutken kerina si enggo ipedahken man banta (ndu). Guna si e, alokenlah pasu-pasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal i babonta (ndu);, janah melias ateNa ngenehen kita (kam). Itatap Dibata ku kita (kam), janah malem ateta (ndu) ibahanNa.” Amin. P Amin..... Amin..... Amin..... (Iendeken)

LITURGI MINGGU EKSAUDI Liturgi GBKP 52 Minggu

85

A.PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehendu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina i bas kekelengen Tuhanta Jesus Kristus, wari enda igelari Minggu Eksaudi si mabai kita ersikap guna ngalo-ngalo kerehen Kesah si Badia kenca kita emperingeti Tuhan Jesus nangkih ku Surga. Amin gia IA enggo nangkih ku Surga, labo kita melumang itadingkenNa. Adi erlebuh kita man baNa tetap nge idengkehkenNa pingko-pingkonta. Sabab Jesus enggo erpadan mereken penampat man banta i bas ndalani perbeben geluhta. Erkiteken si e, sipetetap dage kinitekenta i bas erpengarapen man Dibatanta si setia.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa si mada kuasa, i bas gelar AnakNa Jesus Kristus si enggo erpadan nampati manusia ras i bas gelar Kesah si Badia si mpengasup manusia tetap setia erlebuh mindo penampat man baNa. Labo kita (kam) i tadingkenNa melumang, reh nge IA mulihken ndahi kita (kam). Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken : ...... 5. Kinata Kegeluhen Manusia

Perp. Kundul

Liturgi GBKP 52 Minggu

86

L

Mari bengket kita ku bas perrtoton, maba kerina kecibal geluhta i bas kita ngaloken padan ras perkuah ateNa, nintalah sekalak-sekalak i bas ukurta: “Ngaku aku o Tuhan, megati aku eraru ate i bas ndalani perbeben geluhku. Megati pe la aku saber i bas nimai penampat gegeh si ipadankenNdu. Genduari, salah lepakku enggo kugejap, dosangku pe rusur kuinget. Erdosa kal aku man baNdu, sabab kubahan si jahat i bas mataNdu, janah kinilabujuren kulakoken i bas geluhku. Emaka patut kal min aku i ukumNdu. Mekuah min ateNdu kempak aku. Peridi min aku maka masap kejahatenku, urasi min aku maka masap dosangku, Amin. (Masmur 51). Mari si pindo pengalemi dosa man Dibata arah ende-endenta : .....

6. Berita Pengalemi Dosa Perp. Tedis L Lias ate Dibata la kap ersibar, mbelin kal keleng ateNa man banta (ndu). Amin pe enggo kita (kam) mate i bas dosa, i pegeluhNa kita (kam) mulihi radu ras Jesus Kristus. Mbelin kap sura-sura Dibata gelah kita (kam) terkelin. Amin. Mari sipuji Tuhan erkiteken dosanta enggo ialemiNa, alu ras kita ngendeken : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Seh me paksana kita guna ngendesken persembahenta man Dibata. Kata Dibata si jadi palas i bas kita nehken persembahen e me : ”O senina-seninangku, nginget perkuah ate Dibata simbelin si isehkenNa man banta, kupindo man bandu : Endeskenlah kulandu man Dibata saja selaku persembahan si nggeluh rikutken si ngena ateNa”. (Roma 12:1a) Iherta pepulung persembahen, ras kita rende ibas : ..... Pertoton Persembahen ras Pertoton Syafaat

10.Perpadanen Man Dibata

Perp. Tedis

Liturgi GBKP 52 Minggu

87

L P L+P L

Dibata labo pernah nadingken kita (kam) sisada i doni enda. Nggit nge kam encikep padan Dibata, dingen makekensa jadi gegehta (ndu) i bas kegeluhenta (ndu)? Aku erpadan o Tuhan, kupake me gegeh siipadankenNdu. Kuendesken geluhku i bas penegu Kesah si Badia, gelah ngasup aku erberita kerna kuasa aras kemulianNdu i bas kerina dampar geluhku. Amin. Sipeteguhi dage perpadanenta man Dibata, rende kita ibas : .....

11.Pertoton Tuhan 12.Pengutusen Ras Pasu-pasu Dibata L Bengketlah ku bas kegeluhenta (ndu) si teptep wari, tetapkenlah ukurta (ndu) ndalanken Pedah Dibata si enggo sibegiken (ibegikenndu). Emaka alokenlah pasu-pasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam), janah malem ateta (ndu) ibahanNa.” Amin. P Amin.... Amin.... Amin....(Iendeken)

LITURGI MINGGU PENTAKOSTA I Liturgi GBKP 52 Minggu

88

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Pengalo-ngalo Ras Momo Turang ras senina ibas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin ibas gerejanta enda, ikataken kami mejuah-juah. Kerehendu nambahi keriahen man banta kerina. Ibas bena kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Kekelengen ni Tuhan, Minggu enda e me wari raya Pentakosta, si ertina Dibata nehken PadanNa mereken Kesah si Badia si jadi Penampat man manusia i bas ndalani kegeluhen enda. E maka arah kebaktin enda, mari sitalangi pusuhta guna idemi Kesah si Badia.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L Kebaktin Pentakosta enda lit i bas gelar Dibata Bapa si enggo mereken AnakNa Jesus Kristus si jadi Penebus man manusia, si enggo mate ras nangkih ku surga, ras i bas gelar Kesah si Badia si reh guna nemani kegeluhen manusia seh rasa lalap. Mejuah-juah man banta (ndu) si enggo ngaloken Kesah si Badia i bas pusuhta (ndu). Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken: ...... 5. Kinilangasupen Manusia Nggeluh i Bas Kesah si Badia Perp. Kundul L Dibata Bapanta si Mulia, enggo reh i bas Kesah si Badia guna nampati manusia. P Ngaku aku Tuhan, megati lenga kusikapken pusuh ukurku, jadi ingan KesahNdu si Badia ngkuasai kegeluhenku.

Liturgi GBKP 52 Minggu

89

L P

L

Kesah si Badia, e me penampat si mereken gegeh ras kepentaren si ipadanken Dibata man banta (ndu). Ngaku aku Tuhan, megati aku lupa, maka enggo ibereNdu Kesah si Badia jadi Penampat man bangku. Seh maka megati bene ukurku i bas ngalaken perbeben, lepak aku i bas encibalken diri nandangi temanku manusia. Mari tole nggejapken kelepakenta i bas paksa teneng. (Paksa Teneng)

L

Si akuken dage salah lepakta man Dibata arah ende-endenta : .....

6. Kata Pergegeh i Bas Dibata Nari Perp. Tedis L Selaku persuruhen Dibata, aku nehken kataNa man banta (ndu) guna mpegegehi kita (kam) i bas geluh enda, niNa : “Kubereken KesahKu man kerina kalak, janah kerina kalak si mindo penampatKu terkelin kap” (Joel 2:28a, 32a). Sipuji Tuhan alu ngendeken : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Kata Dibata si jadi palas i bas kita ngendesken persembahen si tersurat i bas Masmur 50:23, niNa : “Ngataken bujur e me persembahen si mpehagaken Aku janah si patuh ngikutken Aku tentu Kukelini”. Tupung sisehken persembahenta, ras kita rende ibas : ..... Pertoton Persembahen ras Pertoton Syafaat

Liturgi GBKP 52 Minggu

90

10.Perpadanen Man Dibata Perp. Tedis L Enggo isehken Tuhan padanNa mereken Kesah si Badia guna nampati ras ngajari anak-anakNa. P Erpadan aku O Tuhan, mereken pusuh ukurku jadi ingan Kesah si Badia si ngajari ras nampati aku. L Kesah si Badia e me Dibata si reh ras ringan i bas kegeluhenta (ndu). P Erpadan aku Tuhan, tetap nginget Kam si ngiani diringku arah KesahNdu si Badia. Kam me penampatku si mpengasup aku ngalaken kerina perbeben geluhku. L Gelah kita tetap i bas perpadanenta man Dibata, mari ras kita rende ibas : ..... 11.Pertoton Tuhan 12.Pengutusen Ras Pasu-pasu Dibata L Turang ras senina, pakekenlah kegeluhenta (ndu) jadi ingan tading Kesah si Badia, jenari aloken pasu-pasu idur Dibata nari : “Dibata, si mada Perkuah Ate, si enggo nenahken kita (kam) ku kemulianNa si rasa lalap ibas Kristus, njadiken kita (kam) serta, tetap, megegeh dingen paguh. IA nge si mada kuasa seh rasa lalap. Amin. P Amin..... Amin..... Amin..... (Iendeken)

Liturgi GBKP 52 Minggu

91

LITURGI PENTAKOSTA II A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Penaruh Turang ras senina ibas kekelengen Tuhanta Jesus Kristus, selaku serayan Tuhan, ikataken kami mejuah-juah man banta kerina. Wari enda e me wari Pentakosta sipeduaken, e mekap wari kita mperingeti Kesah si Badia si enggo seh man banta e mpengasup kita ersaksi kerna perbahanen Kesah si Badia bas geluhta. Kebaktin enda ngajuk kita gelah ngidah Kesah si Badia me si mpengasup kita nampati turang seninanta i sekelewetta. Mari dage sipesikap ukurta ngadap man Dibatanta si Badia.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum - Salam L Kebaktin enda lit i bas gelar Dibata Bapa si tetap mperdiateken kita (kam), i bas gelar anak-Na Jesus Kristus si enggo reh nelamatken kita (kam), ras i bas gelar Kesah si Badia si mereken gegeh ras kengasupen man banta (ndu) guna naksiken keleng ate Dibata. Dibata si la ersibar kuasaNa nguseken dameNa man banta (ndu) arah Kesah si Badia gelah tetap kita (kam) ngasup pembarken Berita si Meriah. Amin. P Amin..... Amin..... Amin..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken : ...... 4. Pengakun i Bas Kearun Ate Perp. Kundul L Jesus Kristus enggo nangkih ku Surga, tapi reh ka IA nemani kita i bas Kesah si Badia. Ate Dibata gelah kita si nerusken dahinNa maba Berita si Meriah man doni enda. P O Bapa, megati kebiaren ngiani pusuhku, lupa aku maka Kam enggo reh ngiani pusuhku. Emaka surut pusuhku i bas naksiken keleng ateNdu. L Kesah si Badia labo erbahan manusia mbiar, tapi mpetetap ukur i bas ndalanken si mehuli.

Liturgi GBKP 52 Minggu

92

P L

O Kesah si Badia, ringanlah Kam i bas pusuhku. Berelah sinalsalNdu naluken kebiarenku, gelah reh tetapna ukurku naksiken kuasaNdu man kerina manusia. I bas kita nggejapken kearun ateta, mari sipindo gegeh ibas Dibata nari arah ende-endenta : .....

5. Padan Dibata i Bas Nemani Manusia Perp. Tedis L Dibata Bapanta erkuasa petetap ukur si monce. IianiNa pusuhta alu Kesah si Badia, gelah lesap kebiarenta (ndu), iaguiNa aru ateta (ndu), gelah paguh kita (kam) naksiken kebenaren Kristus bas geluhta (ndu). Amin. Sipuji Tuhan erkiteken kita tetap itemaniNa arah ende-endenta : ..... 6. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 7. Pengakun Kiniteken

Perp. Tedis

8. Persembahen Perp. Kundul L Kata Dibata si jadi palas man banta i bas kita ngendesken persembahen pengataken bujurta e me : ”O senina-seninangku, nginget perkuah ate Dibata Si mbelin si isehkenNa man banta, kupindo man bandu : “Endeskenlah kulandu man Dibata saja selaku persembahan si nggeluh rikutken si ngena ateNa”. Tupung sisehken persembahenta, ras kita rende ibas : ..... Pertoton Persembahen ras Pertoton Syafaat 9. Perpadanen Man Dibata Perp. Tedis L Dibata enggo mereken Kesah si Badia si mpengasup kita (kam) guna tetap naksiken keleng ate Kristus. P Erpadan aku O Tuhan, mereken pusuh ukurku jadi ingan Kesah si Badia si ngajari ras nampati aku. L Enggo ibereken Tuhan Kesah si Badia guna nampati ras ngajari anakanakNa. P Erpadan aku Tuhan, lanai aku mbiar naksiken kuasa ras keleng ateNdu. Kuendesken me diringku nggeluh i bas kepentarenNdu. L Guna mpeteguhi perpadanenta man Dibata, ras kita rende arah : ..... 10. Pertoton Tuhan

Liturgi GBKP 52 Minggu

93

11. Pengutusen Ras Pasu-pasu Dibata L Turang dingen senina, berkatlah alu tetap ukur, janah beritakenlah kebenaren Kata Dibata alu kepentaren si rehna ibas Kesah si Badia nari, janah alokenlah pasu-pasu idur Dibata nari : “Dibata enggo milih kita (kam) janah nuruh kita (kam) lawes gelah erbuah meramis, e me buah si tahan rasa lalap. Kai pe si ipindo kita (ndu) ibas gelar Jesus, ibereken Dibata kap man banta (ndu)” Amin. P Amin..... Amin..... Amin..... (Iendeken)

Liturgi GBKP 52 Minggu

94

LITURGI MINGGU TRINITATIS / MINGGU UEM A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Meriah ukurta pulung i bas mengketi kebaktin minggu Trinitatis enda, e me minggu ija Gerejanta ngejapken Keleng ate ras pengarak-ngarak Dibata arah pengidahta kerna Dibata si Telu Sada, e me Dibata Bapa, Anak, ras Kesah si Badia. Minggu enda iajuk kita ngejapken kiniersadan Dibata alu nehken padanNa si ibenaken arah Dibata nepa doni ras isina seh ku karya keselamatenNa arah Tuhanta Jesus Kristus, ras bage pe penemani Kesah si Badia seh ku pendungi jaman.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa, AnakNa Tuhanta Jesus Kristus, ras Kesah si Badia. Kejuah-juahen jadi sikerajangen kalak si ngerembakken dirina ras Dibata, bage pe si njaga kiniersadanna ras Dibata. Kekelengen ras kemuliaan Dibata si nemani kegeluhenta (ndu), mulai genduari nari seh rasa lalap. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken : ......

Liturgi GBKP 52 Minggu

95

5. Pujin Man Dibata Bapa, Anak Ras Kesah si Badia Perp. Kundul L Dibatanta si erdolat dingen erkuasa, enggo itepaNa langit ras doni, rikut ras kerina isina alu mehuli. P Ipuji kami Kam Tuhan. Kam Dibata si erdolat dingen erkuasa. L Jesus Kristus si enggo reh ku doni enda. Reh IA maba perdamen ras keselamaten arah kematen i kayu persilang. ItalukenNa kematen jenari nangkih ku Surga guna nikapken ingan man manusia. P Ipuji kami perbahanenNdu si mbelin Tuhan. KematenNdu nelamatken kami si perdosa enda. L Dibata tetap njagai dingen mere kepentaren man banta arah Kesah si Badia, seh maka la kita melumang dingen la talu ibahan doni enda. P Ipuji Kam O Tuhan, gegeh ras kepentarenNdu kap si erbahanca kami ngasup naluken perbeben i bas doni enda. L Sipenangkih pujinta man Dibata si Telu Sada alu ngendeken : ..... 6. Kinata Kegeluhen Manusia L Dibata enggo ncidahken kemulianNa, mereken perkuah ateNa arah Jesus Kristus, ras njagai kegeluhenta arah Kesah si Badia. Sigejap nge ndia pendahin Dibata e i bas kegeluhenta? (Paksa Teneng) L

Mari tole siakuken dosata arah ende-endenta : .....

7. Berita Pengalemi Dosa Perp. Tedis L Itandai Dibata nge manusia i bas kinilangasupenna ngerembakken diri man Dibata si Badia, e maka niNa : “Kutamaken me Undang-undangKu ku bas pusuhna, janah Kusuratken me ku bas ukurna." Tole niNa, "Kulupaken me dosa-dosana ras perbahanenna si jahat." (Heber 10 :16b, 17). Bage me nina Dibata man banta (ndu) kerina. Amin. Sipenangkih puji-pujinta man Dibata erkiteken dosanta enggo ialemiNa, alu ngendeken : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

Liturgi GBKP 52 Minggu

96

10. Persembahen Perp. Kundul L Marilah siendesken persembahen pengataken bujurta man Tuhan rikut ras pengakun keriahen ukurta bagi si iakuken raja Daud ibas I Kronika 29 : 17, nina : “Kueteh maka Kam si nguji pusuh peraten dingen meriah iakapNdu ras bangsa si ertutus ate. I bas pusuh peraten si bersih ras bujur, meriah ukurku merekenca enda kerina man baNdu, janah kuidah kuga bangsaNdu si enggo pulung i jenda alu meriah ukur maba persembahen-persembahen man baNdu”. Tupung sipepulung persembahenta, ras kita rende ibas : ..... Pertoton Persembahen ras Pertoton Syafaat 11. Perpadanen Man Dibata Perp. Tedis L Dibata me si mereken kegeluhen, jenari ibereNa kegeluhen si mbaru man banta (ndu) arah Jesus Kristus, janah tetap ipelimbaruiNa gegehta (ndu) arah Kesah si Badia. P Erpadan aku Tuhan, ateku ngergaken kegeluhen si enggo iberekenNdu. Erpadan aku Tuhan, tetap ngusih perbahanenNdu, si enggo ituduhkenNdu i bas Jesus Kristus. Erpadan Aku Tuhan, tetap makeken kepentaren si enggo ijujurkenNdu arah Kesah si Badia. L Guna mpeteguhi perpadanenta man Dibata, rende kita ibas : ..... 12. Pertoton Tuhan 13. Pengutusen Ras Pasu-pasu Dibata L Berelah perukuren ras kinitekennta (ndu) ipelimbaru Dibata, alu bage ngasup kita (kam) njagai dirinta (ndu), bage pe njagai persadanta (ndu) ras perpulungenNa i bas keleng ate. Guna si e, alokenlah pasupasu idur Dibata nari : “Kemalemen ate si rehna i bas Dibata nari, si la terukuri manusia, e lah singarak-ngarak kegeluhenta (ndu) erpalasken persadanta (ndu) ras Kristus Jesus”. Amin. P Amin..... Amin..... Amin..... (Iendeken)

Liturgi GBKP 52 Minggu

97

LITURGI MINGGU PENDAHIN / ETIKA KERJA A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Mejuah-juah turang ras senina i bas Gelar Tuhanta Jesus Kritus. I bas minggu enda sibengketi me minggu si ngingetken kita kerna kuga arusna kita erdahin selaku tinepa si sentudu ras tempas Dibata. Kejadin 2:15, ningetken kita, maka Dibata nepa kita guna ngusih pendahinNa lako njagai dingen mpekenakena doni enda gelah tetap jadi ingan kegeluhen si sikap man banta, man temanta bage pe man kerina tinepa si deban. Arah pendahinta me Dibata reh nehken pasu-pasuNa man banta bage pe nandangi doni enda. Kalak si erdahin alu tutus ngena ate Dibata. Sibengketi dage kebaktinta alu kehamaten ras ketedehen ate kempak Dibata si nepa kita lako ndahiken dahin si mehuli.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si ndilo kita (kam) erdahin guna ngusahai ras njagai doni enda, i bas gelar AnakNa Jesus Kristus si erdahin guna kiniulin doni, ras i bas gelar Kesah si Badia si mereken kepentaren gelah kita (kam) ngasup erdahin alu mehuli. Dibata Bapa mereken gegeh ras kepentaren, dingen kemalemen ate man banta (ndu). Amin. P Amin..... Amin.....Amin..... (Iendeken) 4. Berita Kerna Pendahin Ras Sura-Sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken : .....

Liturgi GBKP 52 Minggu

98

5. Pujin Nandangi Kiniulin Dahin Dibata Perp. Kundul L Pustaka si Badia nuduhken uga ulina Dibata erdahin guna kiniulin doni enda. Mula-mulana, ijadiken Dibata langit ras doni. IaturkenNa doni si lenga lit tempasna jadi mehuli. Isikapkenna lawit si mbelang, awangawang ras taneh kerah jadi ingan kegeluhen. IaturkenNa matawari, bulan ras bintang guna ngiani suari ras berngi, si jadi tanda permulan wari, bulan, tahun ras musim. P Terpujilah Kam Tuhan, sabab mehuli kal ulih pendahinNdu. L Itepa Dibata pe erbage-bage sinuan-sinuan bage pe erbage-bage rubia-rubia ras asuh-asuhen. Jenari, itepa Dibata me manusia si sentudu ras tempasNa, dilaki ras diberu guna njagai ras mpekenakena doni enda. Itatap Dibata kerina tinepaNa, seh kal ulina. P Terpujilah Kam Tuhan, sabab mehuli kal ulih pendahinNdu. L Emaka idungi Dibata kerina dahinNa janah iserapkenNa sada wari jadi wari pengadi-ngadin, jenari ipasu-pasuNa kerina. P Terpujilah Kam Tuhan, sabab mehuli kal ulih pendahinNdu. L Mari sipenangkih puji-pujinta man Tuhan i bas kerina pendahiNa si enggo nepa kegeluhen doni alu mehuli, alu ngendeken : ..... 6. Kinata Kegeluhen Manusia L Dibata enggo nepa doni enda alu mehuli, dingen ipehagaNa kita alu erbahan kita sentudu ras tempasNa. Jenari, iangkatkenNa kita jadi temanNa erdahin guna pekena-kena doni enda. I bas kita ngakuken Jesus jadi Dibata Bapanta, kai nge ndia si idah i bas pusuh ras perbahanenta, tandana kita sentudu ras tempas Bapanta? Pusuh ras perukuren si kuga nge idapeti Dibata ibas kita? IdapetiNa ndia kiniteken si tutus i bas njagai tempas Dibata si lit ibas kita? IdapetiNa ndia pusuh ukur si tetap ngukurken si mehuli lebih asa keperlun diri? IdapetiNa ndia perukuren ras perbahanen si mehuli? Pusuh si kuga nge idapeti Tuhan ibas kita genduari? (Paksa Teneng) L P

L

Marilah siakuken dosanta man Tuhan. O Tuhan, megati la kuinget, maka itepaNdu aku tudu ras tempasNdu, janah idiloNdu aku erdahin jadi pasu-pasu. Megati lanai idah doni enda keleng ateNdu i bas pendahinku. Megati lanai idah jabungku rupaNdu i bas rupangku. O Tuhan alemi kal aku. Kenca sigejap kerna salah ras lepakta, mari dage sipindo pengalemi dosa idur Dibata nari, alu ngendeken : .....

Liturgi GBKP 52 Minggu

99

7. Berita Pengalemi Dosa Perp. Tedis L Selaku persuruhen Dibata aku nehken kataNa man bandu (nta) kerina si ngakuken dosa ras kesalahenna, dingen jera ibas dosa ras kesalahenta (ndu) nari, niNa : "Kam enggo erkubang-kubang ibahan dosa, tapi Kuperidi kam maka bersih bagi salju. Aminna gia erkiteken dosandu kam enggo mbiring bagi tengguang, mulihi kam jadi mbentar bagi kapas”, bege me nina Dibata man banta (ndu) kerina. Amin. (Bdk. Jesaya 1:18) Mari sipenangkih puji-pujinta erkiteken dosanta (ndu) enggo ialemi, alu rende arah : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10. Persembahen Pengataken Bujur Perp. Kundul L Dibata enggo erdahin guna kiniulinta (ndu) ras kerina isi doni enda, idiloNa dingen isikapkenNa dahin man banta (ndu) jadi dalanta (ndu) ngaloken pasu-pasuNa. Dage mari siendesken persembahen pengataken bujurta man Dibata. Kata Dibata si jadi palas i bas kita nehken persembahenta : “O senina-seninangku, nginget perkuah ate Dibata si mbelin si isehkenNa man banta, kupindo man bandu: “Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur” (Roma 12:1-2). Iherta ngendesken persembahen ras kita rende arah : ..... Pertoton Persembahen ras Pertoton Syafaat. 11. Perpadanen Man Dibata Perp. Tedis L Ingetlah maka kita (kam) itepa Dibata maba pasu-pasu arah pendahinta (ndu). P Erpadan aku O Tuhan, kuendesken me diringku, jadi pasu-pasu arah pendahinku. L Manusia itepa Dibata guna ngusahai ras njagai kerina tinepa Dibata. P Erpadan aku O Tuhan, kuendesken me diringku jadi pasu-pasu man kerina tinepaNdu. Kupake me wari-wari si iberekeNdu, gelah idah doni enda pendahinNdu i bas pendahinku. L Sipepaguhi perpadanenta man Dibata arah ende-endenta : .....

Liturgi GBKP 52 Minggu

100

12. Pertoton Tuhan 13. Pengutusen Ras Pasu-pasu Dibata L Berkatlah, dahikenlah dahinta (ndu) sabap Dibata pe tetap erdahin i bas kita (kam) gelah kita (kam) nggit dingen ngasup ndalanken si ngena ateNa. Guna si e, alokenlah pasu-pasu idur Dibata nari : “Dibata si enggo ndilo kita (kam) ku bas kemulianNa si rasa lalap i bas Kristus, IA njadiken kita (kam) serta, tetap, megegeh dingen paguh. IA me si mada kuasa seh rasa lalap”. Amin. P Amin..... Amin..... Amin..... (Iendeken)

Liturgi GBKP 52 Minggu

101

LITURGI MINGGU KERJA RANI A.PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B.KEBAKTIN 1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebajtin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage si dengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo). 2. Kata penaruh Mejuah-juah turang ras senina i bas gelar Jesus Kristus. Simpar tuhu pe mere Dibata man banta. Geluhta, pendahinta ras gegeh guna ndahiken dahin e, Dibata si merekenca. Ipasu-pasuNa si idahiken kita seh maka rulih pendahinta. IA me kap si mada sinasa lit i bas kita. IA kap ulu gegehta si erbahanca kita ngasup ndahiken dahinta ras makekenca. Erdandanken si e patut me kita ngataken bujur man Dibata. Mari dage arah kebaktinta enda, sipehaga Tuhan, siendesken dirinta jadi persembahen si nggeluh, dingen jadi tanda keriahen ukurta, sipersembahken me ulih peraninta si mehulina selaku kita bagin kula ni Kristus. Kerina enda silakoken guna ngkuhi ras mpegegehi dahin pelayanen GBKP. Nina Dibata erpalasken Imamat 23:21 : “I bas wari e la banci idahindu dahindu, tapi kam arus pulung guna ersembah man Tuhan Dibatandu. Kam ras kerina kesusurenndu arus ngikutken pedah enda seh rasa lalap, subuk ija pa pe ia tading, gelah kesangapen jadi sikerajangenndu.”  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa, AnakNa Jesus Kristus ras Kesah si Badia. Penampat man banta (ndu) reh i bas Dibata si erkuasa, si mereken ulih pendahinta (ndu), i bas Jesus Kristus si mpengasup kita (kam) mpersembahken kegeluhenta (ndu) ras Kesah si Badia si mereken kepentaren makeken ulih pendahinta (ndu). Amin. P Amin ... Amin ... Amin (Iendeken)

Liturgi GBKP 52 Minggu

102

4. Berita Kerna Kekelengen Tuhan Man Manusia (Invocatio) L (Ngogeken Teks sue Almanak) Erpalasken kata Dibata enda, sipuji IA alu ras kita ngendeken : ..... 5. Pedah Dibata Kerna Persembahen Kerja Rani Perp. Kundul L Beligai pitu Minggu kenca ipersembahkenndu pungo gandum si pemena ndai. Dage i bas wari si pelimapuluhken, e me sada wari kenca lepas wari Sabat si pepituken, bahan ka persembahen gandum si mbaru man Tuhan. Teptep keluarga arus maba dua ngkibul roti jadi persembahen si endesken man Tuhan. Teptep ngkibul roti tepungna dua kilo, tama ragina, jenari itasakken, janah persembahen man Tuhan selaku persembahen ulih peranin si pemena. Tambah-tambah roti ndai, kerina anak kuta harus mpersembahken pitu anak biri-biri umur sada tahun, sada jenggi lembu, dua kambing. Kerina si enda la banci lit sitik pe si man pandangen, janah ipersembahken man Tuhan jadi persembahen tutungen, rikut ras persembahen buah gandum ras lau anggur. Kerina persembahen enda merim iakap Tuhan. Tambah si e persembahken ka pe sada bajar kambing jadi persembahen pengalemi dosa, janah dua anak biri-biri si dua e jadi persembahen man Tuhan guna imam-imam. Persembahen enda tuhu-tuhu badia. I bas wari e la banci idahindu dahindu, tapi kam arus pulung guna ersembah man Tuhan. Kerina kesusurenndu arus ngikutken peraturen enda seh rasa lalap, subuk i ja pe ia tading. (Imamat 23:15-21). Mari dage sipuji Dibata, alu ngendeken : ..... 6. Pengakun Kerna La Ndalanken Pedah Dibata L Sieteh maka Dibata nge si masu-masu kerina pendahinta, seh sidatken ulihna i bas kegeluhenta. Tapi megati kita la ndalanken pedah Dibata guna mereken ulih pendahin si mehulina, erdandanken aru ateta kerna keperlun geluh. Marilah si bengketi paksa teneng guna ngukuri kelepakenta i bas la ndalanken pedah Dibata. (Paksa Teneng) L

Siakuken kelepakenta alu ngendeken : .....

7. Pergegeh Guna Ndalanken Pedah Dibata Perp. Tedis L Selaku persuruhen Dibata, aku nehken kataNa man banta (ndu), niNa : “Perbahan si e ola aru atendu kerna nakan ras ine men si iperlukenndu i bas uis si man pakenndu. Ergan nge kesah asangken nakan, janah ergan nge kula asangken uis.” (Matius 6:25) Sikataken bujur man Dibata alu ngendeken : .....

8. Kata Dibata

Perp. Kundul

Liturgi GBKP 52 Minggu

103

a.Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca ibas geluhna si teptep wari, Haleluya. P Haleluya..... Haleluya..... Haleluya..... (Iendeken) b.Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L Sekalak-kalak arus maba persembahen, rikutken kengasupenna, sue ras pasu-pasu si enggo ibereken Tuhan Dibatandu. (Ulangen 16 : 16b – 17) Tupung siendesken persembahenta, mari rende kita ibas : ..... Pertoton Persembahen ras Pertoton Syafaat 11.Ngendesken Persembahen Kerja Rani L Mari dage sipersembahken ulih peranin si mehulina man Dibata alu ngendeken : ..... Pertoton kerna Persembahen Kerja Rani (Pelaksanan iaturken rikutken kecibal Runggun/Perpulungen) 12.Perpadanen Man Dibata Perp. Tedis L Tuhu seh buena pe mere Dibata man banta. Kai nge si jadi tekadta? P Erpadan aku Tuhan, ngikutken pedahNdu alu ngendesken diringku ras empersembahken ulih peraninku si mehulina man baNdu. L Nina Dibata, ola aru atendu kerna wari si pepagi, kai nge si jadi tekadta? P Lanai aru ateku Tuhan, erkiteken Kam nge sinjamini geluhku ras isi jabuku. L Bagi Dibata mpekena-kena bangsaNa, kai ndia tanggungjababta nandangi sekelewetta? P Erpadan aku Tuhan makeken pe mereNdu jadi pasu-pasu man gereja ras temanku manusia. L Sipegegehi perpadanenta man Dibata alu ngendeken : .....

13.Pertoton Tuhan

Liturgi GBKP 52 Minggu

104

14.Pengutusen Ras Pasu-pasu Dibata L Persembahkenlah geluhta (ndu), pakekenlah pe mere Dibata si lit i bas kita (kam) jadi pasu-pasu man gereja ras man temanta (ndu) manusia. Janah jadi gegehta (ndu), alokenlah pasu-pasu idur Dibata nari : “I pasu-pasuNa kita (kam), janah ibereNa kita (kam) ringan isekelewet delengNa si Badia. Ije i pasu-pasuNa kita (kam) alu udan katawari kam perlu, batang kayu erbuah, janah mereken ulihna. Janah kerina kita (kam) nggeluh alu teneng i bas tanehta (ndu)”. Amin (bdk. Esekiel 34 : 26-27a). P Amin..... Amin..... Amin..... (Iendeken)

LITURGI MINGGU PENDIDIKEN Liturgi GBKP 52 Minggu

105

(Penjemaaten TK Ras PAUD GBKP) A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina, malem ateta sabab tetap denga iarak-arak Dibata kegeluhenta seh banci jumpa ka kita bas Rumah Pertoton enda. Minggu enda bengket kita ku bas Minggu Pendidiken sue ras Kalender gerejanta GBKP, si enda silakoken erkiteken Dibata ersura-sura gelah anak-anakNa pentar erkiteken ndatken pendidiken si payo, subuk pendidiken secara formal bage pe informal. Pendidiken e nampati kita ngukuri ras ndalani kegeluhen alu mehuli. Emaka mari sipesikap ukurta alu dem ketenengen ras sigejapken Dibata lit i tengah-tengahta.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si jadi ulu gegeh ras kepentarenta (ndu), i bas gelar anakNa Jesus Kristus si enggo mereken kepentaren e man banta (ndu) ras i bas gelar Kesah si Badia si tetap ngajari kita (kam) guna tetap nggeluh i bas kepentarenNa. Perkuah ate ras dame i bas Dibata Bapa ras i bas Tuhan Jesus Kristus nari, i bas kerembaken Kesah si Badia ras kita (kam) kerina gelah. Amin. P Amin..... Amin..... Amin..... (Iendeken)

4. Berita Kerna Perbahanen Ras Sura-sura Dibata (Invocatio)

Liturgi GBKP 52 Minggu

106

L

(Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken : ......

5. Berita Kerna Dibata Simereken Kepentaren Man BangsaNa Perp. Kundul L Turang ras senina, Dibata me ulu kerina kepentaren i bas doni enda. I bas perdalanen bangsa Israel bengket ku bas taneh perpadanen Dibata, IA enggo leben ngkuhi bangsaNa alu pe meteh ras kepentaren arah Undang-Undang si ipeseh Musa man bangsa Israel. Tujunna gelah bangsa e erkemalangen man Tuhan dingen nggeluh i bas biak si mbaru. Alu bage bangsa Tuhan banci jadi bangsa si pentar i tengahtengah bangsa si deban. Mari sipuji Tuhan si jadi ulu gegeh ras kepentarenta, alu radu ras kita ngendeken : ..... 6. Kinata Kerna Geluh Manusia L Tuhan mereken kepentaren man manusia gelah ngasup ngaturken kegeluhen gelah reh ulina, subuk i bas perukuren bage pe perbahanen. Si jadi tanggungjababta e me nggeluh erpalasken kepentaren Dibata dingen nuduhkenca i bas jabunta. Moria Ngaku kami Tuhan, megati la ipakeken kami gegeh ras kepentareNdu i bas ngajarken anak ras kempu kami. Sura-sura kami ngenca ipenggurui kami, piah anak kami enggo tertaban i bas keterbatasen kami. Ulih pengajaren kami ndai dungna nambahi ate kami mesui. Mamre Ngaku kami Tuhan, kurang ate kami tutusna nggeluh i bas kepentarenNdu, seh maka la kami ngasup ngajarken ras nuduhken kepentarenNdu ku bas jabu kami. La iidah anak ras kempu kami kepentarenNdu arah perukuren ras perbahanen kami. Anak Ngaku kami Tuhan, kurang kal kami ndarami pe meteh ras kepentarenNdu. Usuren kami ikuasai pe meteh si mabai kecedan geluh kami. P Tuhan, pengasup min kami nggeluh i bas pengajarenNdu, ndalanken dingen nuduhkenca i bas jabu kami. L Sipindo dage gegeh man Tuhan gelah kita ngasup nggeluh i bas kepentarenNa arah ende-endenta : ..... 7. Kata Dibata Simpeteguhi Manusia i Bas Makeken KepentarenNa Perp. Tedis L Dibatanta perkeleng dingen perkuah kap. NiNa i bas Ulangen 6:18a : “Dahikenlah kai si mehuli ras payo bagi si ikataken Tuhan gelah mejuah-juah kam.” P Amin. L Malem ateta i bas perkeleng ate Tuhan e, mari dage tole sipuji IA arah ende-endenta : ..... 8. Kata Dibata a. Ngoge Kata Dibata Bagin Si Pemena

Perp. Kundul

Liturgi GBKP 52 Minggu

107

L

Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L Genduari ibereken kesempaten man banta guna ngendesken persembahen pengataken bujurta man Dibata. Si jadi palas man banta guna nehken persembahen e me : “Dibatangku si simpar alu kebayaken si lit ibas Kristus Jesus mereken kerina keperlun geluhndu”. (Pilipi 4:19). I bas kita ngendesken persembahen ras kita rende ibas : ..... Pertoton Persembahen ras Pertoton Syafaat 11.Perpadanen Man Dibata Perp. Tedis L Turang ras senina, kita enggo ngaloken kepentaren i bas Dibata nari gelah sipakeken i bas kegeluhen dingen ngajarkenca man anak ras kempunta. Kuga dage ninta? Moria Erpadan kami Tuhan, tetap nggeluh i bas kepentarenNdu si jadi gegeh kami ngajarkenca anak ras kempu kami. Mamre Erpadan kami Tuhan, tetap tutus nggeluh i bas kepentarenNdu, seh maka kami ngasup ngajarken ras nuduhken kepentarenNdu i bas jabu kami. Anak Erpadan kami Tuhan, ngaloken pengajaren si erpalasken kepentarenNdu. L I bas kita mpeteguhi perpadanenta man Dibata, rende kita arah : ..... 12.Pertoton Tuhan 13.Pengutusen Ras Pasu-pasu Dibata L Bengketilah kegeluhenta (ndu) si dem alu kepentaren Dibata, guna mpegegehi kita (kam) i bas makeken ras ngajarken kepentaren Dibata e, alokenlah pasu-pasu idur Dibata nari : “Dibata si mada perkuah ate, si enggo nenahken kita (kam) ku kemulianNa si rasa lalap i bas Jesus Kristus, njadiken kita (kam) serta, njadiken kita (kam) tetap ras njadiken kita (kam) megegeh dingen paguh. IA nge si mada kuasa seh rasa lalap.” Amin. P Amin..... Amin..... Amin..... (Iendeken)

LITURGI MINGGU MERDANG Liturgi GBKP 52 Minggu

108

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Kekelengen ni Tuhan, minggu enda igelari Minggu Merdang. Enda salah sada minggu khusus iaturken gerejanta guna banci mereken pengertin, ras penjemba kerna pentingna Peningkaten Ekonomi Jemaat. Salah sada dampar sehna Berita si Meriah ku bas kegeluhenta e me mbabai reh sikapna ras reh raturna kita ngangkai, ndarami ras makeken ulih pencarinta. Alu tujun gelah kegeluhenta reh ulina, ras terpuji gelar Dibatanta. Turang ras senina, mari dage radu ras kita kerina ersembah man Dibatanta si Badia i bas kehamaten ras keriahen ukurta.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si masu-masu kerina pendahinta (ndu), i bas gelar AnakNa Jesus Kristus si tetap erdahin guna kiniulin manusia, ras i bas gelar Kesah si Badia si tetap mpelimbarui gegeh ras kepentarenta (ndu). Perkuah ate ras dame i bas Dibata Bapa ras i bas Tuhan Jesus Kristus nari, ras i bas kerembaken Kesah si Badia, ras kita (kam) kerina gelah. Amin P Amin.....Amin.....Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken Kata Dibata enda, sipuji IA alu ras kita ngendeken : ..... 5. Pujin Man Dibata Si Mperdiateken Kegeluhen

Perp. Kundul

Liturgi GBKP 52 Minggu

109

L

P L P L P L

Senina ras turang, Dibata enggo nepa doni enda ras kerina isina alu sada pedah man banta e me gelah banci sipekena-kena doni enda ras kerina isina guna kiniulin kegeluhenta dingen terpuji pe gelar Dibatanta. Enda me sada rencanaNa si mbelin mena itepaNa kerina si nasa lit. Malem ate kami nggeluh i bas rencanaNdu O Tuhan, terpujilah gelarNdu. Dibata masu-masu kita alu mereken ulih pendahin man banta gelah reh ngasupna kita nehken si ngena ateNa. Bujur Tuhan, terpujilah Kam, meherga kal iakap kami kerina pe mereNdu i bas geluh kami. Tuhan ulu pe meteh ras kepentaren, iberekenNa man banta guna ndahiken dahin si ngena ateNa. Terpujilah Kam Tuhan i bas pe meteh ras kepentaren si enggo iberekenNdu man kami. Mari tole sipuji dingen si permuliaken gelar Dibatanta, si enggo mereken erbage-bage kiniulin alu ngendeken : ......

6. Pengakun Dosa L Turang ras senina, bage ulina rencana Dibata man doni enda ras kerina isina. Mari dage si tatap ku bas pusuhta, ngakuken kelepaken ras kinilatunggungenta i bas makeken kepentaren si ijujurken Dibata, emaka nintalah sekalak-sekalak i bas ukurta : Ngaku kami Tuhan, igejap kami, lenga kami tutus makeken kepentaren si iberekenNdu, subuk i bas kami makeken wari-wari, bage pe ngaturken pendahin kami. Lenga kami ngasup makeken waktu alu mehuli, lenga kami pentar ngembangken pencarin kami, dingen lenga kami pentar makeken ulih pencarin kami. (Paksa Teneng) L

Guna tole nggejapken dosanta man Dibata, mari siendeken : .....

7. Berita Pengalemi Dosa Perp. Tedis L Turang ras senina, meriah kal ukur Dibata ngidah kalak si ngakuken dosana, ikatakenNa man banta (ndu); la ngena ateKu kerna kematen kalak si jahat tapi maka jera min ia gelah nggeluh. janah selaku persuruhen Dibata aku nehken kataNa man banta (ndu) kerina kita (kam) si ngakuken dosanta (ndu), niNa : “Patuhlah kam man perentahKu, tentu Kupepaler man bandu kemalemen ate desken lau; janah Kubere ke menangen nepet kam, desken galumbang si ergalun ku tepi lawit” (Jesaya 48:18). Meriah ukurta erkiteken enggo ialemi Dibata dosanta, e maka mari dage sipuji IA alu ngendeken : ..... 8. Kata Dibata

Perp. Kundul

Liturgi GBKP 52 Minggu

110

a. Ngoge Kata Dibata Bagin Si Pemena L Ketuahen me kalak si megiken Kata Dibata dingen si makekenca i bas kegeluhenna si teptep wari. Haleluya. P Haleluya..... Haleluya..... Haleluya...... (Iendeken) b. Khotbah : (ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L I bas kita nehken Persembahen pengataken bujurta man Dibata, si jadi palas man banta ibuat i bas Kolose 3:17 : “Dage ntah kai gia ibahanndu, subuk i bas ngerana ntah i bas perbahanen, bahanlah e i bas gelar Tuhan Jesus janah ngataken bujur man Dibata Bapa arah IA”. Tupung siendesken persembahenta, mari ras kita rende ibas : ..... Pertoton Kerna Persembahen ras Syafaat. 11.Perpadanen Man Dibata Perp. Tedis L Turang ras senina, kita enggo ipasu-pasu Dibata alu mereken pe meteh ras kepentaren guna ndahiken dahinta. Uga dage ninta sekalak-sekalak? P Erpadan kami Tuhan, makeken pe meteh ras kepentarenNdu guna ndahiken dahin simehuli itengah-tengah kegeluhen kami. L Ngena ate Dibata kalak si nggeluh alu bujur, adil ras tutus i bas ndahiken dahinna. P Erpadan kami Tuhan, jadi kalak si bujur, adil ras tutus i bas ndahiken kerina pendahin kami. L Dibata nuruh kita gelah nggeluh sisampat-sampaten, sabab rutang kap si megegeh nampati si kurang megegeh. P Erpadan kami Tuhan, makeken kerina si lit i bas kami guna nampati teman rikutken kecibal geluhna. Segelah pendahin kami tuhu-tuhu banci jadi pasu-pasu man kalak si deban. Mari radu ras kita rende guna mpegegehi padanta mengketi kegeluhenta si teptep wari i doni enda, alu ngendeken : ..... 12.Pertoton Tuhan

13. Pengutusen Ras Pasu-pasu Dibata

Liturgi GBKP 52 Minggu

111

L

P

Bengketilah kegeluhenta (ndu) siteptep wari, dalankenlah Kata Dibata si ibegi kita (ibegindu) i bas wari enda, jadilah perkakas Dibata si maba kiniulin man doni enda. Guna mpegegehi kita (kam), alokenlah pasu-pasu idur Dibata nari : “Dibata, sumbul kemalemen ate e gelah si ncukupi keperlunta (ndu) guna ndalanken si sentudu ras peratenNa. Janah Dibatalah erdahin i bas kita (kam) arah Jesus Kristus, gelah kita (kam) ngelakoken kai si ngena ateNa. Man Kristuslah kemulian seh rasa lalap.” Amin. Amin…… Amin…. Amin….. (Iendeken)

LITURGI MINGGU PENINGKATEN EKONOMI JEMAAT Liturgi GBKP 52 Minggu

112

A.PERSIKAPEN

Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik .....

B.KEBAKTIN

1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Kekelengen ni Tuhan, minggu enda igelari Minggu Peningkaten Ekonomi Jemaat. Enda salah sada minggu khusus iaturken gerejanta guna banci mereken pengertin ras penjemba kerna pentingna Peningkaten Ekonomi Jemaat. Salah sada dampar sehna Berita si Meriah ku bas kegeluhenta e me mbabai reh sikapna ras reh pentarna kita ndarami ras makeken ulih pencarinta. Alu bage terpuji gelar Dibatanta. Mari dage radu ras kita kerina ersembah man Dibatanta si Badia i bas kehamaten ras keriahen ukurta.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si masu-masu kerina pendahinta (ndu), i bas gelar AnakNa Jesus Kristus si tetap erdahin guna kiniulin manusia, ras i bas gelar Kesah si Badia si tetap mpelimbarui gegeh ras kepentarenta (ndu). Perkuah ate ras dame i bas Dibata Bapa ras i bas Tuhan Jesus Kristus nari, i bas kerembaken Kesah si Badia, ras kita (kam) kerina gelah. Amin. P Amin.....Amin.....Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken kata Dibata enda, sipuji IA alu radu ras ngendeken : ..... 5. Pujin Man Dibata Si Mperdiateken Kegeluhen Manusia

Perp. Kundul

Liturgi GBKP 52 Minggu

113

L

P L P L

Turang ras senina, Dibata ngelengkapi kita alu kepentaren gelah kita beluh erdahin dingen encari alu mehuli. Alu bage simpar me rejeki dingen kesangapen guna sinanami, simpar pe rejeki ras kesangapen si ielaken man temanta manusia. Terpujilah Kam O Tuhan, erkiteken mulia kal rencanaNdu i bas kegeluhen kami. Dibata mereken gegeh ras kesehaten, gelah banci si pake wariwarinta alu dahin si maba kiniulin ras kesangapen. Terpujilah Kam O Tuhan, erkiteken gegeh ras kesehaten si ijujurkennNdu, e me asam kami makeken wari-wari kami. Mari sipuji dingen sipermuliaken gelar Dibatanta, si enggo mereken erbage-bage kiniulin alu ngendeken : ......

6. Pengakun Dosa L Turang ras senina, tuhu mehuli rencana Dibata man banta ras doni enda. Marilah siakuken kinikoten ras kelepakennta i bas makeken gegeh, kesehaten ras kepentaren si enggo ijujurken Dibata, emaka nintalah sekalak-sekalak i bas ukurta : “Ngaku kami O Tuhan, megati kal gegeh, kesehaten ras kepentaren si iberekenNdu lenga ipakeken kami alu mehuli. Megati kami la megermet i bas kelepaken kami. Seh maka pendahin kami la mereken ulih si mehuli, dingen la nambahi kemalemen ate man kami, bage pe man teman kami manusia. Tuhan, alemilah kami. (Paksa Teneng) L

Guna kita tole nggejapken dosanta man Dibata, mari siendeken : .....

7. Berita Pengalemi Dosa Perp. Tedis L Kenca enggo kita ndai ngakuken kerina dosa-dosanta, maka seh me paksana sialoken pengalemi dosa idur Dibata nari. Meriah ukur Dibata ngidah kalak si ngaku dosana, ikatakenNa man bana la ngena ateKu kerna kematen kalak si jahat tapi maka jera min ia gelah nggeluh. Janah selaku persuruhen Dibata aku nehken kataNa man banta (ndu) kerina kita (kam) si ngakuken dosanta (ndu), niNa : “Kita (kam) enggo erkubang-kubang ibahan dosa, tapi iperidiNa kita (kam) maka bersih bagi salju. Aminna gia erkiteken dosanta (ndu) kita (kam) enggo mbiring bagi tengguang, mulihi kita (kam) jadi mbentar bagi kapas” (Jesaya 1:18b). Meriah ukurta erkiteken enggo ialemi Dibata dosanta, emaka mari dage ras kita rende ibas : .....

8. Kata Dibata a. Ngoge Kata Dibata Bagin Si Pemena

Perp. Kundul

Liturgi GBKP 52 Minggu

114

L

Ketuahen kalak si megiken kata Dibata dingen si makekenca i bas kegeluhenna si teptep wari. Haleluya. P Haleluya..... Haleluya..... Haleluya...... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L I bas kita nehken persembahen pengataken bujurta man Dibata, si jadi palas man banta ibuat ibas Kolose 3:17 : “Dage ntah kai gia ibahanndu, subuk i bas ngerana ntah i bas perbahanen, bahanlah e i bas gelar Tuhan Jesus janah ngataken bujur man Dibata Bapa arah IA”. Tupung siendesken persembahenta ras kita rende ibas : ...... Pertoton Persembahen ras Pertoton Syafaat 11.Perpadanen Man Dibata Perp. Tedis L Turang ras senina, Dibata enggo ngelengkapi kita alu pe meteh ras kepentaren, gelah simpar rejeki ras kemalemen ate arah pendahinta. P Erpadan kami Tuhan, makeken pe meteh ras kepentarenNdu i bas pendahin kami. L Ngena ate Dibata kalak si nggeluh alu bujur, adil ras tutus i bas ndahiken dahinna. P Erpadan kami Tuhan, erdahin me kami alu tutus, adil ras bujur, i bas ndahiken kerina pendahin kami. L Dibata nuruh kita gelah nggeluh sisampat-sampaten, sabab rutang kap si megegeh nampati si kurang megegeh. P Erpadan kami Tuhan, ku pake me gegeh ras kepentarenNdu guna nampati teman kami manusia. Iendesken kami pendahin kami jadi pasu-pasu man kalak si deban. L Mari radu ras kita rende guna mpegegehi padanta man Di bata i bas kita mengketi kegeluhenta si teptep wari i doni enda, arah : ..... 12.Pertoton Tuhan

13. Pengutusen Ras Pasu-pasu Dibata L Bengketilah kegeluhenta (ndu) si teptep wari, dalankenlah Kata Dibata si ibegi kita (ibegindu) i bas wari enda, jadilah perkakas Dibata

Liturgi GBKP 52 Minggu

115

P

si mbaba kiniulin man doni enda. Guna mpegegehi kita (kam), maka alokenlah pasu-pasu idur Dibata nari : “Dibata, sumbul kemalemen ate, e gelah si ncukupi keperlunta (ndu) guna ndalanken si sentudu ras peratenNa. Janah Dibatalah erdahin i bas kita (kam) arah Jesus Kristus gelah kita (kam) ngelakoken kai si ngena ateNa. Man Kristuslah kemulian seh rasa lalap.” Amin. Amin..... Amin..... Amin..... (Iendeken)

LITURGI MINGGU KUASA DIBATA MENANG NANDANGI KUASA KEGELAPEN Liturgi GBKP 52 Minggu

116

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh I bas gerejanta GBKP minggu enda igelari minggu Ke menangan Kuasa Dibata nandangi kuasa kegelapan. Ke menangen Dibata i bas kerina kuasa-kuasa si lit i doni enda, subuk si teridah bage pe si la teridah, subuk si jadi kebiaren man manusia. Enda me sada dalan man banta tole nginget maka Dibata mpetangkas diriNa selaku Dibata si Sada si patut isembah, la lit dibata si deban seakatan IA ngenca. Marilah siaminken i bas kegeluhennta, siendesken geluhta man baNa segelah IA erkuasa nandangi kita, dingen kita ipengasup guna ngelawan kuasa-kuasa si lit i doni enda. Tuhan Menang, Kita Menang. Haleluya. Amin.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si njadiken si nasana, i bas gelar anakNa Jesus Kristus si jadi Tuhan ras Juruselamat doni enda, i bas gelar Kesah si Badia si tetap erdahin guna nelamatken doni enda. Dibata enggo ngkelengi doni enda, keselamaten enggo iberekenNa man banta (ndu) gelah kita (kam) pe nehken perdamen man kerina isi doni enda. Amin. P Amin..... Amin..... Amin..... (Iendeken)

4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken kata Dibata enda, sipuji IA alu radu ras ngendeken : .....

Liturgi GBKP 52 Minggu

117

5. Dibata Si Erkuasa i Bas Kerina Si Nasa Perp. Kundul L Ngerana Dibata, janah enda me kataNa, "Aku kap TUHAN Dibatandu, si maba kam ndarat i Mesir nari, inganndu iperbudak. Ola isembahndu dibata-dibata si deban, tapi sembahlah Aku. Ola ibahanndu gana-gana tah gambar-gambaren kerna kai pe si lit i datas langit, i doni, ntah pe si i bas lau i teruh doni. Ola kam erjimpuh man gana-gana ntah pe ersembah ku je, sabap Aku kap TUHAN Dibatandu si percimburu. Asa kai kalak si ernembeh ate man bangKu Kuukum IA, ras anak-anakna, seh ku kesusurenna si peteluken ras si peempatken. Tapi tetap Kukelengi kalak si engkelengi Aku ras si ngikutken undang-undangKu, seh kempak meribu-ribu kesusuren. Ola ipakendu gelarKu guna tujun si jahat, sabap Aku TUHAN Dibatandu, la banci la ngukum asa kai kalak si nalahgunaken gelarKu. P I bas Kerina kai si enggo ibahanNdu, tuhu Kam me Dibata si Sada, Dibata si erkuasa i bas kerina kegeluhen si erkesah i doni enda o Tuhan. L Sipuji Tuhan erkiteken kuasaNa, alu ngendeken : ..... 6. Kinata Kinilangasupen i Bas Nggejapken Kuasa Dibata L Dibata setia kap i bas pedah si enggo ibelaskenNa. IdapetiNa nge ndia anak-anakNa setia i bas kinitekenna? P O Tuhanku, O Dibatangku, megati la kami ersaber ate i bas nimai penampatNdu i bas kesusahen ras kebiarenku. Ngaku aku, maka megati kutundalken kuasaNdu i bas geluhku. O Tuhan alemi kal min aku. L Kinigenggengen mabai manusia ku bas ke menangen. Tapi kalak si la setia bene kap. P Erkiteken pengajuk doni enda, subuk erta, kuasa, erga diri, ras kesehaten, megati aku la setia man baNdu. O Tuhan, alemi kal aku. L Dibata kap si mada kuasa. La lit kuasa si ganjangen asa kuasaNa. KuasaNa maba kegeluhen dingen kejuah-juahen. P Megati aku la ngasup mbedaken kuasa Dibata ras kuasa si deban, piah geluhku enggo ikuasai dosa. Kuakap kesangapen - kepe liah, kuakap pasu-pasu kepe tulah, kuakap kedamen – kepe kebenen. Alemi kal aku o Tuhan. (Paksa Teneng) L

Mari sipindo pengalemi dosa alu ende-endenta : .....

7. Berita Pengalemi Dosa Perp. Tedis L Ietehndu maka seh kal belinna Kuasa Dibata erdahin i bas kita si tek man Kristus. Kuasa si erdahin i bas kita e, bali ras kuasaNa si mbelin, si ipakeNa asum IA mpekeke Kristus i bas si mate nari, janah

Liturgi GBKP 52 Minggu

118

ipekundulNa IA arah kemuhenNa i bas ingan si meganjangna. Kuasa Kristus e, ndauh kal ganjangen asangken kerina kuasa pe merentah ras penguasa si la teridah, dingen ganjangen asangken kerina peminpin ras tuan-tuan si teridah, janah pangkatNa ganjangen asangken kerina pangkat si terbelasken, subuk i bas paksa enda, bage pe i bas paksa si reh pagin. (Epesus 1:19 – 21). "Tole nina Tuhan : "Marilah maka sidungi cakapta enda. Kam enggo erkubang-kubang ibahan dosa, tapi Kuperidi kam maka bersih bagi salju. Aminna gia erkiteken dosandu kam enggo mbiring bagi tengguang, mulihi kam jadi mbentar bagi kapas. Adi kam erkemalangen man bangKu, ipanndu me kai si mehuli ulih tanehndu enda. Tapi adi ilawanndu Aku, mate me kam ipan pedang," bage nina Tuhan. (Jesaya 1:18 – 20) Sipuji Tuhan erkiteken dosanta enggo ialemiNa, alu ras kita rende arah : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L Kata Dibata si jadi palas man banta i bas kita nehken persembahenta man Dibata si erkuasa, ibuat ibas Lukas 12:23-24 : “Sabap ergan nge geluhndu asa pangan, dingen ergan nge geluhndu asa uis. Nehenlah perik kak: la merdang, la rani, la lit lumbungna; tapi bage gia man nge ia ibahan Dibata. Kam ndauh ergan asa perikperik e.” Iherta pepulung persembahen, rende kita ibas : ..... Pertoton Persembahen ras Pertoton Syafaat

11.Perpadanen Man Dibata Perp. Tedis L Tuhan tetap setia encidahken kuasaNa man kalak si tetap saber dingen paguh i bas kinitekenna. P Erdahinlah Kam Tuhan ibas kegeluhen kami, pegegehilah kami. Kuasailah kami, gelah kuasa si deban la bengket ku bas geluh kami.

Liturgi GBKP 52 Minggu

119

L P L L+P L

Nina Dibata: “Lanai lit kuasa si ngasup encedai bangsaKU, subuk gunaguna, entah pe kinigurun”. Sabab Aku kap Tuhan si erdolat. Bagi Kam enggo njagai Israel arah kerina kuasa kegelapen, emaka genduari tek aku, maka la lit kuasa guna-guna, bage pe kinigurun si banci naluken aku, sabab aku sikerajangen Jesus Kristus. Dibata ndilo anak-anakNa gelah sitatang-tatangen, bagi IA enggo natang kegeluhen manusia. Erpadan kami Tuhan, ilawan kami me kuasa si gelap. Sabab tek kami, Kristus si enggo naluken kerina kuasa gelap, lit i bas diri kami. Guna mpeteguhi perpadanenta man Dibata, rende kita ibas : .....

12.Pertoton Tuhan 13.Pengutusen Ras Pasu-pasu Dibata L Berkatlah ku tengah-tengah doni enda si dem percuban, tetapkenlah ukurta (ndu) guna nggeluh i teruh kuasaNa, dingen alokenlah pasupasu idur Dibata nari : “KekelengenKu la ersibar ngarak-ngarak geluhndu. Kukawali kam, Kupegegehi ras Kupasu-pasu me kam i bas ndalanken si ngena ateKu. Aku si njamin ras si nikapken keperlunndu. Aku tetap ras kam seh ku kedungen jaman.” Amin (bdk. Mat 28: 19-20). P Amin..... Amin..... Amin..... (Iendeken)

LITURGI MINGGU GBKP NJAYO A. PERSIKAPEN Perpulungen nikapken pusuh ras ukur guna ngadap man Tuhan

Liturgi GBKP 52 Minggu

120

Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina ibas kekelengen Tuhanta Jesus Kristus, kebaktinta i bas wari enda igelari minggu GBKP Njayo. Arah minggu enda kita ibabai guna nggejapken pengarak-ngarak Tuhan seh maka i bas minggu enda enggo ...... tahun GBKP njayo selaku tanda gerejanta enggo reh dewasana i bas ndalani pendilo Dibata. I bas si e, gereja Tuhan arus tetap empelimbarui diri gelah reh ngasupna empelimbarui kegeluhen. Mari dage sipesikap pusuh ukurta gelah reh sikapna nggejapken pengarakngarak Dibata.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L Kebaktin Minggu GBKP Njayo enda, lit i bas gelar Dibata si njayam gereja, i bas gelar Jesus Kristus Takal Perpulungen, ras i bas gelar Kesah si Badia si ngarak-ngarak perdalinen gerejaNa. Penampat man banta (ndu) rehna ibas Jahwe nari si mereken kegeluhen man banta (ndu) sekalak-sekalak. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken kata Dibata enda, sipuji IA alu radu ras ngendeken : .....

5. Berita Perbahanen Dibata Kerna Gereja Perp. Kundul L Dibata enggo mereken pe mere si pelain-lain man banta kerina selaku perpulungen. Pe mere si pelain-lain e desken ringring i bas sada kula. Ringring si pelain-lain enda irakut i bas sada takal, e me Kristus Jesus.

Liturgi GBKP 52 Minggu

121

Ibas kiniersadanta ras Kristus me gereja jadi megegeh i bas ndahiken si mehuli nandangi doni enda. Sipuji Tuhan erkiteken perbahanenNa si mbelin alu ngendeken : ..... 6. Kinata Kegeluhen Perpulungen i Bas Perdalanen Gereja L Dibata enggo njujurken pe merena si pelain-lain man banta, gelah reh tambahna gegehta maba kiniulin nandangi doni enda. Enggo nge ndia si pake pe mere Dibata e jadi pasu-pasu ras pengerakut si mehuli i bas Kristus ? (Paksa Teneng) L

Dibata enggo njujurken erbage si mehuli nandangi dirinta, gelah dirinta jadi dalan Dibata natang perdalanen gerejaNa. Enggo nge ndia si pake dirinta jadi dalan Dibata mpekena-kena gerejaNa? (Paksa Teneng)

L P

Mari dage siakuken salah lepakta man Dibata. Ngaku aku O Tuhan, lenga kugegehi makeken pe mereNdu guna kemulianNdu, bage pe guna kiniulin gerejaNdu. Melance perdalanen gerejaNdu erkiteken kurangna kepentarenku. O Tuhan, alemi min aku. (Paksa Teneng)

L

Mari sipindo pengalemi dosa ibas Dibata nari, alu ngendeken : .....

7. Berita Pengalemi Dosa Perp. Tedis L Malem kel ate Dibata adi anak-anakNa ngakuken dosa-dosana. Selaku persuruhen Dibata, aku nehken KataNa man kalak si enggo ngakuken dosana. Nina Tuhan : ”Amin bage gia, Aku kap Dibata si nasapken dosa-dosandu; janah si e Kulakoken erkiteken bage kin biakKu. Lanai Kupeinget-inget kerina dosa-dosandu.” Amin. (Jesaya 43:25) Meriah ukurta erkiteken dosanta enggo ialemi Dibata, emaka sipuji IA alu ras kita rende ibas : .....

8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken)

Liturgi GBKP 52 Minggu

122

b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L I bas keriahen ukurta kerna penemani Tuhan, genduari seh paksana kita ncidahken pengataken bujurta man baNa arah persembahenta. Si jadi palas man banta guna nehken persembahen e me : “Nembahlah man Tuhan alu ukur meriah, dahilah ku adep-adepenNa janah rende meriah.” Tupung kita nehken persembahen, ras kita rende arah : ..... Pertoton Persembahen ras Pertoton Syafaat 11.Perpadanen Man Dibata Perp. Tedis L Dibata enggo mereken pe mere man banta sekalak-sekalak. P Erpadan aku Tuhan, ateku makekeken pe mereNdu, raduken ras isi jabungku, bage pe raduken perpulungenNdu, guna natang perdalanen gerejaNdu. L Mari sipeteguhi perpadanenta man Dibata alu ngendeken : ..... 12.Pertoton Tuhan 13.Pengutusen Ras Pasu-pasu Dibata L Dahikenlah Kata Dibata si enggo sialoken (ialokenndu) ras pakekenlah pe mere Dibata guna mpekena-kena gerejaNa. Janah jadilah kita (kam) jadi ringring i bas kula ni Kristus. Guna pegehehi kita (kam) ndalanisa, alokenlah pasu-pasu idur Dibata nari : “Dibata si mada perkuah ate, si enggo nenahken kita (kam) ku kemulianNa si rasa lalap i bas Kristus, njadiken kita (kam) serta, megegeh dingen paguh. IA nge si mada kuasa seh rasa lalap.” Amin. P Amin..... Amin..... Amin..... (Iendeken)

LITURGI MINGGU TRITUGAS GEREJA A. PERSIKAPEN Perpulungen nikapken pusuh ras ukur guna ngadap man Tuhan

Liturgi GBKP 52 Minggu

123

Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh I bas wari Minggu si sendah, kita megiken pendiloNa selaku ringring ni Kristus si ertanggungjabab guna ikut muat bagin i bas mpekena-kena dirinta selaku gereja si teridah i bas Persadan, Kesaksin ras Pelayanen. Sigejapkenlah e selaku perkuah ate Tuhan si jadi pendilo man banta guna majekken kulaNa i babo doni enda. Turang ras senina, mari dage radu ras kita kerina ersembah man Dibatanta si Badia i bas kehamaten.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa si nepa langit ras doni enda, i bas gelar Anakna Jesus Kristus Takal ni perpulungen ras i bas gelar Kesah si Badia si enggo mereken erbage-bage pe mere man kalak si erkiniteken. Perkuah ate ras dame i bas Dibata Bapa nari, i bas Jesus Kristus nari, ras i bas Kesah si Badia nari, ras kita (kam) kerina gelah. Amin. P Amin….Amin…Amin.... (Iendeken) 4. Berita Kerna Perbahanen Ras Sura-sura Dibata (Invocatio) L (Ngoge Teks Sue Ras Almanak) Erpalasken Kata Dibata enda, sipuji IA alu ras kita ngendeken : .....

5. Pe mere Ras Tanggungjabab Si Ibereken Dibata Man GerejaNa Perp. Kundul L Mari sibegiken Kata Dibata kerna dahin gereja itengah-tengah doni enda. “Sada ngenca kula, janah sada ngenca Kesah. Bage me pe kam kerina idilo ku bas sada pengarapen. Sada ngenca Tuhan, sada kiniteken, sada peridin; sada ngenca Dibata, e me Bapa kerinana. IA i

Liturgi GBKP 52 Minggu

124

babo kerina si nasa lit, si erdahin arah kerina si nasa lit dingen si nggeluh i bas kerinana. Man banta sekalak-sekalak enggo ibereken kengasupen si khusus sue ras baginta si patut si ibereken Kristus erpalasken lias ateNa. IA si "mereken pe mere-pe mere man manusia." Deba ibahanNa jadi rasul, deba jadi nabi; lit deba jadi perberita si mehuli, lit deba jadi si mpermakani perpulungen ras guru-guru. Si enda ibahanNa gelah kerina anak-anak Dibata sikap ndahiken dahin pelayanen majekken kula Kristus. Alu bage dungna ersada kinitekenta ras penandaita kerina nandangi Anak Dibata; kita dewasa, janah dungna seh kita ku tingkat kedewasan Kristus si serta e.” (Epesus 4: 4-7, 11-13) Erpalasken Kata Dibata enda, ras kita rende arah : ...... 6. Kinilangasupen Manusia I bas Ndahiken Tri Tugas Gereja L Kita (kam) me ringring ni Kristus si idilo guna Ersada, Esaksi ras Ngelai. Uga pendalankenta sedekah enda? (Paksa Teneng) L

Lit nge ndia idah Dibata i bas pusuhta guna Ersada? Lit nge ndia ukurta guna naksiken Dibata? Lit nge pusuhta guna ngelai kalak si deban? (Paksa Teneng)

L

I bas kita tole nggejapken kinikotenta i bas ndalanken pendilo Dibata, mari kita rende arah : .....

7. Pergegeh i Bas Ndalanken Pedah Dibata Perp. Tedis L Selaku persuruhen Dibata aku nehken KataNa man banta (ndu), gelah ngasup kita (kam) guna Ersada, Ersaksi ras Ngelai i bas kegeluhenta (ndu), niNa : “Sabab i bas persadanndu ras Kristus, kam enggo ipebayak i bas kai pe, i bas pengeranandu bage pe i bas pe metehndu, la kam kurang kai pe kerna pe mere-pe mereNa.” (1 Korinti 1:5, 7b). Erkiteken kita enggo ipegegehi Dibata, mari sipuji IA arah : .....

8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata dingen si makekenca i bas kegeluhenna si teptep wari. Haleluya. P Haleluya..... Haleluya..... Haleluya...... (Iendeken) b. Khotbah : (Ibenai ras idungi alu pertoton)

Liturgi GBKP 52 Minggu

125

9. Pengakun Kiniteken.

Perp. Tedis

10.Persembahen Perp.Kundul L Turang ras senina i bas Jesus Kristus, mari si sehken persembahennta i bas wari Minggu enda, sipersembahken dage si mehulina. Gelah arah persembahen enda kita enggo ikut muat bagin i bas dahin Ersada, Ersaksi ras Ngelai. Kata Dibata si jadi palas i bas kita ngendesken persembahenta ibuat ibas Roma 12:1b, niNa : “Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur.” Iherta ngendesken persembahen, rende kita ibas : ..... Pertoton Persembahen ras Pertoton Syafaat 11.Perpadanen Man Dibata Perp. Tedis L Kita idilo jadi ringring i bas KulaNa, nggejapken kiniulin ngggeluh i bas persadan ras Dibata, bage pe ras temanta si deban. Nggit nge kita (kam) ertutus ate mbangun kiniersadan i bas perpulungen ni Tuhan? P Selaku ringring Kristus, ateku tetap nggeluh i bas persadan kulaNdu i doni enda. L Jesus enggo merekan diriNa ngelai manusia. Nggit nge kita (kam) mereken dirindu bagi Kristus, nggeluh i bas biak nggeluh si nggit mereken diri guna ngelai? P Erpadan aku Tuhan, makeken diriku ngelai Kam arah ngelai temanku manusia. L Bagi Jesus reh ku doni enda naksiken kiniulin Dibata. Nggit nge kita (kam) ertutus ate naksiken kiniulin Tuhan ku sekelewetta? P Erpadan aku Tuhan, naksiken kam arah perukuren, pengerana ras perbahanenku. L I bas kita mpeteguhi perpadanenta man Dibata, mari ras kita rende arah : ..... 12.Pertoton Tuhan

13.Pengutusen Ras Pasu-Pasu Dibata L Senina ras turang, bengketilah kegeluhenta (ndu) si teptep wari. Gelah tetap kita (kam) ngasup majekken kula ni Kristus i bas Ersada, Ersaksi ras Ngelai, emaka alokenlah pasu-pasu idur Dibata nari : “Perkuah ate Tuhan Jesus Kristus, kekelengen Dibata ras kerembaken Kesah si Badia ras kita (kam) kerina gelah.” Amin. P Amin..... Amin..... Amin..... (Iendeken)

Liturgi GBKP 52 Minggu

126

LITURGI MINGGU PERAWATEN INVENTARIS GEREJA A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik .....

Liturgi GBKP 52 Minggu

127

B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Kekelengen ni Tuhan, Minggu enda e me Minggu Perawaten Inventaris Gereja. Peralaten Rumah Pertoton e me alat-alat Dibata guna mpersingeti kita kerna keleng ateNa, jadi alat si nampati kita i bas mbangun kiniersadanta, janah jadi alatta guna naksiken keleng ate Dibata. Si jadi renungenta i bas kebaktin enda e mekap; enggo nge kita njaga kebadian kerina perlengkapen i bas Rumah Pertoton, subuk i bas kebaktin bage pe kenca dung kebaktin? Guna si e, mari dage sipesikap pusuhta ngadap man Dibata, gelah kita iperlengkapiNa alu kepentaren njagai peralaten Rumah Pertoton.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si metunggung dat pujin, i bas gelar anakNa Jesus Kristus si erngena ate nandangi kalak si mpebadiaken Rumah Pertoton, ras i bas gelar Kesah si Badia si mabai kita (kam) guna setia ngelebuh kempak IA. Perkuah ate ras dame i bas Dibata Bapa ras i bas Tuhan Jesus Kristus nari, i bas kerembaken Kesah si Badia, ras kita (kam) kerina gelah. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Ras Almanak) Erpalasken kata Dibata enda, sipuji IA alu radu ras ngendeken : ..... 5. Kinata Perpulungen i Bas Mpekena-Kena Rumah Pertoton Perp. Kundul L Tuhan kap si mada gereja. IdiloNa kita ikut muat bagin njaga Rumah PertotonNa, gelah kehadiren Rumah Pertoton tetap jadi saksi kerna kerehen ras keleng ate Dibata i doni enda. Adi sitatap ku bas dirinta, kuga nge ketutusenta selaku kalak si ipercayaken Dibata guna engkelengi Rumah Pertoton?

Liturgi GBKP 52 Minggu

128

P

Ngaku kami O Tuhan, Kurang denga kami nggit muat bagin i bas mpekena-kena perlengkapen Rumah PertotonNdu. (Paksa Teneng)

L

Guna ngakuken kele mehanta iadep-adepen Dibata, mari rende kita ibas : .....

6. Padan Dibata Kerna PenemaniNa Kempak Kalak Si Mpekena-Kena Rumah Pertoton Perp. Tedis L Turang dingen senina, nina Dibata man banta (ndu) : “Enggo ibegiNa pertotonta (ndu). IpebadiakenNa Rumah Pertoton enda, si enggo sipajekken kita (ndu) man inganNa, arus isembah rasa lalap. Itatap dingen ikawaliNa Rumah e katawari pe” (bdk. I Raja-Raja 9:3) P Bujur man baNdu Tuhan, perkuah ateNdu icidahkenNdu alu ndengkehken kelemahen kami i bas kinalangsupen kami guna mpekena-kena Rumah PertotonNdu. L I bas kita enggo ipegegehi Tuhan, sipuji IA arah : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Genduari seh paksana kita ngendesken persembahen pengataken bujurta man Dibata. Kata Dibata si jadi palas i bas kita ngendesken persembahen pengataken bujurta : “Kalak si mpersembahken pengataken bujur, IA nge si mpehaga kap Aku, janah man kalak si perdalinna la erpandangen Kucidahken kesangapen ni Dibata” (Masmur 50:23) Tupung sipepulung persembahenta, ras kita renda ibas : ..... Pertoton Persembahen ras Pertoton Syafaat 10.Perpadanen Man Dibata Perp. Tedis L Dibata enggo mereken kepercayan man banta guna njagai ras mpebadiaken Rumah PertotonNa. Nggit nge kita (kam) ngergaken pendilo Dibata i bas geluhndu? P Erpadan aku Tuhan, ngergaken pendiloNdu alu ikut njagai, dingen mpebadiaken Rumah PertotonNdu.

Liturgi GBKP 52 Minggu

129

L

P L

Rumah Pertoton, e me salah sada tanda kehadiren Dibata itengah kegeluhen manusia. Rumah Tuhan arus sikap jadi kesaksin i bas keleng ate Dibata nandangi kerina manusia. Nggit nge kita (kam) ikut ertanggungjabab mbangun Rumah Pertoton Tuhan, gelah idah kalak keleng ate Dibata i bas doni enda? Erpadan aku Tuhan, ikut aku muat bagin i bas mpekena-kena dingen njagai kelengkapen Rumah PertotonNdu, gelah reh sikapna gerejaNdu ngelaken keleng ateNdu nandangi doni enda. I bas kita mpeteguhi perpadanenta, ras kita rende ibas : .....

11.Pertoton Tuhan 12.Pengutusen Ras Pasu-pasu Dibata L Turang dingen senina, berkatlah kita (kam) jadi saksi Dibata guna tetap ngasup kita (kam) i bas njagai, ngkelengi ras mpekena-kena Rumah PertotonNa. Guna jadi gegehta (ndu), alokenlah pasu-pasu idur Dibata nari : “Dibata si mada perkuah ate, si enggo nenahken kita (kam) ku kemuliaanNa si rasa lalap i bas Kristus, njadiken kita (kam) serta, tetap, megegeh dingen paguh. IA nge si mada kuasa seh rasa lalap. Amin. P Amin..... Amin..... Amin..... (Iendeken)

LITURGI MINGGU GUNA NGERGAKEN HAK AZASI MANUSIA A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen

Liturgi GBKP 52 Minggu

130

..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina, ermengkah ukurta dingen sikataken bujur man Tuhan si erkeleng ate mereken kegeluhen dingen nepa kita tudu ras tempasNa, mulia dingen mehaga. I bas si e, Dibata ndilo manusia ertanggungjabab njaga kemulian ras kinihagan Dibata i bas dirina ras kerina temanna manusia. Emaka i bas minggu Hak Azasi Manusia (HAM) enda, ibabai kita guna sedar maka kita kerina e me manusia si meherga i adep-adepen Dibata.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si njadiken manusia si sentudu ras tempasNa, i bas gelar Jesus Kristus si ngergaken manusia alu mereken diriNa, ras i bas gelar Kesah si Badia si mpengasup manusia ngergaken dirina ras temanna manusia. Perkuah ate ras dame i bas Dibata Bapa, AnakNa Jesus Kristus, ras i bas kerembaken Kesah si Badia ras kita (kam) kerina gelah. Amin. P Amin.....Amin.....Amin..... (Iendeken) 4. Berita Kerna Sura-Sura Ras Perbahanen Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : .....

5. Pujin Man Dibata si Mada Kuasa (Masmur 8:1-7) Perp. Kundul L O Tuhan, Tuhan kami, kemulianNdu teridah i belang-belang doni. Seh ku Surga Kam terpuji; P Danak-danak ras si gara-gara rende muji Kam. KinirajanNdu nteguh la terundu, imbang si ngelawan Kam isompelNdu babahna.

Liturgi GBKP 52 Minggu

131

L P L P L

Adi kutare ku langit tinepaNdu, kuidah bulan ras bintang-bintang si itamakenNdu i bas inganna. Kai kin manusia e, maka ingetNdu ia? Manusia kap ngenca, ngkai maka ipekena-kenaNdu ka ia? IbahanNdu ia teruhen asangken Kam ngenca, itangkuhkenNdu ia alu kemulian ras kehamaten. ItangkuhkenNdu ia jadi raja guna merentah kerina tinepaNdu. Kerina itamakenNdu ku tapak-tapak naheNdu. Mari sipuji Tuhan alu ngendeken : .....

6. Pengakun Dosa L Turang ras senina, bage ulina rencana Dibata i bas njadiken kita mulia dingen mehaga, gelah kita jadi temanNa njagai ras ngergaken kegeluhen. Si sedari nge maka bage kal ulina sura-sura Dibata i bas geluhta? P Ngaku kami Tuhan, maka gatin nge labo isedari kami, maka geluh kami meherga i adep-adepenNdu. Lanai dalanken kami sura-suraNdu guna njagai ras ngergaken kegeluhen. Emaka lanai idah doni enda pendahinNdu i bas geluh kami. L I bas Dibata ngergaken si nasa lit alu mehuli dingen mulia, kuga nge ndia kita i bas ngergaken temanta manusia dingen njagai tinepaNa si deban? P Ngaku kami o Tuhan, maka kurang kami ngergaken kemulianNdu si lit i bas diri teman kami bage pe tinepaNdu si deban. Seh maka kami lanai mediate dingen nggeluh erbana-bana. L Mari siakuken salah lepakta man Dibata i bas paksa teneng. L

(Paksa Teneng) Mari dage sipindo pengalemi dosa idur Dibata nari, arah kita ngendeken : .....

7. Berita Pengalemi Dosa Perp. Tedis L Tuhan e perkuah dingen perkeleng kap, la pedas IA merawa, dingen dem alu keleng ate si tetap. Labo kita iukumNa sue ras dosanta, labo IA erbalas man banta sue ras kesalahenta. Emaka, selaku persuruhen Dibata, aku nehken kataNa man banta (ndu) kerina si ngakuken dosa ras kesalahenna, dingen jera i bas dosa ras kesalahenna nari : “Bali ras ganjangna langit i babo doni nari, bage kal me belinna keleng ateNa man kalak si erkemalangen baNa. Bagi dauhna kepultaken arah kesunduten, bage me ipedauhNa dosa-dosanta i bas kita nari. Bagi keleng ate bapa man anak-anakna, bage kal me pengkelengi Dibata kalak si erkemalangen man baNa.” (Bdk. Masmur 103:8-13)

Liturgi GBKP 52 Minggu

132

Meriah ukurta erkiteken dosanta enggo ialemi Dibata, e maka sipuji IA alu ngendeken : ..... 8. Kata Dibata

Perp. Kundul (Perp. kundul)

a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L Dibata enggo nepa kita mulia dingen mehaga, mari dage sisehken pengataken bujur man Dibata arah persembahenta. Kata Dibata si jadi palas i bas kita nehken persembahenta : “O senina-seninangku, nginget perkuah ate Dibata si mbelin si isehkenNa man banta, ku pindo man bandu: “Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur” (Roma 12:1). Iherta ngendesken persembahen sipuji Tuhan arah : ..... Pertoton Persembahen ras Pertoton Syafaat 11.Perpadanen Man Dibata Perp. Tedis L Turang ras senina, Nina Dibata i bas Kitab Jesaya 42:6 "Aku, Tuhan, enggo ndilo kam lako ndalanken sura-surangKu. Kutegutegu janah Kukawali kam. Arah kam Kubahan perpadanen ras kerina bangsa, arah kam Kubereken terang man bangsa-bangsa. P Alu gegeh si rehna ibas Kam nari Tuhan, erpadan aku ngergaken kerina temanku manusia radu ras tinepaNdu si deban. L Dibata tetap kap erdahin guna mpelimbarui kegeluhenta manusia radu ras tinepaNa si deban. P Erpadan aku Tuhan, tetap njaga ras mpelimbarui kehamatenku nandangi kerina temanku ras tinepaNdu si deban. L Dibata tetap ersura-sura makeken kita jadi perkakasNa guna nehken keleng ateNa man kerina manusia. P Ijenda aku Tuhan, suruhlah aku guna nehken kekelengenNdu, maba dame ras ndalanken kebujuren L Sipepaguhi perpadanenta man Dibata arah ende-endenta : ..... 12.Pertoton Tuhan

Liturgi GBKP 52 Minggu

133

13.Pengutusen Ras Pasu-pasu Dibata L Kekelengen ni Tuhan, berkatlah ndalani kegeluhenta (ndu) si meherga iadep-adepen Dibata alu tetap ngergaken kerina tinepaNa. Guna jadi gegehta (ndu), alokenlah pasu-pasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam), janah malem ateta (ndu) ibahanNa.” Amin. P Amin ..... Amin ..... Amin ..... (Iendeken)

LITURGI MINGGU PERINGETEN KEMERDEKAN RI A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen

Liturgi GBKP 52 Minggu

134

..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Minggu enda siperingeti me wari kemerdekan bangsanta Indonesia. Mari si gejapken maka kemerdekan bangsanta e me pe mere Dibata si ngarak-ngarak perjuangen orang tuanta si arah lebe. Arah kemerdekan bangsanta, ate Dibata gelah kita nggeluh i bas perukuren si maba kemerdekan man kerina tinepa.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Ngendeken Lagu Kebangsan “Indonesia Raya” 4. Votum – Salam L I bas gelar Dibata Bapa si mereken kemerdekan man manusia, i bas gelar AnakNa Jesus Kristus si mbebasken manusia i bas dosa nari, ras i bas gelar Kesah si Badia si mpegegehi manusia njaga kemerdekan e. Perkuah ate ras dame i bas Dibata Bapa, AnakNa Jesus Kristus, ras i bas kerembaken Kesah si Badia ras kita (kam) kerina gelah. Amin. P Amin..... Amin..... Amin..... (Iendeken) 5. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken kata Dibata enda, sipuji IA alu radu ras ngendeken : .....

6. Puji-Pujin Man Dibata Si Mereken Kemerdekan Perp. Kundul L Kemerdekan e me pe mere Dibata si seh kal ergana man banta. P Terpujilah Tuhan, bangsanta enggo merdeka. L Jesus si mbebasken manusia ibas kuasa dosa nari, jadi palas kemerdekan, kebebasen ras kesejahteran man kerina bangsa. P Terpujilah Tuhan, kita enggo merdeka.

Liturgi GBKP 52 Minggu

135

L P L P L

Kita imerdekaken Tuhan i bas iketen kebiaren ras kiniseran nari. Terpujilah Tuhan, kita enggo merdeka. Dibata kap si njamini kemerdekanta seh rasa lalap, seh maka asa ndigan pe lanai kita jadi kalak tabanen. Terpujilah Tuhan, kita enggo merdeka. Sipuji Tuhan alu ngendeken : .....

7. Pengakun Kerna Kinilangasupen Njaga Kemerdekan L I bas kemerdekan si enggo ibereken Dibata man banta, mari dage siinget ras siukuri kuga nge perbahanenta i bas ngergaken kemerdekan si enggo ibere Dibata sedekah enda? P Ngaku kami o Tuhan, la kami ngasup ngataken bujur, dingen la kami pentar i bas njaga kemerdekan si enggo ijujurkenNdu man kami. (Paksa Teneng) L P

I bas kemerdekan si enggo ibereken Dibata man banta, kuga dage ketutusenta makeken kemerdekan si enggo ibere Dibata man banta? Ngaku kami o Tuhan, megati langa kami tutus makeken kemerdekan, dingen lenga ipake kami guna me merdekaken teman kami manusia. (Paksa Teneng)

L

Mari dage sipindo gegeh ras kepentaren man Dibata guna njagai kemerdekan negaranta, alu ras kita rende ibas : .....

8. Kata Dibata Si Jadi Pergegeh i Bas Kegeluhen Si Mbaru Perp. Tedis L Dibata enggo ngidah pusuhta (ndu) i bas ngakuken kinilangasupenta (ndu) sedekah enda. Emaka tetaplah ukurta (ndu), nina Dibata man banta (ndu) : “Patuh lah kam man perentahKu, tentu Kupepaler man bandu kemalemen ate desken lau; janah Kubere ke menangen nepet kam, desken galumbang si ergalun ku tepi lawit.” (Jesaya 48:18). Sipuji Tuhan si enggo mere gegeh banta alu ras kita rende ibas : ..... 9. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 10. Pengakun Kiniteken Perp. Tedis 11. Persembahen Perp. Kundul L Dibata enggo njujurken kemerdekan man banta, gelah reh gegehna kita mbagun kegeluhen si mehuli, si me merdekaken temanta manusia ras kerina tinepa Dibata, mari dage sisehken persembahenta si jadi

Liturgi GBKP 52 Minggu

136

tanda kita mpersembahken geluhta man Dibata. Kata Dibata si jadi palas persembahenta : “Pe mere-pe merendu e jadi sada persembahen si merim man Dibata, persembahen si IalokenNa dingen si ngena ateNa. Dibatangku si simpar alu kebayaken si lit i bas Kristus Jesus mereken kerina keperlunndu.” (Pilipi 4:18b-19) Iherta ngendesken persembahenta renda kita ibas : ..... Pertoton Persembahen ras Syafat 12. Perpadanen Man Dibata Perp. Tedis L I bas kemerdekan bangsanta, kita idilo Tuhan gelah njagai kemerdekan bangsanta. P I Jenda aku Tuhan, suruhlah aku. L I bas kemerdekan bangsanta, kita idilo mbangun kegeluhen bangsanta gelah bebas i bas kebodohen nari, i bas kemusilen nari ras i bas kinilabujuren nari. P I Jenda aku Tuhan, suruhlah aku. L Guna mpeteguhi perpadanenta man Dibata sipuji IA arah : ..... 13. Pertoton Tuhan 14. Pengutusen Ras Pasu-pasu Dibata L Turang ras senina kekelengen ni Tuhan, tetaplah inget perkuah ate Dibata si me merdekaken geluhta (ndu). Berkatlah, jagai kemerdekan bangsanta, dingen pakekenlah geluhta (ndu) guna maba kemerdekan nandangi kerina tinepa Dibata. Guna si e, alokenlah pasu-pasu idur Dibata nari : “Dibata si mada perkuah ate, si enggo nenahken kita (kam) ku KemulianNa si rasa lalap i bas Kristus, njadiken kita (kam) serta, tetap megegeh dingen paguh. IA nge si mada kuasa seh rasa lalap.” Amin. P Amin..... Amin..... Amin..... (Iendeken)

LITURGI PERINGETEN HUT KEMERDEKAN RI A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen

Liturgi GBKP 52 Minggu

137

..... Musik ..... B. KEBAKTIN 1. Kata Penaruh Wari enda siperingeti me wari kemerdekan bangsanta Indonesia. Mari si gejapken maka kemerdekan bangsanta e me pe mere Dibata si ngarak-ngarak perjuangen orang tuanta si arah lebe. Arah kemerdekan bangsanta, ate Dibata gelah kita nggeluh i bas perukuren si maba kemerdekan man kerina tinepa.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Ngendeken Lagu Kebangsan ”Indonesia Raya” 3. Votum – Salam L I bas gelar Dibata Bapa si mereken kemerdekan man manusia, i bas gelar AnakNa Jesus Kristus si mbebasken manusia i bas dosa nari, ras i bas gelar Kesah si Badia si mpegegehi manusia njaga kemerdekan e. Perkuah ate ras dame i bas Dibata Bapa, AnakNa Jesus Kristus, ras i bas kerembaken Kesah si Badia ras kita (kam) kerina gelah. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks sue Almanak) Erpalasken kata Dibata enda, sipuji IA alu radu ras ngendeken : ..... 5. Puji-Pujin Man Dibata Si Mereken Kemerdekan Perp. Kundul L Keleng ate Dibata erbahan kita merdeka. Kita imerdekakenNa alu mereken diriNa nggancihken kita ngalaken kematen. Kemerdekan e me pe mere Dibata si seh kal ergana man banta. P Terpujilah Tuhan, kita enggo merdeka ibas jajahen dosa nari. L Kebebasen i bas kuasa dosa nari, e me palas kegeluhenta maba kemerdekan man kerina manusia. P Terpujilah Tuhan, kita enggo imerdekakenNa, gelah kita dat gegeh maba kemerdekan man kerina manusia. L Dibata kap si njamini kemerdekanta seh rasa lalap, seh maka lanai kita tertaban i bas kegeluhen si la erguna nari. P Terpujilah Tuhan, ikuhina kita alu kepentaren, gelah tetap ngasup njaga kemerdekan, dingen ngisi kemerdekan alu payo. L Sipuji Tuhan alu ngendeken : ..... 6. Pengakun Kerna Kinilangasupen Njaga Kemerdekan

Liturgi GBKP 52 Minggu

138

L

I bas kemerdekan si enggo ibereken Dibata man banta, mari dage siinget ras siukuri kuga nge perbahanenta i bas ngergaken kemerdekan si enggo ibere Dibata sedekah enda? (Paksa Teneng)

L

I bas kemerdekan si enggo ibereken Dibata man banta, kuga dage ketutusenta makeken ras ngisi kemerdekan si enggo ibere Dibata man banta? (Paksa Teneng)

L

Mari dage sipindo gegeh ras kepentaren man Dibata guna njagai kemerdekan negaranta, alu ras kita rende ibas : .....

7. Kata Dibata Si Jadi Pergegeh i Bas Kegeluhen Si Mbaru Perp. Tedis L Dibata enggo ngidah pusuhta (ndu) i bas ngakuken kinilangasupenta (ndu) sedekah enda. Emaka tetaplah ukurta (ndu), nina Dibata man banta (ndu) : “Ola pelepas dirindu jadi seri ras doni enda, tapi berelah maka perukurenndu ipelimbarui Dibata. Alu bage banci idatndu kai surasura Dibata, kai si mehuli, kai si ngena ateNa, janah kai si sempurna”. (Roma 12:2) Sipuji Tuhan si enggo mere gegeh banta alu ras kita rende ibas : ..... 8. Kata Dibata Perp. kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L Dibata enggo njujurken kemerdekan man banta, gelah reh gegehna kita mbagun kegeluhen si mehuli, si memerdekaken temanta manusia ras kerina tinepa Dibata. Mari dage sisehken persembahenta si jadi tanda kita mpersembahken geluhta man Dibata. Kata Dibata si jadi palas persembahenta :

“Pemere-pemerendu e jadi sada persembahen si merim man Dibata, persembahen si ialokenNa dingen si ngena ateNa. Dibata si simpar alu kebayaken si lit i bas Kristus Jesus mereken kerina keperlunndu.” (Pilipi 4:18b-19) Iherta ngendesken persebambahen renda kita ibas : .....

Liturgi GBKP 52 Minggu

139

Pertoton Persembahen ras Syafat 11.Perpadanen Man Dibata Perp. Tedis L I bas kemerdekan bangsanta, kita idilo Tuhan gelah njagai kemerdekan bangsanta. P I Jenda aku Tuhan, suruhlah aku. L I bas kemerdekan bangsanta, kita idilo mbangun kegeluhen bangsanta gelah bebas i bas kebodohen nari, i bas kemusilen nari ras i bas kinilabujuren nari. P I Jenda aku Tuhan, suruhlah aku. L Guna mpeteguhi perpadanenta man Dibata, sipuji IA arah : ..... 12.Pertoton Tuhan 13.Pengutusen Ras Pasu-pasu Dibata L Turang ras senina kekelengen ni Tuhan, tetaplah inget perkuah ate Dibata si memerdekaken geluhta (ndu). Berkatlah, jagai kemerdekan bangsanta, dingen pakekenlah geluhta (ndu) guna maba kemerdekan nandangi kerina tinepa Dibata. Guna si e, alokenlah pasu-pasu idur Dibata nari : “Dibata si mada perkuah ate, si enggo nenahken kita (kam) ku KemulianNa si rasa lalap i bas Kristus, njadiken kita (kam) serta, tetap megegeh dingen paguh. IA nge si mada kuasa seh rasa lalap.” Amin. P Amin..... Amin..... Amin..... (Iendeken)

LITURGI MINGGU MAMRE A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen

Liturgi GBKP 52 Minggu

140

..... Musik ..... B. KEBAKTIN 1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo). 1. Kata Penaruh Turang ras senina i bas kekelengen ni Tuhanta Jesus Kristus, Minggu enda igelari Minggu Mamre, si mabai kita ngidah kegeluhen Mamre selaku kalak si ipilih Dibata guna mpetangkas pasu-pasuNa man doni enda. Selaku bapa itengah jabu, Mamre ipilih jadi imam guna mabai isi jabu erkiniteken man Dibata seh maka kerina isi jabu ndatken kesangapen ras kemalemen ate. Mamre pe ipake Dibata gelah erdiate ras erpemere si maba kiniulin ku tengah-tengah gereja ras masyarakat.  Erkata lonceng Perp. Tedis  Rende (Serayan Kebaktin Bengket ku Mimbar) 2. Votum – Salam L I bas gelar Dibata Bapa si nepa manusia sentudu ras tempasNa, i bas gelar AnakNa Jesus Kristus si jadi usihen man manusia, ras i bas gelar Kesah si Badia sumbul gegeh ras kepentaren. Perkuah ate ras dame i bas Dibata Bapa ras i bas Tuhan Jesus Kristus nari, i bas kerembaken Kesah si Badia ras kita (kam) kerina gelah. Amin. P Amin..... Amin..... Amin..... (Iendeken) 3. Berita Kerna Perbahanen ras Sura-sura Dibata Perp. Kundul L (Ngogeken Teks Sue Almanak) Mari sipuji Dibata erkiteken perbahanenNa, alu ngendeken : .....

4. Kinata Kerna Kinilangasupen I bas Ndalanken Pedah Dibata L Turang ras senina, alu perkuah ate Dibata, IA enggo nehi padanNa alu mereken pasu-pasuNa man banta manusia. Enggo nge kita ngergaken perkuah ateNa e i tengah-tengah geluhta? (Paksa Teneng)

Liturgi GBKP 52 Minggu

141

L

Dibata enggo mereken tanggungjabab si mbelin man Mamre selaku bapa i tengah-tengah jabu, guna mabai jabuna gelah tetap setia i bas perkuah ate Dibata. Enggo nge ndia idalanken Mamre? Mamre Ngaku kami Tuhan, megati kami lupa nandangi pendiloNdu jadi bapa i tengah jabu. Megati la kami ncidahken tempasNdu, subuk i bas pengerana ras perbahanen. Pengerana si arusna mpegegehi pusuh, megati erban kalak ngelabuh, perbahanen kami si arusna jadi usihen, megati jadi batu antuken. Selaku imam, megati kami la ngasup mabai jabu kami guna rembak ras Kam. Tuhan, alemi dingen pegegehi min kami. L I bas kita tole nggejapken kinilangasupenta ndalanken pedah Dibata, mari kita rende ibas : ..... 5. Padan Dibata Si Mpegegehi Mamre Perp. Tedis L La ngena ate Dibata kematen kalak si munuh bana i bas dosana, tapi ngena ate Tuhan nandangi kalak si igejapna salah lepakna, si ceda atena kerna dosana dingen jera. Emaka selaku persuruhen Dibata, aku nehken KataNa man banta (ndu) kerina si nggejap ras ngakuken dosana, si tek nandangi keleng ate Dibata, niNa : “Desken remang erpagi-pagi, dosandu enggo Kulesapken, janah salah lepakndu pe nggo Kusasap desken embun. E maka mulihlah kam kempak Aku, sabab Aku kap Penebusndu. Kupilih kam jadi sikerajangenKu guna ndalanken sura-surangKu. Aku tetap nginget padanKu man bandu ras man kerina kesusurenndu ersundut-sundut, janah perpadanen e tetap rasa lalap. Aku jadi Dibatandu ras jadi Dibata sinursurndu.” (Jesaya 44:22; Kejadin 17:7) Mari sipuji Dibata arah : ..... 6. Nehken Kata Dibata Perp. Kundul a. Ngoge Kata Dibata Bagin Si Pemena L Ketuahen me kalak si megiken Kata Dibata dingen si makekenca i bas kegeluhenna si teptep wari. Haleluya. P Haleluya..... Haleluya..... Haleluya...... (Iendeken) b. Khotbah : (Ibenai ras idungi alu pertoton) 7. Pengakun Kiniteken

Perp. Tedis

8. Persembahen Pengataken Bujur Perp. Kundul L Seh paksana kita nehken persembahen pengataken bujurta man Dibata. Kata Dibata si mpegegehi kita guna nehken persembahenta : ”O senina-seninangku, nginget perkuah ate Dibata si mbelin si isehkenNa man banta, ku pindo man bandu : “Endeskenlah kulandu man Dibata saja selaku persembahen si nggeluh rikutken si ngena

Liturgi GBKP 52 Minggu

142

ateNa. Sabab bage me arusna kam ersembah, sue ras biakndu selaku mahluk si rukur”. (Roma 12:1-2) Iherta ngedesken persembahen sipuji Tuhan alu ngendeken : ..... Pertoton Persembahen ras Pertoton Syafaat 9. Perpadanen Man Dibata Perp. Tedis L Turang ras senina, Dibata ndilo Mamre jadi bapa dingen jadi imam, guna mabai isi jabu erkemalangen man Dibata. Mamre Erpadan kami Tuhan, ate kami ertanggungjabab jadi bapa, ras jadi imam i tengah jabu. L Tole pe Dibata mereken tanggungjabab terbelinen, e me maba kiniulin ku tengah-tengah gereja ras masyarakat. Mamre Erpadan kami Tuhan, makeken diri kami, guna maba kiniulinNdu i doni enda. P Kami pe erpadan Tuhan, ngergaken ras nampati Mamre gelah ngasup nehken si ngena ate Dibata. L I bas mpeteguhi perpadanenta man Dibata, rende kita arah : ..... 10.Pertoton Tuhan 11.Pengutusen Ras Pasu-pasu Dibata L Bengketlah ku bas kegeluhenta (ndu), guna ncidahken keleng ate Dibata man kerina manusia. Gelah kita (kam) setia ras ncikep perpadanenta (ndu) ras Dibata, guna mpegegehi kita (kam) ndalanken si e, alokenlah pasu-pasu idur Dibata nari : “Ipasu-pasu (Kupasu-pasu), ikawali (Kukawali), dingen ipegegehi Dibata (Kupegegehi) kita (kam) guna ncikep perpadan e ras bahanlah rikut si ngena ateNa (Ku). IA (Aku) tetap ras kita (kam) seh ku kedungen jaman.” Amin. P Amin..... Amin..... Amin..... (Iendeken)

LITURGI MINGGU BUDAYA I A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) .....

Liturgi GBKP 52 Minggu

143

B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda (Ngogeken Momo). 2. Kata penaruh Turang ras senina, ermengkah ukurta dingen sikataken bujur man Dibata si jadi usihen orat nggeluh man banta. Biak Dibatanta e la erngadi-ngadi ngukurken dingen erbahan si mehuli nandangi doni enda. ItepaNa kita sentudu ras tempasNa, dingen iaturken doni enda i bas kiniulin seh maka sikap kal jadi inganta ras-ras ndalani kegeluhen. Biak Dibata e me jadi biakta guna njaga, ngukurken ras maba kiniulin nandangi doni enda. Arah kebaktinta enda, ate Dibata mpersingeti kita ulihi kerna orat nggeluh, gelah kita encidahken Budaya nggeluh si mehuli, subuk ibas cara rukur, pengerana ras perbahanen si bali ras biak Dibata.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si jadi ulu orat nggeluh, i bas gelar Jesus Kristus si jadi usihen geluh manusia, ras i bas gelar Kesah si Badia si mere kepentaran guna mbangun kegeluhen si mulia. Perkuah ate ras dame i bas Dibata Bapa, AnakNa Jesus Kristus, ras i bas kerembaken Kesah si Badia ras kita (kam) kerina gelah. Amin. P Amin.....Amin.....Amin..... (Iendeken) 4. Berita Kerna Sura-Sura Ras Perbahanen Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : ...... 5. Pujin Man Dibata Si Jadi Usihen Orat Geluhta Perp. Kundul L Dibatanta nuduhken uga orat nggeluh si mehuli man manusia, si teridah arah rencana ras perbahanenNa. Tuhan, enggo nepa doni enda alu mehuli, seh kal ulina. IpesikapNa doni si rontang jadi mehuli. IaturkenNa pe perdalanen wari, suari ras berngi. ItepaNa sinuansinuan, rubia-rubia ras pe manusia. Ibahan Dibata doni enda metunggung kal jadi inganta nggeluh alu mehuli. Lebih asa si e, itepa

Liturgi GBKP 52 Minggu

144

P L

Dibata kita tudu ras tempasNa, dingen idiloNa pe kita jadi temanNa mpekena-kena doni enda. La ipelepas Dibata manusia nggeluh sisadasisada. IjujurkeNa man manusia teman nggeluh dingen kade-kade, gelah lit inganta nehken keleng ate, nuri-nuri ras megi-megi. Gelah lit ingan manusia nampati ras pe si nampati. Andiko kal ulina perukuren Dibata. Emaka Pujilah Tuhan! Pujilah IA erkiteken perbahanenNa si mehuli. Pujilah Tuhan erkiteken enggo ituduhkenNa orat nggeluh si mehuli. Tetapkenlah i bas ukurta (ndu) maka kidekah kita (kam) nggeluh la kita (kam) lupa perbahanen Dibata man banta (ndu). Turikenlah dingen ajarkenlah e man anak-anakta (ndu), ras man kempu-kempunta (ndu), gelah turah i bas ia biak nggeluh si mehuli. Ikataken kami bujur man baNdu Tuhan, nandangi perukuren ras perbahanenNdu, si erbahan geluh kami mehuli, sabab e me jadi usihen orat nggeluh man kami. Sipuji Tuhanta alu ras kita rende ibas : .....

6. Kinilangasupen Manusia Nggeluh i Bas Perukuren Dibata L O turang ras senina, enggo ituduhken Dibata orat nggeluh si mehuli man banta, alu nepa kita mulia dingen mehaga. Adi sisiksiki pusuh ukurta, enggo nge ndia perukuren Dibata e si ngkuasai perukurenta? (Paksa Teneng) L

O turang ras senina, adi Dibatanta la erngadi-ngadi ngukurken si mehuli nandangi kegeluhenta, kuga nge ndia ketutusenta njaga dirinta gelah kita tetap ngukurken si mehuli man temanta manusia? (Paksa Teneng)

L

Mari dage tole siakuken salah lepakta man Dibata, arah kita ngendeken : .....

7. Berita Pengalemi Dosa Perp. Tedis L Tuhan e perkuah dingen perkeleng kap, la pedas IA merawa. IA dem alu keleng ate si tetap. Labo kita iukumNa sue ras dosanta, labo IA erbalas man banta sue ras kesalahenta. Emaka, selaku persuruhen Dibata aku nehken kataNa man banta (ndu) kerina si ngakuken dosa ras kesalahenna, dingen jera i bas dosa ras kesalahenta (ndu) nari, niNa : “Bali ras ganjangna langit i babo doni nari, bage kal me belinna keleng ateNa man kalak si erkemalangen baNa. Bagi dauhna kepultaken arah kesunduten, bage me ipedauhNa dosa-dosanta ibas kita nari. Bagi keleng ate bapa man anak-anakna, bage kal me pengkelengi Dibata kalak si erkemalangen man baNa”. (Masmur 103:8-13) Sipuji Tuhan erkiteken dosanta enggo ialemiNa alu ngendeken : .....

Liturgi GBKP 52 Minggu

145

8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L Dibata enggo nuduhken orat nggeluh si mehuli, si erbahan kegeluhen doni jadi mehuli. Guna nginget dingen ngergaken kiniulin Dibata e : “Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur” (Roma 12:1-2) Tupung sisehken persembahenta, ras kita rende ibas : ..... Pertoton Persembahen ras Pertoton Syafaat. 11.Perpadanen Man Dibata Perp. Tedis L Turang ras senina, enggo itepa Dibata kegeluhen doni alu mehuli, ipekenaNa kita i bas orat nggeluh si erkawiten sada ras si debanna. P O Tuhan, erpadan aku nggeluh i bas perukuren Kristus, si njaga kiniulin geluh si enggo iaturkenNdu. L Dibata ngkuhi kita alu kepentaren guna nuduhken orat nggeluh bagi IA. Nggit nge kita nggeluh bagi biak Dibata si ngukurken si mehuli man doni enda? P O Tuhan, erpadan aku nggeluh njaga dingen jadi usihen, nuduhken orat nggeluh si mehuli. Kupelimbarui me diringku, gelah reh pentarna aku encibalken kekelengen nandangi temanku ras tinepaNdu si deban. L Mari sipeteguhi perpadanenta man Dibata, alu ras kita rende ibas : ..... 12.Pertoton Tuhan 13.Pengutusen Ras Pasu-pasu Dibata L Kekelengen ni Tuhan, berkatlah ndalani geluhta (ndu) si meherga i adep-adepen Dibata alu tetap nehken kekelengen dingen kehamaten nandangi kerina tinepaNa. Guna jadi gegehta (ndu), alokenlah pasupasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam).

Liturgi GBKP 52 Minggu

146

P

Itatap Dibata ku kita (kam), janah malem ateta (ndu) ibahanNa.” Amin. Amin ..... Amin ..... Amin ..... (Iendeken)

LITURGI MINGGU PERMATA A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo ras Momo

Liturgi GBKP 52 Minggu

147

Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo) 1. Kata Penaruh Turang ras senina i bas gelar Jesus Kristus, Minggu enda e me Minggu PERMATA, si ngingetken kita maka anak PERMATA e me rudang-rudang gerejanta. I bas Minggu enda pe mabai PERMATA secara khusus guna nginget tugas ras tanggungjababna selaku rudang-rudang gereja.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum - Salam L I bas gelar Dibata Bapa si nepa doni ras isina kerina, i bas gelar Tuhan Jesus si erkeleng ate man doni enda, ras i bas gelar Kesah si Badia si negu-negu kegeluhen anak-anakNa. Meriahlah ukurta (ndu) si ngidah kemulian Dibata i bas geluhta (ndu) janah si ncidahken kemulian e i bas kegeluhenna si teptep wari. Damelah si kerajangennta (ndu) si reh ndahi Tuhan. Amin. P Amin..... Amin..... Amin..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks sue Almanak) Erpalasken kata Dibata enda, sipuji IA alu radu ras ngendeken : .....

4. Dibata Erkeleng Ate Man Anak-anak si Nguda Perp. Kundul L Turang ras senina, Dibata makeken anak si nguda bagi si Jusup, Jesaya, Jeremia, ras si debanna, jadi temanNa mpekena-kena bangsaNa. Tuhan Jesus pe makeken anak si nguda jadi ajar-ajarNa nehken sura-suraNa i doni enda. Genduari, Dibata pe tetap njujurken anak si nguda jadi anak panah si entelap guna nerusken dahin pelayanen gereja. Anak PERMATA, e me rudang-rudang i bas jabu, gereja ras masyarakat. PERMATA Bujur ikataken kami o Tuhan, i bas sura-suraNdu si mehuli si itetapkenNdu i bas kegeluhen kami.

Liturgi GBKP 52 Minggu

148

L

P L

Dibata masu-masu ras ngkawali rudang-rudang gereja, dingen idiloNa jadi pasu-pasu ku sekelewetna. Iperlengkapi Dibata anak-anakNa alu erbage-bage kengasupen. Ibere Dibata kesempaten i bas paksa kiningudanna gelah ncidahken kegeluhen si mehuli. Bujur ikataken kami o Tuhan, ijujurkenndu anak-anak kami, jadi rudang-rudang gereja si meherga, si jadi kebayaken kami kerina. Sipuji Tuhan i bas keleng ateNa man PERMATA, alu ngendeken : .....

5. Kinata Kegeluhen Rudang-rudang Gereja L Pustaka si Badia naksiken maka, Dibata make enterem anak si nguda jadi nabi bage pe rasul, jadi temanna erdahin mpekena-kena doni enda. Kuga nge genduari kecibal geluh anak si nguda i bas kegeluhen gerejanta? (Paksa Teneng) PERMATA

P L P

L+P

Ngaku kami o Tuhan, megati kal kami kurang pentar nggeluh i bas pendiloNdu selaku rudang-rudang gereja. Megati kami pesenangken diri kami saja. La kami ngasup nulak pengajuk doni enda. Tuhan alemi min kami. O Tuhanku, alemi min. Salah dosangku alemi min (KEE 380, iendeken iulih-ulihi) Dibata ngkuhi kegeluhen gereja alu mereken anak PERMATA selaku rudang-rudang gerejaNa. Tapi melala rudang-rudang e melus, erkiteken kurang sikap cibalna ras si pekena-kenasa. Ngaku kami o Tuhan, megati kami kurang ngergaken anak kami, rudang-rudang gerejaNdu. Lenga kami ngasup megiken sora pusuhna. Kurang denga kami erlajar i bas ngajari ras ndukung ia. O Tuhan alemi min kami. O Tuhanku, alemi min. Salah dosangku alemi min (KEE 380, iendeken iulih-ulihi)

6. Berita Pengalemi Dosa Perp. Tedis L Kenca kita (kam) ngakuken kesalahenta (ndu), e maka selaku persuruhen Dibata, aku nehken kataNa man banta (ndu) kerina kita (kam) si enggo ngakuken dosanta (ndu), niNa : Jeralah kempak Tuhan Dibatandu. IA melias dingen dem perkuah ate. IA persabar janah tetap icikepNa PadanNa. Tetap IA nggit ngalemi dosanta (ndu), jenari la kam iukumNa. (Yoel 2:13) Meriah ukurta erkiteken dosanta enggo ialemi Dibata, emaka sipuji IA alu ras kita rende ibas : .....

Liturgi GBKP 52 Minggu

149

7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) a. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Kata Dibata si jadi palas man banta guna nehken persembahen pengataken bujurta i buat ibas Masmur 16:5-6, niNa : “Kubereken man bandu, ras man anak-anakndu si dilaki ras si diberu, i bas kerina paksa-paksa si reh enda pemere si khusus si ipersembahken man bangKu. Enda me sada perpadanen si la banci iobah-obah, si enggo Kubahan ras kam bage pe ras kesusurenndu." (Bilangan 18: 19) Iherta ngendesken persembahen, ras kita rende ibas : ..... Pertoton Persembahen ras Pertoton Syafaat 10.Perpadanen Man Dibata Perp. Tedis L Dibata ndilo rudang-rudang gereja jadi temanNa ndahiken dahin si mehuli. Kuga dage ninta? PERMATA Aku erpadan makeken geluhku tudu ras sura-sura Dibata, jadi usihen ras maba kemalemen ate man sekelewet kami. L Enggo ibereken Dibata rudang-rudang gereja man banta jadi erta i tengah-tengah kegeluhen gerejaNa guna ndalanken si ngena ate Dibata. Uga dage ninta? P Aku erpadan ngergaken ras megiken isi pusuh rudang-rudang gerejaNdu, dingen njemba ia ikut muat bagin i bas ndahiken dahin gerejaNdu. L Guna mpeteguhi perpadanenta man Dibata, rende kita ibas : ..... 11.Pertoton Tuhan 12.Pengutusen Ras Pasu-pasu Dibata L Turang ras senina, bengketlah ku bas kegeluhenta (ndu), janah jadilah usihen ku sekelewetta (ndu), dingen alokenlah pasu-pasu idur Dibata nari : “I pasu-pasu janah i kawali Dibata kita (kam), siang ayo Dibata ersinalsal i babonta (ndu) janah melias ateNa ngenehen kita (kam), itatap Dibata ku kita (kam) janah malem ateta (ndu) ibahanNa. Amin. (Bilangen 6:24-26) P Amin..... Amin..... Amin..... (Iendeken)

Liturgi GBKP 52 Minggu

150

LITURGI MINGGU PERDAMEN A..PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo ras Momo

Liturgi GBKP 52 Minggu

151

Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage si dengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo). 1. Kata Penaruh Kekelengen ni Tuhan, Minggu enda i gelari Minggu Perdamen, ngingetken kita kerna perbahenen Jesus Kristus si mereken diriNa, mate i kayu persilang guna mperdameken kita ras Dibata erkiteken dosa-dosanta. Arah enda me dalanna maka kita erdame ras Dibata. Selaku kalak si enggo iperdameken ras Dibata, maka kita pe maba dame ku sekelewetta. Emaka si permuliakenlah Tuhan si maba dame e.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum - Salam L I bas gelar Dibata Bapa si erngena ate nandangi perdamen, i bas gelar Jesus Kristus si mperdameken manusia ras Dibata, ras i bas gelar Kesah si Badia si nampati kita (kam) erdame ras temannta (ndu) manusia. Perkuah ate ras dame i bas Dibata Bapa, ras i bas Jesus Kristus nari, i bas kerembaken Kesah si Badia, ras kita (kam) kerina gelah. Amin. P Amin...... Amin..... Amin...... (Iendeken) 3. Berita Kerna Perbahanen Ras Sura-sura Dibata (Invocatio) L (Ngoge Teks Sue Almanak) Erpalasken Kata Dibata enda, sipuji IA alu ras kita ngendeken : ......

4. Pertoton Pengataken Bujur Man Dibata si Jadi Ulu Kedamen Perp. Kundul L Marilah kita muji Dibata, erkiteken keleng ate ras kiniulinNa si jadi ulu kedamen i bas doni enda, nintalah i bas ukurta : O Tuhan Dibata, Bapa si erkeleng ate man kami, terpujilah gelarNdu sabab mbelin kiniulinNdu maler man kami. ItepaNdu doni enda alu serta, dem alu kiniulin, janah kerina tinepaNdu nggeluh alu dame. O Tuhan Jesus, ipuji kami Kam sabab Kam enggo maba perdamen ku doni enda. O Kesah si Badia, kataken kami bujur sabab enggo iajari ras ipengasupNdu kami nggeluh i bas dame. Terpujilah Kam seh rasa lalap, Amin.

Liturgi GBKP 52 Minggu

152

Sikataken bujur man Dibata alu ras kita rende arah : ..... 5. Kecibal Geluh Manusia Iadep-adepen Dibata L Jesus Kristus enggo mperdameken kita ras Dibata arah pengorbanenNa i kayu persilang, gelah kita pe nggeluh erdame ras temanta manusia. Adi sigargari isi pusuhta, kuga nge kininggitenta erkorban i bas ndalanken perdamen? P O Tuhan, ngaku kami maka metahat denga akap kami erkorban ndalanken perdamen, seh maka kegeluhen kami la jumpa kejuahjuahen. O Tuhan alemilah kami. (Paksa Teneng) L

Guna mpebagesi pengakunta, mari siendeken : .....

6. Berita Pengalemi Dosa Perp. Tedis L La meriah iakap Dibata anakNa bene i bas dosa. Tapi meriah kal ateNa ngidah sekalak anakNa si jera dingen robah i bas dosa-dosana nari. Emaka selaku persuruhen Dibata, aku nehken KataNa man banta (ndu) kerina kita (kam) si enggo ngakuken dosanta (ndu), niNa : “Bagi dauhna kepultaken ras kesunduten nari, bage me ipedauhNa dosa-dosanta i bas kita nari. Bagi keleng ate bapa man anak-anakna, bage kal me pengkelengi Dibata kalak si erkemalangen man baNa.” (Masmur 103:12-13) I bas keriahenta erkiteken dosanta (ndu) enggo ialemi, sipuji dage Tuhan arah : ..... 7. Kata Dibata Perp. Kundul a. Ngoge Kata Dibata Bagin Si Pemena: L Ketuahen kalak si megiken kata Dibata dingen si makekenca i bas kegeluhenna si teptep wari, Haleluya P Haleluya......Haleluya.... Haleluya...... (Iendeken) b. Khotbah (Ibenaken ras idungi alu pertoton) 8. Pengakun kiniteken Perp. Tedis 9. Persembahen Perp. Kundul L Turang ras senina seh me paksa man banta (ndu) guna ngendesken persembahen pengataken bujur man Dibata, perbahanen Dibata si jadi palas man banta (ndu) guna ngataken bujur, nina i bas Epesus 2:14 : “Sabap Kristus e kap si ndameken kita, alu njadiken si dua pihak e jadi sada. Kristus jine alu dareh dagingNa enggo ngeruntuhken tembok si nirangken bangsa-bangsa e dingen si erbahanca ia tetap ermusuhen.” Tupung sisehken persembahenta, mari ras kita rende ibas : .....

Liturgi GBKP 52 Minggu

153

Pertoton Persembahen ras Pertoton Syafaat 10.Perpadanen Nggeluh I bas Perdamen Perp. Tedis L Dibata enggo mereken perdamen man banta (ndu), enda me si jadi tugas ras tanggungjababta (ndu) selaku anak-anak si enggo iperdameken Dibata ras diriNa. P Aku erpadan Tuhan, ngergaken perdamen si enggo kualoken i bas Kam nari. L Dibata ndilo kita maba perdamen ku kerina temanta manusia. P Aku erpadan Tuhan, nggit erdame ras temanku manusia janah tetap ngelakoken si mehuli gelah teridah perdamen i tengah-tengah kegeluhen. L I bas kita mpeteguhi perpadanenta man Dibata, ras kita rende : ..... 11.Pertoton Tuhan 12.Pengutusen Ras Pasu-pasu Dibata L Berkatlah kita (kam) ndalani kegeluhenta (ndu), cidahkenlah perdamen e ku tengah-tengah doni enda, gelah doni enda banci nggeluh i bas dame, guna ngasup kita (kam) nggeluh i bas dame e, alokenlah pasu-pasu idur Dibata nari : “Dibata si mada perkuah ate, si enggo nenahken kita (kam) ku kemulianNa si rasa lalap i bas Kristus, njadiken kita (kam) serta, tetap, megegeh dingen paguh. IA nge si mada kuasa seh rasa lalap.” Amin. (1 Petrus 5:10-11) P Amin..... Amin..... Amin..... (Iendeken)

LITURGI MINGGU NOTOKEN SERAYAN I A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo ras Momo

Liturgi GBKP 52 Minggu

154

Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage si dengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo). 1. Kata Penaruh Kekelengen ni Tuhan, Minggu enda e me Minggu ija kita kerina i dilo ertoto kerna serayan Tuhan. Minggu enda kita ibabai kita guna nggejapken ulihi kerna ulina sura-sura Dibata i bas ndilo manusia jadi serayanNa, jenari selaku ringring ni Kristus, kita i dilo guna sitatang-tatangen i bas pertoton. Alu bage, marilah sipesikap ukurta guna ersembah man Dibata.  

Erkata lonceng Rende :.....

Perp. Tedis (Serayan Kebaktin Bengket ku Mimbar)

2. Votum – Salam L I bas gelar Dibata Bapa si enggo milih kita jadi serayanNa, i bas gelar Jesus Kristus si jadi ulu pengajaren Berita si Meriah, ras i bas gelar Kesah si Badia si jadi ulu gegeh jadi serayan. Perkuah ate i bas Dibata Bapa, i bas Tuhan Jesus Kristus nari, ras i bas kerembaken Kesah si Badia, ras kita (kam) kerina gelah. Amin. P Amin..... Amin..... Amin..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : ...... 4. Kinata Kegeluhen Manusia I Adep-adepen Dibata (Nr: nora ; Nrs: naras) Perp. Kundul L Alu Kuasa Dibata, itetapkenNa serayanNa guna nehken sura-suraNa ku doni enda. Adi situlihken ku bas perdalanen geluhta, kuga nge ndia ketutusenta i bas ngikutken pendiloNa? Serayan Ngaku kami Tuhan, kurang denga waktu kami ertoto alu tutus kerna dahi-dahin gerejaNdu, bage pe notoken kerina serayanNdu. Mekatep kami lupa maka kami serayanNdu arus nggeluh sitatangen i bas toto. O Tuhan alemilah kami. Nr/Nrs Ngaku kami O Tuhan, kami pe selaku nora ras naras, kurang denga waktu kami, ertoto guna kiniulin dahin serayanNdu. O Tuhan alemilah kami. P Selaku perpulungeNdu, kami pe ngaku O Tuhan, maka kurang denga kami natang serayanNdu i bas pertoton, gelah megegeh ia ndahiken dahin gerejaNdu. O Tuhan alemilah kami.

Liturgi GBKP 52 Minggu

155

L

Mari dage siakuken salah lepakta man Dibata arah ende-endenta: .....

5. Berita Pengalemi Dosa Perp. Tedis L Turang ras senina, kenca siakuken salah lepakta i lebe-lebe Dibata, emaka selaku persuruhen Dibata, aku nehken kataNa man banta (ndu), niNa : “Kenca bage sada i bas malekat serafim ndai nari kabang ndahi aku. Ibabana rara si ibuatna i bas batar-batar persembahen nari alu jepit-jepit. Ikuitna biberku alu rara ndai, jenari nina, "Rara enda enggo ngkenai biberndu, e maka genduari salahndu enggo masap janah dosandu enggo ialemi.” (Yesaya 6:6-7). Meriah ukurta erkiteken kita tetap ikelengi Dibata arah padanNa si isehkenNa man banta. Emaka genduari sicidahken keriahen ukurta dingen ngataken bujur man Dibata arah ende-enden pujinta : ..... 6. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 7. Pengakun Kiniteken

Perp. Tedis

8. Persembahen Perp. Kundul L Turang ras senina, seh me paksana kita ngendesken persembahen pengataken bujurta man Dibata. Kata Dibata si jadi palas i bas kita ersembah niNa : “Bahan persembahen man bangKu. Janah Kualoken me persembahen si ibereken kalak alu ukur ersuruh.” (Keluaren 25:2) Tupung sisehken persembahenta, sipuji Tuhan arah : ..... Pertoton Persembahen ras Pertoton Syafaat

9. Perpadanen Man Dibata (Nr : Nora ; Nrs : Naras) Perp. Tedis L Dibata enggo milih dingen ndilo kita (kam) jadi serayanNa guna nehken sura-suraNa i doni enda. Serayan Erpadan aku O Tuhan, tutus ateku ngikutken pendiloNdu, dingen ertanggungjabab ndahiken dahin si enggo iampekenNdu man bangku. L Dibata mpersadaken kita i bas kula ni Kristus. IdiloNa kita guna natang serayanNa arah pertoton. Nr/Nrs Erpadan kami O Tuhan, ertutus ate notoken serayanNdu, gelah serayanNdu pentar dingen setia i bas ndahiken dahin gerejaNdu.

Liturgi GBKP 52 Minggu

156

L P

L

Perpulungen e me rarasen dingen keluarga Kristus. Perpulungen pe idilo Dibata natang serayaNa i bas pertoton, gelah megegeh ras pentar i bas ndahiken dahin Tuhan. Erpadan kami O Tuhan, tutus ate kami notoken serayanNdu ras jabu serayanNdu, gelah ngasup ia ras keluargana ndahiken dahinNdu. Jabuna jadi kemulian man baNdu, dingen jadi pasu-pasu man perpulungenNdu. Emaka tetaplah kam ernalem man Dibata sabap nina Tuhan man bandu : "Aku, TUHAN, enggo ndilo kam lako ndalanken sura-surangKu. Kutegu-tegu janah Kukawali kam. Arah kam Kubahan perpadanen ras kerina bangsa, arah kam Kubereken terang man bangsa-bangsa”. Sipeteguhi perpadanenta man Dibata alu ngendeken : .....

10.Pertoton Tuhan 11.Pengutusen Ras Pasu-pasu Dibata L Berkatlah kam ndalani kegeluhenta (ndu), megenggenglah kita (kam) i bas meritaken Berita si Meriah, sabap IA (Aku) kap Dibata, si enggo milih kita (kam) ndahiken dahin e. Gelah kita (kam) megegeh ndahikenca, alokenlah pasu-pasu idur Dibata nari: Ipasu-pasu janah ikawali Dibata kita (kam), siang ayo Dibata ersinalsal ibabonta (ndu). Janah melias ateNa ngenehen kita (kam). Itatap Dibata ku kita (kam), janah malem ateta (Ndu) ibahanNa. Amin. P Amin..... Amin..... Amin..... (Iendeken)

LITURGI MINGGU NOTOKEN SERAYAN II A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo ras Momo

Liturgi GBKP 52 Minggu

157

Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage si dengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo). 1. Kata Penaruh Kekelengen ni Tuhan, Minggu enda igelari Minggu Notoken Serayan. Ija i bas Minggu enda kita iajuk guna ngidah sura-sura Dibata nandangi kita arah pendahin KesahNa erkelangken serayan si arah lebenta, gelah kita tetap ergiah-giah i bas ngelai Dibata, subuk kita selaku serayan ntah pe perpulungen. Alu bage arah kebaktin enda banci njemba kita gelah tetap nggit ngelai Dibata alu penemani KesahNa.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum – Salam L Kebaktin enda lit i bas gelar Dibata Bapa si nepa langit ras doni, i bas gelar AnakNa Jesus Kristus si jadi juruselamatta, ras i bas gelar Kesah si Badia si nemani dingen ngkawali serayanNa si arah lebe. Perkuah ate ras dame i bas Dibata Bapa ras i bas Tuhanta Jesus Kristus nari, i bas kerembaken Kesah si Badia, ras kita (kam) kerina gelah. Amin. P Amin..... Amin..... Amin..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks sue Almanak) Erpalasken kata Dibata enda, sipuji IA alu ras kita ngendeken : .....

4. Kinilangasupen Manusia I bas Ndalanken Pedah Dibata (Nr: Nora ; Nrs: Naras)

Perp. Kundul

(Paduan Suara / Song Leader ngendeken lagu ”Ulih Latih Si Merdang”) L

Kekelengen ni Tuhan, kita enggo ipilih Tuhan jadi sikerajangenNa. Tanggungjababta e me mpebadiaken GelarNa, subuk selaku perpulungenNa bage pe serayanNa i bas kerina dampar kegeluhenta. Marilah kita bengket ku bas paksa teneng, guna ngukurken ketutusen ateta i bas ngikutken pendiloNa.

Liturgi GBKP 52 Minggu

158

(Paksa Teneng) L

Selaku serayan Dibata, kuga nge ketutusen ateta i bas ndahiken pendilo Dibata? Serayan Ngaku kami Tuhan, selaku serayanNdu, megati lenga kami ndahiken pendiloNdu asa gegeh, asa ukur ras asa tendi kami lit i bas ngaturken gerejaNdu. O Tuhan, alemi dingen pegegehilah kami jadi serayanNdu. Nr/Nrs Selaku keluarga serayan, kami pe megati kurang tutus ertoto kerna dahin gerejaNdu, kurang tutus natang serayanNdu i bas pertoton, gelah mehuli perdalinen gerejaNdu i bas doni enda. L Selaku perpulungen Tuhan, enggo nge kita tutus ndahiken pendilo Dibata, dingen natang dahin serayan Tuhan i bas pertotonta? P Ngaku kami o Tuhan, kami pe megati lupa notoken dahin gerejandu, bage pe jabu serayanNdu, gelah paguh ia ndalaken dahin gerejaNdu. O Tuhan, alemilah kami. L Guna tole kita nggejapken kinilangasupenta selaku serayan bage pe perpulungen si enggo ipilih Dibata, ras kita rende ibas : ..... 5. Pergegeh I bas Ndalanken Pedah Dibata Perp. Tedis L Selaku persuruhen Dibata, aku nehken kataNa man banta (ndu) kerina kita (kam) si nggejapken kekotenna i bas ndalanken pedah Dibata, niNa : ”Ngena ateKu man kalak si tutus; Kubere ia tading i bas rumahKu. Kalak si geluhna la erpandangen, Kubere ia ngelai Aku.” Gelah reh gegehna kita ndalanken pedah Dibata, sipuji Tuhan alu ngendeken : ..... 6. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 7. Pengakun Kiniteken Perp. Tedis 8. Persembahen Perp. Kundul L Senina ras turang i bas Jesus Kristus, mari sisehken persembahennta i bas wari Minggu enda, sipersembahken dage si mehulina. Gelah arah persembahen enda kita enggo ikut muat bagin i bas dahin Ersada, Ersaksi ras Ngelai. Kata Dibata si jadi palas i bas kita ngendesken persembahenta ibuat ibas Roma 12:1b, niNa : “Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku mahluk si rukur.”

Liturgi GBKP 52 Minggu

159

Janahta ngendesken persembahen, rende kita ibas : ..... Pertoton Persembahen ras Pertoton Syafaat 9. Perpadanen Man Dibata Perp. Tedis L Dibata la pernah nadingken anakNa si setia. Serayan + Keluarga: Erpadan kami Tuhan, i bas ndahiken dahinNdu, Kam saja nge jadi penggurun kami i bas ngelai Kam. Lanai kami nggit talu ibahan surasura kami. P Kami pe erpadan Tuhan, ngergaken dingen notoken serayanNdu, gelah arah ia pe kami ngidah peratenNdu. Terpujilah Kam Tuhan arah kegeluhen kami. Amin. L I bas kita mpeteguhi perpadanen man Dibata, mari sipuji Tuhan alu ngendeken : ..... 10.Pertoton Tuhan 11.Pengutusen ras Pemasu-masun L Senina ras turang, bengketilah kegeluhenta (ndu) si teptep wari. Gelah tetap kita (kam) ngasup natang-natang dahin serayan Tuhan, e maka alokenlah pasu-pasu idur Dibata nari : “Perkuah ate Tuhan Jesus Kristus, kekelengen Dibata Bapa ras kerembaken Kesah si Badia, ras kita (kam) kerina gelah.” Amin. P Amin..... Amin..... Amin..... (Iendeken)

LITURGI MINGGU BUDAYA 2 A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Pengalo-ngalo ras Momo

Liturgi GBKP 52 Minggu

160

Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehendu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina, i bas Minggu enda erlajar me kita ngidah ulina perukuren ras sura-sura Dibata si enggo isuankenNa jadi orat nggeluh i bas budayanta. Kiniulin e teridah i bas kegeluhen ”Rakut si Telu - Tutur si Waluh – Perkade-kaden Sepuludua Tambah Sada”. Ate Dibata, gelah persadan enda jadi dalanta ngelaken kekelengen Tuhanta man teman manusia bage pe man kerina tinepa. Arah kebaktinta enda, ate Dibata empersingeti kita ulihi kerna orat nggeluh, gelah kita ncidahken budaya nggeluh si mehuli, subuk i bas cara rukur, pengerana ras perbahanen si bali ras biak Dibata.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si nepa kiniraturen nggeluh, i bas gelar Jesus Kristus si jadi usihen geluh manusia, ras i bas gelar Kesah si Badia si mere kepentaran guna mbangun kegeluhen si mulia. Perkuah ate ras dame i bas Dibata Bapa, AnakNa Jesus Kristus, ras i bas kerembaken Kesah si Badia ras kita (kam) kerina gelah. Amin P Amin.....Amin.....Amin..... (Iendeken) 4. Berita Kerna Sura-Sura Ras Perbahanen Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : .....

5. Pujin Man Dibata si Jadi Usihen Orat Geluhta Perp. Kundul L Dibatanta enggo nepa kiniraturen nggeluh i bas kerina tinepa. La ipelepas Dibata kita ndalani kegeluhen enda sisada-sisada. IsikapkenNa teman nggeluh rikut ras kade-kade man banta, gelah lit inganta nehken keleng ate, nuri-nuri ras megi-megi. Gelah lit ingan manusia nampati ras pe isampati. Ipersada Dibata me kita i bas ”Rakut si Telu - Tutur si Waluh – Perkade-kaden Sepuludua Tambah Sada”, gelah arah persadan enda reh kuhna kengasupenta ngelaken kekelengen Tuhanta man teman manusia bage pe man kerina tinepa.

Liturgi GBKP 52 Minggu

161

P

L

1. Selaku Kalimbubu, kita idilo mereken dirinta engkelengi ras mereken tuah pasu-pasu man anak beru. 2. Selaku Sukut, kita idilo natang-natang kegeluhen seninanta gelah ola ia juru i bas keterbatasenna bage pe metami man Anak Beru. 3. Selaku Anak Beru, kita idilo mereken dirinta jadi si natang-natang dingen mpehaga Kalimbubu, gelah tambah dolat Kalimbubu i bas geluhna. Enda me biak Dibata si enggo isuankenna i bas budayanta. Andiko ulina perbahanen Tuhan i bas ngaturken kegeluhen manusia. Emaka Pujilah Tuhan! Pujilah IA erkiteken enggo ituduhkenNa orat nggeluh si mehuli. Tetapkenlah i bas ukurta (ndu) maka kidekah kita (kam) nggeluh la kita (kam) lupa perbahanen Dibata man banta (ndu). Turikenlah dingen ajarkenlah e man anak-anakta (ndu), ras man kempu-kempunta (ndu), gelah turah i bas ia biak nggeluh si mehuli. Ikataken kami bujur man baNdu Tuhan, nandangi teman nggeluh, kade-kade ras kiniersadan si enggo isikapkenNdu man kami. Perukuren ras perbahanenNdu me si erbahan geluh kami mehuli. Kam me jadi usihen kegeluhen kami. Sipuji Tuhanta alu ras kita rende ibas : .....

6. Kinilangasupen Manusia Nggeluh i Bas Perukuren Dibata L O turang ras senina, enggo isikapken Dibata iketen nggeluh si mehuli man banta, ija kerina kita meherga ras mehaga. Di kune sekali tegun geluhta jadi kalimbubu, enggo nge ndia kita mereken dirinta engkelengi ras njujurken tuah pasu-pasu man anak berunta? (Paksa Teneng) L

L

O turang ras senina, di kune sekali tegun geluhta jadi Sukut, enggo nge ndia kita mereken dirinta jadi teman arih dingen natang-natang kegeluhen seninanta gelah ula ola ia juru i bas keterbatasenna. Enggo ndia kita metami man Anak Beru? (Paksa Teneng) O turang ras senina, di kune sekali tegun geluhta jadi Anak Beru, enggo nge ndia kita mereken dirinta natang-natang dingen mpehaga Kalimbubu, gelah tambah dolat Kalimbubu i bas kegeluhenna. Mari siakuken salah lepakta man Dibata, alu ngendeken : .....

7. Berita Pengalemi Dosa Perp. Tedis L Tuhan e perkuah dingen perkeleng kap, la pedas IA merawa. IA dem alu keleng ate si tetap. Labo kita ibuangkenna i bas keterbatasen ras dosanta. Emaka, selaku persuruhen Dibata aku nehken kataNa man banta (ndu) kerina si ngakuken dosa ras kesalahenna, dingen jera i bas dosa ras kesalahenta (ndu) nari, niNa :

Liturgi GBKP 52 Minggu

162

“Bali ras ganjangna langit i babo doni nari, bage kal me belinna keleng ateNa man kalak si erkemalangen baNa. Bagi dauhna kepultaken arah kesunduten, bage me ipedauhNa dosa-dosanta i bas kita nari. Bagi keleng ate bapa man anak-anakna, bage kal me pengkelengi Dibata kalak si erkemalangen man baNa”. (Masmur 103:8-13) Sipuji Tuhan erkiteken dosanta enggo ialemiNa, alu ngendeken : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10. Persembahen Perp. Kundul L Dibata enggo nuduhken orat nggeluh si mehuli, si erbahan kegeluhen doni jadi mehuli. Guna nginget ras ngergaken kiniulin Dibatanta e : “Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur” (Roma 12:1). Tupung sisehken persembahenta, ras kita rende ibas : ..... Pertoton Persembahen ras Pertoton Syafaat. 11. Perpadanen Man Dibata Perp. Tedis L Turang ras senina, enggo itepa Dibata kiniraturen dingen kiniersadan alu mehuli man banta. Uga nge ninta ngaloi keleng ate Dibatanta enda? P Erpadan aku O Tuhan, di kune sekali tegun geluhku jadi Kalimbubu, kuendesken me diringku ngkelengi ras njujurken tuah pasu-pasu man Anak Berungku. Di kune sekali tegun geluhku jadi Sukut, kuendesken me diringku jadi teman arih dingen natang-natang kegeluhen seninangku, gelah ola ia juru i bas keterbatasenna. Erpadan pe aku metami man Anak Beru. Di kune sekali tegun geluhku jadi Anak Beru, kuendesken me diringku jadi si natang-natang dingen mpehaga Kalimbubu, gelah tambah dolat Kalimbubu i bas kegeluhenna. L Sipuji Tuhanta alu ras kita rende ibas : ..... 12. Pertoton Tuhan

Liturgi GBKP 52 Minggu

163

13. Pengutusen Ras Pasu-pasu Dibata L Kekelengen ni Tuhan, berkatlah ndalani geluhta (ndu) si meherga i adep-adepen Dibata alu tetap nehken kekelengen dingen kehamaten nandangi temanta (ndu) ras kerina tinepaNa. Guna jadi gegehta (ndu), alokenlah pasu-pasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam), janah malem ateta (ndu) ibahanNa.” Amin. P Amin ..... Amin ..... Amin ..... (Iendeken)

LITURGI MINGGU MORIA A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man

Liturgi GBKP 52 Minggu

164

bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo). 1. Kata Penaruh Mejuah-juah senina ras turang i bas kekelengen Tuhanta Jesus Kristus. Dibata nepa dilaki ras diberu, duana ia idilo guna ndemi dingen mpekena-kena doni enda. Diberu e me si jadi nande i bas jabu, si igelari Moria itengah-tengah GBKP. Ia me ingan tertande man isi jabu bage pe gereja ras masyarakat. Moria muat bagin i bas dahin persadan, pelayanen bage pe ras kesaksin arah kengasupen si enggo ialokenna i bas Dibata nari. Mari kita bengket ku bas kebaktin enda alu dem kehamaten man Dibata.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum – Salam L I bas gelar Dibata Bapa si njadiken langit ras doni, i bas gelar Jesus Kristus si enggo nehken kekelengenNa alu nebusi doni enda ras i bas gelar Kesah si Badia si mpengasup manusia nggeluh sikeleng-kelengen. Perkuah ate ras dame i bas Dibata Bapa, AnakNa Jesus Kristus, ras i bas kerembaken Kesah si Badia ras kita (kam) kerina gelah. Amin P Amin..... Amin..... Amin..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : .....

4. Pujin Man Dibata si Mperdiateken Kegeluhen Manusia Perp. Kundul L Dibata enggo milih manusia nehken sura-suraNa nandangi doni enda, e me si erbahanca kita meherga. Erkiteken si e sisehken puji-pujinta man Dibata. P Tendingku muji Kam Tuhan. Meriah ukurku perbahan Kam penebusku. Moria Sabab enggo ingetna aku kawanNa si meteruk! Genduari nari kerina kalak ngataken maka aku sangap. L Sabab Dibata si mada kuasa ncidahken perbahanenNa man bandu, Badia me gelarNa. Moria IcidahkenNa perkuah ateNa man bangku si erkemalangen man baNa. L IcidahkenNa kuasaNa alu perbahanen tanNa, janah iambatiNa gelah ola seh sura-sura kalak si meganjang ukurna.

Liturgi GBKP 52 Minggu

165

P L

IngetNa padan si enggo ibahanNa ras nini-niningku, janah reh ia nampati aku kawanNa. Sipuji Tuhan alu ngendeken : .....

5. Kinata Kegeluhen Manusia ras Pengakun Dosa L Turang ras senina, Dibatanta e bagi nande ingan anak-anakNa tertande. Ipekena-kenaNa, dingen iteguNa kita i bas ndalani geluh enda. Keleng ateNa la ersibar, gia anak-anakNa la ngantusi IA. IA me ingan tertande, ingan ndatken keleng ate dingen pergegeh. Biak e enggo isuanken Dibata i bas nandenta i bas jabu. Kuga nge siidah pengergan ras keleng ateta ndandangi Dibata si reh bagi nande i bas geluhta? (Paksa Teneng) L

Kuga nge siidah pengergan ras keleng ateta nandangi nande si enggo ijujurken Dibata i bas geluhta? (Paksa Teneng)

L

Marilah siakuken dosa ras kelepakenta i lebe-lebe Dibata.

Mamre ras PERMATA: O Tuhan, megati kami ngukuri diri kami saja, kami lupa notoken ras ngergai nande i tengah-tengah jabu. O Tuhan alemi min kami. Moria O Tuhan megati la kupakeken pendiloNdu selaku nande i bas geluhku, emaka mekuah min ateNdu kempak aku, sampati min aku. (Paksa Teneng) L

Siakuken salah lepakta alu ngendeken: .....

6. Berita Pengalemi Dosa Perp. Tedis L Selaku persuruhen Dibata aku nehken kataNa man banta (ndu) kerina kita (kam) si ngakuken dosanta (ndu) : ”Aku me Dibatandu si milih ras si ndilo kam guna jadi nande dingen si mereken nande man bandu guna iergaindu i bas geluhndu. Kupegegehi kam, Kualemi salah ras lepakndu, ernalemlah man bangKu.” Sidahi dingen sipuji Tuhan si enggo ngalemi dosanta, arah : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya.

Liturgi GBKP 52 Minggu

166

P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Kata Dibata kerna persembahen pengataken bujur : “O senina-seninangku, nginget perkuah ate Dibata si mbelin siisehkenNa man banta, kupindo man bandu : “Endeskenlah kulandu man Dibata saja selaku persembahen si nggeluh rikutken si ngena ateNa.” (Roma 12 : 1a) Iher kita nehken persembahen, sipuji Tuhan arah : ..... Ertoto Kerna Persembahen ras Pertoton Syafaat 10.Perpadanen Man Dibata Perp. Tedis L Moria idilo Dibata jadi nande si pentar, ingan tertande man isi jabu. Moria Tetap ukurku o Tuhan, makeken kepentaren si enggo iberekenNdu man bangku, gelah idah isi jabungku keleng ateNdu ibas diringku. L Ergaken dingen totokenlah nande itengah-tengah jabunta (ndu), maka ngasup ia jadi nande ingan tertande. Mamre ras PERMATA: Erpadan kami Tuhan ngergai nande kami, sabab Kam kap si reh engkelengi kami i bas nande kami. L Sitatang-tatangenlah kita (kam) i bas jabu, maka dame geluhta (ndu), erguna me geluhta (ndu) i bas gereja ras masyarakat. P Erpadan kami Tuhan, nggeluh sitatang-tatangen i bas jabu, gelah idah doni enda, maka Kam me pematang jabu kami. Amin. L Guna mpeteguhi perpadanenta man Dibata, rende kita ibas : ..... 11.Pertoton Tuhan 12.Pengutusen Ras Pasu-pasu Dibata L Tetaplah kita (kam) nggeluh i bas kegeluhen si enggo ipelimbarui Dibata maka ngasup jadi nande si pentar itengah-tengah jabu, gereja ras masyarakat, dingen isi jabu notoken ras ngergai Moria. Dalankenlah e, ipengasupNa kita (kam) alu pasu-pasuNa : “Dibata, sumbul kemalemen ate, e gelah si ncukupi keperlunta (ndu) guna ndalanken si sentudu ras peratenNa. Janah Dibatalah erdahin i bas kita (kam) arah Jesus Kristus, gelah kita (kam) ngelakoken kai si ngena ateNa. Man Kristuslah kemulian seh rasa lalap.” Amin. P Amin..... Amin..... Amin..... (Iendeken)

Liturgi GBKP 52 Minggu

167

LITURGI MINGGU ZENDING A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man

Liturgi GBKP 52 Minggu

168

bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage si dengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo). 1. Kata Penaruh Turang ras senina i bas kekelengen Tuhanta Jesus Kristus, minggu enda igelari minggu zending ija kita nginget maka Jesus enggo ngutus ajar-ajarNa guna nehken Berita si Meriah. Erkiteken si e turah gereja si tetap pembarken Berita si Meriah erkelang-kelangken misionaris si enggo ipilihNa. Tentuna kita pe ikut ngaloken pendilo Tuhan e, lako muat bagin ras nerusken meritaken Berita si Meriah e. Terlebih-lebih man kalak si lenga tek gelah ialokenna Jesus jadi Juruselamatna.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum - Salam L I bas gelar Dibata Bapa si enggo nuruh AnakNa ku doni enda, i bas gelar Jesus Kristus si nuruh gerejaNa guna ersaksi, ras i bas gelar Kesah si Badia si mpegegehi gerejaNa meritaken Berita si Meriah. Perkuah ate ras dame i bas Dibata Bapa, ras i bas Jesus Kristus nari, i bas kerembaken Kesah si Badia nemani kita (kam) seh rasa lalap. Amin. P Amin.... Amin..... Amin..... (Iendeken) 3. Berita Kerna Perbahanen ras Sura-sura Tuhan (Invocatio) L (Ngogeken Teks sue Almanak) Erpalasken kata Dibata enda, sipuji IA alu ras ngendeken : .....

4. Pujin Man Tuhan Perp.Kundul L Perbahanen ras kekelengen Tuhan tuhu-tuhu mbelin man doni enda alu nuruh AnakNa ku doni enda guna maba berita keselamaten. P Ngataken bujur kami man baNdu o Tuhan, sabab enggo aloken kami berita keselamaten si ibabaNdu. L Tuhan si dem alu perkuah ate mabai keselamaten man kalak si tek. Erdandanken si e mari sipuji Tuhan si enggo nuduhken keleng ate ras kemulianNa erkelang-kelangken perberita si meriah si enggo reh kutengah-tengahta. P Ipuji dingen isembah kami Kam Tuhan, sabab igejapken kami keleng ate ras kemulianNdu, arah perberita si meriah si enggo isuruhNdu.

Liturgi GBKP 52 Minggu

169

L P L

Kesah si Badia erdahin guna pengasup gerejaNa nehken Berita si Meriah e ku kerina tinepaNa. Bujur o Tuhan, i bas Kam enggo mereken Kesah si Badia si mpengasup kami guna ersaksi kerna keselamaten si enggo ipadankenNdu man kerina tinepaNdu. Mari sipenangkih puji-pujinta man Tuhan, alu ngendeken : .....

5. Kinilangasupen Guna Erberita L Ngidah belinna kekelengen Tuhan man banta, maka i bas kesempaten enda mari situlihken ku bas pusuhta kerna ketutusenta i bas ngayuken pendilo Dibata guna meritaken Berita si Meriah. (Paksa Teneng) L

Mari sigejapken kinikotenta sedekah enda i bas meritaken Berita si Meriah alu ngendeken : .....

6. Pedah Dibata si Mpengasup Kita Guna Erberita si Meriah Perp. Tedis L Kata Dibata si mpengasup kita (kam) guna erberita si Meriah : “Dibata i bas kinibayakenNa si la ersibar iberekenNa man banta (ndu) kuasa arah KesahNa guna mpegehehi pusuh peratenta (ndu)” (Bdk. Epesus 3:16). I bas kita enggo ipegegehi Dibata guna erberita, emaka mari sipuji IA alu ngendeken : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Turang ras senina i bas Jesus Kristus, mari sisehken persembahenta si mehulina si jadi tanda pengataken bujurta man Tuhan. Sabap IA mehuli ras melias man banta. Kata Dibata si jadi i bas kita nehken persembahen pengataken bujurta : “O senina-seninangku, nginget perkuah ate Dibata si mbelin si isehkenNa man banta, kupindo man bandu: Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur”. (Roma 12:1) I bas kita ngendesken persembahen, mari ras kita rende ibas : .....

Liturgi GBKP 52 Minggu

170

Pertoton Persembahen ras Pertoton Syafaat 10.Perpadanen Guna Erberita si Meriah Perp. Tedis L Turang ras senina, idilo Jesus kita (kam) guna jadi saksi man temanta manusia. Kuga dage ninta (ndu) ngaloken pendilo Dibatanta? P Erpadan kami O Tuhan, iayuken kami pendiloNdu, iberitaken kami keleng ateNdu ku sekelewet kami. Ijenda aku Tuhan, suruhlah aku! L Mari sipepaguhi perpadanenta (ndu) man Dibata, alu ngendeken : ..... 11. Pertoton Tuhan 12.Pengutusen Ras Pasu-pasu Dibata L Laweslah ku kerina bangsa manusia, bahanlah ia jadi ajar-ajarKu: Peridiken ia i bas gelar Bapa, gelar Anak, ras gelar Kesah si Badia, janah ajari ia ngikutken kerina si enggo Kupedahken man bandu. Janah ingetlah! Aku tetap kap ras kam seh ku kedungen jaman." Guna si e, alokenlah pasu-pasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam), janah malem ateta (ndu) ibahanNa.” Amin. (Bilangen 6:24-26) P Amin..... Amin..... Amin..... (Iendeken)

LITURGI MINGGU REFORMASI GEREJA A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo ras Momo

Liturgi GBKP 52 Minggu

171

Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage si dengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo). 1. Kata Penaruh Turang ras senina i bas kekelengen Tuhanta Jesus Kristus. Sendah si peringeti me Minggu Reformasi Gereja si ngingetken kita kerna perdalinen sejarah gereja si terus-menerus ipelimbarui Tuhan arah pendahin bapa-bapa gerejanta, gelah kiniteken perpulungen reh dewasana. Arah kebaktin enda, kita pe ipersingetti gelah tetap nggit ipake Dibata guna maba pembaharun si mbangun kiniteken gelah reh dewasana i bas gerejanta. Mari dage kita mpesikap ukurta ngadap man Dibata si mada gereja.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum - Salam L I bas gelar Tuhan Bapa si erkuasa nandangi kerina doni enda, i bas gelar AnakNa Jesus Kristus Takal ni Perpulungen ras i bas gelar Kesah si Badia si tetap mpelimbarui gerejaNa. Perkuah ate ras dame i bas Tuhan Bapa, ras i bas Tuhanta Jesus Kristus nari, i bas kerembaken Kesah si Badia si ngkawali perberkat ras permulihta (ndu) genduari nari seh rasa lalap. Amin. P Amin..... Amin..... Amin (Iendeken) 3. Berita Kerna Perbahanen ras Sura-sura Tuhan (Invocatio) L (Ngogeken Teks sue Almanak) Erpalasken kata Dibata enda, sipuji IA alu ras kita ngendeken : .....

4. Pujin Man Tuhan Si Mpelimbarui Geluh Manusia Perp. Kundul L Dibatanta la erngadi-ngadi ngepkep dingen mpelimbarui gerejaNa, gelah reh dewasana kiniteken perpulungen, dingen reh sikapna gereja nehken keleng ate Dibata i tengah doni enda. Pujilah Tuhan si negunegu perdalanen gereja. P Ikataken kami bujur man baNdu Tuhan, terpujilah Kam rasa lalap. L Dibatanta kap Raja si erdolat, si make anak-anakNa i bas mpelimbarui kegeluhen gereja. Kita kerina pe tetap idiloNa jadi anak-anakNa guna tetap maba kiniulin kegeluhen gerejaNa.

Liturgi GBKP 52 Minggu

172

P L

Ikataken kami bujur man baNdu Tuhan, tetap kami ipakeNdu, jadi temanNdu maba kiniulin i bas kegeluhen gereja. terpujilah Kam rasa lalap. IA kap Tuhanta, kita me bangsa si ikelengiNa. Marilah kita tetap ndengkehken pendiloNa. Sipuji Tuhan si tetap mpelimbarui gerejaNa alu ngendeken : .....

5. Berita Kerna Dosa Manusia L Dibata tetap ndilo kita anak-anakNa mpelimbarui kegeluhen gerejaNa. Adi situlihken ku bas perdalanen geluhta, kuga nge kita ngayuken pendilo Dibatanta enda? Kuga nge ketutusenta i bas makeken dirinta guna kiniulin gerejanta? Marilah kita bengket ku bas paksa teneng. (Paksa Teneng) L

Mari sipindo pengalemi dosa idur Dibata nari alu ngendeken : .....

6. Berita Pengalemi Dosa Perp. Tedis L Selaku persuruhen Tuhan aku nehken kataNa man banta (ndu) si ngakuken dosa-dosanta (ndu) i lebe-lebe Tuhan. Nina Tuhan : “Kita (kam) enggo erkubang-kubang i bahan dosa, tapi i peridiNa kita (Kuperidi kam) maka bersih bagi salju. Aminna gia erkiteken dosanta (ndu) kita (kam) enggo mbiring bagi tengguang, mulihi kita (kam) jadi mbentar bagi kapas.” (Bdk. Jesaya 1 :18) Malem ateta perbahan dosanta enggo ialemi Tuhan. Emaka sipuji IA alu ngendeken : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 8. Pengakun Kiniteken Perp. Tedis 9. Persembahen Perp. Kundul L Sikataken bujur man Tuhan alu mereken persembahen pengataken bujurta. Kata Dibata si jadi palas i bas kita ngendesken persembahen i buat ibas Roma 12 :1a, niNa : “O senina-seningku, nginget perkuah ate Tuhan si mbelin siisehkenNa man banta, kupindo man bandu : “Endeskenlah kulandu man Tuhan saja selaku persembahen si nggeluh rikutken si ngena ateNa.” I bas kita nehken persembahen sipuji Tuhan alu ngendeken : ......

Liturgi GBKP 52 Minggu

173

Pertoton Persembahen ras Pertoton Syafaat 10.Perpadanen Man Dibata Perp. Tedis L Turang ras senina, enggo si idah maka Tuhan tetap make kita jadi temanNa guna maba kiniulin i bas kegeluhen gerejanta. Nggit nge kita (kam) makeken dirinta (ndu) alu tutus ate maba kiniulin i bas gereja Tuhan? P Erpadan kami Tuhan, ertutus ate makeken diri kami, jadi temanNdu mbagun kiniulin i bas gerejaNdu. L Perukurenta (ndu) bali min ras perukuren Kristus Jesus. Alu bage banci si dat kai sura-sura Tuhan, kai si mehuli, kai si ngena ateNa, janah kai si serta. P Erpadan kami o Tuhan, lako netapken ukur kami i bas ndalanken surasuraNdu, gelah geluh kami erguna man gerejaNdu. L I bas mpeteguhi perpadanenta man Tuhan, ras kita rende arah : ..... 11.Pertoton Tuhan 12.Pengutusen Ras Pasu-pasu Dibata L Tetaplah kita (kam) nggeluh i bas kegeluhen si enggo ipelimbarui Tuhan maka ula kita (kam) seri ras doni enda. Emaka alokenlah pasupasu idur Tuhan nari si tetap mpelimbarui geluhta (ndu) : “Dibata sumbul kemalemen ate, e gelah sincukupi keperlunta (ndu) guna ndalanken si sentudu ras peratenNa. Janah Dibatalah erdahin i bas kita (kam) arah Jesus Kristus, gelah kita (kam) ngelakoken si ngena ateNa. Man Kristuslah kemulian seh rasa lalap.” Amin. P Amin..... Amin..... Amin..... (Iendeken)

LITURGI MINGGU PENJEMAATEN YKPC ALPHA OMEGA, PPOS Ras PAK GELORA KASIH A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN

Liturgi GBKP 52 Minggu

174

1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage si dengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo). 1. Kata Penaruh Turang ras senina, i bas minggu enda kita iingetken kerina kiniersadanta i bas Kula ni Kristus e me GBKP enda. Gereja si nggeluh e me gereja si ersada i bas kerina dampar kegeluhen. Sendah si gejapken maka lit turang seninanta, entah pe anakta si itaruhken Dibata ku Yayasen Kesejahteran Penyandang Cacat (YKPC) Alpha Omega erkiteken kulana ercinengga. Lit ka orang tuanta si tading i Pusat Pelayanen Orangtua Sejahtera (PPOS) perban umurna enggo cawir metua. Lit ka turang seninanta, entah pe anakta si tading i Panti Asuhen Kristen (PAK) Gelora Kasih erkiteken ia enggo melumang. Kerina ia bagin kegeluhenta, si la terpersirang ras kita kerina. Arah kebaktin enda ate Dibata mpersingeti kita guna ncidahken kekelengen Dibata nandangi kerina senina turangta enda, subuk selaku pribadi bage pe i bas persadan i bas gereja.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum - Salam L I bas gelar Dibata Bapa si ngkelengi kerina manusia, i bas gelar AnakNa Jesus Kristus si reh ncidahken kekelengen man banta (ndu) ras i bas gelar Kesah si Badia si mpengasup kita (kam) ncidahken kekelengen e nandangi temanta (ndu) manusia. Meriahlah ukurta (ndu), kita (kam) si ngidah kemulian Dibata i bas geluhta (ndu). Damelah sikerajangenta (ndu), kita (kam) si reh ndahi Tuhan. Amin. P Amin..... Amin..... Amin..... (Iendeken) 3. Berita Kerna Sura-Sura Ras Perbahanen Dibata (Invocatio) L (Ngoge Teks Sue Almanak) Erpalasken Kata Dibata enda, sipuji IA alu ras kita ngendeken : ..... 4. Pujin Kerna Kekelengen Dibata. Perp. Kundul L Dibatanta e mulia, kemulianNa teridah i belang-belang doni si itepaNa dem alu kiniulin. ItepaNa kita (kam) sentudu ras tempasNa gelah sicidahken kemulianNa man doni enda. Kekelengen Dibata man manusia e mpetangkas maka manusia meherga i lebe-lebeNa. Terpujilah Tuhan rasa lalap.

Liturgi GBKP 52 Minggu

175

P

L P

L

Kekelengen ni Dibata, kekelengen Badia, Nusur kap ku doni enda, nemani manusia, Jesus Kam me si perkuah, bengketi pusuh kami, AjariNdu kami gelah, ‘lah gelarNdu terpuji. (KEE 177:1, iendeken) Kemulian Dibata si teridah i bas perbahanen Kristus ngajari kita (kam) gelah nggeluh ngkelengi kalak si lit i bas erbage kesusahen nggeluh. Usekenlah min KesahNdu, sanga m’riah tah susah, Cidahken kekelengenNdu, man gele men kami lah, Jesus Kam arapen kami, kekelengenNdu tetap, maka Kamlah teman kami, lalap seh rasa lalap. (KEE 177:2, iendeken) Dibata setia man banta (ndu). I bas kekelengenNa iergakenNa kita (kam) alu ngatanken kita (kam) i bas dahinNa si mulia. Emaka mari sipuji Tuhan alu ngendeken : ....

5. Kinilangasupen Manusia I bas Mperdiateken Kekoten Teman Manusia L Marilah sigejapken keleng ate Dibata si mpehaga kita, si erbahan kita sentudu ras tempasNa. Tapi megati la si gejap uga ergana kita iadepen Tuhan. Emaka i bas paksa teneng enda marilah sigejapken kinikotennta i bas kurangna kita mperdiateken turang seninanta si tading i bas Yayasen Kesejahtran Penyandang Cacat (YKPC) Alpha Omega, Pusat Pelayanen Orangtua Sejahtera (PPOS) ras Panti Asuhen Kristen (PAK) Gelora Kasih. P Ngaku kami O Tuhan, megati denga kami ngukurken diri kami saja, seh maka kami lanai ngidah teman si man perdiatenken ras si man sampaten kami i bas kegeluhen enda. Geluh kami arusna erguna man kalak si deban. Nahe kami arus jadi nahe kalak si cempang. Tan kami jadi tan man kalak si la ertan. Cuping kami jadi cuping man kalak si la erpemegi. Mata kami jadi mata man kalak si la erpengidah. Tapi sedekah enda lenga ipakeken kami kerina bagi sura-suraNdu. O Tuhan, alemilah kami. L P L

(Paksa Teneng) Tuhan ngelengkapi kita alu pusuh ras perukuren, gelah kita maba pusuh ras perukuren Kristus ku bas kegeluhen temanta manusia. Ngaku kami O Tuhan, lenga kami ngasup njagai diri kami, seh maka banci ceda ukur teman kami si musil, si ercinengga dingen si kote. O Bapa alemi ras pelimbaruilah pusuh kami. Mari dage siakuken kinikotenta i bas ndalanken pendilo Dibata, arah kita ngendeken : .....

6. Pergegeh I bas Ndalanken Pedah Dibata Perp. Tedis L Selaku persuruhen Dibata aku nehken KataNa man banta (ndu), gelah ngasup kita (kam) guna mpediateken temanta (ndu) manusia i bas kegeluhen enda, niNa :

Liturgi GBKP 52 Minggu

176

“Sabab Dibata kap mereken kepentaren man kerina jelma alu melumbar dingen dem perkuah ate man kalak si tetap mperdiateken ras ndalanken pedah Dibata guna mpekena-kena kalak si kote.” (Bdk. Jakup 1:5b, 25) Guna mpegegehi kita i bas ndalanken pedah Dibata enda, mari radu ras kita rende ibas : ..... 7. Kata Dibata Perp. Kundul a. Ngoge Kata Dibata bagin si pemena: L Ketuahen me kalak si megiken kata Dibata dingen si makekenca i bas kegeluhenna teptep wari. Haleluya. P Haleluya..... Haleluya..... Haleluya...... (Iendeken) b. Khotbah : (ibenai ras idungi alu pertoton) 8. Pengakun Kiniteken.

Perp. Tedis

9. Persembahen Perp. Kundul L Senina ras turang i bas Jesus Kristus, mari si sehken persembahennta i bas wari Minggu enda, sipersembahken dage si mehulina. Gelah arah persembahen enda kita enggo ikut muat bagin i bas nampati turang ras seninanta si kote. Kata Dibata si jadi palas i bas kita ngendesken persembahenta ibuat ibas Jakup 1:27 : “Agama situhu-tuhu dingen mehuli rikut pengakap Dibata Bapanta e me : mpekena-kena anak-anak melumang ras kalak si enggo mbalu si lit i bas kiniseran bage pe njaga diri gelah ola icedaken doni enda.” Tupung sisehken persembahenta, ras kita rende ibas : ..... Pertoton Persembahen ras Pertoton Syafaat

10.Perpadanen Man Tuhan Perp. Tedis L Bagi Dibata enggo mpekena-kena kita, mpebelin-belin kita alu kekelengen, kuga dage ninta nandangi kekelengenta si tading i bas Yayasen Kesejahteran Penyandang Cacat Alpha Omega? P Erpadan kami o Tuhan, ikut muat bagin i bas mpekena-kena kekelengen kami si tading i bas Yayasen Kesejahteran Penyandang Cacat Alpha Omega. L Bagi Dibata mpekena-kena ras negu-negu kegeluhen orang tuanta, kuga dage ninta nandangi orangtuanta si tading i Pusat Pelayanen Orangtua Sejahtera? P Erpadan kami o Tuhan, nggit kami mpekena-kena ras negu-negu orangtua kami asa gegeh ras kengasupen kami.

Liturgi GBKP 52 Minggu

177

L P L

Dibata desken bapa ras nande man kalak melumang, kuga dage ninta man anak-anakta si tading i Panti Asuhen Kristen Gelora Kasih? Erpadan kami o Tuhan, ngkelengi ras mperdiateken anak-anakNdu si enggo melumang. Guna mpeteguhi perpadanenta ras Dibata, ras kita rende ibas : .....

11.Pertoton Tuhan 12.Pengutusen Ras Pasu-pasu Dibata L Bengketilah ku bas kegeluhenta (ndu) si teptep wari, dalankenlah Kata Dibata si ibegi kita (ibegindu) i bas wari enda, jadilah perkakas Dibata si mbaba kiniulin man doni enda. Guna mpegegehi kita (kam) maka alokenlah pasu-pasu idur Dibata nari : “Dibata, sumbul kemalemen ate, e gelah si ncukupi keperlunta (ndu) guna ndalanken si sentudu ras peratenNa. Janah Dibatalah erdahin i bas kita (kam) arah Jesus Kristus gelah kita (kam) ngelakoken kai si ngena ateNa. Man Kristuslah kemulian seh rasa lalap.” Amin. P Amin..... Amin..... Amin..... (Iendeken)

LITURGI MINGGU KESEHATEN A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man

Liturgi GBKP 52 Minggu

178

bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage si dengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo). 1. Kata Penaruh Dibata enggo nepa kegeluhenta alu mehuli, jenari ibereNa kita gegeh ras kepentaren guna njagai dirinta alu mehuli, subuk kesehaten kula bage pe pertendinta. Sabab i bas kula ras tendi si sehat, reh kuhna gegehta i bas ndalanken si ngena ate Dibata i bas geluhta. Dage, arah kebaktinta sekali enda, ate Dibata mpersingeti kita dingen mereken kepentaren man banta gelah reh sikapna kita njagai kegeluhenta.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum – Salam L I bas gelar Dibata Bapa si enggo nepa kegeluhen doni enda alu mehuli, i bas gelar Jesus Kristus si erkuasa mpepalem kula ras tendi manusia, ras i bas gelar Kesah si Badia si mereken kepentaren guna njagai kegeluhenta (ndu). Perkuah ate ras dame i bas Dibata Bapa ras i bas Tuhan Jesus Kristus nari, i bas kerembaken  Kesah si Badia ras kita (kam) kerina gelah. Amin. P Amin..... Amin..... Amin..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks sue Almanak) Erpalasken kata Dibata enda, sipuji IA alu ras kita ngendeken : .....

4. Pujin Kerna Perbahanen Dibata (Bdk: Efesus 5: 29) Perp. Kundul L Malem kal ate kalak si ngikutken perentah-perentahNa, kalak si katawari pe ngelakoken si benar. Keriahen desken tambar si mereken kejuah-juahen, adi ukur serbut erbahanca daging kertang tading tulan. (Masmur 106:3; Kuan-kuanen 17:22) P Terpujilah Kam Tuhan. L Mari dage sipuji Tuhan alu ras kita rende arah : ..... 5. Kinilangasupen Manusia Njagai Diri Perp. Kundul L Tuhan kap si empuna geluhta, iaturkenNa kerina si mehuli man gunanta. Adi situlihken ku bas kegeluhenta sedekah enda, kuga nge

Liturgi GBKP 52 Minggu

179

ketutusenta i bas njagai kiniulin si enggo ibereken Dibata i bas dirinta? (Paksa Teneng) L

Kuga nge enggo sibahan makeken gegeh ras kesehatenta sedekah enda? (Paksa Teneng)

L

Kuga nge perbahanenta ndandangi dirinta i bas njaga kesehatenta sedekah enda? (Paksa Teneng)

L

Mari sipindo gegeh man Tuhan alu ngendeken : .....

6. Padan Dibata Kerna Penemani Geluh Manusia Perp. Tedis L Turang dingen senina, adi siakuken dosanta man Dibata, isehkenNa me padanNa, ilakokenNa kai si bujur, ialemiNa dosa-dosanta, janah ibersihkenNa kita i bas kerina perbahenanta si la payo, nina TUHAN : “Desken remang erpagi-pagi, dosandu enggo Kulesapken, janah salahndu pe enggo Kusasap desken embun. E maka mulihlah kempak Aku, sabap Aku kap Penebusndu." (Jesaya 44:22) Sipuji Tuhan si enggo pegegehi kita alu ras kita rende ibas : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 8. Pengakun Kiniteken Perp. Tedis 9. Persembahen Perp. Kundul L Dibata enggo njagai kegeluhenta dingen mereken kepentaren man banta gelah ngasup kita njagai geluhta, emaka genduari seh me paksana kita ngendesken persembahen pengataken bujurta man baNa. Kata Dibata si jadi palas i bas kita ngendesken persembahen pengataken bujurta, niNa : “Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur”. (Bdk. Roma 12:1). Tupung sisehken persembahenta, ras kita rende ibas : .....

Liturgi GBKP 52 Minggu

180

Pertoton Persembahen ras Pertoton Syafaat 10.Perpadanen Man Dibata Perp. Tedis L Tuhan enggo mereken kiniulin geluh man manusia, jenari idiloNa manusia njagai kiniulin e gelah reh kuhna gegehta nehken si ngena ateNa. P Erpadan aku Tuhan, ateku tetap ngergaken ras njagai geluh si enggo iberekenNdu man bangku. L Tuhan ndilo anak-anakNa guna njagai diri, sabab e me tanda kita (kam) ngergaken dirinta (ndu) selaku rupa Dibata si meherga. P Erpadan aku Tuhan, ateku gelah tetap ngergaken diringku, alu perukuren ras cara nggeluh si mehuli, dingen jadi usihen man kalak si deban. L Guna mpeteguhi perpadanenta man Dibata, rende kita ibas : ..... 11.Pertoton Tuhan 12. Pengutusen Ras Pasu-pasu Dibata L Turang dingen senina, meherga kap kita (kam) i adep-adepen Dibata. Jadilah kita (kam) saksi kegeluhen si mehuli alu njagai kegeluhenta (ndu). Janah guna gegehta (ndu), alokenlah pasu-pasu idur Dibata Bapa nari : “Dibata si enggo ndilo kita (kam) ku bas kemulianNa si rasa lalap i bas Kristus, IA me njadiken kita (kam) serta, tetap, megegeh dingen paguh. IA me si mada kuasa seh rasa lalap”. Amin. P Amin..... Amin..... Amin..... (Iendeken)

LITURGI MINGGU KELUARGA A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man

Liturgi GBKP 52 Minggu

181

bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage si dengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda. (Ngogeken Momo). 1. Kata Penaruh Turang ras senina, Minggu enda igelari Minggu Keluarga, sada kesempaten man banta guna ngangkai kerna erti, pendilo ras tujun perjabun selaku kita kalak Kristen. Dibata njadiken dilaki ras diberu, jenari mpersadakenca jadi sada keluarga, si dilaki jadi perbulangen ras si diberu jadi ndehara. Alu bage jabu e biakna badia, e maka idilo Dibata guna njagai ras mpekena-kena doni enda. Kerina isi jabu lit i bas persadan si mehuli guna nehken sura-sura Dibata.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum - Salam L I bas gelar Dibata Bapa si njadiken jabu kalak si tek, i bas gelar AnakNa Jesus Kristus si engkelengi jabu ras i bas gelar Kesah si Badia si negu-negu jabu kalak si tek. Perkuah ate ras dame i bas Dibata Bapa, AnakNa Jesus Kristus ras kerembaken Kesah si Badia, ras kita (kam) kerina gelah. Amin. P Amin..... Amin..... Amin..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : ......

4. Kecibal Keluarga si Ngena Ate Dibata Perp. Kundul L Sangap kal kalak si malang man TUHAN, si nggeluh ngikutken kerina perentahNa. Mamre Ipanna me ulihna latih, sangap nggeluh, mehuli sikerajangenna. Moria Ndeharana bali ras anggur si meramis buahna i bas rumahna, PERMATADingen anak-anakna bali ras tunas batang saitun i sekelewet mejana. L Bage me pasu-pasu TUHAN, man kalak si malang man baNa. TUHANlah si masu-masu kam i Sion nari, mbera idahndu kesangapen Jerusalem kidekah umur geluhndu. Cawirlah kam metua, maka sempat idahndu kempu-kempundu. (Masmur 128:1-6a). Sipuji Tuhan alu ras kita ngendeken : .....

Liturgi GBKP 52 Minggu

182

5. Pengakun Kerna Kinilangasupen Ndalanken Jabu Si Ngena Ate Dibata L Nina Dibata : “Patuhlah sekalak nandangi si debanna, erkiteken kam mehamat man Kristus.” Uga nge ndia pendalankenta i bas jabuta (ndu) sedekah enda? (Paksa Teneng) L

O kam ndehara, patuhlah man perbulangenndu bagi patuh man Tuhan. Sabab perbulangen nge takal ndehara, bali ras Kristus takal perpulungen, janah Kristus nge si ngkelini perpulungenNa si jadi kulaNa e. Moria Ngaku kami o Tuhan, megati kami la ngergaken perbulangen kami selaku bapa itengah-tengah jabu. L O kam perbulangen, kelengilah ndeharandu, bagi Kristus engkelengi perpulungen, dingen ngendesken KesahNa guna perpulungen e. Mamre Ngaku kami o Tuhan, megati kami la ngasup engkelengi ndehara kami bagi Jesus si enggo mereken diriNa man perpulungen. L Kam orangtua! Ola pesega-sega anakndu si erbahanca ia merawa. Tapi i bas pebelin-belin ia, ajari dingen tegu-tegulah ia bagi si ngena ate Tuhan. Org tua Ngaku kami o Tuhan, megati peraten kami ngenca ilumbaken i bas ngajarken anak kami. Janah la ibabai ras itegu-tegu kami ia bagi si ngena ateNdu. L O kam anak-anak! Ikutkenlah ajar orangtuandu, sue ras peraten Tuhan sabab patut idalankenndu. “Pehagalah nande-bapandu,” e me pedah si pemena radu ras padanNa. Anak Ngaku kami Tuhan, megati la megiken kata ras ajar orangtua kami. Megati pengerana ras perbahanen kami erbahanca ceda ukur orangtua kami. L Mari sipebagesi pengakunta man Dibata alu ngendeken : .....

6. Berita Pengalemi Dosa Perp. Tedis L Selaku persuruhen Dibata, aku nehken KataNa man banta (ndu) kerina kita (kam) si enggo ngakuken dosanta (ndu), niNa : “Kita (kam) enggo erkubang-kubang ibahan dosa, tapi iperidiNa (Kuperidi) kita (kam) maka bersih bagi salju. Aminna gia erkiteken dosanta (ndu) kita (kam) enggo mbiring bagi tengguang, mulihi kita (kam) jadi mbentar bagi kapas.” Amin. (Bdk. Jesaya 1:8). Sipuji Tuhan erkiteken dosanta enggo ialemi alu ngendeken : ..... 7. Kata Dibata a. Ngoge Kata Dibata Bagin Si Pemena

Perp. Kundul

Liturgi GBKP 52 Minggu

183

L

Ketuahen me kalak si megiken kata Dibata dingen si makekenca i bas kegeluhenna teptep wari. Haleluya. P Haleluya..... Haleluya..... Haleluya...... (Iendeken) b. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Kata Dibata si jadi palas i bas kita ngataken bujur e me : “Bahanlah pengataken bujur jadi persembahen man Dibata, sehkenlah kai si enggo ipadankenndu man si Meganjangna”. (Masmur 50 : 14) Tupung kita ngendesken persembahen, ras kita rende arah : ..... Pertoton Persembahen ras Pertoton Syafaat 10.Perpadanen Man Dibata Perp. Tedis L Dibata mpersadaken isi jabu guna pekena-kena doni enda. P Erpadan kami Tuhan, makeken jabu kami ndalanken kerina kai si isurakenNdu. Nggit kami siergan ras patuh sada ras si debanna. E maka kami ras isi jabu kami, Kam ngenca isembah kami. L I bas mpeteguhi perpadanenta man Dibata, sipuji dage IA alu ngendeken : ..... 11.Pertoton Tuhan

12.Pengutusen Ras Pasu-pasu Dibata L Tetaplah kam nggeluh i bas terang Kata Dibata maka ngasup kita (kam) ndalanken tanggungjababta (ndu) selaku bapa, nande ras anak i bas keluarganta (ndu). Perulihenta (ndu) e me nggeluh i bas keluarga si dem kesangapen ras kemalemen ate. Guna mpeteguhi kita (kam), alokenlah pasu-pasu idur Dibata nari : “Dibata, si mada perkuah ate, si enggo nenahken kita (kam) ku kemulianNa si rasa lalap i bas Kristus, njadiken kita (kam) serta, tetap, megegeh dingen paguh. IA nge si mada kuasa seh rasa lalap.” Amin. (Bdk. 1 Petrus 5:10-11) P Amin..... Amin..... Amin..... (Iendeken)

Liturgi GBKP 52 Minggu

184

LITURGI MINGGU PENDUNGI TAHUN GEREJA A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... Musik ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat Wari Minggu man banta kerina. Man

Liturgi GBKP 52 Minggu

185

bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan, bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Minggu enda igelari Minggu Pendungi Tahun Gereja , si ertina Minggu terakhir i bas kalender bas pelayanen gerenjanta bas sada tahun enda. Minggu enda pe ngingetken kita maka i bas paksana, kita raduken ras kerina kalak si ikelengi kita, arus nadingken doni enda, dingen ersada ras Dibata i bas rumahNa, i bas kerehenNa si peduakaliken. Mari dage kita mpesikap pusuhta ngadap man Dibata si mada kegeluhenta.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa, si enggo mereken AnakNa Jesus Kristus si jadi penebus man manusia, si enggo mate ras nangkih ku Surga ras i bas gelar Kesah si Badia si jadi persuruhen Dibata guna nemani kegeluhen manusia si rasa lalap. Keleng ate Dibata si la ersibar, tetap ngarak-ngarak kegeluhenta (ndu) subuk suari bage pe berngi, IA kap si Mada Kuasa seh rasa lalap. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : .....

5. Pengakun Dosa Perp. Kundul L Tuhan e tuhu melias perkuah, dem alu keleng ate i bas njagai perdalanen geluhta tahun enda. Kuga nge kita nggejapken dingen ngergaken keleng ate Dibata i bas kegeluhenta. (Paksa Teneng) L

Mari siakuken dosanta arah ende-endenta : .....

6. Berita Pengalemi Dosa Perp. Tedis L Nina Dibata, maka kalak si ngejapken salah ras lepakna i bas ndalanken pedah Dibata tetap ibereken kesempaten guna mperobahi

Liturgi GBKP 52 Minggu

186

kerina lagu langkahna. Emaka mari mulihlah kempak dalan Tuhan, gelah kita (kam) ialemi dingen banci ngaloken pasu-pasuNa : “Jeralah kita (kam) i bas dosa-dosanta (ndu) nari, sabab Kerajan Surga enggo ndeher, e maka mulihlah kempak Aku, sabap Aku kap Penebusndu." (Bdk. Matius 3:2, Yesaya 44:22) Dibata enggo ngalemi dosa-dosanta(ndu) emaka mari kita rende arah ende-endenta : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Malem ateta erkiteken enggo sialoken pedah Dibata i bas wari enda, sikataken bujur man baNa. Kata Dibata si jadi palas i bas kita nehken persembahenta : “O senina-seninangku, nginget perkuah ate Dibata si mbelin si isehkenNa man banta, kupindo man bandu: endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue biakndu selaku mahluk si rukur” ( Roma 12:1). I bas kita nehken persembahen, rende kita arah ende-endenta : ..... Pertoton Persembahen Ras Pertoton Syafaat

10.Perpadanen Man Dibata Perp. Tedis L Tuhan enggo nemani kegeluhen manusia, dingen IA tetap erpadan nemani ras mperdiateken kegeluhen manusia. P Ateku tetap nginget kiniulinNdu Tuhan, dingen ncikep enteguh padanNdu i bas kegeluhenku. Alu bage reh ngasupna aku ndalanken sura-suraNdu. L Enggo sibelasken perpadanenta man Dibata, mari rende kita arah ende-endenta : ..... 11.Pertoton Tuhan 12.Pengutusen Ras Pasu-pasu Dibata

Liturgi GBKP 52 Minggu

187

L

P

Senina ras turang, dalankenlah kegeluhenta (ndu) iteruh penampat Kesah si Badia, janah tetaplah ersikap katawari pe i bas kerehenNa si peduakaliken. Guna jadi gegehta (ndu) ndalani wari-wari kegeluhenta (ndu), alokenlah pasu-pasu idur Dibata nari : “Dibata, si mada perkuah ate, si enggo nenahken kita (kam) ku kemulianNa si rasa lalap i bas Kristus, njadiken kita (kam) serta, tetap, megegeh dingen paguh. IA nge si mada kuasa seh rasa lalap.” Amin. Amin..... Amin..... Amin..... (Iendeken)

LITURGI MINGGU ADVENT I A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Pengalo-ngalo Ras Momo Turang ras senina ibas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu

Liturgi GBKP 52 Minggu

188

kekelengen kami si sekali enda denga erkebaktin ibas gerejanta enda, ikataken kami mejuah-juah. Kerehendu nambahi keriahen man banta kerina. Ibas bena kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Turang ras senina, Minggu enda igelari Minggu Adven si pemena, ija kita ertima nandangi kerehen Jesus ku doni enda. Bagi kalak Israel si ertima nandangi kerehen kalak si ipadanken Dibata si mulahi ia ibas kiniseranna nari. Bage me kita pe i bas minggu enda ertima nandangi kerehen Penampat si rehna ibas Dibata nari si ngasup mulahi kita ibas perbebennta sekalaksekalak. Orat nggeluh si payo i bas mengketi Minggu Advent e me, nggeluh alu saber dingen megenggeng. “Tuhan pedas me reh.” (1 lilin ibas 4 lilin si enggo sikap i bas inganna isagani)  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa, i bas gelar AnakNa Jesus Kristus, ras i bas gelar Kesah si Badia. Dibata reh ndahi ndilo kita (kam) kerina gelah ikut dat bagin i bas kemulian ras kiniulinNa. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : .....

5. Pujin Kerna Perbahanen Dibata Perp. Kundul L Nina Dibata, enggo Kuidah kuga serana akap bangsaNgku, enggo Kubegi ia nderkuh man bangKu, Kueteh kerina kiniseranna. Emaka Aku jine reh nusur mulahi ia gelah Kutaruhken ia ku ingan si enggo Kupesikap man bana. Aku kap Tuhan, Dibatandu simulahi kam ibas kiniseranndu nari, Dibata si lit ope denga tembe doni enda, Dibata si maba kiniraturen ras maba kiniulin ibas kasa kai si Kudahiken. Aku kap Tuhan si jadi Bapa nandangi anak melumang, sekawal ras penampat diberu balu-balu; Aku kap TUHAN si megiken penderkuh si musil si la dat keadilen. Erpalasken Kata Dibata enda, sipuji IA alu ras kita ngendeken : .....

Liturgi GBKP 52 Minggu

189

6. Ketedehen Ate Manusia Kerna Kerehen Dibata L Turang ras Senina mari dage radu ras kita nuriken ketedehen ateta man man Dibata. P O Tuhan, asa kai nari dekahna pusuhku ertima nandangi Kam? Kasa kai nari dekahna Kam terbuni i bas matangku nari? Asa kai nari dekahna aku nggengken kiniseran? Asa kai nari dekahna mesui pusuhku suari ras berngi? O Tuhan Dibatangku, perdiateken min aku, dengkehkenlah pertotonku. Bere gegeh man bangku gelah ola aku bene i bas kinilangasupenku. Pulahi min aku o Tuhan, sabab tetap aku ernalem ku bas keleng ateNdu. L Kekelengen ni Tuhan, mari sisehken pertotonta sekalak-sekalak mindo penampat man Tuhan i bas paksa teneng. (Paksa Teneng) Sisehken pingko-pingkonta man Dibata alu ngendeken : ..... 7. Padan Dibata Man Si Ngarapken Tuhan Ibas Geluhna Perp. Tedis L Nina Tuhan, "Tapi genduari reh me Aku, erkiteken kalak musil enggo itindih dingen kalak si niayak-ayak kelsehen perban suina. Kubereken me man bana ketenengen si enggo ndekah iarapkenna." (Masmur 12:6). Meriah ukurta i bas kita enggo ngaloken padanNa, emaka rende kita arah : ..... 8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca ibas geluhna si teptep wari, Maranatha. P Maranatha..... Maranatha..... Maranatha..... (Iendeken) b. Khotbah : (Ibenai ras idungi alu pertoton) 9. Pengakun Kiniteken Perp. Tedis 10. Persembahen Perp. Kundul L Kekelengen Tuhan seh me paksana kita nehken persembahenta erkiteken Dibata nehken padanNa guna ngkelengi kita. Kata Dibata selaku palas i bas kita nehken persembahen enda : “Pujilah gelar TUHAN si mulia; babalah persembahen, jenari ngadaplah man baNa ku bas Rumah PertotonNa, sabab TUHAN ncidahken baNa alu kemulianNa, erjimpuhlah i adep-adepenNa”. (1 Kronika 16:29) Iherta ngendesken persembahen, rende kita ibas : ..... Pertoton Persembahen ras Pertoton Syafaat

Liturgi GBKP 52 Minggu

190

11.Perpadanen Man Dibata Perp. Tedis L Dibata tetap nehken padanNa man banta manusia si tetap erpengarapen man baNa. P Aku tetap erpengarapen man baNdu Tuhan, sabab Kam me Dibata si erbahanca aku megegeh. L Dibata tetap nehken padanNa man banta manusia si ertima nandangi penampatNa. P Aku tetap ertima nandangi kerehenNdu Tuhan, sabab Kam nge si erbahanca maka masap kebiarenku. L Dibata tetap nehken padanNa man banta manusia si ngarapken gegeh i bas IA nari. P Aku tetap nimai kerehenNdu Tuhan alu tetap ernalem man baNdu. Sabab Kam nge si mpegegehi aku, janah Kam nge si pedauh kebiarenku. L Guna peteguhi perpadanenta man Dibata, rende kita ibas : ..... 12.Pertoton Tuhan 13.Pengutusen Ras Pasu-pasu Dibata L Turang ras senina, bengketilah kegeluhenta (ndu) si teptep wari. Gelah tetap kita (kam) ngasup alu tutus ngikutken pendilo Dibata, emaka alokenlah pasu-pasu idur Dibata nari : “Perkuah ate Tuhan Jesus Kristus, kekelengen ni Dibata ras kerembaken Kesah si Badia, ras kita (kam) kerina gelah.” Amin. P Amin..... Amin..... Amin..... (Iendeken)

LITURGI MINGGU ADVENT II Liturgi GBKP 52 Minggu

191

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehendu nambahi keriahen man banta kerina. I bas mbenaken kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda. (Ngogeken Momo) 2. Kata Penaruh Turang ras senina, Minggu enda igelari Minggu Adven si peduaken, ija kita ertima nandangi kerehen Jesus ku doni enda. Bagi kalak Israel si ertima nandangi kerehen kalak si ipadanken Dibata si mulahi ia i bas kiniseranna nari. Bage me kita pe i bas minggu enda ertima nandangi kerehen Penampat si rehna i bas Dibata nari si ngasup mulahi kita i bas perbebenta sekalaksekalak. Orat nggeluh si payo i bas mengketi Minggu Advent e me, nggeluh alu saber dingen megenggeng. “Tuhan pedas me reh.” (2 lilin i bas 4 lilin si enggo sikap i bas inganna isagani)  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L I bas gelar Dibata Bapa, i bas gelar Anak-Na Jesus Kristus, ras i bas gelar Kesah si Badia. Perkuah ate ras dame i bas Dibata Bapa ras i bas Jesus Kristus nari, i bas kerembaken Kesah si Badia ras kam kerina gelah. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : .....

5. Pujin Man Dibata Si Itimai Manusia (Jes. 9:2 – 7)

Perp. Kundul

Liturgi GBKP 52 Minggu

192

L P L P L P L

Terpujilah Tuhan, sabab IA me terang kegeluhen man kerina jelma si nggeluh i bas doni si gelap, janah kalak si nggeluh i bas awih-awih kematen, isalsaliNa alu terang si harhar. Maranatha, Maranatha Tuhan pedas me reh. Terpujilah Tuhan, sabab Tuhan me peminpinta, penampat si meganjangna, Dibata si mada kuasa, Bapa si rasa lalap, Raja dame, si merentah erpalasken kebenaren ras kebujuren. Maranata, maranatha Tuhan pedas me reh. Terpujilah Tuhan, sabab IA me pengarapen nggeluh, si mereken kemalemen ate dingen petetap ukur i bas doni si gelap. Marantha, marantha Tuhan pedas me reh. Mari radu ras kita ertoto : “O Tuhan, bagi Kam reh man kami jadi terang, jadi dame janah jadi pengarapen man kami, ajar kami pe banci jadi terang ras dame man sekelewet kami gelah kami pe tetap paguh i bas pengarapen kami nimai kerehenNdu” Amin.

6. Kinata Kegeluhen Manusia (bdk. Yohanes 8:11-12) L Aku me Tuhan Dibatandu si enggo erpadan guna reh jadi penampatndu. Tetaplah kam ernalem i bas Aku. Sabab Aku kap si nerangi geluhndu; ise ngikutken Aku ialokenna me Terang si mereken kegeluhen. Turang ras senina, i bas ngalaken perbeben geluh, megati kal kita la megenggeng nimai penampat si rehna i bas Tuhan nari. Megati pe perbeben erbahan kita talu i bas erpengarapen seh maka kita ndauh ras Tuhan jenari ndabuh ku bas dosa ras kiniseran. P O Tuhan ngaku kami, maka megati kami la megenggeng nimai penampat si rehna i bas Kam nari. Tuhan, alemi min kami. L Turang ras senina, rusur kebiaren ngkuasai kita asangken padan Dibata, piah dungna nilah kita i bas kebujuren Tuhan nari. P O Tuhan ngaku kami, megati itundalken kami padan ras kebujurenNdu, jenari iikutken kami pengajuk doni enda. Tuhan, Alemi min kami. L Kekelengen ni Tuhan, mari sisehken pertotonta sekalak-sekalak mindo penampat man Tuhan i bas paksa teneng. (Paksa Teneng) L

Sisehken pingko-pingkonta man Dibata alu ngendeken : .....

7. Padan Dibata Man Si Ngarapken Tuhan i Bas Geluhna

Perp. Tedis

Liturgi GBKP 52 Minggu

193

L

Selaku persuruhen Dibata, aku nehken kataNa man banta (ndu) kerina, gelah tetap ersikap ras megenggeng nimai kerehen Penampat ibas Dibata nari : “Ola kam mbiar kerna kiniseran si nandangi inanamindu. Nehenlah! Iuji iblis me kam. Tapi tetaplah kinitekenndu man bangKu seh mate pe, gelah Kubereken man bandu rudang-rudang kegeluhen tanda kemenangenndu”. (bd. Ket 2:10) Meriah ukurta i bas kita enggo ngaloken padanNa, emaka sipuji Tuhan alu ngendeken : .....

8. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Maranatha. P Maranatha..... Maranatha..... Maranatha..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10. Persembahen Perp. Kundul L Kata Dibata si jadi palas i bas kita nehken persembahen, niNa : “Dibata si simpar alu kebayaken si lit i bas Kristus Jesus mereken kerina keperlun geluhndu.” (Pilipi 4:19) Iherta ngendesken persembahen, rende kita ibas : ..... Pertoton Persembahen ras Pertoton Syafaat 11. Perpadanen Man Dibata Perp. Tedis L Tuhan pedas me reh, uga dage ninta? P Ateku tetap nggeluh i bas Kam Tuhan, janah tetap setia i bas nimai kerehenNdu. L Tuhan e me terang kegeluhen, IA me Raja Dame janah ulu pengarapen. P Pengarapenku man baNdu ngenca Tuhan, janah kupersembahken geluhku guna jadi dame ras terang man doni enda, dingen nggeluhken kegeluhenku i bas kebujurenNdu. L Guna mpeteguhi perpadanenta man Dibata, rende kita ibas : ..... 12. Pertoton Tuhan 13. Pengutusen Ras Pasu-pasu Dibata L Bengketilah kegeluhenta (ndu) si teptep wari alu dame ras mejuah-juah, tetaplah megenggeng kita (kam) i bas nimai kerehen Penampat, nggeluhlah tetap i bas kebujurenNa, dingen alokenlah pasu-pasu idur Dibata nari : “Senang siakap nggeluh, dem pengarapen; Dibata ngkawali kita (kam) janah mereken ketenangen man banta (ndu). Amin. (Job 11:18). P Amin..... Amin..... Amin..... (Iendeken)

LITURGI MINGGU ADVENT III

Liturgi GBKP 52 Minggu

194

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh I bas minggu enda si bengketi minggu Advent si peteluken. ija kita iajuk guna ersikap nimai kerehen Raja si Mbelin, si maba kedamen ras si jadi Penebus man banta manusia. I bas minggu advent enda pe iajuk kita gelah banci nikapken dirinta guna ngalo-ngalo Raja si Mbelin e, e me ketubuhen Tuhanta Jesus Kristus. Kita arus ncidahken persikapenta subuk arah perukuren, pengerana ras perbahanenta i bas kegeluhenta. Jadi i bas minggu enda kita banci ndatken cara si payo guna ngalo-ngalo kerehen Tuhanta Jesus Kristus. (3 lilin i bas 4 lilin si enggo sikap i bas inganna isagani)  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum - Salam L Kebaktin enda lit i bas gelar Dibata Bapa si jadi ulu pengarapenta, i bas gelar Jesus Kristus si jadi Penampat man doni enda, ras i bas gelar Kesah si Badia si tetap mpegegehi kita (kam) guna nikapken dalan man Tuhan. Perkuah ate ras dame i bas Dibata Bapa nari, i bas kekelengen Tuhan Jesus Kristus nari ras i bas kerembaken Kesah si Badia, ras kita (kam) kerina gelah. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : ..... 5. Pujin Man Kemulian Dibata

Perp. Kundul

Liturgi GBKP 52 Minggu

195

L P L P L P L

Tuhan Dibata dem alu kemuliaan i belang-belang doni enda. Terpujilah Tuhan ibelang-belang doni enda. Dibata si erkuasa nandangi kerina si lit i bas doni enda, Dibata si ngkuasai doni kerina. Ipuji kami Kam Tuhan, erkiteken igejapken kami maka Kam kap Dibata si erkuasa nandangi doni enda ras isina kerina. Padan Dibata tetap kap tahan seh rasa lalap. PadanNdu kap jadi gelemen man geluh kami. Kam kap Dibata si man pujin dingen si isembah i bas kegeluhen kami. Sipuji Tuhan alu ras kita rende arah : .....

6. Kinata Kegeluhen Manusia i Bas Nimai Kerehen Dibata L Ibereken paksa man banta kentisik guna rukur kerna perukuren ras perbahanenta sedekah enda i bas la kita ersikap, la kita megenggeng, dingen la kita saber guna nimai kerehen Dibata. (Paksa Teneng) L

P

L

Dibata enggo erpadan reh ku doni enda guna ncidahken kemuliaanNa man kita kerina manusia. KerehenNa e maba dame ras keselamaten man manusia. Kai dage si enggo siibahan (ibahanndu) i bas ngalongalo kerehen Dibata e? O Tuhan si maba dame ku bas doni enda, ngaku kami maka kurang kami ersikap i bas ngalo-ngalo kerehenNdu e. Rusur kal kami la ngasup ngergaken kerehenNdu si maba dame dingen keselamatan man kami. La kami nikapken pusuh peraten kami dingen mekarus kami i bas ngalo-ngalo Kam. Ngaku kami, erkite-kiteken ngayak-ngayaki keriahen doni enda, piah dungna tading keriahen si ibabaNdu man kami. Sisehken pingko-pingkonta man Dibata alu ngendeken : .....

7. Padan Dibata Man Si Ngakuken Kinilatunggungenna. Perp. Tedis L Dibata dem i bas IA kekelengen, si tetap iberekenNa man banta manusia. Aminna pe kita la ersikap ngalo-ngaloSa, tapi Tuhan tetap reh ndahi kita. Kata Dibata si jadi palas man banta guna ngalo-ngalo IA, niNa : “Dage o senina-seninangku, saberlah kam ngayak reh Tuhan. Nehenlah sekalak perjuma kuga ia saber nimai seh jumana mereken ulih si erguna. Saber ia nimai udan si reh nandangi merdang ras udan si reh kenca rumpah page. Kam pe arus saber. Tetap min kam erpengarapen, sabap wari kerehen Tuhan seh me” (Jakup. 5:7-8). Meriah ukurta i bas kita enggo ngaloken padan Dibata, emaka sipuji IA alu ngendeken : ..... 8. Kata Dibata

Perp. Kundul

Liturgi GBKP 52 Minggu

196

a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Maranatha. P Maranatha..... Maranatha..... Maranatha..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L Seh paksana man banta genduari nehken pengataken bujurta man Dibata. Kata Dibata si jadi palas man banta e me : “Ngataken bujur e me persembahen si pehagaken Aku, janah si patuh ngikutken Aku tentu Kukelini.” (Mas. 50:23). Iherta ngendesken persembahen, rende kita ibas : ..... Pertoton Persembahen ras Pertoton Syafaat 11.Perpadanen Man Dibata Perp. Tedis L Dibata nikapken kiniulin man manusia. Reh me IA ku doni enda guna maba anak-anakNa guna bengket ku bas kemulianNa si rasa lalap. Emaka ersikaplah alu tutus! P Erpadan aku Tuhan, ertutus ate ndalanken sura-suraNdu, bage pe i bas ngalo-ngalo kerehenNdu. L Reh me Dibata peduakaliken, maba kegeluhenta ku bas kedamen si rasa lalap. P Erpadan aku Tuhan, tetap ngarapken kemalemen ate, si rehna ibas Kam nari. Janah nggit aku nikapken dalan guna kerehenNdu. L Guna mpeteguhi perpadanenta man Dibata, sipuji IA alu rende : ..... 12.Pertoton Tuhan 13.Pengutusen Ras Pasu-pasu Dibata L Bengketilah ku bas kegeluhenta (ndu) si teptep wari alu dame ras mejuah-juah, beritakenlah kerehen anak Dibata man doni enda. Guna si e, alokenlah pasu-pasu idur Dibata nari : “Dibata si mada perkuah ate, si enggo nenahken kita (kam) ku kemulianNa si rasa lalap i bas Jesus Kristus, njadiken kita (kam) serta, tetap, megegeh dingen paguh. IA nge si mada kuasa, si masumasu kita (kam) seh rasa lalap.” Amin. P Amin..... Amin..... Amin..... (Iendeken)

LITURGI MINGGU ADVENT IV Liturgi GBKP 52 Minggu

197

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Pengalo-ngalo Ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehenndu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh I bas minggu enda si bengketi minggu Advent si peempatken. I bas minggu enda kita iajuk guna ersikap nimai kerehen Raja si Mbelin, si enggo erpadan reh maba kita ku bas kinirajanNa si rasa lalap. I bas minggu advent enda pe iajuk kita gelah reh tutusna erpengarapen nandangi kempak kegeluhen si rasa lalap i bas Kristus. Ibas si e, idilo Dibata gelah tetap nggeluh selaku anak-anak kinirajan surga si enggo iselamatken Dibata, si teridah arah perukuren, pengerana ras perbahanenta i bas kegeluhenta. Jadi i bas minggu enda pe kita banci ndatken cara si payo guna ngalo-ngalo kerehen Tuhanta Jesus Kristus. (4 lilin i bas 4 lilin si enggo sikap i bas inganna isagani)  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L I bas gelar Dibata Bapa si erpadan mereken dalan terkelin, i bas gelar Jesus Kristus si tubuh maba dame ku doni enda, ras i bas gelar Kesah si Badia si tetap nemani kegeluhen manusia. Dibata Bapa ras Tuhanta Jesus Kristus mereken kemalemen ate, kekelengen ras kiniteken man banta (ndu) gelah. Amin. P Amin..... Amin..... Amin..... (Iendeken)

4. Berita Kerna Perbahanen Ras Sura-sura Dibata (Invocatio)

Liturgi GBKP 52 Minggu

198

L

(Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : ......

5. Pujin L P L

Man Kemulian Dibata Perp. Kundul Tuhan Dibata kap si mada kegeluhen subuk i doni bage pe isurga. Terpujilah Kam Tuhan. Kam kap si mada kegeluhen. Dibata kap ulu pengarapen, si jadi jaminen keselamaten man kerina manusia. Ipuji kami Kam Tuhan, erkiteken Kam enggo njamini keselamaten kami. Padan Dibata tetap kap tahan seh rasa lalap. Ipuji kami Kam Tuhan, padanNdu maba ketenengen ku bas pusuh ukur kami. Sipuji Tuhan alu ras kita rende arah : .....

P L P L

6. Kinata Kegeluhen Manusia i Bas Nimai Kerehen Dibata L Mari dage bengket kita ku bas paksa teneng, dingen ngakuken man Tuhan kerna pengarapenta si megati kote nandangi kejuah-juahen ras keselamaten si enggo isikapken Dibata. (Paksa Teneng) L

P L

Dibata enggo erpadan reh ku doni enda guna ncidahken kemulianNa man kita kerina manusia. KerehenNa e maba dame ras keselamaten man manusia. Kai ndia si bahan tanda ketutusen ateta i bas nimai kerehen Jesus pedualiken? O Tuhan ngaku kami, megati denga kote kiniteken ras pengarapen kami. Buen dengan kebiaren doni ngaturken perukuren kami, asangken padanNdu si jadi pengarapen kami. O Tuhan, pegegehilah kami. Sisehken pingko-pingkonta man Dibata alu ngendeken : .....

7. Padan Dibata Man Si Ngakuken Kinilatunggungenna Perp. Tedis L Dibata dem i bas IA kekelengen, si tetap iberekenNa man kita manusia. Aminna pe kita la sikap ngalo-ngaloSa, tapi Tuhan tetap reh ndahi kita. Kata Dibata si jadi palas man banta guna ngalo-ngalo Tuhan, niNa: “Dage, tutus dingen saberlah kam nimai kerehen Tuhan. Nehenlah sekalak perjuma kuga ia tutus dingen saber nimai seh jumana mereken ulih si erguna. Saber ia nimai udan si reh nandangi merdang ras udan si reh kenca rumpah page. Tetap min kam erpengarapen, sabap wari kerehen Tuhan seh me.” (Jakup. 5:7-8). Meriah ukurta i bas kita enggo ngaloken padanNa, emaka sipuji IA alu ngendeken : ..... 8. Kata Dibata

Perp. Kundul

(Perp. Kundul)

Liturgi GBKP 52 Minggu

199

a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Maranatha. P Maranatha..... Maranatha..... Maranatha..... (Iendeken) a. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10. Persembahen Pengataken Bujur Perp. Kundul L Kata Dibata man banta i bas nehken persembahen, niNa : “O senina-seninangku, nginget perkuah ate Dibata si mbelin si isehkenNa man banta, kupindo man bandu : “Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur.” (Roma 12:1-2) Iherta ngendesken persembahen, ras kita rende arah : ..... Pertoton Persembahen Ras Pertoton Syafaat 11. Perpadanen Man Dibata Perp. Tedis L Dibata kap pengarapen si enteguh. IA enggo erpadan njagai dingen mabai kita ku bas kegeluhen si tuhu-tuhu. Reh me IA pagin, maba kemalemen ate, rikutken padan si enggo ibelaskenNa. P Erpadan aku Tuhan, kujaga me kinitekenku i bas erpengarapen man baNdu. L Reh me Dibata peduakaliken, maba kegeluhenta ku bas kedamen si rasa lalap. P Erpadan aku Tuhan, tetap njaga diriku ibas kedamen si ijujurkenNdu, kumuliaken me Kam, nimai Kam reh ngkelini kerina tinepaNdu. L Guna peteguhi perpadanenta man Dibata, sipuji IA arah : ..... 12. Pertoton Tuhan 13. Pengutusen Ras Pasu-pasu Dibata L Tuhan Dibata ras kita (kam) kap; kuasaNa mereken kemenangen man banta (ndu). Ngena ateNa kita (kam) dingen i bas keleng ateNa iberekenNa banta (ndu) geluh si mbaru. Guna si e, aloken pasu-pasu idur Dibata nari : “Ipasu-pasu janah ikawali Dibata kita (kam); siang ayo Dibata ersinalsal ibabonta (ndu) janah melias ateNa ngenehen kita (kam). Itatap Dibata ku kita (kam) janah malem ateta (ndu) ibahanNa.” Amin P Amin..... Amin..... Amin..... (Iendeken)

LITURGI MALAM NATAL

Liturgi GBKP 52 Minggu

200

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Penaruh Turang senina i bas gelar Tuhanta Jesus Kristus, selaku serayan Tuhan, ikataken kami mejuah-juah man banta kerina. Adi i bas minggu-minggu Advent si lepas, kita enggo ersikap ngalo-ngalo ketubuhen Tuhan Jesus, emaka i bas berngi enda reh me Tuhan ku doni enda. Ibas keteruken ukurna, ateNa tading i tengah-tengahta, ringan i bas pusuh ras perukurenta. Mari dage sipesikap pusuh ukurta jadi ingan tubuh Jesus Kristus. Mari dage kita ersembah arah ende-endenta:  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum – Salam L I bas gelar Dibata si njadiken langit ras doni, i bas gelar AnakNa Jesus Kristus si tubuh guna kiniulin doni enda, ras i bas gelar Kesah si Badia si negu pusuhta (ndu) guna jumpa ras Tuhan. Perkuah ate ras dame si rehna idur Dibata Bapa, AnakNa Jesus Kristus ras kerembaken Kesah si Badia, ras kita (kam) kerina gelah. Gloria. P Gloria..... Gloria..... Gloria..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : ...... 4. Pengarapen Manusia Nandangi Ketubuhen Tuhan Perp. Kundul L I bas berngina, ija Jesus tubuh, melala kal anak kuta Betlehem si la meteh kerna ketubuhen Tuhan Jesus. Manusia kuskas ibahan perbebenna, picet kal kesibuken i bas mperjuangken ketenangen nggeluh. Piah lanai lit ingan guna ketubuhen Jesus. Amin bage gia, Tuhan Jesus labo surut i bas nehken keleng ateNa nandangi manusia. P O Tuhan, idahNdu kap kekoten ras kelepaken kami. Daramilah kami, i bas kami lalar ibahan sura-sura kami. Dahilah kami, tupung pendahin kami nirangken kami ras Kam. Rehlah Kam Tuhan, tubuhlah Kam i bas pusuh kami. L Ras kita rende i bas ngalo-ngalo kerehen Anak Dibata e, alu endeendenta : ..... 5. Berita Kerna Kerehen Dibata

Perp. Tedis

Liturgi GBKP 52 Minggu

201

L

Aku me Raja Dame si reh man bandu guna nampati ras mulahi kam i bas kerina kesusahenndu. Ernalemlah kam man bangKu, ola suhsahi bandu alu dahin-dahin si la penting, tapi ayakilah kai si ngena ateKu. Aku me penampatndu si mereken ketenengen man bandu. Amin. Mari sisagani lilin Natalta, tandana kita ngaloken ketubuhen Jesus e, janah ras kita rende i bas : ..... (Tupung si e lilin ipegara arah lilin si ibaba pengkhotbah nari, si nagani lilin rikutken kebutuhen runggun setempat)

6. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 7. Pengakun Kiniteken

Perp. Tedis

8. Persembahen Perp. Kundul L Kata Dibata si jadi palas i bas kita nehken persembahen pengataken bujurta man Dibata : “O senina ras turang, nginget perkuah ate Dibata si mbelin siisehkenNa man banta, kupindo man bandu : “Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku makhluk si rukur.” (bdk. Roma 12:1-2) Iherta ngendesken persembahen, rende kita ibas : ..... Pertoton Persembahen ras Pertoton Syafaat 9. Perpadanen Man Dibata (Bdk. Lukas 1:46-55) Perp. Tedis L O turang ras senina. Tuhan Jesus setia kap. Keleng ateNa la pernah ngadi ibahan dosa manusia. I bas berngi enda, nggit nge kita (kam) ngaloken ketubuhen Jesus i bas pusuhta (ndu)? Nggit nge kita (kam) mereken dirinta (ndu) jadi pasu-pasu, bagi Jesus enggo mereken diriNa man banta (ndu)? (Paksa Teneng) L

I bas kita mpeteguhi perpadanen man Dibata, rende kita ibas : .....

10.Pertoton Tuhan

Liturgi GBKP 52 Minggu

202

11.Pengutusen Ras Pasu-pasu Dibata L Bengketlah ku bas kegeluhenta (ndu) sekalak-sekalak. Dage, alokenlah ketubuhen Kristus e i bas pusuhta (ndu), guna si e, alokenlah pasu-pasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). itatap Dibata ku kita (kam), janah malem ateta (ndu) ibahanNa.” Amin. P Amin..... Amin..... Amin..... (Iendeken)

Liturgi GBKP 52 Minggu

203

LITURGI NATAL I A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Penaruh Turang senina i bas gelar Tuhanta Jesus Kristus, selaku serayan Tuhan, ikataken kami mejuah-juah man banta kerina. Adi i bas minggu-minggu Advent si lepas, kita enggo ersikap ngalo-ngalo ketubuhen Tuhan Jesus, emaka i bas wari enda reh me Tuhan ku doni enda. I bas kiniteruken ukurNa, ateNa tading i tengah-tengahta, ringan i bas pusuh ras perukurenta. Mari dage sipesikap pusuh ukurta jadi ingan tubuh Jesus Kristus.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum – Salam L I bas gelar Dibata si njadiken langit ras doni, i bas gelar AnakNa Jesus Kristus si tubuh guna kiniulin doni enda, ras i bas gelar Kesah si Badia si negu pusuhta (ndu) guna jumpa ras Tuhan. Perkuah ate ras dame si rehna idur Dibata Bapa, AnakNa Jesus Kristus ras kerembaken Kesah si Badia, ras kita (kam) kerina gelah. Gloria. P Gloria..... Gloria..... Gloria..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : ..... 4. Pengarapen Manusia Nandangi Ketubuhen Tuhan Perp. Kundul L I bas berngina, ija Jesus tubuh, melala kal anak kuta Betlehem si la meteh kerna ketubuhen Tuhan Jesus. Manusia kuskas ibahan perbebenna, picet kal kesibukenna i bas mperjuangken ketenangen nggeluh. Piah lanai lit ingan guna ketubuhen Jesus. Amin bage gia, Tuhan Jesus labo surut i bas nehken keleng ateNa nandangi manusia. P O Tuhan, idahNdu kap kekoten ras kelepaken kami. Daramilah kami, ibas kami lalar ibahan sura-sura kami. Dahilah kami, tupung pendahin kami nirangken kami ras Kam. Rehlah Kam Tuhan, tubuhlah Kam i bas pusuh kami. L Ras kita rende i bas ngalo-ngalo kerehen Anak Dibata alu endeendenta : .....

Liturgi GBKP 52 Minggu

204

5. Berita Kerna Kerehen Dibata Perp. Tedis L Aku me Raja Dame si reh man bandu guna nampati ras mulahi kam i bas kerina kesusahenndu. Ernalemlah kam man bangKu, ola suhsahi bandu alu dahin-dahin si la penting, tapi ayakilah kai si ngena ateKu. Aku me penampatndu si mereken ketenengen man bandu. Amin. Mari sisagani lilin Natalta, tandana kita ngaloken ketubuhen Jesus e, janah ras kita rende i bas : ..... (Tupung si e lilin ipegara arah lilin si ibaba pengkhotbah nari, si nagani lilin rikutken kebutuhen runggun setempat) 6. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 7. Pengakun Kiniteken

Perp. Tedis

8. Persembahen Perp. Kundul L Kata Dibata si jadi palas i bas kita nehken persembahen pengataken bujurta man Dibata : “O senina ras turang, nginget perkuah ate Dibata si mbelin si isehkenNa man banta, kupindo man bandu : “Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku makhluk si rukur.” (bdk. Roma 12:1-2). Iherta ngendesken persembahen, rende kita ibas : ..... Pertoton Persembahen ras Pertoton Syafaat 9. Perpadanen Man Dibata (Bdk. Lukas 1:46-55) Perp. Tedis L O turang ras senina. Tuhan Jesus setia kap. Keleng ateNa la pernah ngadi ibahan dosa manusia. I bas wari enda, nggit nge kita (kam) ngaloken ketubuhen Jesus i bas pusuhta (ndu)? Nggit nge kita (kam) mereken dirindu jadi pasu-pasu, bagi Jesus enggo mereken diriNa man banta (ndu)? (Paksa Teneng) I bas kita mpeteguhi perpadanen man Dibata, rende kita ibas : .....

Liturgi GBKP 52 Minggu

205

10.Pertoton Tuhan 11.Pengutusen Ras Pasu-pasu Dibata L Bengketlah ku kegeluheta (ndu) sekalak-sekalak. Dage, alokenlah ketubuhen Kristus e i bas pusuhta (ndu). Guna si e, alokenlah pasupasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). itatap Dibata ku kita (kam), janah malem ateta (ndu) ibahanNa.” Amin. P Amin..... Amin..... Amin..... (Iendeken)

Liturgi GBKP 52 Minggu

206

LITURGI NATAL II A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Penaruh Runggun gereja bage pe kerina si ertugas i bas wari si sendah ngataken Selamat Natal man banta kerina si pulung i bas ingan enda. Guna kiniersadanta, ipindoken kami man banta si sekali enda denga kam ikut kebaktin bas gerejanta enda, iarapken kami gelah tedis kam i bas inganndu. I bas Natal peduaken enda ibabai kita guna ngasup ncidahken aksi entah pe responta nandangi kekelengen Tuhan si reh i bas Tuhanta Jesus Kristus, si iperingeti kita wari ketubuhenNa.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum – Salam L I bas gelar Dibata Bapa si njadiken langit ras doni, i bas gelar anakNa Jesus Kristus si jadi seri ras manusia, ras i bas gelar Kesah si Badia si mpengasup kita nehken kekelengen nandangi doni enda. Perkuah ate ras dame si rehna idur Dibata Bapa, AnakNa Jesus Kristus ras kerembaken Kesah si Badia ras kita (kam) kerina gelah. Gloria. P Gloria..... Gloria..... Gloria..... (Iendeken) 3. Berita Kerna Perbahanen ras Sura-sura Dibata L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : ..... 4. Kinata Kegeluhen Manusia Iadep-adepen Dibata Perp. Kundul L Nehenlah! Ketubuhen Jesus ku doni enda reh maba terang. Terang e guna nerangi kerina manusia i bas gelap nari. Gelah asa ise nggit ngaloken terang e dingen tek, nggeluh me. P Igejap kami maka Kam kap Dibata si enggo encidahken kekelengenNdu nandangi kami. Kam enggo nerangi geluh kami, tapi la kami ngasup gelah jadi terang man doni enda. O Tuhan, alemi min kami dingen pegegehi min kami. L Guna tole kita nggejapken kesalahenta ras kinikotennta i bas kita ncidahken terangNa ku doni, mari ras kita rende ibas : .....

Liturgi GBKP 52 Minggu

207

5. Berita Pengalemi Dosa Perp. Tedis L Selaku persuruhen Dibata, aku nehken kataNa man banta (ndu), niNa: “Kam enggo erkubang-kubang ibahan dosa, tapi Kuperidi kam maka bersih bagi salju. Aminna gia erkiteken dosandu kam enggo mbiring bagi tengguang, mulihi kam jadi mbentar bagi kapas.” Amin. (bdk.Jesaya 1:18b) Sipuji Tuhan erkiteken dosanta (ndu) enggo Ialemi, sipuji IA alu ngendeken : ..... 6. Kata Dibata Perp. Kundul a. Pengogen Kata Dibata Bagin Si Pemena L Ketuahen me kalak si ngaloken dingen si ndalanken kata Dibata i bas geluhna si teptep wari. Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 7. Pengakun Kiniteken

Perp. Tedis

8. Persembahen Perp. Kundul L Kata Dibata si jadi palas kita nehken persembahen pengataken bujurta man Dibata : “O, Senina ras Turang, nginget perkuah ate Dibata si mbelin si iisehkenNa man banta, kupindo man bandu : “Endeskenlah kulandu man Dibata saja selaku persembahen si nggeluh rikutken si ngena ateNa. Sabab bage me arusna kam ersembah man Dibata sue ras biakndu selaku makhluk si rukur.” (Bdk. Roma 12:1-2) Iherna kita nehken persembahen, ras kita renda ibas : ..... Pertoton Persembahen ras Pertoton Syafaat 9. Perpadanen Man Dibata Perp. Tedis L O Turang ras senina, Dibata enggo engkelengi dingen nerangi pusuhta (ndu), nggit nge kam maba keleng ate dingen nerangi pusuh kalak si kote? (Paksa Teneng) L

Tuhan Jesus enggo ngergaken kita (kam), dingen erbahan kita (kam) jadi temanNa. Nggit nge kita (kam) ngergaken temanta (ndu) manusia bagi Kristus enggo ngergaken kita (kam)? (Paksa Teneng)

L Mari sipeteguhi perpadanenta man Dibata, alu ngendeken : ..... 10.Pertoton Tuhan

Liturgi GBKP 52 Minggu

208

11.Pengutusen Ras Pasu-pasu Dibata L Bengketilah ku bas kegeluhenta (ndu) sekalak-sekalak. Ersinalsallah min terangta (ndu) i doni enda. Guna si e, alokenlah pasu-pasu idur Dibata nari : “Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam), janah malem atenta (ndu) ibahanNa.” Amin. P Amin..... Amin..... Amin..... (Iendeken)

LITURGI MINGGU KENCA NATAL Liturgi GBKP 52 Minggu

209

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Pengalo-ngalo ras Momo Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras selamat wari Minggu man banta kerina. Man bandu kekelengen kami si sekali enda denga erkebaktin i bas gerejanta enda, ikataken kami mejuah-juah. Kerehendu nambahi keriahen man banta kerina. I bas bena kebaktinta mari dage sidengkehken momo kerna perdalanen perpulungen Tuhan bage pe rencana pelayanen gerejanta ku bas wari-wari si reh enda (Ngogeken Momo). 2. Kata Penaruh Mejuah-juah man banta kerina, Marilah sisalamen kita ras temannta si lit i kawes ras kemuhennta. Meriah ukurta i bas wari si sendah erkiteken Jesus enggo tubuh man banta janah sigejap maka Dibata enggo masu-masu kita alu naruhken kita ku penghujung tahun enda alu mejuah-juah. I bas minggu enda kita iajuk guna nginget-nginget kerina perbahanen Dibata i bas sejarah kegeluhenta, gelah ngasup kita ngataken bujur man Dibata, si enggo mereken kiniulin kegeluhen man banta. Alu bage maka ngasup kita ngangkai ras ndalanken kai sura-sura Dibata si ateNa isehkenNa man doni enda.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

3. Votum – Salam L Kebaktin enda lit i bas gelar Dibata Bapa si ngkawali manusia alu pasu-pasuNa si isehkenNa man banta (ndu), i bas gelar Jesus Kristus si tubuh man gunanta (ndu), i bas gelar Kesah si Badia si mpegegehi kita (kam) ngelakoken si mehuli ras si ngena ate Dibata. Perkuah ate ras dame i bas Dibata Bapa nari, i bas Tuhan Jesus Kristus nari ras i bas kerembaken Kesah si Badia, ras kita (kam) kerina gelah. Amin. P Amin..... Amin..... Amin..... (Iendeken) 4. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : ..... 5. Pujin Kerna Perbahanen ras Sura-sura Dibata

Perp. Kundul

Liturgi GBKP 52 Minggu

210

L

P L

P L P L

Aku me Dibata si milih nini-ninindu Abraham, Ishak ras Jakub si Kupilih guna jadi pasu-pasu man bandu, Kupasu-pasu kam kerina jadi bangsa si mbelin, janah Kujadiken kam jadi pasu-pasu man kerina jelma si lit i doni enda. Terpujilah gelarNdu o Tuhan, mulialah gelarNdu. Aku me Dibata si ngkawali bangsaKu i padang gurun, si mereken kerina keperlunna, Kutaruhkenken ia mbentasi kematen janah bengket ku bas taneh si enggo Kupadanken man bana. Aku pe ngkawali kegeluhenNdu, sabab kam me bangsaKu si Kupilih, si erkiniteken man bangKu, man bandu me pasu-pasuKu Kupesusur. Terpujilah gelarndu o Tuhan, mulialah GelarNdu. Aku me Dibata si masu-masu geluhNdu, Kujadiken Kam bangsa kesayangenKu, Kubereken man bandu kiniulin-kiniulin geluh, Kukawali kam alu mereken biak-biak si mehuli man bandu. Terpujilah gelarNdu o Tuhan, mulialah gelarNdu. Sipuji Tuhan alu ras kita rende ibas : .....

6. Kinata Kegeluhen Manusia L Dibata enggo milih kita jadi bangsa si mbelin, dingen masu-masu kita gelah jadi pasu-pasu man kerina jelma. Sigejap nge ndia kita bangsa pilihen Dibata? Sipakeken nge ndia pasu-pasu Dibata e jadi asamta jadi pasu-pasu nandangi doni enda? Marilah siorati pusuhta i lebe-lebe Dibata i bas paksa teneng. (Paksa Teneng) L P L

Adi enggo sigargari pusuhta (ndu) sekalak-sekalak, akuken dage dosanta (ndu) iadep-adepen Dibata. Ngaku kami O Tuhan kerna kerina kelepaken kami, sampatilah kami o Tuhan, alemi min dosa kami. Guna tole nggejapken dosanta (ndu), rende kita ibas : .....

7. Berita Pengalemi Dosa Perp. Tedis L La ngena ate Dibata anak-anakna bene i bas dosa, tapi ngena ateNa kalak si nggejap salah ras dosana, dingen jera. Selaku persuruhen Dibata, aku nehken kataNa man banta (ndu), niNa : “Aku me DibataNdu si perkeleng, si tetap ncikep perpadanenKu man bandu janah ceda ateKu kerna dosa-dosandu, begikenlah katangKu : tadingkenlah kerina perbahanenndu si jahat, Kusasapken dosandu janah Aku tetap mereken perpadanenKu man bandu, janah Kukelini kam alu baik-biak si mehuli.” Amin. Malem kel ateta (ndu) erkiteken dosanta (ndu) enggo ialemi Dibata, emaka sipuji IA alu ngendeken : ..... 8. Kata Dibata a. Ngoge Kata Dibata Bagin Si Pemena

Perp. Kundul

Liturgi GBKP 52 Minggu

211

L

Ketuahen kalak si megiken Kata Dibata, dingen si makekenca i bas geluhna si teptep wari, Haleluya. P Haleluya..... Haleluya..... Haleluya..... (Iendeken) b. Khotbah : (Ibenai ras idungi alu pertoton) 9. Pengakun Kiniteken

Perp. Tedis

10.Persembahen Perp. Kundul L Kata Dibata si jadi palas i bas kita nehken persembahen, e me : “Tapi mbelin kal kekelengen Tuhan man nini-ninindu, emaka ipilihNa kam i bas kerina bangsa-bangsa nari; janah seh asa genduari pe kam tetap denga bangsa pilihenNa” (ul.10:15) Tupung sisehken persembahenta, ras kita rende i bas : ..... Pertoton Persembahen ras Pertoton Syafaat. 11.Perpadanen Man Dibata Perp. Tedis L Dibata nggo milih dingen masu-masu kita (kam). Nggit nge kita (kam) njagai dingen makeken dirinta (ndu) jadi pasu-pasu nandangi doni enda? P Erpadan aku Tuhan, ateku tetap makeken geluhku jadi pasu-pasuNdu nandangi doni enda. L Dibata ngkuhi kita (kam) alu biak-biak si mehuli. Gelah reh ngasupna kita (kam) ncibalken dirinta (ndu) jadi pasu pasu ku sekelewetta (ndu). Nggit nge kita (kam) makeken kepentaren Dibata e i bas kerina kecibalta (ndu)? P Erpadan aku Tuhan, ateku tetap makeken kepentarenNdu, i bas aku ncibalken diringku, subuk i bas keluarga, i bas pendahin ras sekelewetku. L Guna mpeteguhi perpadanenta man Dibata, ras kita rende ibas : ..... 12.Pertoton Tuhan 13.Pengutusen Ras Pasu-pasu Dibata L Laweslah ku kerina jelma! Beritakenlah kemulian ras kekelengen Dibata man doni enda, ola mbiar Tuhan kap si nemani kita (kam) seh ku kedungen jaman, janah alokenlah pasu-pasu idur Dibata nari : “I pasu-pasu janah ikawali Dibata kita (kam), siang ayo Dibata ersinalsal ibabonta (ndu) janah melias ateNa ngenehen kita (kam), i tatap Dibata ku kita (kam) janah malem ateta (ndu) ibahanNa.” Amin. P Amin..... Amin..... Amin..... (Iendeken)

LITURGI NUTUP TAHUN

Liturgi GBKP 52 Minggu

212

A. PERSIKAPEN Perpulungen nikapken pusuh ras ukur guna ngadap man Tuhan Pelayan ibadah ersikap i ruang persikapen ..... (Musik) ..... B. KEBAKTIN 1. Kata Penaruh Turang ras senina i bas Tuhanta Jesus Kristus, i bas kesempaten enda ikataken kami mejuah-juah man banta kerina. Bage pe man bandu turang senina kami si sekali enda denga kam bengket ku gereja enda, ialo-alo kami kam alu meriah ukur. Wari enda silakoken me Kebaktin Nutup Tahun, wari si perpudina i bas tahun enda, sope kita mengketi tahun si mbaru. I bas kebaktin enda ibabai kita nulih ku wari-wari si enggo lepas, ija erbage-bage situasi enggo si bentasi, janah tetap kita mejuah-juah seh ku bas pengujung tahun enda. Kerina enda sigejap erkiteken belinna perkuah ate Tuhan man banta. Emaka radu ras kita mpenangkih puji-pujinta man Dibata si jadi pengataken bujurta arah kebaktinta enda.  

Erkata Lonceng Rende : .....

Perp. Tedis (Serayan Kebaktin Bengket ku Mimbar)

2. Votum – Salam L I bas gelar Dibata Bapa, si tetap setia ngarak-ngarak perdalanen geluh manusia, i bas gelar AnakNa Jesus Kristus si jadi penebus man manusia, ras i bas gelar Kesah si Badia si jadi persuruhen Dibata guna nemani kegeluhen manusia. Mejuah-juah banta (ndu) kerina si reh ku rumah Tuhan i bas wari enda, malam me ateta (ndu) erkiteken sialoken (ialokenndu) me pasu-pasu idur Dibata Bapanta nari erkiteken iidahNa ketutusenta (ndu) ersembah. Amin. P Amin..... Amin..... Amin..... (Iendeken) 3. Berita Kerna Perbahanen Ras Sura-sura Dibata (Invocatio) L (Ngogeken Teks Sue Almanak) Erpalasken Kata Dibata enda, sipuji IA alu ras kita ngendeken : ..... 4. Pujin Nandangi Keleng Ate Dibata Kempak Kerina TinepaNa Perp. Kundul L O Tuhanku, O Dibatangku, pusuhku metedeh nandangi Kam. Mesikel kel aku ngaloken ras nggejapken pemereNdu si mbelin e. Malem kal ateku ersembah man baNdu, erkiteken kiniulinNdu si la erkeri-kerin. P Lalap ateku ngataken bujur man baNdu Tuhan, kupuji Kam la erngadingadi. Ersurak meriah ukurku muji GelarNdu. L Tataplah ku sekelewetta, deleng-deleng si meratah, dem alu erbage sinuan-sinuan si mehuli. Nehenlah lawit si mbelang, ije mbue kegeluhen tinepa Dibata si deban. Tataplah langit si meganjang, si nuduhken kuga belinna kuasa Dibatanta.

Liturgi GBKP 52 Minggu

213

P L

P L

Terpujilah gelarNdu Tuhan, teridah kiniulin si enggo isikapkenNdu man kami kerina, doni enda kuh dingen sampur alu erbage si mehuli. Ikimbangken Dibata mbal-mbal si meratah, ije mbue pangan man kerina asuh-asuhen, ipeturah Dibata erbage sinuan-sinuan, gelah banci kita nerusken kegeluhen. Ibereken Dibata suari ras berngi, gelah ersibar waktu erdahin bage pe pekesahken. La nai lit si kurang, kerinana enggo kuh ibahan Dibata gelah malem ateta nggeluh i babo doni enda. Emaka ola aru ateta, kerna kai siniperluken ras siniarapken kita. Dibata Bapanta enggo leben ngukurken ras nikapkenca kerina. Emaka ersuraklah alu ukur meriah, sipuji Tuhan arah : .....

5. Kinata Kegeluhen Manusia L Nginget simparna kiniulin Tuhan, mari dage siakuken dosa-dosanta, nintalah i bas pusuhta : “O Tuhan, rusur kel kami la megiken kataNdu. Ilakoken kami bagi sura-sura doni enda saja, seh maka enggo icurnaken kami gelarNdu arah perbahanen kami si teptep wari.” P O Tuhanku, alemi min, salah dosangku alemi min. (KEE 380, iendeken iulih-ulihi) L Alemi kel kami o Tuhan, sabab mawen surut semangat kami ndahiken dahin gerejaNdu, rusur pe la tergejap man perpulungen keleng ateNdu arah pengerana ras perbahanen kami. P O Tuhanku, alemi min, salah dosangku alemi min. (KEE 380, iendeken iulih-ulihi) L Alemi kel kami o Bapa, adi geluh kami la maba kemalemen ate, man teman kami manusia, man isi jabu kami, man kade-kade kami. O Bapa bere min maka igejap kami, pusuhNdu si melias ngalemi ras ngaloken kami, gelah menahang kal pusuh kami, ras malem ate kami i bas erlebuh man baNdu. P O Tuhanku, alemi min, salah dosangku alemi min. (KEE 380, iendeken iulih-ulihi) 6. Berita Pengalemi Dosa Perp. Tedis L Selaku persuruhen Dibata, aku nehken kataNa man banta (ndu) : “Desken remang erpagi-pagi, dosandu enggo Kulesapken, janah salahndu pe enggo Kusasapken desken embun. Emaka mulihlah kempak Aku, sabab Aku kap Penebusndu.” Amin. Malem kel ateta (ndu) erkiteken dosanta (ndu) enggo ialemi Dibata, e maka sipuji IA alu ngendeken : ..... 7. Kata Dibata Perp. Kundul a. Ngoge Kata Dibata Bagin Si Pemena L Ketuahen kalak si megiken Kata Dibata, dingen si makekenca i bas geluhna si teptep wari, Haleluya.

Liturgi GBKP 52 Minggu

214

P Haleluya..... Haleluya..... Haleluya..... (Iendeken). b. Kotbah : (Ibenai ras idungi alu pertoton) 8. Pengakun Kiniteken

Perp. Tedis

9. Persembahen Perp. Kundul L Kata Dibata si jadi palas i bas kita nehken persembahen pengataken bujurta, e me : “Bahanlah pengataken bujur jadi persembahen man Dibata, sehkenlah kai si enggo ipadankenNdu man si meganjangNa.” Iherta ngendesken persembahen, rende kita ibas : ..... Pertoton Persembahen ras Pertoton Syafaat 10. Perpadanen Man Dibata Perp. Tedis L Genduari, bersihken dage man banta (ndu). Ulanai kita (kam) ndabuh ku bas kubang dosa si ncurnaken dirinta (ndu) bage pe Dibatanta (ndu). P Erpadan aku Tuhan, lanai kucedai gelarNdu alu ngelakoken lagu langkah si la mehuli i bas geluhku. L Pakekenlah kata Dibata jadi senjata ras ampang-ampangta (ndu), i bas kita (kam) ndalani kegeluhen i babo doni enda. P Erpadan aku o Tuhan, lanai aku nggit kentisik pe sirang ras Kam. Kujaga ketutusenku ndahiken dahin perpulungenNdu. L Beritakenlah Berita si Meriah man isi jabunta (ndu), man kadekadenta (ndu) ras kalak si lenga nandai Dibata. P Erpadan aku, meritaken Berita si Meriah arah perbahanenku, gelah arah geluhku itandai kalak, maka Kam me Dibatangku. L Guna mpeteguhi perpadanenta man Dibata, rende kita arah : ..... 11. Pertoton Tuhan 12. Pengutusen Ras Pasu-pasu Dibata L Turang ras Senina, dalankenlah kegeluhenta (ndu) iteruh penampat Kesah si Badia, janah alokenlah pasu-pasu idur Dibata nari : “Patuhlah kita (kam) man perentah Dibata (perentahKu), tentu ipepalerNa (Kupepaler) man banta (ndu) kemalemen ate desken lau; janah ibereNa (Kubere) kemenangen nepet kita (kam), desken galumbang si ergalun ku tepi lawit” Amin (Jesaya 48:18). P Amin..... Amin..... Amin..... (Iendeken)

Liturgi GBKP 52 Minggu

215