Ginza Rba Transliterated

. bšumaihun d hiia rbia miTab kušTa lTabh umanda d hiia luataihun d bnia šlama hazin hu raza sidra uaprašta ušuta haita qadmaita d huat mn laqadmia kd hašib hiia qadmaiia uqiriuia lmanda d hiia umanda d hiia qiria lhibil ziua hua alip alip šnia qudamh d mara d rabuta u`tiksia binataihun uhibil `utra `titlh lmizal `l krun Tura rba d bisra u`l tlata almia d hšuka d qašišia d hirba lašaqilun unura laklalun ubTupania mia laTabin d hu krun Tura rba d bisra utlatma ušitin ušita daiuia d minh dairia minaihun mn hanatun daiuia d hu `ur marh d hšuka šumh d abuia gap šumh ušum hata napša mn bra bukra d hu `ur napqia hamša unapqia šuba unapqia trisar d hinun srin uarba daiuia umn špita udurdia d azil luat `mh hua karkum kd hauia btibil almia udaria br spag qarilh uanin bhailan dilan udhiia ud`utria ubhailh d malka d nhura hadinin b`ruta b`ruta niha bukra mqaima d anin hašibnin `lh uqrainh bziua dilan d anin malbišnalh ubnhura d anin mkasinalh ubhaila ušrara d anin iahbinalh umšadrinalh `l bišia kulhun d lau lbiš mithašbia u`l `ur marh d hšuka d `lauaian mitraurab hazin `utra d lagiTlh ukabišlh uragilh uasarlh umasarlh larqa titaita d nhaša umahdarlh šuba šuria d parzla ualma d atia ptahil umasia arqa iaunaiit unagid rqiha ubania baita umbaTil bišia kulhun d mithašbia lbiš haizak `sura d asrh hibil ziua l`ur umistar haizak masgia `l kulhun almia d hšuka hibil ziua uazil `l krun Tura rba d bisra ukul d biš abidbh ukrun Tura rba d basra hauqa udahalta uziuihta mahuilh lhibil ziua hibil ziua minh ladahil hu minh mitikbiš haizak amarlh zihrun `utra d hu iusmir kana šumh liadatan gabra d hazin paršigna amar d mn hiSrh d mara d rabuta npaq bšumh d hanath `utra mitiqrin trin `utria hurinia adatan uiadatan d biuma d iardna Sabilh lhibil ziua uhinun mitiqrin adiaurh tum mitqrin šita hurinia šitil uanuš ušilmai unidbai uadakas mana uraza rba d hu iupin `utra šumh uazal minh ziua rba qadmaia d mn lbušia d mara d rabuta hua ukulhun almia d nhura ualmia d hšuka miSra mšauilun uahidlun lbabia usaliq `l gauria uprudqa uraza rba d mn dilan ldilh maluilh ukul daiua qarabtana d hazilh lhanath prudqa hatim `lh ušaina mšauia bkulhun almia d nhura d miSra usaka litlaihun kd halin kulhin kasiata ugaliata ana mištaiina uamarna lmara d rabuta sagidna umšabana umrauribna kd mn hukumta usibruta umn ma d hiia amarlia hanatin alip šnin huit qudamh d mara d rabuta `l anpai huit rmina hu mara d rabuta qran uligTan bpras iaminai uaqman mn duktai uhaizak mara d rabuta mn ziuh pras `lai umn nhurh `hablia utraSlia brišai klil zakuata d luath nahra u`tinSiblun ziuh unhurh l`utria kulhun u`tinSiblun lbuša l`utria kulhun u`tinSiblh lbuša lmara d rabuta uhaizak qam mara d rabuta qra liaminh arbaima uarbin uarbia škinata uqra lsmalh tlatma ušitin ušit škinata uhaizak qra mn kul škinta škinta alip utmanima alpia ruban `utria d iaqirin ušanin ušanai ziuaihun ubaiar umanhar nhuraihun d bziuaihun iaqria umanihria pasimkia d manihria lqudamaihun uhaizak kul škinta škinta pašuba trin naTria d napša utrin pasimkia d manihrin qudama riš naTria d arbaima uarbin uarbia škinata manu šumh udtlatma ušitin ušit škinata manu šumh riš arbaima uarbin uarbia škinata barbag `utra šumh d hu azaz`il šuma udtlatma ušitin ušit škinata anan nSab qarilh d hu taur`il `utra šumh bšumh d taur`il `utra qra lnapših briš qrita qadmaita haizak qra kulhun `utria uqam hu manda d hiia umara d rabuta unhit liardna uqra maSbuta kd d ba miSibh l`utra zriza `utra sagia umzarza malil iardna rba mn mara d rabuta mištaiia uamarlh hazin man hu `utra d bgauai dilia Sabatlh d anat dmutak `STbatbh uhaizak mia hiia d hiziuia lziuh ulnhurh d hibil ziua ulziuh ulnhurh ul`qarh d manda d hiia umargna d mia hiia d mn iukašar kana `tinSib miTalalia ulakainia sahqia umitapkia kd aglauata bgauh d sindiriauis iardna rba d hiia haizak mara d rabuta liardna rba d nimarlh anat iardna rba d hiia nha ukun `l duktak d hibil ziua bgauak niSTba uhaizak iardna rba d hiia mn malalh d mara d rabuta lapak ulašania mn mimrh kan iardna d mia hiia uhibil ziua bgauh `STba `STba hibil ziua u`STba minh ahh trin u`STba arba hurinia d hinun rbia mitqrin Sbinun ltlata `utria d hinun ahh

hinun adiaurh kd Sbinun lhalin kulhun d minh `l d qaiim biardna hu unaSbh mara d rabuta malil udraš `l iardna uamar briš mia nipqit ubriš mambuhia d hiia asgit lka šiknit tlat škinata ušalTit `lauaihun naTria naTria d šalTit `lauaihun d šanin brikia umqaimia haizak qaima manda d hiia lmaSubuth usliq mn iardna ukušTa mn rbia pšaT hu mara d rabuta kd sliq manda d hiia mn iardna htaminun lahh d hinun bnh uhu mara d rabuta `niana rmalh lmanda d hiia uamarlh ziuak taqun unhurak nahur tarmidia bziuak nahria unahra dmutun mn almia lhibil qralh uamarlh qal hibil ziua šamana d malil udariš batar nhur qal šuth d basima `tiaiarlia libai btušbihta mla `tiaiarlia libai hdat nišmat uhadia urauz ruianai usahiq `uSrai mn riš briš sqirna hadina b`bidata d abad hibil ziua utiqnat b`dh mn riš briš naTrh uqaimh uzarzih ubirkh umn Tabuth šra `lh lhibil `hablh ziua ulšitil qirih uqaimh uamarlh haslak haslak šitil `utra d tihuia šutak mn sahria šutak šutan dilan titlip blaupan ulatipsiq lšitil `hablh nhura ulanuš qirih uqaimh uamarlh birkuk arba `utria d bSauat hdadia iatbia uSibuk bmaSbutun umn lbušaihun albšuk lanuš `hablh tuqna uaTpilh bziuh kd ahh trin malil pasimka rba d manhar bkulhun almia malil d nimarlh lmara d rabuta šumh d hanath pasimka iatir iatrun šumh ušumhata tlatma ušitin `tlh uamarlh hazin ziua d manu uhazin nhura d manu uhazin tuqna d manu amarlh hazin ziua d hibil uhazin nhura d šitil uhazin tuqna d anuš `utra d npiš usaka litlh htaminun malka d nhura hatminun mn riš briš uqrinun lšilmai unidbai umn iaminh asam `lauaihun ubrakinun mn birkth uamarlh anin hadinin bhaza dmuta d `tniSbat qiriuia lrham raza uladakas mana uadiaurh nSablun anana kasita d lanihzuna `utria ldmutun uamarlun `utria draš b`qarun uanatun rbia b`rutkun hdun hadia urauza anana d nhura kd ata gabra `l kimSa `tib hatminun malka d nhura ladiaurh ahh d hinun bnh hitmh lsindiriauis iardna rba d hiia d `niš bgauh lika d miSTba amarlun abadna lTabut rbia usadirna lrahmutkun qrainh liardna rba d hiia utlatma ušitin iardnia d hu hibil ziua bgauaihun `STba uhaizak amarlun manda d hiia lrbia d niSbuia hazin bra bukra d ana qrit hab lalma d bišia nišadrh amralh dmuth lasaipit d qariatlh brai amarlh `u ana laqarinh brai man qarilh brh uamarlh lhibil ziua riša d kula šurbta kd anin ldilak qrainak anat l`utria ahak qria d bginza d hiia nizdahrun kd masgit lhšuka haila d iauna qalilth nsub haizak hibil asgia azal uhaibinun laudia ababbun bduria rurbia mindam d `lauaihun snia hizia lruha d qudša kd baTnabh bbura napla baTnabh bmlik hšuka d amria nihuia maraihun d kulhun almia `laiia umiSaiia utitaiia hzaith lmlik hšuka kd abahatai amarlia lruha lhiuat nuqubta `mh d bura napla kbašth lmlik hšuka d amra `mh nihuia maraihun d kulhun almia `lh msaith lmisia rba umarzbana tirSit `lh d bh traSibh alma laTta lhiuat nuqubta `mh d bura napla amarnala luTtik ubirktik nihuilik ldilik bmnatik bnik uptahil `utra nisadruia lhazin alma `lau hašabta d iušamin d asgit luataikun atit asgit `tit luataikun umindam d snia bhšuka `bdit aminTul d ana lahasrit ulabiSrit mindam d abahatai amarlia aminTul d bra d abahath lašama haka luataikun dilkun mitkatar aminTul d ana šimit uqablit ulakadbit mindam d abahata amarlia aminTul d šmata lšutaihun uqabilta uazlit traSta bginzaihun d `utria naTrh d ginza simakh d kulh hikla kušTa nisbit biaminai uasgit lalma d hšuka `ka d qam bhaimanuta u`ka d napšia katar bdur haškia halin d qam bhaimanuta salqia hazilh latar nhur halin d laqam bhaimanuta misap saipia liuma d sup malil uamar manda d hiia hazin qraba d hua aminTul iušamin hua aminTul kul `niš d bania baita umšauia qamh bit masgda kul man d nib`ia lhazin sidra ulanatnh blibh blibh kšiTa ub`spia mhaimanata nipsiq mn `uhra d aqamh kul man d natnh bliba kšiTa ub`spia mhaimanata šabiq haTaiia uhaubia nihuilh mšaba manda d hiia uadiaurh hibil ušitil uanuš ušilmai unidbai uhiia zakin lalam almia sa bšumaihun d hiia rbia nukraiia mn almia d nhura iatiria d `lauia ukulhun `ubadia asuta uzakuta uhaila ušrara u`mra ušima ušabiq haTaiia nihuilia ldilia

. ulab . u`l `m . u`l `m hurintia . u`l zauai . u`l ahai . u`l ahai hurinia . u`l šitlai . u`l abahatai . unitriS šumaihun bit hiia . bšumaihun d hiia nukraiia mn almia d nhura iatiria d `lauia ukulhun `ubadia # . hazin hu raza usidra ubuta kasita d hiia kisiuia lmalala d manda d hiia kd galil galalta qudam mana hu udmuth uqudam hiia d had daiua tar mn siniauis arqa titaita d hšuka kd haza amar manda d hiia amrilh hiia umana udmuth mahu iatbit ganzibra ubra rba dilan qum hut `zil umahu d baiit `bid kd haza šuma minaihun dilhun manda d hiia sgid umištaTia qudamaihun uamarlun manda d hiia `qum qrilh lganzibra braikun dilkun hahu naSba d anatun nSabtun udmuta d anatun šauitun mn kisiaikun umn hilbunkun umn hak iardna d anatun ngadtun huaitun umn tana uširiana d atraikun kd haza amar manda d hiia qalh `štma bkulhun almia uqam Sibh uatia lhahu brh udmuth dilh uamarlh ab lia azilnin uamarlh qum ata `hauiak dmuta d mana umana udmuth rabtia kasita d ks`ia mn kulhun `utria btlatma ušitin uhamša almia uhilbunia kasiia rurbia d nhura uamarlh brh d hu ahuia lmanda d hiia kd haiiqna d `hizia lhaza h` dmuta qadmaita ulhanath dmuta d mana umana udmuth kasita d ksu`ia mn kulhun almia amarlh abuia d hu ahuia ana bqalil sigia šadrun u`tit `lak hašta mahu d iatbit bra rhima abad ukšar šar ziua d hiia asiqlh šuma hašta qum nizal unihuzih lparSupaihun d hinun mania iaqria kd haza amar abuia hnatalh lhahu bra niha umqaima ligTh biaminh labuia uazal minh alma d maTia kisiaihun uhilbunaihun d rurbia `qara kd maTia amrilh hiia qadmaiia umana d dmuth mahu abdit iauar kbar brh d manda d hiia d mgadilan qarnaian brišaian uamarlun ha baiitun uaškatun tum baiitun umaškitun ana `zlit uaitith lhahu braikun dilkun uamarlh qum ailh atih unihzih uhu nihzinan uqam azal ailh atia lqudaimaihun d hinun mania iaqria kd aluataihun hu hibil mana `tith haq minaihun aminTul ziuaihun d hua šanai unuhraihun d hua taqun ulika d mSia lmihizia lhanath dmutaihun aminTul ziuaihun d npiš unhuraihun d kabir kd hzun mania iaqria trin udmuth qadmaita qudamaihun qaimun unišqun uhananun uana qudamaihun `štaTit usigdit ušabit lhak dmuta alip šnia haizak alma d hu mana ligTan biaminh uaqman mn atrai uamar qum mana hibil ziua d anin qrainh latihuq udmuth d mana rba `da d masima `lai dilia hibil ziua uhaizak pta pumaihun uamria mahu iatbit qum niSibak btlatma ušitin alpia iardnia unalbšak tlatma ušitin lbušia uksuiia kasiuia d had had šania mn habrh uqam Sibuia btlatma ušitin alpia iardnia uadkar `lh šumia kasiia d had had šanai mn habrh uniTrun alip ruban šnia d saka litlun uluataihun huit bhanath hilbuna kasia alma d rbit huit kd dilhun uhaizak ab `dh masim `lai dilia hibil iauar d hu asiqlh bšumh iauar unSablia alma had d npiš usaka litlh bgu hanath alma nSablia ruban alpia almia d nhura unSablia tlatma ušitin iardnia rurbia gauaiia unSablia bkul alma alma tlatma ušitin alpia `utria bkul škinta škinta nSablia tlatma ušitin alpia škinata kul alma alma šanin ušanai ziuaihun u`rutun utušbihtun uab ldilia lbušia dilh d hu bgauh `STarar u`STba bgauh d hanath lbuša uraza kasia `hablh d hu mnaTarlun lrurbia uamria `zil `zil bran udmutan d Sauth šania mn kulhun `utria aminTul d atra d anat azlatlh `ka napša hauilak balmia hinun d hšuka udaria hauit ldaria alma d anin

minšilak udmutak haka hauia ualma d masiqta rarinalak kd haza šuma minaihun d abahath sgid umištaTia qudamaihun uamarlun ha bhailakun dilkun abahatai uraza rba d mnaTarlkun ubhailh d ab manda d hia ha `iasgia `zal ldukta d mšadritulia amar hibil mana iauar abuia minh masgia uatia uahh trin minh masgin udrašia ubauata usidria qrun usahiq libaihun qudamh d abuhun uhu abuhun sahiq `uSrh uamar kd dilia laiit d halin nigbia kasiia qrulia ušaulia abahatai mania rurbia masgia uazil abuhun minaihun alma d maTia bit miSria trin d binia nhura lhšuka uamarlh abuia `zil br hibal uahak trin d minak nitun ubTabuta d abuia mšauilh uamarlh hibil labuia mana dakia man d abuia mzarizlh umhatimlh uSabalh umqaiimlh mn bišia ladahil uabuia bgauh lamitkarak ulanašiqlh uamarlh labuia `u bgauai mitkarkit `ka napša hauilia kd haza šuma abuia minh d hibil sgid umqaiimlh uabuia l`uhrh sar uazal luat mana udmuth uana iauar hibil `mrit ha bhailaikun dilkun abahatai ubhailh d raza rba uadiauria d minai `hut lhšuka ukd bit d `hut u`iahit ligrai bmia siauia u`l šuria d bit hšuka lnhura hSab mn qudamai alip parsia umaTit alma qadmaia d hšuka d ruha huat bgauh bhanath alma darit alip ruban šnia ulika d `da `da `lai d ana haka aitan balma hazin mn ainaihun hua ksina uhaizak raza rba d minai maluai amar nizal ltit uhaizak nihtit mn atutia alma hazin umaTit alma hazin d zartai zirtanai rba d dmuth lmahu damia laiadana uamarnalun hazitun `utria ahai lmahu damia dmuth d hazin zartai zartanai uamarnalh `sira ukbiša hazin dmutak dilak zartai zartanai udzauak amamit šnia huit `l šnia udaria huit `l daria uhinun `lai dilia laiadia d haka balmun daiarna ualmia d nhura minai aitinun udaršinin bsidria ubauata umasqata ulibaian sahiq b`rutun utušbihtun ium bium salqa luat hiia umana udmuth rabtia qadmaita d hiia qrunun uana amarna d luataiun d hiia abahatai iatibna ulahaiiqna mn halin dmauata uhaizak šbaqta lzartai ulzartanai uasgit `zlit lalmia hurinia d hag umag trin mania d hšuka d haršaiun napšia mn kulhun almia d hšuka umn alma d zartai zartanai ualma lalma d hag umag alip parsia d laminiana uamarna lhaka man atian uligrai lhaka man asginkin uazlit uaškatinun lhalin trin mania rurbia d hšuka hag gabra umag `nta bgu alma hanath huit šnia šitin alpia ruban šnia bhanath alma hzaitinun u`dit blibaihun mahu d aka ušbaqtinun uazlit umaTit alma hurina d gap ugapan gabaria rurbia d hšuka d hun mn aina d mia `kumia Sanpia Sardia d rahtia kd dudia ubašlia unabTia usalqia mn alma hanath d hag umag ualma lalma d gap ugapan ma alpia ruban parsia hauin d laminiana ulahušbana kd hzaith lgap ugapan dmutaihun dmauata `pikata udamin akuat taninia u`nšaihun damian akuat Sruriata uamarnalun `siritun urgilitun anatun gabaria d hšuka urgila qumtaikun brgala rba d raglia qaina lburia `siria haršaikun ukadbaikun d anatun abditun `sira `nšaikun liliata Sruriata dmauata `pikata d sn`ia u`pika ublima d `niš `l dmutaihun u`l riTnaihun lika d qaiim `lauaihun uamarnalun l`utria ahai hzaitun mahu damin halin gabaria naplia uamria ahai `utria kma hauin sakun d halin almia d hšuka ukma napšia gabaria halin uana hua ksina mn ainaihun alip alip ruban šnia d lasaka ulaminiana haizak amarlh raza rba d minai maluai mahu iatbinin bhazin atra qum nisaq unihzia mahu d baiinin mibad uqaiminin mn d gap ugapan masginin uazlinin lalma d anatan qarabtana d hšuka uzauh qin malakta marth d hšuka d h` `tqiriat `mh d hšuka d nigbak mn mia `kumia nsisia Sardia uhambalia aklia hdadia d h` qraitinun `l kulhun almia d hšuka umn iuma d asginin lalma d hšuka d anatan gabara qarabtana d h` qrath alip alip parsia hauin `uhra d napša usaka litlh uamarnalh lraza rba d minai maluai mlia ainak bqin uanatan gabaria d hšuka `l mahu damin u`tibnin luataiun šnia udaria d laminiana ulahušbana ualmia kulhun d minai maluan u`utria uškinata bdrašia usidria ubauata umasqata ulibaihun hadilun usahiq bhaduta uana hadina bhaduta ubidiauria d abahatai nSablia ualun mn qudamaihun uana haizin amarna d luat mana udmuth iatibna libaian sahiq umitparpa hanath `rutai

utušbihtai salqa ium bium ušaiia bšaiia qudam mana kasia udmuth uqudam niTupta rabtia kasita qadmaita d huat mn qudam almia d nhura kd halin almia sarit ubihšit bgauaihun amarna `it iuma nihuia d `saq `zal luat ab u`tib u`štaiia minh ana u`utria ahai d minai `tun u`tapraš biadita umadita ub`rutai utušbihtai d abahatai bun `tapraš b`uSraihun kd haza `mrit ahai uraza rba d minai maluai amar hašta salqinin mahu iatbinin batra hazin d laiadinin haka kma šnia d laminiana iatbinin qur nipta baba d tlata malkia d nura laklalun dukta d aitinun lmia apria hinun dukta d aitinun lhanatun mia d `STun ziua dukta d šlim dara d hšuka u`niš atuth l`ka uanin kd `taprašnin u`danin `l dh udh uptahnun lbabia uptanh lbaba qadmaia uadiqnin uhzainh lšdum rba br brh d hšuka hazinalh d ladamia dmuth lhanik daiuia gabaria d hšuka u`damit ana hibil bdmuth hda d napša ušapira uiatbit lqudamh uamarna ha bšumak raza rba ušumaihun d hiia kasiia qadmaiia d ks`ia batra kasia ušumh d mana udmuth ušumh d ab manda d hiia u`ruta haza d `utria d minai aitinun biluaitai bdiauria hinun d hauilia Sauta bhalin almia d hšuka d abahatai lhaka šadrun ha `malil mn šdum qarabtana malka d hšuka ana bhaduta d hadina malalit uamarnalh šlama `lak šdum qaraptana malka d alma hu lahizian kd šlama šalimth hdar uhizian uadim ainh udalia gilia parSupia uamar šlama `lak gabra d dmuth šapira uana amarilh d mamla hda baiina mištaiuia minak uamar malil gabra šapira d šapira dmuth unahirta uhaizak amarilh d bra d minaikun napiq d mn Tuhma uširša dilkun ubaiia mikadušia umarguš balma dilkun baiia mibad mahu amritun `lh uhaizak malil uamar hu šdum ana laiadana hut latutai dilia d `ka d minai qašiš uhaizak mn iuma hanath d luath mTit ualma d nihtit luath d giu rba ma alpia šnia hua uhaizak šauit napšai gabra hda d šapir mn dilun uqudamh d giu iatbit ulaiada `lai d ana aluath qirbit haizak šlama šalimth hu amar šlama `lak gabra d šapira mahu d baiit minai uamarnalh bra d napiq qinaikun umn Tuhma uširša dilkun ubaiia mikadušia mn almia d nhura mahu amrit `lh uamar hut `zil latutai dilia d ana laiadana uhaizak mn iuma d šbaqth u`zlit ualma liuma d maTit karkum Tura rba d bisra šitin alpia ruban šnia huit b`uhra hanath d kma napša usaka litlh hazinalh lhanath krun Tura rba d bisra d hu girmia litbh dmuth d apra umia d `ka atuth apra hinun udamin lrpilia uhaizak `zlit luath hzaith umn ainh hua ksina kma šnia uamarna mahu `bid umahu `štaiuiia minh d gabra gabara hazin krun Tura rba d bisra haizak malalit u`štaiit uamarnalh šlama `lak bukra malka d hšuka krun Tura rba d bisra uanph ladalia uamar man hazin gabra d gla šumai uqam `l rušumai uamarnalh ana hibil d hiia šadrun uatit luatak alip alip šnia udaria d lasaka ulaminiana ušnia `l šnia luatak atina uamar hu bnapših hiia hinun d labaTlia ziua unhura d lamipsiq uamar mahu paqduk uamarnalh paqdun hiia uamrilia `zil uamarlh bra d napiq minaikun umn širša uTuhma uniaka dilkun ubaiia mirmia marguš balmia d nhura minaian dilan mahu amrit `lh uhaizak hu bnapših amar `zil d labalanak kd haizin amarlia ana hibil ziua iatbit bgluSTma d hirbia sipia u`uSTmumia uskinia ugarTupiata uamarnalh bulan uamar hašta balanak ubilan alma lpalgia ugsan ušdan ugsa rirh mn pumh u`psiq m`h kabdh ukuliath uamar mahu `bad mn gabra d ata `lai šadruia haizak malil uamarlia anatun gabaria uanin mkikia anatun alahia uanin anašia anatun rurbia uanin dirdqia uana amarilh qur hbalia prudqa uhaizak qam u`milia biuma d `tinSib minh ana lamkadbanalak hin`la `iul lbit ginzai u`iaitilak prudqa mn bit ginzai uqam uaitilia prudqa uatia l`zqta d hua ks`ia bit ginzia d hua kdib uSir `la šum hšuka rba d hua ks`ia d lahua hzilh mn iuma d `tinSib uamar ha `tilak d kulhun almia d hazilak kd mhauiatlun hazin prudqa hatmia `lh uhaizauk kd `hablia nsabth uksaith bšuba lbušia usilqit uatit luat ahuia giu rba hauith uhtam `lh kd hizia lhanath prudqa hatma d ahuia ašar `lh unsabth usilqit luat ašdum rba gabara d rmia urapiš bgu almh iatib `l kangnia d nura unura mšamšalh uhauith uamarnalh hzia prudqa d mn abahatak aitilak uapiqth hauith htam `lh uamarnalh hzia mahu d abahatak šadarlak uamar brik iuma d anat `tit ušbaqth usilqit `lauaihun d hanik almia `laiia uhitmit baba banph d šdum

uiatbit bhanath alma šnia alip uhaizak qirbit lalma d anatan uqin uana huit hatam šnia `l šnia huit balma hanath uamarna mahu `bid uqirbit luata d qin u`damila bzaua d napša anatan uamarnalh qum hauian mn mahu huainin umn mahu `tigbilnin huainin uqamat hauitan aina rabtia d mina ngib hun hinun ana kd hzaita lhanath aina d mia `kumia hua bgauaihun mrara ugimra d rmia urapiš bgu hanath aina uhaizak hu raza rba d mina maluai amar hazin mrara ugimra šrara d almia d hšuka hu kd haizin amarlia ana auartinin laina uTarištinin l`udna umn aina `tksit unsabth lgimra umrara ulahzatan d ana nsabth urm`ia ubahša `lai uamralia lia azla azalt qarialia uamralia ata `marlak uana u`tit uhtamth lbaba d hanath alma usilqit `lauaihun d gauria uqlidia d hua šanin mn qlidia kulhun haizak ana ualmia udaria d minai hadinin udaršinin usahqinin usahiq libaian b`ruta utušbihta bma d aitinin mn qin d mitqiria sumqaq rabtia d huat mn širša d qin `mh d `mh d `ur mn qudam kulhun almia d hšuka kd ahadtinun lbabia ušanitinun lsukria adkrit `lh d hanath baba tlata šumia kasiia d lika d nišaninun šum ham ziua unhura ziua ulupapan nhura rba halin šumia kasiia unTiria d luatai d lamištrin babia halin ulika man d niptinun usilqit lhak alma d `lauia almia d sumqaq marganita rabtia mn iuma d silqit luat gap ugapan rba abuhun d kulhun almia d hšuka d hatam iatbia luat hdadia gahkia umiTalalia luat hdadia uqin `maihun luataihun iatba uamralun qum nihzia šupran urgagan unihzia d lahazilan kd haza amralun hinun šahrin udauin abihda qaimin uamrila huainan mahu nibad uamrala ruha brata dila atai n`tnik lgap ahuk kd haza amrala ldila uldilh hnatalun ltartinun qam luat hdadia azlia ligTa qudamaihun unsabinun lptula unšaqinun uamarla kd dilak laiit ruha ahat dilia mn hanath iuma d biTnat bgauh d `ur maraihun ugabarun haizak lhdadia amria qum niqrila lqin `maian ulgap abuhan d luat hdadia azlinin kd haizin amarla qamat azlat minh uamrala lqin ulgap hzun mahu d abadnin uamralun Tubaikun d haza abadtun akuat d anin abadnin uana iauar mn ainaihun hua ksina ulahazilia d luataihun iatibna uana uraza rba kasia d minaihun ksia u`damit bdmuth d hda manaihun ušapirna mn kulhun uhdirna mn kulhun uazlit uqamit luath d qin uamarnala šlama `lik `ma rabtia `maihun d kulhun almia h` mihidra hazialia ldilia urhamta unura bliba asrikila uamra šlama `lak šutapan rba uiaqira uana b`da lgaTta uamarnala kma bnata `tlik d tišauian hatnik ubalma hazin `huia luatik kd haza amarila hadia uliba hadila d hatna hauina lagTalia b`da d iamina uluat gap azla uamarnalh šlama `lak Tura ugabara d kulan malka d hazin alma hu la`da mahu d amarilh h` amralh šlama `hablak gabra d šapir mn kulan hu `npiS mn kursia ubgauai mitkarak uamarlh brik matianak malka maran mahu d baiit uana minh lamištaina uh` amralh `nta baiia minak qur nitilh uamarla man nitilh uamralh nitilh zahr`il rabtia d šapira mn dilh kd haza amar tartinun ana šilpit `siqta uhaziala lhah` `siqta d šdiba ušahra abihdia `sqta d šdiba uamra man `ka d kd dilh damia d gabra d arsan `sqta d šdabia balman dilan kd hazin `sqta laiit `lai bkulh ginzan laiit uhaizak `ma amrala `tkalal minh alma d hadritun ugap amarla qum abid d abdia gubria unihadra lzahr`il mn gabra šapira d hu šapir mn kulan uamrala Tubak ldilak d hazin gabra `štka luatak dilak haizak qam azal luat hilbuna dukta d hun minh uamralh qum hilula nibudlh unihidrh hu gap puria maiik usikia gnana naqiš uh` lalmia kulhun mzamnalun uqarialun lmalakia ugabaria d hanath atra uatin luath bdahba ukaspa umargania uklilia ukasia d zahba matin luataihun uatin uamria nizal unihizah lhanath hatna d mn zahr`il hadar uldilia lbuša d šaraia malbišilia uksuiia d gaunia gaunia mkasilia uldilia uldila daliun uautbun `l puria d zahba ukilta nagdilia `l puria umdalilia umautbilia `l puria uamrilia hdia maran b`ntaian b`nta d `habnalak uhinun habSia hbiSa umaitin qudamai lagTia uamria maran `kul uštia hamra uana kd haizin mištaiin minai `lauaihun gahikna uamarna mahu d abdia bnia hšuka d laglilun ulaprišlun d ana `kilta lakilna umištia lašatina hinila kul d abdia aminTul galulia razaihun d hinun lamitrauribin `lan dilan amarnalun ha `klit uštit uhinun šibqun uazal `tiksun bgu arpilia

rurbata d hšuka ana mhanina lzahr`il uamarna b`uSrai minik dilik hu d mitgalalia razia d hšuka h` mitkalala minai uhaizak maTia `dana d mitia luatai h` qin luatai atia uqaima sagda d rba sigudta uamra mahu abadt bran umaran uana amarila mahu `bad uh` azla luata d brata uamrala miligTik uamrala lalgiTana uamrala h` qin `ma `dalma `la d gubria litlh uamrala brata d gubria `tlh uqamat mn qudama d brata uatia luatai dilia uamra mahu lalgaTta l`ntak uana amarna balman dilan alma ušaba šnia kd hadria `niš l`nth lalagiTla uamralia kul d Sabit `bad uhaizak ana mn raza rba mitaprašna uamarnalh halin šaba šnia d amarila lqin šauinin šubin alpia ruban šnia ušagšinin lliba utirata haškinin laina uma d amarila abad uhaizak šnia huainin `l šnia udaria `l daria uana amarila lqin mn mahu huaitun umn mahu `tqritun uh` amralia huin mn tana uniSubta d hšuka umn saka kulh d mia siauia uamarnalh qum hauian mn mahu `tigbiltun umhauialia haila ušrara d hšuka uraza kasia d mnaTarlun lhinun rurbia buria gabaria d hšuka umhauialia aina hda d lika d iada minaihun dilhun saka d hanath aina kma hauia lbar mn dilia d glilia uprišlia kma hauia aina hanata u`umqa d hanata aina ubgaua d hanata aina `ka naura d hazibh anpaiun uiadin mahu d baiin mabad uana mn aina ksaith ušmalth unTarth uh` bahša ulamaškalh uamra mahu `bad d šraran uhailan laith uamarnala lqin lmahu bahšit h` `stakar tirata umhašabata uminai lamamla uana šbaqta uatit luath d zahr`il uamralia lia huit marai uana mhanina uamarnala luat abahatik huit uamra šapir d luataiun azalt uana luat ruha azlit u`damila bgap ahu uamarila qum nizal luat abahatik uamralia lia aitinun uamarnala lhil balma hak d mn `lauan aith h` biuma hanath d gap azal luata biTnat uamarnala `zal `hizia lzahr`il ahatik d lgabra huat azlit luata d zahr`il hanata u`STararat dmuta binia dilia ldila huat kd dilia uana amarnalh lraza rba d minai škin `ul b`uSar liba d zahr`il Sauta hda šbuq luata uana labahata aitita umasginin anin umania d manai h` laiada d tlatma ušitin ruban alpia almia d nhura minai škinia h` ruha minai masgia uana amarila d bra bukra baTnit uruha hadia bmahu d amarila masginin uazlinin lalma hak `laia `uhra d napša usaka litlh uamra akSalia ldilia uamarnala ligal maTit ukd maTit lalma d zartai zartanai ahadta lbaba d gap ugapan ušanitinun lsukria uaqlidia taumiata šdibun uadkrit `lauaihun d hanatun babia šumia kasiia šum hanan`il uhan`il usmir halin šumia kasiia d hinun mania kasiia uana amarila asgai ruha umasginin balma hak d zartai zartanai šnia d lasaka huainin d mTinin alma dila h` amra mahu abdinin d lamTinin luat abahatan uana amarila hašta maTinin bqalil sagia asgainin usliqnin luat alma dila d aith d `lauia zartai zartanai kd npaqnin minh ahadtinun lbabia ušanitunun lkulhun sukria uaqlidia uadkrit `lauaihun d hinun babia šumia hurinia kasiia šum akšar uakšar uabad ukšar iauar ziua halin šumia kasiia d luatai aitinun uhaizak amrit brik hak gabra d mn hak atra asqan mn gaua d širiana d hšuka umn gauaihun d `umqia d hšuka uap lruha amarnala mahu d baiit uamra mahu d baiana minak abahatai `lia hinun uamarnala hašta maulinalik umahuinalik lia aitinun uhaizak ana amarnalh lraza rba d anat aurinin laina uTaršinin l`udna ušagšinin ltirata uma d amarilh abad ulašania gabra d minai škin hu šagšinin ltirata uaurinin laina uTaršinin l`udna huat kd d lahuat uana lalma dila šuria hanik hadrila d l`ka `niš d mSia hailh lmišaninun mn duktaihun h` bgu alma hanath rm`ia ubahša `l iarqunia mikal d bgauh d `ur qaima uhaizak ana ualmia udaria d minai maluin uamarnalun hdun ubsum u`tqaiam u`dnun labahatkun d abadnin u`stadrat hašta qum nisaq nizal luat abhatan unihzia mania iaqria unihzinun lmana udmuth ulniTupta rabtia d anin mina huainin masginin uazlinin udaršinin bqala dakia u`ruta udrašia usidria kasiia usahiq `uSraian bhaduta rabtia usaliq qalaian luataiun d hiia umana udmuth ukd mTainin alma d bit miSria ptahnun lbabia d nhura uqudam ab sliqnin uhu mana udmuth alanpaian napqin u`uniana ramilia uamrilia hainu atia hibil mana d npiš ziuh mn kulhun `utria uab bgauai mitkarak umana rba hu udmuth mhaninlia unašiqlia uamar brik matianak hibil mana dakia šar

ziua abad ukšar uab iardna mpara umana udmuth luat niTupta ailun uana d hzaith libai u`uSrai mitgaiia umitparpa uh` niTupta lkisia d napša aiiltan uhauitan d lahzilia h` Sbatan bšuba iardnia rurbia gauaiia d atutia kursia dila aitinun ul`ka d hazilun lhanatun iardnia urušumia dakiia d adkrat `lai uamra h` niTupta hdia u`tbasam brušumak dikiia ubniTupiata halin d `lauak `dikrit uana hadina qudama umištaTina usagidna uamralia puq luat abuk d bgu iardna qaiim unaTarlak uana nipqit mn luata d niTupta uluat ab asgit unihtit liardna hanath qadmaia d mana udmuth uhu ab Siban urušumia kasiia adkar `lai Siban btlatma ušitin alpia ruban iardnia rurbia d mia hiuaria Sbinun lkulhun `utria d minai hun uluatai škinia uasiq aqmunun `l kiph d iardna d mia hiia hu ab mšaiilia uamarlia mahu hzit br dmutaiun bhinun almia d huit bgauaihun uana amarilh uaprišth `lauaihun kd hzit hu libh sahiq u`uSrh mitgaiia bhaduta d amarilh ubTabuta hua hu amar man d mSia bhailh d raza rba d minak škin d hiia abahatak `hablak ana qudam ab sagidna uamarnalh anat ab brikit umšabit d haza `ruta `habtlia unihtit lhšuka usilqit lalmia d nhura luataikun atit ubSautaikun iatibna urazia d hzit mgalilnalkun `lauaihun umhauianalkun `l kulhun aminTul alma alma d mTit ahadtinun lbabia uaitith lšrarun ulhailaiun kd hauith lab manda d hiia mahik `lauaiun uamar mahu damia halin d shiT bgauaihun hšuka uana amrilh kd halin lika balmia d hšuka umia siauia uana `qum `zil luat ruha d šbaqta balma dila u`niš lika d ništaiia mina uakSala lruha bmindim d abadila ahdrila šuba šuria šur parzla bgu alma d lika d mSia bhailaiun d nišaninin mn duktaihun kd haza amarilh lab amar asgia `zil bqalil sagia u`bid mahu d baiit kd haza masgina uazilna maTit bit miSria d hšuka ligrai ahtit `l miSria u`l šuria d hšuka hSab mn qudamai alpa d parsia `u hua kulh hailai d minai akuat zibna qadmaia d hua minai kulh alma lašar qudamai ana `stkit uhzaita lruha d iatba uamra man šibian bšibia uatian lhazin alma d abahatai laiadana lia aitinun uana šmata umahikna `laua uamarna mahu amra ruha u`damila bgap zuaua d hu ahu uamarila mahu iatbit ruha uh` atia ubgauai mitkarka ualanpai bakia uamra mahu šbaqtan uazalt d halin šnia huit uamarnala ana luat ab u`m huit šlama qabil minaihun uamra Tubak d hzilak ab u`m uamarnala hzilh uamra lmahu damin uamarnala iatbia brpilia ubkisia d mn napšaihun `štauun uamra qum nizal nihzinun uamarnala ana abahatai apqun uamria hzia lhaka atit qum lalma d napšak `zil uh` laiTalun uamra nura tikilinun d minak naSin `la lazlana ulahazianalun kd haza amrat ana mahikna `la uh` bnapša ubliba raza hurina haiša ubahša uamra `qum `zal luat abahatai u`iul uhzinun uana bliba iadana d ruha mahu d mhašba ulamarila ušbaqta usilqit u`zlit luat abahatai d hiia šihlun huit alpa d šnia d šnia luataiun uqamit qudamaihun hinun kisiun uqaimun bhilbunaihun bSauta d napšaihun alpa d šnia uana amarnalhun ha maTia zibna d baiana masguiia lalma hak d anatun iaditun uamria hiia abahatai qum `zil bran bukra d msadarlun lkulhun almia kd nipqit uazlit tum aškata lruha d bakia uh` `lai laiada man ana mistkina uhazina uamra `qum `bhuš u`da lia aitinun lbabia d hšuka d `iul luat abahatai qamat `zlat ualat bmia siauia ubihšat baba lamaška d luat abahata ti`iul uqamat atat uitbat uamra l`mat iuma nihuia d `dul bra Sauta nihuilia uana ulh `tib uhu nihuia ab uhu nihuia `m uhu nihuia Sautai uzauai uahai usumkanai d samiklia kd hu hauia iadalun uparišlun lbabia uiada abahatai lia aitinun uazlinin umsakinin `lauaihun kd haizin `mrat ana aluata huit ulaiada uana amarna `it iuma d anat ruha tidul unihuia brik `ur gabara d hšuka mn iuma d haza amrat ruha ualma liuma d `damila bgap ahu naida uamra mahu d `bad mn gabra d apqan ušibian mn abahatai uapqan mn atrai d minh huit kd haza amrat ruha ana amarila ha kma šnia hauia d bgauh d `ur baTnit amra ha trin alpia šnia uana amarila `ka aka `lik dilik uamra kma šnia hauia d ana `bTun uamarnala šubin alpia ruban šnia uhadisar iumia baiit midirh bmarbik utidlh l`ur gabara qarabtana rba kd haziatlh kd mitlid ldilia labaiit mihizian kd haza amarila h` bliba hadia uamra ha kma `dra usbul bkarsai uana amarila kd ana luatik laitan šnia

bqlil napqan uamra qum azil turSa amrit kd luatai laitak libai dilia mistmik uldilak labaianak kd haza amrat ana lqudam abahatai silqit hu ab bgauai mitkarak ulbušia alanpai sahiq umana hu udmuth luataiun tirSun uamria mahu abadt bra rhima d Sauth šania udmuth nahra u`ruth šania d anin ldilh qrainh udmuth `lan triSa hu samik `uSra umadita dilan kd abahatai ldilia haizin amrilia ana sagidna umištaTina qudamaihun b`ruta usibruta utušbihta kd d hinun alpun hinun algiTun mn riš briš Sauta dilia udilun udilun dilia uamria bhaiak hibil iauar ašganda `štaiilan kd d abadt balma hak d huat bgauh d anin `nšainak ukul iuma `dkarnak Sarna ldmutak Sautak uparSupak qudamak uabuk kul iuma masiqta qarilak uamar d nisqun unitun hibil ušitil uanuš ahia tlata d hinun bnai urahmai uana bnihuta minaihun mištaiina uamarnalun lhiia ulmana udmuth man d hailh kabir Sauta dilkun šanai ukabira uhaila d anatun `habtulia uadiauria d anatun nSabtulia mn mahu dahilna ukisia d anatun ksaitunan ana lahaiiqna minaihun u`Srai hauqa laiil `lh bruhSana dilkun alma liuma d maTit uiatbit u`štaiit minaihun kd hda minaihun ukulhun maran umalkan qrun urazaihun d kulhun lagiTtinun aititinun minaihun uprudqa `hablia `l hahu d anin hašabta d minh atalan d kd d hauia marguš minak abid anatun b`ruta umadita ugaliuta d gl`ia b`uSraikun qritulia uamartulia uaprištun unSabtun lhanath hšuka ušadartun ldilia mn qudam d tihuia `mh uabuia d `ur umn qudam d abahatun nihun ahadtinun lkulhun babia ušanitinun lkulhun sukria d luat hdadia lazlia had lalma d habrh lamasgia ubaba lamiptalun hinun hiia abahatai amrilia ia hibil iauar ašganda kasia d `dh d abuia `lh `tasimat uanin šauinh kd dilan `u haza labadnin uanat lasadarta lahua mSinin bhailaiun d `ur u`mh kd haizin amarlia ana amarnalun `qum `zal luat ruha d maTia d tidlh l`ud amria qum `zil utaqin akuat hak d taqint uasgit uatit uaškata lruha d šahra udauia ušahriria miTiat umaTia uatia iuma d tidlh l`ur bra uqaima ukinnia kaina utlatma ušitin kinnia kaina uamra d kin`nia `kun d hauia iuma d iadlana mn kinta lkinta mšanianh kd kinnia kaina ana amarila abid mihuia d iahrik maTia h` minai lamištaia uana amarnala `bidatik lau mindam hinun ušbaqth u`tit l`uhrai sarit ubit miSria iatbit amarna hašta hauia hašabta rabtia d iušamin `tiqria uhua ubnia qra uana šidqa niTrit ulamalalit uhaizak ruha hlaSala ubat d tidul bgauh d `ur marh d hšuka kd iadlat bgauh ana hzaith udamia kd gimra zuTa hzaith lalip šnia šqalth ruha lbra uaškith mn kinta qadmaita kul kinta kinta alpa d šnia hua umn kinta lkinta mšanilh haizak alma d maTia `ur lkinta batraita mn malbuša d karsa d `mh lanpaq kd npaq mn malbuša d karsa d `mh npal bmia siauia urmia urapiš uamarna hašta `ur hua u`mh hzath unapša hua zuTa undid banpa ubgauh laiada d hauia umitgabar mn gabaria rurbia abahath ana hzaith ušbaqth usilqit lšuria hanik d parzla qamit `lauaihun u`mrit b`rutai utušbihtai d hiia abahatai `hablia uraza rba d minai škin qrit šuba šuria d dahba uahdarth lhanath alma kulh ušura šura `dikrit `lauaihun šumia kasiia ušumhata kasiata šum hamam`il uhatm`il unaTr`il uzarzi`il upašr`il uhalS`il d lika d mSia bhailh nišaninun mn duktaiun kd abdit usadartinun lhanatun šuria atit uaškath d rmia urapiš bmia siauia kd tulita mšath hauia zirta hda `urkh uzirta hda putia uamarna hašta `saq `zal `tib bit miSria alma d rabia uhauia kd d `mar `lh kd hua `mh asqalh gabara rba haila d hšuka kd d hua unpuš u`tgabar urba rbita rabtia ana amarna mahu iatibna `qum u`da upruš u`hut u`qria u`msia arqa d nhaša d hauia tmanima utmanan alpia parsia sumka tutia halin mia siauia d `ur mistmik `lh kd haza nipqat mn pumai dilia iauar hibil huat mn napša u`taqnat usilqat uatit `lauaihun d mia siauia uhzaith d napša rba uamarna d `iadilh `dai `l gambh d nitkarkas hailh ulanirbia tum `u rabia alma kulh paqa mn hailh mn rbita d rabia haizak ziua unhura šibqit u`da adilh `l gambh uamaš bmia siauia alip ruban parsia ualma d azal usmak `l arqa d nhaša mn kudrh unaskh pqa piqa barqa d nhaša d hauia trisar alpia parsia `urkh uputia u`tigna guha bkulhun almia d hšuka uamria abahata hašta napla arqa d nhaša ukabšalan batraian hu `ur `Tašia bhanath

piqa mn hauqa d haq umn ziuihta d zha uana niTrit alma d nagib mn piqa umia siauia uziuai ksaith mn ainh uhu l`mh amarla mahu d abadtlia d bit mirbia tum aditlia `dik kd laiadana haqit uqamat `mh u`malh babahath d lahua iuma d ana adilak `da `l gambak hu `mrar bmrirth bišta uba d nahim unikla l`mh d napšia uamarla abahatik lia hauin uamralh qum n`zal luataiun haizak amralh qum `hauiak taga urmia brišak umalka tihuia d mn iuma d huit šauilak uamarla hauiin d `hizia uamralh ata `hauiak d ksia luat šuria rma ainh `l tagh unisbh ltaga urimih briših uh` ruha amralh hdibh btagak d šrara dilak hazin taga hu uamarla l`mh `m latimitai muta biša d ana mn rišai lašaqlanalh umizdahranaba uamarla qum hauiin baba d luat abahatan nizal uamralh mn qudam d anat tihuia ana napšai bihšit balma ubaba laškit uhaizak ba d nikla l`mh alma mn qudamh rihTat uqihdat uamra uai uai mn bra d `mh mašiT hu nahim uhadar balma ubaba lamaška d n`iul l`mh qarila uamarla ladahlit atai hauiin uamralh anat lamhaimnit b`umamata dilia uamarla miaka alma d baba litlh m`iaka d abahath baba banph ahrilh usakrilh umiaka baba d napiq bgauh laiadala umiaka d abahata minaiun pasqilh uamrilh ana tum haza h` šahrana umitaprišana `l kulhun uhaizak amarla lika mindam d abdinin haizak amralh iadana haršia ramia utaqipia d kd qariana arqa pašra uamarla qrai haršik ualpin minaihun uh` amralh kd qariana anat ialpit uamarla qrai uamralh qum nizal lhanik šuria d hua tagak luataiun hu masgia uazil mina uazal umTun uamrat alip alip d lasaka uruban ruban d laminiana ušuria lapšar uhu amarla l`mh lau amart d haršia napšia utaqipia iadana uamralh kd laiadana mahu d `lai huat hu amarla qum kd d iadit abid uqamat mn haršia uraza qrat daiuia qaraptania kd bainh hzinun `da `la d `mh haršia napšia utaqipia ugabaria iada hu amarla d halin daiuia nihuilia adiaurh ul`mh mhaninla uamarla kd halin `bidata `dit alma laqrit Sauta lnapšik h` amralh br ana amrit d lbar mn dilak labaiana kd haza amralh hu mhaninla unašiqa uana iauar kd aitita mn atra la`dit d halin `bidata hua iada kd haza `bdat ana la`tahzilun ulapiršun hin`la qudamaihun qaiimna umn ainaihun ksina uhazianalhun mahu d abdia h` amralh lbra qum `hauiak naura hda d ldilia `tlia uamarla hauiin uamralh ha hzia malkai ugabarai hauith uanph hza bgauh d hanath naura uhzinun lalmia d hšuka uhzinun lalmia d nhura kd haizin hza `tgabar u`tqis ulapšiT uqumth gaba ul`mh d nimarla alma liumai alma la`habtlia hzit anpai bgauh uamrilh ia br hazin naura utaga mn d ana silqit ugabarai asqan lhazin atra tagak unaurak uhazin gimra hda `lai hun d amrana kd hauit dilak nihun uamralh mahu d hzit br hu amarla hzitinun lalmia d abahatai `niš `niš hzaith balmh d napšia uhzaitinun lalmia d nhura uana amarna mahu `bad d abahatai hzaitinun unhura d lau dilan baiina hzit h` amralh hauian naura d `hizia bgauh u`habla hzat bgauh akuat d hza bra uamarla hašta mahu nibad uqamat uargizth uamralh hašta ana laiadana uh` liba npal mn samkh upiršat `l kulhun uamralh bar `l atrak u`l abahatak d napšak ainak rmia bgauaihun ualmia hanik d nhura anat `lauaihun latitkadaš kd haizin amralh ligTa bmanzia uqudamh qarba ukibša uh` qihdat tlatma ušitin qihdata bihda qadihta uamralh uai uai br kul d abdit abid uamarla ana lnhura mitkadašna lau `l hšuka kd haza amar hu `ur bmia siauia qdabun umia siauia `tkarak bihda krikta qudamh ualma d Trun bšuria umiSria d binia hšuka lnhura uTrap `lauaihun d šuria urma qala uqda bqadihth alma d nad šuria kulhun uhaizak ldilia iauar hiia amrilia hašta mahu iatbit iauar hibil šganda qum `zil `l `ur marh d hšuka rbutana uana iauar lašanit mn malalun d abahatai uasgit uatit `l `ur ana u`utria d minai uadiaurai d `nSablia abahatai hu `ur marh d hšuka kd hizian uhizia ldmutai `qbar bmia siauia uana nsabth ltagh mn riših ubšuba lbušia ahitth ul`uhrai sarit uhu `ur mn mia siauia ngib uamarla l`mh hazin mahu hua d asgia `lai uamralh hazin d `lauak asgia lmikibšak hu d asgia amarla l`mh maka d bdilia mSia lmikibšan uhaizak `mh amralh `u hua mS`iit bhazin gabra d hailh ziua tagh `l mahu lamS`iit mišiqlh minh kd haizin amralh `mh `dh `l rišia šadia uamar uai uai `lai u`tigbib ula`pšiT uamarla l`mh ligTan d humarta

d halSai `tibrat kd haizin l`mh amarla `mh bakia unahma `lh haizak `npiS uqam mn kursia uamarla kul d hauia `lai tihuia uqam uata bhimta urugza hu ualip rubin daiuia d minh ukd haziun mit udak uhinun hun kd zan d lahun uqam bhimta ul`uhrh sar bmia siauia al hu qra daiuia d saka litlun uqra daiua hda d rab kd dilh utum ata alanpai dilia kd hiziun daiuia mit hinun ukulhun d minh ul`uhurh ulaqam hazia uamar mahu `bid uamralh `mh lamS`iit bhailh d hazin nhura uamarla lamSina d hailai npiš uamralh `u mS`iit qum nizal lšuria uandinun mn duktaiun uamarla l`mh qum nizal uazal kd ba d nišania lšuria la`štanilh unapših bihtat mn `mh uamralh lika d iada bhailaiun d halin šuria mSia d nišaninun mn duktaiun d ana šnia napšata riTna riTnit d haršia ušuria lapšar hu l`mh amarla mahu `bid uamralh `tlak marganita hda utruS brišak d hailak napuš kd aitita lmarganita utraSalh brišia hu bmia siauia qdabun u`tikrik mia mn qudamh rhiT tum amar `saq lnhura ulaina rabtia d mia uana iauar blbuša hak `tahzilh u`STar unpal qudamai unsabta lmarganita hak d `mh `habalh d hu šahibra `sqta šbaqta u`zlit luat abahatai d minai škinia uamarla l`mh uai uai `m ha `štqil hailaian ušraran minan h` amralh br lamS`iit bhailh d hazin gabra h` amralh qum lmia siauia n`iul unihizia lgimra d bnapšai aka d npal bmia urahtia mia siauia hazinin mahu d baiinin lmibad h` `mh lmia siauia al uana iauar ziua abatraiun alit h` ruha apiqth lhanath gimra mn napša unpal bmia siauia umia siauia rahtia umitapkia alma d `tahzia hanath piqa d mn kudrh d `ur pqa hu amarla l`mh `m hzai piqa hazin d pqa d niplit kd `da aditlia h` hzath lhanath piqa ušahra bgauh uana iauar auarta ušagišta lruha unsabth mn qudama lhanath gimra ubahša `lh ulamaškalh umalia `da `l riša Tarpa uamra uai uai d haršan upudran audin u`mran ušiman `štqil h` bakia uhu bakia uarqa bšihh aqar umn mia siauia saliq uamarla l`mh `qum qraba `bad uhaizak bzibna batraia qra uarim bqalia u`štagar bšihia ubmia siauia npal `l šuria u`Tarap u`zdamam šuria akuat Taštga u`utria mn qalh banania `tib umara d rabuta bkisia d napšia `tib uana iauar ziua ašganda ana rab ašgandia kulhun amrit bhailh d raza rba d minai škin ubhailaiun d hiia abahatai ptahta lbaba unsabta lmargna rama uhauith uainh bdimita `STarar u`l napšia bka urgalth urmaith lqudamai dilia iauar br iauar uaitit maspuTita d kadra mn kulhun almia dilia ukadra `l had ruban kd dilia urmibh b`ur rab kulh haila d hšuka ukarkistinun lgirmia uqda uamar uai uai marai u`ma qahda ubakia `l `ur bra uamarnala ia ruha `zil `tib hiia brugza šadrun `lh unaTria arba paqdit `lh u`l anph shapth uarba `pia apth uarba rišauata šauitinun hda lmarba hda lmadna hda lgirbia hda ltimia bmarba paqdit `lh azaz`il uazaziaiil utaqp`il umargazril rba d hu ragiz `lauaihun d habrh umizdahribh bmadna paqdit `lh arba hurinia `urp`il umarp`il utaqp`il uhanan`il d hu hanin ugazim `lauahun bgirbia paqdit `lh kanpan ukapan ugubran uguban d hu gabir hliS `lauaihun umizdahribh btimia paqdit `lh arba hurinia hail`il d hailh npiš uqarb`il unuriaiil d nura šabiq `lh u`lauaihun d malakia habrh umizdahribh kd paqdit ušauilh l`ur d lamSia mibad mindam u`taprišit `l alma hazin d mia siauia d baiia mihuia lmišqith d `ur alma d abatur mitinSib ana lbit hiia silqit uamarnalun labahatai hdun u`tbasam d `ur `tikbiš u`tkabaš hinun nišqun bpumaihun dakia uhananun unišqun ugalilulia uamrilia hibil mana dakia iušamin tlata bnia qra had minaihun naTar qina d abahath had luat abuia daiar had hu abatur lalma haka azil d anat bgauh huit uanph bmia hza udmuth ubra mn mia siauia miSTarlh kd haizin amar hiia abahatai qam hu abatur upihth lbaba uadiq bmia siauia ubar bšita `STararat dmuth bmia siauia uptahil `STarar usliq lbit miSria hu abatur madh praš `l ptahil uamarlh abatur lptahil brh ata ata ptahil anat hu d hzit bmia siauia kd hizia bdmuta d napšia d hua lbiš šuba lbušia d zan zan ugaunia gaunia ašlinun unsabinun minh umn ziuh albiših umn nhurh kasih ulalmia d nhura lasaliq d hua haiiq mn abahath `l miSria autbia uamarlh abatur tib ptahil `l atra hazin d hiia nibun `lak unipiršuk kd haza amar abatur ana

iauar hibil mn abatur mištaiina uamarnalh hdia bbra d qrit hu nihuilak Sauta uadiaura nihuilak kd haza amarilh qam qudamai usgidlia umidnalia l` hibil `utra uamar abatur ha bhailak hua ptahil bra u`thib uamarlh hzia mahu d baiit mn alma hazin d hašabta haza huat hzia mpaqdatlia lptahil d bsakluta abid mindam d laiada hu ma d amarilh lašma uluat abahatai silqit uhu abatur paqdh uamarlh qum ptahil br msia msuta bmia siauia uqam msa ula`tmisiat uqam bhašabta uamarlh labuia ab mn šuba lbušia nisbit hanik d `tniSbit bgauaihun uqamit bgu mia ula`tmisiat arqa uamarlia abuia ia sakla hzia mšauiatlia kd dilak anat sab mn šuba lbušia d ziua unhura u`qara d ana albištak urmia bmia siauia d hašta msuta hauia kd haza šuma mn abatur abuia qam nsib mn hanatun šuba lbušia d ziua unhura u`qara urma `l mia siauia `tmisiat arqa msuta hda trisar alpia parsia ukulh alma qam mia siauia hdar hudrana d alma haizak ana qala rmitibh bptahil haq mn qalai u`tazha mn mimrai u`štaTia `l msuta d msa uamar uai `lai d hazin hibil hu rma qala bdilia uana kd hzaith d haizin haq bmaTuta huit `lh uhaninth uamarilh abid utaqin uasiq `bidatak qudam abuk uqudam hiia d minak rahiqia ušuria ahdirlh lhaza msuta d `u hazialh lbušai hak gaia rahTa umištikna bmia siauia u`laihun lahauia kd haza amarilh hdarilh šuba šuria lmsuta d msa uhaizak `thašab uruha nikla naklabh uamralh mn mahu `tqrit umn mahu huit ptahil d haizin dmutak šapira hu amarla lruha mn hazin alma `tqrit huit u`štauit kd haza šimat ruha mn ptahil mihaial liba uamralh minai anat uqamat ruha uqudamh d bra aila uamralh mahu gn`iit gabarai umahu škibit qum luatai škub nihuilia kd dilak uniširiak mn `surak kd haza šuma mn `mh `tnahaz ula`tnahazlh h` hazialh u`lauh bakia aminTul d Tuna `lh kadir h` napša šauiat kd kiputa uluath šikbat ubiTnat minh uiadlat šuba bnia hazialun uminaihun raiqa uamra d bit ulahzit hašta mahu `bad uamra tum `zal luath `škub tum `zlat luath šikbat hualh trsir bnia bkarsa hurintin hazalun u`lauaihun bakia uamralun mahu damitun bnai d litbaikun haila uladamitun akuat abukun hašta bnapšai iadana d ruhSana balma hazin litlia kd haza šuma mina d `maihun `mrar hinun `da d hdadia lagTia u`tibiun bkanpa d rpilia d mn napšaiun `štaian h` amralun lia azlitun hašta atia gabra d labukun `sria uligTia had had minaihun bakia `l napših uamria uai lmahu huainin uana iauar hibil mana dakia luataihun qaiimna ubit mišauinun kd d lahun uana `taprišit uamrit mahu `bidlun lhalin maštuSia d ladamia lhanik gabaria d hzit balmia titaiia hin`la `šbiqinun d amardita d alma hazin niqdun usigia d alma hazin hinun nasgun kd haizin amrit hiia mitar tar ulahsar uqrilun uamarilun ulibaiun npal mn samkia uruha `lauaiun bakia uamalun hazin gabra d qralkun gaTlh d abukun hu had had minaihun arqa bšiha aqar ptahil uai amar d msuta d msit `tiqrat minai mahu `bid uana amarilh lptahil latidhul hašta abadnalun lhalin d hazin abdia haizak ana qrilun uamarilun latidihlun ana lagTinalkun umašrinalkun d haizin d amarilun mindam labad uamarilun `bidatkun mahu uamria maran kul d baiit `bid `la bmahu tihuia `lan gabra nukraia uana lšamiš bšumh qrilh ulsin ulkiuan ulbil udlibat ul`nbu unirig lhad had minahun `habilh uamarnalun `tilkun markabata u`tibiun u`ialbišinkun lbuša d šanai uziua `tilkun d minhiritun bhazin alma kulhun ligTuia lšamiš ahuhun qašiša uamrilh anat tihuia malkan udlibat tihuia malakta balma uanin kulan nihuia atutaikun ana kd haza šimit minaihun aitilun plugta uqraitilia lsar usaruan uamarnalun nTir plugta hulh adiaura lšamiš riš planga qašiša ahia umn ma d amarilun lašanun `utria trin uautibtinun bgauh d markibta uanhruia lalma tlatma ušitin alpia `šnia bhurba uhaizak `thašbit ana iauar amarna `bad adam qralun lšibiahia uamarnalun šaun dmuta d pagria ušaun kd d amarilun uana aitita lnišimta mn ginzaihun d hiia rurbia d hua d ks`ia bit niTupta d rbat btana urmitibh bgauh d pagra d adam uabadilh haua zauh d nihuia un`tiaiar unitqaiam alma hazin uana `huia tangara d nišmata d haka mitiadla ulhil mitqiriia `utria usalqia hazilh laiar baraia ulatra d minh `tinSib ualma d šalim k`la d lma hazin usalqia

hazilh labuhun qadmaia hiia lagTia Tabuta d manda d hiia udhibil brh d hu msadarlun sidraihun lhiia rurbia `qara hiia liadin hiia lsabran hiia lgubria masbiranan uqaiamin hiia bškinatun uhiia zakin lkulhun `ubadia uzka uzakia iauar ziua uadiauria utarmidia sa hazin sidra d supat hu sa bšumaihun d hiia rbia qadmaiia dna ziua unhur hiia u`tiglia manda d hiia lbahtinun lkulhun almia uqarqla lkula alahuta d baita upalginun lkulhun marauath d alma hazin hiziuia lziuh unhurh d manda d hiia d `tlabašbh bhiria zidqa karsauata d alahun `tirkin latutaihun usidraihun hua lmipak `l anpaihun uqam bbahtuta ukulhun almia d hiziuia `stahap `l anpaihun npal ulapahtia ainaihun ulamaškin d nahzun ata udmuta d hiia rbia bhiria zidqa d hiziuia `triS u`tmlun bhiia uhiia `l `uSraihun `triS unpal tihua `l marh d baita uamarilh lalahun anat dmu dilan uanin dmutak dilak hin `tbak haila ašnia dmutak uanin nizal unatauzap `l nhura d hiia uamarlun ana dmutai h` ulalam almia lašania uamria uai `lan d `ubadia `dan hun bzakaiia uanin hauinin bhaiabia alma bakitun amamia udaria libaikun `l mindam d lau dilkun hu umitipka uapka malkutkun utuqpa d giutaikun npal `lauaikun umitmirdia `l alahun ulaTuTia mlaTiTilh uamrilh liTit alaha uruha d `l ruha šria asgia hailahun d bškinatun bhit šiqra ukadba hua btiria hiklaihun dna hšuka b`ubadia `daihun habara Sadia brqihaihun `tirsin alahaihun bbahtuta l`uhraihun unpiš qlalun `tib `l zipa hukumta uabdin hadšia uramin `l anpa d arqa nhit alaha mn mruma unsib dmuta d malakia umalakia `tlabaš bsahria ukul ium kul iuma apkia libaihun d bnia anaša ušaria `l Sauar kumria zabia uadidia mikal mn bisraihun lsiba umištia mn zmaiun lriuia malil bhukmta uzipa umšanin `dania `tiglun hiia ltibil dna ziua unhur hiia iama d hiziuia apak uiardna `hdar l`uhrh Turia raqdia kd ailia uailata bdbar mšahTa `ulaihun uaramata mamlla kd bnat anania b`qara Turia pahtia pumaihun uiahbia tušbihta uarzia blilban mitabria arqa d hzatan zahat u`tazihat umlik iama d hizian apak iama lman hzit uapakt uiardna lman hzit u`hdart l`uhrak Turia lman hzaitun uraqditun kd ailia uailata bdbar lman mšahTitin `ulaikin uaramata kd bnat anania lman mamlilitun b`qara Turia lman pahtitun pumaikun btušbihta arzia blilban lman `tbartun arqa lman hzat u`tazihat mlik iama lman hzit uapakt uangauia iama lman `štagaštun unsisia iama lman `tahzaitun mn qudam ziua unhura d manda d hiia uziua utuqna d albištinun lbhiria zidqa špak hiia `l mia uangauia iama pta pumaihun u`hab tušbihta lhiia rurbia nukraiia uamria šumaikun hiia ladkarnin udahaltaikun dilkun la`danin hazin hu nhura d hiia d `tiglia ušabuia bhiria zidqa uamarlhun manda d hiia `tit lmiškan luataikun uiaqminkun bnhura d hiia uaprištinkun mn amamia udaria u`iaqminkun brahmut kušTa utihun kšiTia qudamai bnhura d hiia utab hiia lanihuia lmarh d baita `štagaš ugarglia markabatun npuš qala bmruma kd qal himun gabra almia npuš qala bmruma `il šidai bgabaruath arqa `qar bit zida u`bidath braba bit gabra mirma rmia tuqpaihun ada minaihun šulTanun aTar malkutun mn rišaihun `tib `l karsauatun ubtihma uamria `uai uai d npal tihma bkulhun almia uqrib `danun umaTia lmišlam lkimSat almia nihuia hiia rbia bmruma utiria šibiahia nišiplun l`umqia d arqa udaria d hdirlh l`šiul titaita ada šulTanun mn mruma `dgar mhašabatun bišata brišaihun qal hiia mn piria uqal zadiqia mn nhura qalaihun d bhiria zidqa mn škinata titaiata d bšuma d hiia mšabin uamria anin muta `danin btibil mn iuma d hiia rhimnin umuta snainin `lauaikun dilkun hiia `tirhiSnin u`l šumaikun hiia btibil `tradapnin dhul ušaba bhiria zidqa lhiia uhiia `lauaikun škinia uanatun bhiria zidqa nihuia `triSitun b`triSuta qum qudamai nhar uanhar nhurai dilia `lauaikun nidna k`in nihun bhiria zidqa anpaihun nahrin umanhirin mn bnia d sam pira hiuara unahra dmutaihun d bhiria zidqa kd hiia d laiit `urbana bgauaihun ia d hakimia bnapšaihun qudam anpaihun qaima askia luatan ia d amria lhiia anin hiia luataikun hinun uhiia luataiun laiit ulibaihun šbaq gzar hTap ia d apkia halia

mn marira umarira `l halia ia d `l Taba amria biša hu ulbiš mšauilh Taba ia d apkia hšuka lnhura unhura lhšuka ia d mqadmin šatin hamra hadta bramšia šatin hatiqia umištbin bzmara ukinara uambuba ia d madin mišania Tabia umarhin rihania basimia umpanqa napšaihun bgauta ubšuma d hiia rbia umanda d hiia d hua luataiun lashid ulaSat ulašamun udhiia lbalun latraS špur bgiutaihun npalun uapak anpaihun liama rba d sup sgid ušaba bhiria zidqa d šanai d hazia ainaihun nukraiia mn almia d nhura d Silmia uSaurata litlia liad mabrin `bidata d zipa lanpal ušumh udmth lbnat anašia ladkar haza hu nhura d hiia d rmia qam tuqpaihun agar malalun bpumaihun d bnat anašia ia bišia d bdur ligia mamlilia hazin hu ziua atiqa unhura mn laqadmia hua nhar uanhar banhurh mn almia d zakauata ldmuth uluath ulSauth ulqalh ul`ruth ulgabaruath d manda d hiia `tahzia bkulhun almia ukulhun alahia `štarhizia `l hdadia miTipia uamria kma nišauibh lmanda d hiia d npaš ziuh mn šabuhia uiatir nhurh mn raurubh u`tqaiam nhurh qarmaia uiaiin uzakia pugdamia d kušTa ušakin ziuh brahmh ulmanda d hiia d hauilkun ruhSana kd raia Taba d raialun ukalia umrahiq minaikun ukul ruh siTia kd raia Taba `l aqnia d ldibnaihun dabarlun umautiblkun unaSablkun lqudamia hdun ušaba bhiria zidqa anha libaikun umakik `uSraikun hun siTar mn bišia ia kušTa ukšiTa napšaihun qala hua bkul arqa d rab ziuh d kulh mdina umanda d hiia `tiglia biahud ugupna `tahzia b`urašlam d qudamh aulh laiit `iut malkuta lahuat brišia lahuabh dmuta balahuta hiia hinun d hun mn laqadamia kušTa d hua mn qudam briša pta `uSraikun ušaba bkušTa d alma šinta tirihmun mn kšilia titakšilun akuat kšilia qadmaiia d `takšal ulapšaT `daihun lqudamai d kušTa Tubaikun bhiria zidqa d mitgadalkun qarnaikun brišaikun šaniia hanatun zakuatkun mn almia uanpaikun nahria bhaduta ia labšia murTia umurTaTia umiradpia ušibqia btibil `lkun dilkun malbišnalkun ziua ularadupaikun malbašnalun qulalia ubahtuta anin lhiia `tarhiSnin ulhiia hualan ruhSana ukušTa hualan biluatan u`trauribin brabut mandak uqam hiia lrahmaikun ubrahmuta d kušTa uzidqa kd širiana rba d arqa d aiar albištinkun ukasitinkun bhiria zirqa brahmuta d rhimtun lmanda d hiia triS brišaikun zakuata qum asgun ušumai btibil utušbihtai bkulhun almia haizak hu nhura d hiia d `tiglia minh agria uzidqia kin nišmatkun bhiria zidqa ubanhura d hiia uninihrun trin trin bSiuat hdadia d napšaihun nihuia šumaikun nihuia šanai ziuaikun mn ziuia unihuia šanai nhuraikun mn nhuria `niš `niš kd zan `ubadia uagra ušumai bpumaikun nihuia bruk ušaba lmizlaikun u`l mitiaikun ulmitbaikun ulmiklaikun ulmištiaikun ulmišlaikun ulmišikbaikun uhlarsaikun šum hiia d dakritun lšabuhia uliaquria lrarubia lbarukia lqaiumia tum asgun šumai btibil utušbihtai bkulhun `ubadia hua qal bkul arqa rab ziua bkul mdinta u`tiglia manda d hiia lkulhun bnat anaša umparqilun mn hšuka lnhura umn habara lnhur hiia puq minh mn dbar Sadia uaTar uadun napšaikun mn zipa hrara d hazin alma latihiTpun bhaubaikun bišia umn hiia latitakšilun akuat kšilia qadmaiia d `takšal ulapšiT `daihun lqudamaihun qum rurbia bhiria zidqa aTar uadun napšaikun mn dibia haTipia umn ariauata mhambilania makšilania d minaikun dilkun mitakšilia ia d azlia bšuqia tibil ukipa ugahna qumtaiun ulibaiun šbaq agzar hTip latirbun bbnia aula d `daihun bzma mlauša ukul ium ukul iuma iatbia lkarsauata d mirda ulšuma d hiia mradpia tinpa `šata mn anpaihun utišralhun lbit kadpaihun utibidlhun kd zan rbutun bmhita d napšaihun nitimhun umhitai dilia latihuia `lauaihun uhiia zakin uzakia manda d hiia uadiauria sa hazin qarqalta d kula alahuta d baita h` sa . bšumaihun d hiia rbia . kilai balma šilman uhušbanai bdaria `tbadar nipqit mn alma d hšuka umn mariba d muta `zlit umaTit maTarta d kalbia šihania umšagrania d maura ainaihun ulahazin umTaršia `udnaihun ulašamin ušum hiia adkirilun lšum hiia laqam šum

muta adkirilun `l šum muta laqam bhanath maTarta haqit zahit u`tazihit unadalia kula qumtai balbušai qarilh gabra mn duk Tiph d alma uamar ia gabra d lhiia qaria niniuk ulhiia bnpiš nihuilak ruhSana akuat damit lgabra d qaiim bma usrin šnia gabra d huTra ukarkušta b`dh lgiT uabatar hiuaniata azil mn šilia nilgiTunh uzihua nalbišunh uzihua nikasunh utaga nisrulh ulsusia nautibunh umalka bmdiniata nišaunh uakuat damit lgabra d qaiim bma ušitin parsia bdišta bit Sihiun l`huia umia nihuia briha d hiia narha utihuia nišimta kd zan `niš Tabia bgiuth adith lhanath maTarta amarna hauqa udahalta uziuihta qudamai laiit u`zlit umaTit maTarta hurintia d ptula pt abuia d šitin ušaba bnata qudama iatbia d hadiaiin mgalalin lqalala usiTraiin primlin lšiTuata nasbia libaihun d alahia utihaiun d bnia anašia uamarilh ia gabra ahbalan šumak urušumak d nsabt mn gilia mia umn `uSria d ziua umn maSbuta rabtia d nhura šumai urušumai adkirilh haq zha u`tazhat uqam qudamai uamarlia iagabra bdirkak `niš lanitia upasihiatak `niš lanisgia uamarnalun bdirkai nitun bhirai upasihiatai nitun mhaimnai lika ruha nitiblak šabunia bainak unihšuklik ainik brišik unisqun anašia naSuraiia nihzuna latra rba d nhura uldaura taqna uadith lhanath maTarta tum amarna hauqa udahalta uziuihta quramai laiit `zlit umaTit maTarta hurintia zan haza zban zriz hliS mlik rugza utaqipa uhbala mšaiilna uamarna haza maTarta d man h` ulman naTra uman mabaTba šailit uamrilh mabaTba bhaza maTarta halin d ašdia dma umhamblia Silmia d akuatun mšaiilna uamarna hanik nišmata lmahu damia b`ubadia sainia d abdia balma šailit uamrilia hanik nišmata damia lmania d pahara d `kuma nasib ulmania d nhaša d Tupša ušuta masiq ramilun bmana sada hlaSa umSara kabšin `lauaiun kadšilun ulahalin umnangirilun ulamitapkia šailia hanik nišmata lmuta tiniana latia lruhaiin amrilh zan haza zban ia gabra šumak urušumak hbalan d nsabt mn gilia mia umn `uSria d ziua umn maSbuta rabtia d nhura šumai urušumai adkirilia sgidlia zan haza zaban d rba sigudta adita lhanath maTarta tum amarna hauqa udahalta uziuihta qudamai laiit `zlit umaTit maTarta d iur iahur urhum mšaiilna uamarna haza maTarta d man h` ulman naTra uman mabaTba bhaza maTarta šailit uamarilh mabaTba bhaza maTarta kul man d gar ugnab uaumia ukadib mšaiilna uamarna hanik nišmata lmahu damia b`ubadia sainia d abdia balma šailit uamrilia damia hanik nišmata d gaTna mn huTra uakma mn zimta d riša uramilun bmana sada hlaSa umSara ungada kabšia `lauaiun kadšilun ulahalin umnangirilun ulamitapia šailia hanik nišmata muta tiniana umuta tiniana `lauaihun latin uamrilia iur iahur uarhum ia gabra šumak urušumak hbalan d nsibt mn gilia mia umn `uSria d ziua umn maSbuta rabta d nhura šumai urušumai adkirilh sgidlh iur iahur urhum d rba sigudta adith lhanath maTarta tum amarna hauqa udahalta uziuihta qudamai laiit u`zlit umaTit maTarta hurintia d pilpin pipin d alpat ruha d qudša brpilia d hšuka umšaiilna uamarna haza maTarta d man h` ulman naTra umn mabaTba šailit uamrilh mabaTba bhaza maTarta d singiania udaiania ušaliTania d apkia miSria umšania kudkia d halin `nšia d mzabnia halbaiin ugaTla bnaiin umhaiia bnia d habratin uhadra l`umSa šamana lkasia d mhalin salqa bkita `lita uaškita d bnaiin qudam hiia rbia qadmaiia halin d mzabnia halbaiin bhadiaiin talilin alma lium dina ualma lšita šaiia d purqana aminTul d mgaTla bnaiin umrabia bnia d habratin mšaiilna uamarna hanik nišmata lmahu daria b`ubadia sainia d abdia balma šailit uamrilh damia hanik nišmata lgadiia šamina d mn šilia haTpilun lgumria ramilun bmana sada hlaSa umSara ungada ukbaša `lauaihun kadšilun ulahalin umnangirilun ulamitapkia šailia hanik nišmata haiabata muta tiniana ualmia d hšuka umuta tiniana `lauaihun latia amrilia pilpin pipin ia gabra šumak urušumak ahbalan d nsibt mn gilia mia umn `uSria d ziua umn maSbuta rabtia d nhura šumai urušumai adkirilh sgidlia pilpin d rba sigudta adita lhanath maTarta amarna tum hauqa udahalta uziuihta qudamai laiit u`zlit umaTit maTarta d `šu mšiha baTla mšaiilna uamarna haza maTarta d man h` uman mabaTba šailit uamrilia mabaTba bhaza

maTarta kulman d bhiia kapir ubmšiha audia mšaiilna uamarna hanik nišmata bmahu damia b`ubadia sainia d abdia balma šailit uamrilia damia hanik nišmata laqna šamina d napša usagia qudam mšiha d hu mšiha lia nasginun uliama naqmunun umia nišailunh ulihuia gadadh d iama mdalia umia d iama amuqia ubaiian mia lmištia ulitlin amrilh našmata lmšiha mšiha maran kd huainin bhanath alma lbušia albišinin uksuiia kasinin upruqia paraqnin uzidqa uTabuta iahbinin hašta alma d baiinin mia lmištia ulitlan amarlin mšiha lnišmata lbušia d albištinin uksuiia d kasitinin upruqia d pariqtinin uzidqa uTabuta d `habtinin `l šum man amrilia nišmata lmšiha lšum `iit `laita ušuma d `iit titaita ulšum `šu mšiha ulšum rušuma ruha d qudša ulšum alaha d naSuraiia ulšum ptula pt abu amarlin mšiha lnišmata `iit `laita šumia h` u`iit titaita arqa h` `šu mšiha ana hu ruha d qudša haka h` ada `lh gabra bhir zidqa uadh lkulh kana d nišmata d minh uamarlh mšiha lgabra bhir zidqa gabra šumak urušumak ahbalan d nsabt mn gilia mia umn `uSria d ziua umn maSbuta rabtia d nhura šumai urušumai adkirilh sgidlia mšiha arba zibnia d rba sigudta uamrilh nišmata lmšiha mšiha maran kd huainin bhak alma lau anat amartlan d rab minai laiit ana hu alaha alihun maria mariuan ana hu malka d kulhun almia ana hu gabra d ada `lak usgidtlia arba zibnia d rba sgudta man hu amarlin mšiha lnišmata hazin hu gabra d ada `lai sgidilh arba zibna d rba sigudta šum `iit `laita ladkar ušum `iit titaita ladkar ušum d ruha d qudša ladkar ušum mšiha ladkar ušum alaha d naSuraiia ladkar ušum ptula pt abu ladkar amrilh nišmata lmšiha mšiha maran akmar rminan bpagraian iumia tlata nizabunia kul d `tlan uninhit liardna uniSTba lšum hazin gabra d ada `lak amarlin mšiha lnišmata iakšilia d `takšal kd huainin bhanath alma mihzaitun ianqa d npaq mn kras `mh u`hdar b`mh ailuia d ana `hdar bpagraikun rminun iumia tlata tizabnun kul d `tlaikun utinihtun liardna utiSTbun lšumh d hazin gabra d ada `lai amarlin mšiha lnišmata `dalma laiaditun kšilia d `takšil ana hu mšiha baTla hrig laqu uhakim lbiš mšania babia d šinta uapik `ubadia d ruha umšabiš gubria zadiqia uramilun brpilia rurbata d hšuka ukui sikia uqlidia ahuilkun ušabušia šabištinkun ragugia ragigitinkun dahba `hablkun aminTul d tihuilia Sauta bhšuka bhanath atra d qaiaminabh adith lhanath maTarta uamarna tum hauqa udahalta uziuihta qudamai laiit uazlit umaTit maTarta hurintia d iurba mšaiilna uamirna bhaza maTarta d man h` uman mabaTba šailit uamrilia mabaTba bhaza maTarta rurbia urbutania kulhun uhalin d nasbia bardbia rurbia uiahbia bardbia dirdqia uhalin d nasbia hbulia uhbul hbulia ubakš ubakšan ula hazilh lakia kd aniuta ulmalka kd malkuta udahilh lhania umaskinia mn babaiun uzidqa laiahbia mšaiilna uamarna halin nišmata lmahu damia b`ubadia sainia d abdia balma šailit uamrilia damian hanik nišmata lgadiia šaminia d mn šilia mn `maihun haTpilun ulgumria šamina ulgumria mTabilun ukd abad abdilh ukd akal aklilun ulhad šuba mauzipilun u`lauaihun rugza hauia šailia hanik nišmata haiabata muta tiniana balma d hšuka ulatia `lauaihun amarilh iurba ia gabra šumak urušumak hbalun d nsabt mn gilia mia umn `uSria d ziua umn maSbuta rabtia d nhura šumai urušmai adkirilh sgidlh iurba arba zibnia d rba sigudta d adita lhanath maTarta amarna tum hauqa udahalta uziuihta qudamai laiit uazlit umaTit maTarta hurintin d ruha d qudša d lpumia d karipiun sarupa iatba kinar šiha lkadpa matnala umalia bšitma ušitin parSindia gitna matnala umamla bpanduria uqarialun ltrisar gubria tangaria d abu d audubia uamrila martan mahu qrinalak umahu šihnalik uamralun qritulia ušihitulia kd zan napTa uqira lpumh d karapiun sarupa ukarkušta lgiTa b`da ulpumh d karapiun sarupa iatba mkarkišalun uramialun ltrisar babia d haimanubh uamralun `zil `zil bnai bhud baba u`tia batraikun hadria bgurgmia d karapiun ulamitaška kšaša umšaša mizal umistimik `lh ada `lh gabra bhir zidqa uadia lkulh kana d nišmata minh haizak `tar karapiun sarupa lruha d qudša d nimarla anat haka huit gabra d ada `lai alma la`habtulia amralh hanath `dana hanath šita `damh pumak kd lbizuna d šušmana kd ziqa hua u`uSa unpalbh

u`stakar sliq gabra bhir zidqa uhizih laiar baraia uldaura taqna hiia amria lgabra bhir zidqa lmahu damia alma d atit minh uruha umšiha ušibiahia bmaTaratun d atit lmahu damian uamarlun gabra bhir zidqa ruha umšiha lšibiahia damin ldidbia lpumh d dudia iatbia umn habla d maTilun miTarpia ganpaihun d bgauh d dudia naplia hiia hdun ualbšuia ziua lgabra bhir zidqa uaituia nhura kasiuia aqmuia batra d šrara atra d baiin minh umaškia ušailia minh umithiblun uhiia zakin lkulhun `ubadia zkit kana d naSuraiia lšumh d iauar ašar uzakia manda d hiia urahmh šumh sa . bšumaihun d hiia rbia halin hinun pugdamia d iuhana maSbana kd iardna d mia hiia lgaT umaSbuta haita maSba ušuma d hiia madkar uasgia manda d hiia luath d iuhana maSbana uamarlh qum iuhana Suban bmaSbutak d maSbit uadkar `lai mn šuma d madkirit uamarlia iuhana lmanda d hiia karsai kpina lmikal ugiutai Sh`ia lmištia uiarqunai mlagTilh ušidqa nTirna lmišria baiina nišmata kbar `lai hašta nihuia Sipra ata `Sibak kd qaiim manda d hiia šqal ainh latra d kulh ziua latra d kulh nhura ubaiia buta napša rba ulazuTa uamar minaikun dilkun baiina mn hiia qadmaiia umn hiia tiniania umn hiia tlitaiia umn iupin uiupapin umn sam mana smira umn gupna d kulh hiia u`lana rba d kulh asauata umn `uSar hai upta hai pahtia pihta d hiia unaSbia niSubta d nhura baiina minaikun buta d napnša rba ulazuTa lhaza šita d qaiminabh baiina `l asar utartin šaiia d `umama u`l asar utartin šaiia d lilia u`l srin uarba šaiia nihun kd zan šita hda `upania d `umama utitia šinta ušaharta lainh d iuhana nišhar uniškub utihuia nišimth kd `niš Taba bgiuth `l atar `šailh uamarlh `l maSbuta d maSba bhaza šita d qaiminaba masgia uatia manda d hiia mn atra d kulh ziua umn atra d kulh nhura umn atra d `hablh lasar utartin šaiia d `umama ulasar utartin šaiia d lilia hauia kd zan šita hda `štiqil `upania d lilia nihun `umama u`štqil `upania d `umama nihun lilia hua `umama hua paina hua Sipra hua lilia uhua `umama atat šinta ušaharta lainh d iuhana ušhar uškib u`tar u`tmaqaq u`dh d iamina lainh rma ušinta mparaT mn ainh uamar manda d hiia šlama `lak rab iuhana aba saba rba d `qara uamarlh iuhana lmanda d hiia ata bšlam ialda zuTa d mn `tmal liardna zamintak iumai la`kadbak uamarlh manda d hiia liuhana qum para iardna upras draiak uqablan Suban bmaSbutak haita d maSbit uadkir `lai mn šumh d madkirit uamarlh iuhana lmanda d hiia arbin utartin šnia iardna ligTit uanašia bmia Sabana `niš liardna laqran hašta minak dilak Talia zuTa br šnia tlat iuma hda baiina `sgia liardna uamarlh manda d hiia liuhana maSbuta hazin d maSbit uamarlh iuhana lmanda d hiia raminalun lanašia biardna kd aqna lqudam gabra raia umia bhuTrai mazilna `lauaiun ušumh d hiia madkarna `lauaiun uamarlh manda d hiia liuhana maSbana maSbuta d maSbit šuma d manu madkirit `lauaihun pta pumaihun tarmidia kulhun kd hda liuhana amrilh arbin utartin šnia maSbuta maSbit `niš liardna laqrak lbr mn hazin ialda zuTa latibsibun lmamlalh d malil tarmidia kbar liuhana qam iuhana asgia lgauh d iardna upara iardna upras draiia uqablh lmanda d hiia uamarlh ata ata ialda zuTa br šnia tlat iuma hda zuTa ahh uqašiš abahath d hu zuT upugdamia mraurbia uasgia manda d hiia luath d iuhana liardna uiardna d hizih lmanda d hiia ašuar ushaq alanpia ushaq lriqath uqam `lauia pumh qadmaia bmia uatutia pumh batraia bit mai lmai qapia iuhana ulitlh haila lmiqam hizih manda d hiia liuhana u`harap `lh kbar ziuh d manra d hiia liardna uiardna d hizih lziuh d manda d hiia atar l`uhrh qam iuhana bmiabašta uasgia manda d hiia luath uamarlh manda d hiia liuhana Suban bmaSbutak dakita uadkar `lai mn šumai d madkirit uamarlh iuhana lmanda d hiia alip alip anašia ahitit biardna uruban ruban nišmata Sibit bmia gabra d lak dilak damia `l `dai ladan hašta huat miabašta bmahu `Sibak uamarlh manda d hiia liuhana kma d mia azlin `zil anat uana minak masgina Suban bmaSbutak dakita d maSbit uadkar `lai mn šuma d madkirit kma d iardna haSib umia iabšia azil iuhana umanda d hiia minh masgia umasgia manda d hiia lzuh šra liardna ulkiph pta pumaihun nunia mn iama uSipria mn trin kiph d rbita ulmanda d hiia mšabilh

uamrilh brikit anat manda d hiia ubrik atra d `tit minh umšaba umqaiam atra rba d azlatlh qal nunia mn iama uqal Sipria mn trin kiph d rbita anpal b`udnh d iuhana praš iuhana d manda d hiia anat hu d azal minh uamarlh iuhana lmanda d hiia anat hu gabra d `l šumak aSbit maSbuta haita uamarlh lšum man maSbit uamarlh iuhana lmanda d hiia lšum d `tiglilia ulšum `tita d `tit lmitia umana smira l`tagluiia anat asim `lai `dak d kušTa uiaminak rabtia d asauata uadkar `lai šitlak d štalt bšumak dilak radmaiia ubatraiia nitqaimun uamarlh manda d hiia liuhana hin `dai masimna `lak mn pagrak napqit uamarlh iuhana lmanda d hiia analak hzaitak haka labaiina lmihuia hzaitak ugaiadtak kušTa ha baiina minak ulatagzaran manak mn atra d atit minh ulatra rba d azlatlh zarzan upaqdan uhananan ugalilia lrazia d malkia ulpira rba d nhura ulsadania upiria d arqa lhil lmahu kbišia usadania d mia d minaihun d `šata haita shiTa hiia bmahu škinia uman mn man qadmaia umraurab kd hazin šuma iuhana `l riqath d krak nSab šihlh lilbuših bgu iardna ašlia lbušia d bisra uzma ulbuših `uSTla d ziua ukasiia TarTabuna Taba dakia d nhura šamar mizal manda d hiia latra d kulh ziua ulatra d kulh nhura uazil iuhana minh uknap nunia mn iama uSipria mn trin kipia d rbita lpagrh d iuhana umsatrilh hiziia ihuana lpagrh `tinTiT `lh uamarlh manda d hiia liuhana lmahu `tinTiTt lbisra uzma d ašlaitak minh hin baiit `kamrak u`iailak bgauia amarlia iuhana lmanda d hiia brik umšaba gabra d `uSTla d bisra uzma ašlan upaqdin uapqan minh mšaba umraurab umqaiam umiaqar gabra bhiria d `uSTla d ziua albišan uTarTabuna Taba dakia d nhura kasian d huat bgauh hinila `tnaTaTit lbnai d šihia d šibqit d laiit `niš d masbarlun uamarlh manda d hiia man b`uSrak ublibak dilak šra b`uSraiun ublibaiun d bnak nišrilun br ana iadana lmahu `tinTiTit uamarlh iuhana lmanda d hiia ap anat hu d iadit blilbia uparšit b`uSria ulilbia ukabdia ukuliata kd šamša šTiha lqudamak anat Sarit zimta uhazit mahu d bh uparšit mahu d hauia bnhura umahu d hauia bhšuka haizak malil pumh b`qara mn haupia mia umn `upania d mia nsib hala mn iama umn trin kiph d rbita uqam rma lpagrh d iuhana mn hak iuma d huat kasita lpagrh ušamar mizal manda d hiia latra d kulh ziua ulatra d kulh nhura uazil minh iuhana azil umaTia maTarta d ptahil qadiša ziu hsir unhar psiq d psaq hiia ušbiq minaihun umn binataihun asTruia bSadia balhudh autbuia uptahil d hiziia lmanda d hiia `tirkin kursih latutia uqam minh umšabilh umbariklh lmanda d hiia uamarlh mšabit manda d hiia brik atra d `tit minh umšaba umraurab umqaiam atra rba d azlatlh tihuia bmaTuta `lai qudam hiia rurbia bmruma d masihpa qubla shap `lai ulašabqilia d `saq `hiziia hiia b`umruma uamarlh manda d hiia liuhana `štaiia mn hazin rišaia d `tiabuta d hiia huat `lh ap anaša anat kd hda mn malkia šauitak akuat `utria rurbania d bit `qara `zil pugdama ahbalh uamarlh iuhana lptahil anat `tiabuta d hiia huat `lak ulabuk `utra gabra d zarzak upaqdak ulhaka šadrak šamar mizal manda d hiia latra d kulh ziua ulatra d kulh nhura azil umaTia maTarta d abatur rama alip alip mišqal ainia uruban ruban qaimia lqudamia uramilh kursia uamarlh manda d hiia labatur tib tib abatur lkursiak d ram ugaiia umnaTar d `hablak hiia rurbia bmruma uamarlh abatur lmanda d hiia kd azlit qudam hia adkar `lai uamarlh manda d hiia `l abatur hin azilna uamarna umištaiina nitun unidalunh lkursiak binia gubria bnia šlama hin azilna uamarna unpiš umištamana nitun trin malakia mn mruma naqmunh shupta d rama mn riša d škintak umn hiia rurbia unišamunak unimarulak unašmun lhiia rurbia unimrun d azil manda d hiia upšaTlh labatur šamar mizal manda d hiia latra d kulh ziua ulatra d kulh nhura uazal iuhana minh uazal umTun arba gubria bnia šlama `in hai ušum hai uziu hai unhur hai ligTh gabra bhir zidqa uaqmh batra d šrara ligTh b`dh liuhana aqmh batra d šrara npaS `lh sidria ubauata umasqata udrašia uamria `utria `tun nizal nihizia gabra d ata mn mibil bhir zidqa d kšiT umhaiman mn binataihun d mhašabata bišata umn atutia kursia d abatur atiqa `niš `niš mn ziuh malbišlh u`niš `niš mn nhurh mkasilh npaS albšuia `šata haita d litlh saka ulitlh miniana uqam iuhana batra d kulh ziua

ubatra d kulh nhura uqam bhaimanuta d napša rba ulazuTa uamar iuhana minaikun dilkun baiina mn hiia qadmaiia umn hiia tiniania umn hiia tlataiia umn iupin uiupapin umn sam mana smira umn gupna d kulh hiia umn `lana rba d kulh asauata umn `uSar hai upta hai pahtia pihta d hiia unaSbia niSubta d nhra ušaknia dmuta qadmaita bit hiia baiina buta napša rba ulazuTa bhaza šita d qaiminaba bhaza masiqta d ana sliqiba nisquba kulhun anašia kšiTia umhaimnia d brušuma d hiia ršimia ubmaSbuta dakita maSbia ušuma d hiia rurbia qadmaiia madkar `lauaihun umšabin hiia uhiia zakin uzakia gabra d asgia lka sa . bšumaihun d hiia rbia ruaz mara d rabuta unharbun b`utria bnia .. hazin hu raza usidra d šilmai marh d baita lšum d ata ulšum d atia u`l d mihuia mibilh ulšuta d hahu gabra nukraia d abar almia uata ubza rqiha u`tiglia utaqninin uata lškinata d šibiahia kulhun utraS kursia u`tib `lh Taba haš upraš u`tapraš `l d huat u`l d hauia u`l d mihuia mibilh ulhahu Tura Tur karimla uata uaškinun lšuba utrisar gubria haila ušušiia iuma d pisnia šiqra b`daihun lgiTia uiatbia liahria ušnia ušušia iumia uripsia u`dania uatat `uat ruha kadabta gabra gabra bšumh qarialia ugabra gabra b`bidath mpaqdalh uqarialun umpaqdalun umšadralun lalma hazin uqarialh lšilmai marh d baita uamralh šilmai marh d baita qadim qum b`uspar mahgia uasgia lkiph d iardna ulkana Taba d asauata mša `dak bkušTa uhalil Sbatak btaqnia rurbia d iardna usliq `zal qudam abuk d hazilak mpaqad iahiblak malkuta uTabuta uzakuta d alma hazin akuat d amarlh `uat ruha kadabta lšilmai marh d baita akuat d abad qadim qam b`spar mahgia uasgia lkiph d iardna ulkana rba Taba d asauata mša `dh bkušTa uhalil Sbath btaqnia rurbia d iardna usliq qudam abuia iatrun gabra šalmana kbaš qumth usgidlh `l abuia uabuia mihiziia d hizih ham Taba lahimlia urgaz Taba d largazlh uba `l mibTušbia barqa d tibil umihamblia unitlibun bspiria rurbia d šrara umashipinun `l anpaiun `l anpia d arqa uqudamh tlatma ušitin utrin tarmidia uamrilh labuhun gabra šalmana mimar `marlak iatrun bmimrak uqaiumia mqaiamlak bmaSbutak lbaba d bit hiia hauma urugza laiit hin baiit minh d šilmai marh d baita lsidria sakia umalalia `umqia d naSuruta u`l aprišata d alma hazin hin iahiblak paqid traSlia kursia binia gubria d abahath hin baiit minh ulaiahiblak nitkamar unizal lhak alma d minh ata nha Taba uamarlh lšilmai marh d baita malala atalia mn bit hiia lsidria sakia umalalia ul`umqia d naSiruta ulaprišata d alma hazin `l arqa hazin mna huat usadana lmahu triS ulhuš rabtia lmahu `hiba uamarlh ab arqa hazin mišhal šhila usadana smik lmia siauia uhuš rabtia lgabra kadaba `hiba uamarlh šapir mindam d amartlia ušapiria malalia kasiia d napqia umn pumak `zil `tib lkursiak rba d `qara d traSlak binia gubria abahatak kd ba d niazal unitib rba ltarmidia qarilh umšaiilh uamarlh šilmai marh d baita malala atalh mn bit hiia lsidria sakia umalalia l`umqia d naSiruta ulaprašata d alma hazin lrqihia halin mna hun ubmahu ngidia ubmahu tl`iia ubmahu manihria uamarlh ab rqihia halin šaba rpilia hinin iaqrata d mia d ngadinin uaqminin ptahil bhailh d abatur abuia `hablh binia hda lhda tl`iia šambibia d ziua umanihria bhailaihun d malakia uamarlh šapir mindam d amartlia ušapiria malalia kasiia d napqia mn pumak `zal `tab lkursiak rba d `qara d traSlak binia gubria abahatak kd ba d nizal unitib rba ltarmidia qarilh šilmai marh d baita malala atalh mn bit ab lsidria sakia umalalia l`umqia d naSiruta ulaprišata d alma hazin lšamiš mna ulkinianh mna ulhaumh mna ulbardh mna ulziuh mna uamarlh ab šamiš mn arqa hua ukinianh mn kiniana d šuba haumh ubardia mn hauma ubarda d ptahil uziuh mn ziua d hiia rurbia nukraiia iatiria d `lauia ukulhun `ubadia uamarlh šapir mindam d amartlia ušapiria malalia kasiia d napqia mn pumak `zil `tib lkursiak rba d `qara d traSlak binia gubria abahatak kd ba d nizal unitib rba ltarmidia qarilh uamarlh šilmai marh d baita malala atalh mn bit hiia lsidria sakia umalalia ul`umqia d naSiruta ulaprašata d alma hazin lsira mna hua ulkinianh mna hua ultuqnh mna hua ulbusmh mna hua uamarlh ab sira mn arqahua ukinianh mn kinianun d šibiahia utuqnh

ubusmh mn tuqna ubusma d sam ziua rba habiba qadmaia gabra d šaria škinta lriš ma ušitin ušuba almia rurbia `laiia d nhura kul alma balhudh alip alip parsia uruban ruban škinata šribh kul škinta balhudh alip alip `utria šrbh kul `utra balhudh škinta šarialh uamarlh šapir mindam d amartlia ušapiria umalalia kasiia d napqia mn pumak `zil `tib lkursiak rba d `qara d traSlak binia gubria abahatak kd ba nizal unitab rba ltarmidia qarilh umšaiilh uamarlh šilmai marh d baita malalia atalia mn bit ab lsidria sakia umalalia ul`umqia d naSiruta ulaprišata d alma hazin lmia mna ulkinianun mna ulbusmaiun mna ulhailaiun mna hua amarlh ab mia mn arqa hun ukinianun mn kiniana d šuba uhailaiun mn haila d hšuka ubusmaiun mn busma d mia hiia uamarlh šapir mindam d amartlia ušapiria malalia kasiia d napqia mn pumak `zil `tib lkursiak rba d `qara d traSlak binia gubria abahatak kd ba d nizal unitab rba ltarmidia qarilh umšaiilh uamarlh šilmai marh d baita malalia atalia mn bit ab lsidria sakia umalalia l`umqia d naSiruta ulaprišata d alma hazin lnura mna ulkinianh mna u`l dmuth mna ulguTrh mna uamarlh ab nura mn arqa huat ukinianh mn kiniana d šuba uhailh mn haila d hšuka umn bit smiaiil saTana uamarlh šapir mindam d amartlia ušapiria malalia kasiia d napqia mn pumak `zil `tib lkursiak rba d `qara d traSlak bina gubria abahatak kd ba d nizal unitib rba ltarmidia qarilh umšaiilh uamarlh šilmai marh d baita malalia atalh mn bit hiia lsidria sakia umalalia l`umqia d naSiruta ulaprašata d alma hazin lziqa mna ulkiniania mna ulhailia mna ulbusmia mna uamarlh ab ziqa mn arqa hua ukiniania mn kiniana d šuba uhailh mn haila d hšuka ubusmh mn busma d aiar uamarlh šapir mindam d amrtlia ušapiria malalia kasiia d napqia mn pumak `zil `tib lkursiak rba d `qara d traSlak binia gubria abahatak kd ba d nizal unitab rba ltarmidia qarilh umšaiilh uamarlh šilmai marh d baita malala atalh mn bit hiia lsidria sakia umalalia ul`umqia d naSiruta ulaprišata d alma hazin uamarlh `laia man utitaia man uamarlh `laia rqiha utitaia arqa uamarlh rqiha baTina mn qudam arqa `u arqa baTna mn qudam rqiha uamarlh ab rqiha maitia miTma uTala uarqa pihta puma umqablalia umapqa aTšia ubazrunia upiria d aklibun ušatibun d bnia d adam uTabuta d maraihun lamqablia uamarlh šapir mindam d amartulh ušapiria mamlalia kasiia d napqia mn pumak `zil `tib lkursiak rba d `qara d traSlak binia gubria abahatak kd ba d nizal unitab rba ltarmidia qarilh umšaiilh uamarlh šilmai marh d baita malalia atalh mn bit hiia lsidria sakia umalalia l`umqia d naSiruta ulaprašata d alma hazin uamarlh baraia man hu ugauaia man hu uamarlh baraia gabra ugauaia `nta uamarlh gabra baTin mn qudam `nta `u `nta baTna mn qudam gabra uamarlh gabra mizdara zida bgišumia arbin utirtan iumia haizak latuat iahiblh bazira uTuhma uširša uniaka ugaTar minh muqra ugirmia ugiadia uamarlh atuat lialda mahu iahbalia amarlh iahbalia zma umiška Silmia umanzia uamarlh ialda b`mh bmahu hauia ubmahu mitrabia uamarlia ialda bšuba razia d abuia u`mh mitrabia uamarlh malkuta lialda mn gauh d `mh hauialh uamarlh kd kilh lialda šalimlia ubaiia d l`mia nihuia hazin l`mia hauilh uamarlh ab kd kilia lialda šalimlia ramilh rumaiia l`mh bmatna gauaiia umahilia lialda bqurqsia rurbia d mhh umitapik rišia ltitai ukraiia lilai haizak l`mh hauilh uamar šapir mindam d amartlia ušapiria malalia kasiia d napqia mn pumak `zil `tib lkursiak rba d `qara d traSlak binia gubria abahatak kd ba d nizal unitab rba ltarmidia qarilh umšaiilh uamarlh šilmai maria d baita malala atalia mn bit hiia lsidrh sakia umalalia l`umqia d naSiruta ulaprišata d alma hazin uamarlh kd kilh lalma šalimlh lkulhun pugdamia d ba abuia minh hualh b`uSrh d nitilh hazin pugdama lahualh b`uSrh d nitilh uštpil u`tib atutia tlatma ušitin utrin tarmidia uasgia uata `uSar nhura niaha usimaka rba d hiia uaška uamarlh mahu iatbit šilmai marh d baita amarlh pugdama ba ab minai d lahualia b`uSrai d `titlh uamarlh pugdama d ba abuk minak ana mn `uSrai iadana kd baiilak abuk qudamh uarlak hazin pugdama b`uSrak hualak ula`habtlia `u had mn `utria bnia nhura d asbarlak `lh amarlh

b`uSrai hua ula`habilak aminTul d ligrai lašar ulaqam `l `stuarai qudamak uamarlh kd kilh lalma šalimlia arqa napla bhumbaria ušumia mitkarka kd buria šamiš šahlh ziuh usira šahlh tuqnh kukbia umanzalata natria kd šahpia d tina nura lkinta azla umia azlia lkinianun arba ziqia d baita lagTia ganpaihun ulanašmia uamarlh ruha umšiha ušibiahia unišmata d bišia d audibun lia azlia ulia atin umdurta lia hauialun uamarlh ruha umšiha ušibiahia unišmata d bišia d audibun lhdadia qarin ulagTia biad hdadia umitkarputia `tkarputia kd rumana d abara uazlin unaplilh l`ur maria d hšuka bgiuth rabtia d napšia ugaTar umitnihpa nura uaklalia l`ur maria d hšuka ul`uat ruha kadabta ulšibiahia ulnišmata d bišia d audibun uhaizak qam šilmai marh d baita uazal qudamia d iatrun gabra šalmana amarlh ab pugudama d bit minai `marlak kd kilia šalimlh lalma arqa napla bhumbaria ušumia mitkarka kd buria šamiš šahla ziuh usira šahla tuqnh kukbia umanzalata natria kd šahpia d tinia nura lkinta azla umia azlia lkinianun arba ziqia d baita lagTia ganpaihun ulanašmia ruha umšiha ušibiahia unišmata d bišia d audibun lhdadia qarin uluat hdadia azlin ubiad hdadia lagTia umitkarputia `karputia kd rumana d abara uazlia unaplilh l`ur maria d hšuka bgiuth rabtia d napšia naplilh gaTar guTra bguaria umitnihpa nura uaklalh l`ur marh d hšuka ul`uat ruha kadabta ulšibiahia ulnišmata d bišia d audibun uamarlh abuia lšilmai marh d baita hazin pugdama b`uSrak hualak ula`habtlia `u had mn `utria bnia nhura d amarlak uamarlh hazin pugdama hibil ziua amarlh uamarlh `zil `zil ziu hsir unhur psiq d psaq hiia mn qudamaihun ušbaq `utria mn abatraihun uhiia zakin lkulhun `ubadia uzakia iauar ziua uadiaurh sa . hazin sidra d šilmai marh d baita hu sa bšumaihun d hiia rbia laupa uruaha d hiia ušabiq haTaiia nihuilia ldilia . ulab . u`l `m . u`l `m hurintia . u`l zauai . u`l ahai . u`l ahai hurinia . u`l šitlai . u`l abahatai # . unitriS šumai ušumaihun d halin nišmata bit hiia . binia mai lmai iatibna ana hu danukt sipra hakima d aspar diuta d alahia `utana giutana rbutana d `tlh lmarh d baita bbaith ulqašiša bbiniana bhikla `laiia ubbath titaiia halin siprai l`dai rmilh uaspar dukranai ltrin draiia ana bspirai hadtia hagina ubhatiqia haiaš uparašna umitaprišna ldhuat uldhauia uldmihuia baiia uatia diSai zuTa lqudamai npalia ptahtia uhaginabia hu zuT upugdamia rurbia umalalia mzarpilh ubahiš b`ubdanh `laiia uamar `ka hiia d hun mn laqadmia u`ka kušTa d hua mn qudam briša `ka ziua u`ka nhura `ka muta u`ka hiia `ka hšuka u`ka nhura `ka T`ia u`ka šrara `ka hbila u`ka biniana `ka mhita u`ka asuta `ka gabra iatira d qašiš mn qudam d bania `šumia uarqa hu uamar dinanukt mn diSai zuTa mitap rašna uamarna alia hinun hiia d hun d mn laqadmia `lia hu kušTa d hua mn qudam briša `lia hu ziua lia hu nhura lia hu T`ia lia hu šrara lia hu hbila lia hu biniana `lia h` mhita `lia h` asuta lia hu hazin gabra iatira d qašiš mn qudam d bania `šumia uarqa hua unsabtia ldiSai zuTa ubnura qlaith binh mai lmai iatibna ana hu dinanukt sipra hakima d aspar diuta d alahia `utana giutana rbutana d `tlh lmarh d baita bbaith ulqašiš bbiniana bhikla `laiia ubbaith titaiia halin siprai l`dai rmilh uaspar dukranai ltrin draiia bsiprai hadtia hagina ubhatiqia mitaprišna haiišna uparišna umitaprašna ldhuat uladhauia uldmihuia baiia uata diSai

zuTa qudamai npalia ptahth uhaginabia hu zuT upugdamia rurbia umalalh mzarzapilh ubahiš b`ubdunh `laiia uamar `ka hiia d hun mn laqadmia u`ka kušTa d hua mn qudam briša `ka ziua `ka nhura `ka muta `ka hiia `ka hšuka `ka nhura `ka T`ia `ka šrara `ka hbila `ka biniana `ka mhita `ka asuta u`ka gabra iatira d qašaš mn qudam d bania `šumia uarqa hua uamar dinanukt mn diSai zuTa mitaprišna uamarna lia hinun hiia d hun mn laqadmia `lia hu kušTa d hua mn qudam briša `lia hu ziua `lia hu nhura `lia hu muta `lia hu hiia `lia hu hšuka lia hu nhura `lia hu T`ia `lia hu šrara `lia hu hbila lia hu biniana `lia h` mhita `lia h` asuta `lia hu hazin gabra iatira d qašiš mn qudam d bania `šumia uarqa hua unsabth ldiSai zuTa ubmia Tmašth ubinia mai lmai iatibna ana hu dinanukt sipria hakima d aspar diuta d alahia `utana giutana rbutana d `tlh lmarh d baita bbaith ulqašiša bbiniana bhikla `laiia ubbaith titaiia halin siprai l`dai rmilh uaspar dukranai ltrin draiia bsiprai hadtia haginabh ubhatiqia mitaprišna d haiašna uparašna umitaprašna ldhuat uldhauia uldmihuia baiia uata diSai zuTa lqudamai npalia ptahth uhaginabh hu zuT upugdamia rurbia umalalh mzarpilh ubahiš b`ubdunia `laiia uamar `ka hiia d hun mn laqadmia `ka kušTa d hua mn qudam briša `ka ziua `ka nhura `ka muta `ka hiia `ka hšuka `ka nhura `ka T`ia `ka šrara `ka hbila `ka biniana `ka mhita `ka asuta `ka gabra iatira d qašiš mn qudam d bania `šumia uarqa hua uamar dinanukt mn diSai zuTa mitaprišna uamarna `lia hinun hiia d hun mn laqadmia lia hu kušTa d hua mn rudam briša lia hu ziua lia hu nhura lia hu muta `lia hu hiia lia hu hšuka `lia hu nhura `lia hu T`ia lia hu šrara lia hu hbila lia hu biniana lia h` mhita `lia h` asuta `lia hu gabra iatira d qašiš mn qudam d bania `šumia uarqa hua unsabth ldiSai zuTa qudamai atnaith mn Tulalia Sipra ualma `l puraria rurbia d paina uatat `uat ruha d qudša bškintai qaimalh uamralh mahu šakbit dinanukt umahu šinta hnatalak anahu hiia d hun mn laqadmia ana hu kušTa d hua mn qudam briša ana hu ziua ana hu nhura ana hu muta ana hu hiia ana hu hšuka ana hu nhura ana T`ia ana hu šrara ana hu hbila ana hu biniana ana h` mhita ana h` asuta ana hu gabra iatira d qašiš mn qudam d bania `šumia uarqa hua habrai bmalkia laiit taga bmalkutai ulaiit kul `niš br anašia d paršagna nitilh brpilh d hšuka uata din mlik `utra uripsia rmilh ldinanukt bpagria umn pagrh mapaqlh ziqia ziqia nasbilh ldinanukt `udamia mdabrilh siblia siblia sablilh uldirgia masqilh asiq aqmuia lmaTarta d nbaz haila d marh d hšuka sadana rba d arqa kursia lhalta d tibil rmilh uligria matnalh l`ubdunia titaiia ulkulhun iamamia šapulh mgarglh alip alip uruban ruban Taiuta mšamšilh uamar ana hu d hzaith `mrit d ghun u`sgudlh u`mta qumtai u`šaba ulašabiqlh din mlik `utra d minai aluia uamarlh lman sagdit dinanukt ulman mahtit qumtak umšabit kd hiia rbia qadmaiia ubit abu rba qadmaia qudamak hu ziqia ziqia nasiblh ldinanukt `damia `dania mdabrilh siblia siblia sablilh uldirgia masqilh asiq aqmuia lmaTarta d zan haza zban zraz hliS mlik rugza taqipa hbila kursia lbab šumia rmilh `l ganaba amarlh gnub ulmarh d baita amarlh ašar uqum lganaba ldbar gaTla ulmarh d baita ldbar husrana alip alip qaimia lqudamia uruban ruban Taiuta mšamšalh ana d hzaitia `mrit d guhun usgidulh u`mta qumtai u`šabh ulašabiqlia din mlik `utra d minai aluia uamarlh lman sagdit dinanukt ulman mahtit qumtak umšabit kd hiia rbia qadmaiia ubit abu rba qadmaia qudamak hu ziqia ziqia nasbilh ldinanukt `udamia `udamia mdabrilh siblia siblia sablilh uldirgia masqilh asiq aqmuia lmaTarta d `uat ruha `maihun d ptulia qananit `maihun d qadišia d murat d arqba gauaita d hšuka qaima šaba harata d lah` harata ušaba ptulata d la`tiqria ptulata kd hadiaian mgalilin usiTraiin primlin klil pirSa uzaniuta brišaihun matnalin nasbh libaihun d alahia unasbia tihaiun d bnia anaša nasbia gubria brimat d ainh u`nšia bliba pahza alip alip qaimia lqudamia uruban ruban Taiuta mšamšalh uamar ana d hzaith `mrit d ghun usigdulh u`mta qumtai u`šaba ulašabiqlia din mlik `utra d minai aluia uamar lman sagdit dinanukt ulman mahtit qumtak umšabit kd hiia rbia qadmaiia ubit abu rba

qadmaia qudamak hu ziqia ziqia nasbilh ldinanukt `udamia `udamia mdabrilh siblia siblia sablilh uldargia masqilh asiq aqmuia lmaTarta d himun gabra alip alip qaimia qudamia uruban ruban Taiuta mšamšilh ana d hzaith amrit d ghun usgudlh u`mta qumtai u`šaba ulašabiqlh din mlik `utra d minai aluia uamar lman sagdit dinanukt ulman mahtit qumtak umšabit kd hiia rbia qadmaiia ubit abu rba qadmaia qudamak hu ziqia ziqia nasbilh ldinanukt `udamia `udamia mdabrilh siblia siblia sablilh uldirgia masqilh asiq aqmuia lmaTarta d ptahil ziu hsir unhur psiq d psaq hiia mn abatraiun d hiuar rišia mn haupia mia ziqnh mn Supia d aqamra hiuara uamar bhailai bnaitia lbaitia ubgabaruatai taqantia taqantia lhikla `hbit sira lhušban almia uiahbit lšamiš lšamšia `l bnat anaša rbutana d labad b`dia ubpumia mištabh ziqia ziqia nasbilh ldinanukt `damia `damia mdabrilh siblia siblia sablilia uldirgia masqilh asiq aqmuia lmaTarta d abatur atiqa rama kasia unTira mistakina hazina alip alip miqam qaimia unTira uruban ruban d mitab iatbia kulhun lbišia d ziua unhura mkasin klil zakuata brišaihun traSlun iatbia `l karsauata d niaha umištaiin bsidria umasqata ubauata kasiata mistakina hazina alip alip karsauata d triSia `pikia umahtia `lauaihun `uSTlia d ziua uTarTabunia Tabia dakiia d nhura uamar dinanukt bhanath maTarta haqit uzahat u`tazihit uamarlia din mlik `utra ldinanukt ia dinanukt lšaba maTarta d muta aditak ltmania d hbila lahaqat ulazhat ula`tazhat haka mahu d hzit uamarlh dinanukt ldin mlik `utra hzit alip alip miqam qaimia uruban ruban mitab iatbia kulhun lbišia d ziua umkasin nhura klilia d zakuata brišaihun traSlun iatbia lkarsauata d niaha umištaiin bsidria umsaqata ubauata kasiata hzit alip alip karsauata `pikia umahtia `lauaihun `uSTlh d ziua uTarTabunia Tabia dakiia rurbia d nhura uamar hzit hiia d hun mn laqadmia hzit kušTa d hua mn qudam briša uamarlh hzit muta hzit hiia hzit hšuka hzit nhura hzit T`ia hzit šrara hzit hbila hzit biniana hzit mhita hzit asuta hzit hazin gabra iatira d qašaš mn qudam d bania `šumia uarqa hua uamarlh din mlik `utra ldinanukt halin karsauata qinaTria lnišmata d `maihun uabuhun lahua lalip šnia naplia bšurba d aba u`ma haizak napqa lalma labšia bsar kd šalam kilaiun mn alma atin ulabšia `uSTlia d ziua umkasin TarTabunia Tabia dakiia rurbia d nhura iatbia iatbia lkarsauatun d niaha umištaiin bsidria umasqata ubauata kasiata uamarlh dinanukt ldin mlik `utra kursia dilia himnu hu amarlia din mlik `utra ldinanukt lbušak `uSTlia d ziua uTarTabunak rba d nhura uklilak mn ruaz gupna d lašahia ulapaiia uaTirpa minh lanatar uamarlh din mlik `utra `l dinanukt amarlh `zil lalma d bišia ulatra d kulh malkauata `zil siprak qlinun bnura uaspar dinanukt bmia Tmuš upuq lalma qria qala d hiia utarmid tarmidia šitin šnia ušitin iahria kd šalamlak kilak atit ulabšit `uSTla d ziua umkasit TarTabunak rba d nhura utaurSinalak d ziua klilak rauzia iatbit lkursiak d niaha umištaiin bsidria umasqata ubauata kasiata binia `utria ahak bnia nhura uamarlh dinanukt ldin mlik `utra lsqupta d bit hiia aqapra `kul ula`tkamar ula`zal lalma d bišia ulatra rba d kulh malkauata uamarlh din mlik `utra ldinanukt sakla d lahua hakima hasira d lahua iatira lsqupta d bit hiia aqapra laklia hinila Tab aklia uruaha šailia `tkamar `zil lalma d bišia ulatra d kulh malkauata lsiprak qlia bnura uaspar dukranak bmia Tmuš puq lalma uqria qala d hiia utarmid tarmidia šitin šnia ušitin iahria kd šalimlak kilak ath lbuš `uSTlak d ziua u`tkasia TarTabunak rba d nhura uatna brišak klilak rauzia uamar dinanukt pahtit ainai urimit gbinai mistakina hazina alip alip haria d qaimia bšamša u`lai bakin uruban ruban harata d qaimia bSita d iuma `lai mnambian ubakin uamarnalun `zil haria d `lai mnambian ubakin `zil lnapšaikun bkun harata d `lai mnambian ubakian `zil lnapšaikun bkun nambia ubkun lahazitun d hzat ainai ulašmaitun d `udnai šamat uqam dinanukt uqralh lzauh nuraita uamarla aitilia halin siprai qlia bnura uaspar dukrana Tmuš bmia uzauh nuraita ašliat bqala uqihdat uamra dananukt sTa udinanukt saTia ubr malkia hazin lau bhauna qimištaiia uqam dinanukt halin sipria qla bnura uaspar dukrania

bmia Tmuš unpaq lalma hazin qra qala d hiia utarmid tarmidia šitin šnia ušitin iahria ušitin iumia kd šalamlia kilh ldinanukt mn pagrh npaq asqh lbaba d bit hiia uamar dinanukt ptulia baba d bit hiia haizak putulh baba d bit hiia udalulh br guda rba d šrara npaS albšuia `uSTla d ziua ukasiuia TarTabuna rba d nhura uaitulh klila mn rua gupna utraSlia briših uqam dananukt batra d hiia ubatra d kulh ziua ubatra d kulh nhura uqam bsigia uhaila ušaba lhiia rurbia u`l iaqir utriS kiniania d zakuata uamar dinanukt bhaza masiqta d ana sliquba nisqun unitun bgauh kulhun naSuraiia kšiTia umhaimnia ubasimia unitarSun uniqaimun bapta nhura rba qadmaia uqaiamin hiia banhura utriS manda d hiia bzakuata uhiia zakin lkulhun `ubadia sa hazin hu raza usidra d dananukt hu sa # bšumaihun d hiia rbia ninharlun `uSraiun umadun umadihtun ldilia . ulab . u`l `m . u`l `m hurintia . u`l zauai . u`l ahai . u`l ahai hurinia . u`l šitlai . u`l abahatai

. hazin hukumta uaprišata d apriš ugalil uamar iahia br zakria lnaSuraiia kšiTia umhaiminia uamar `u `tbak haila huia bhir zidqa d bhir bkulhun `ubadia akuat malka d taga traSlia brišia uabad qraba balma d bišia ukadabia hšuka ukabiš uadiauria `u `tbak haila akuat bhiria zidqa huia naSuraia d kušTa badmu `kara msadrana d abid barqa umasiq uarzia bgauh hauilun adiauria lšalmania uiahiblun haila lbhiria zidqa umaška mn zakuatun zaina d bhiria zidqa kušTa uhaimanuta utriSuta uiadita uaprišata uhukumta usibruta umalpanuta ušrara ubuta utušbihta uagra uzidqa unihuta uTabuta umkikuta ukinuta udrisuta ubusma uzahruta utaqunta udakiuta uzakuta ušalmanuta uhiasuta utiabuta uhašabta urnita d hiia urahmuta d kušTa . riš kušTak latihambil miniltak ušiqra ukadba latirhum riš haimanutak haiman bmalka d nhura d aitia uqaiim bkulhin zakuata riš triSutak anat dun napšak riš iaditak latihuia mziga riš prišutak latirmia napšak bqulala riš hukumtak latibad apsus ulatighuk lšalmania riš sibrutak asbar uapriš minilia d marak riš malpanutak puqdania d zakuata mn malpania Tabia latipsiq riš šrarak latihalip miniltak blau dilak riš butak utušbihtak mašinta latirhum riš zidqak uTabutak hab zidqa umia lkapnia uSahia riš nihutak rbuta latisab ulatirgaz ulatihuia mziga riš mkikutak šumh d marak mn pumak lanaTar riš kinutak kun napšak uqabil minilia d hakimia riš drisutak latimar mindam d laiadatbia riš mbasmanutak lkul `niš titiaqar riš zahrutak `da hušhbanak uhaizak malil riš mtaqnutak latigar ulatisab mindam d lau dilak riš dakiutak latirmia napšak bTnupia riš zakuatak zakia napšak umindam d snia latirhum riš šalmanutak latisab rbuta `l d rab minak riš haiasutak hus `l nišmata d aniia umradpia riš tušbihtak šaba latra d atit minh riš rnitak iuma d napqit mn pagrak riš rahmutak lguT rahmut kušTa luat ahia Tabia d brahmut marak masgia kušTana damia lmuzania d mtaqin d laiit bgauh hargta triSa damia ldaina d kušTa d laiit kadba bmamlalh mhaimna damia l`kara d zara umasiq piria Tabia ušapiria iaduia damia lbanaia sdira d bania umpalig biniana bkul šupra prišaia damia lSaiara d Saiar dmauata bkul šupra hakima damia l`umana sdira d bkul Sbuta iada prišaia

msadrana sdira damia lšraga nahira d mn smal liamin manhar šarira damia lTura rama d lamSia ziqa lmišanuiia mn dukta bhira d buta utušbihta damia ltangara d apik umapik balpia iutrana Taba d ziqa maušaT damia `l patura sb`ia d lqudam kapnia mitriS niha damia lpira halia ubasima mkika damia lmia d naplia umitbadria bkul dukta d Subianh d marh lamšania sdira damia lšuhba šbiha d abid umkalal umsadar basima damia lTura d piqunia u`lania urihania basimia zhira damia lmaTaraia d kušTa d bkul rašiuta lamitaršia mtaqnana damia lmalkuta mtaqanta d mtaqan Tama bkul pira dakia damia laina taqunta dakita d kul `urbana lamqabla zakaia damia lnaura sqila d kul parSupia bgauh mitaprišia haiasa d haiis damia lšamša d lTabia ulbišia minihra taiaba damia lziqa basima d bkul babia ukauia našim mhašbana d rania umhašib laqama damia lparaša d `sir bit zainh d rania umhašib l`mat mn `usurai mištarina kul man d malia brahmut kušTa damia laba Taba d lbnh ušitlh mitauzap bhiria ušalmania `zdahar urahiq napšaikun mn nikla uaula ušiqra ukadba uzipa udagluta uharguta ubišuta u`pikuta uT`ia ušigša umhaškanuta ukapruta uqašiuta usakluta uzmara uqlala uzaniuta ubliluta uTizanuta urabuta ruha uramat ainia uruita urquda ušibia ušihia ušagra d mištabibia bnat anaša uhisma uqina uaqta usiniuta uhuspa urugza umrara umriduta uzaniuta uhaTiputa d haTpia uTulmania d Talmia uhatpia ugazlia bišia uTnupia umlaušuta d pagria u`usrana u`usiana ubusiana d asin ubasin bišia lšalmania usbar pugdania d maraikun nkila damia lmahuna d mTalal bnikla aulana damia lrumana d mn lbr anpia rauzia umn gauh qumana mlia zipana damia `l Sipra Sipar haiuta d mardia habra uramia bqulalia kulhun rahmia bmuth kadaba damia lsana d midamia brahmh d kul dina iadilia uminiklh lqalh dagala damia liama haTipa d mhaTip spinata d bh biša damia l`lana marira d mapiq piria sama d muta d piria Tabia litbh haTia damia lbira d mambuga mia sariia umabga zhira umrara šagiša damia llibta d siana d rmia bmia d kma d bahšatba šigša napuš qašia damia lhaSaSa d bkulhun ruTbia laraTib sakla damia lglala `u atutak napla `u `lauak napla haTiabak rbutana damia ldulba šibiha d šahba baupia upiria lmarh lamapiq ulaiahib mrida damia lduga šgira d hausia uriuia litbh marira damia l`luaia d napil bdupša umaslilh zidana damia lnura d iaqda d ziqa daribia hakima d lamsadar aiak baita d laTlala hakima d laTaksa aiak harta d lalbuša hakima d lamakik aiak naura d lasqil hakima d lasbar aiak susia d lasarga hakima d labasim aiak makulta d laTama hakima d lašadiq aiak gunda d lamalka hakima d lamšalam aiak patura d lamSapat hakima d latriSa malalh aiak baita d ladiša hakima d lataqip aiak nahra d lapuma hakima d lahaiiq aiak arqa d lamšalma hakima d lazhir aiak spinta d lamalaha hakima kd iatira qalh makik uminilh pSiha usigiia nhia ušlamh qrim sakla kd iatir qalh rurbia uminilh šgiš ukd masgia mriduta masgia ušlama briša d Sbata mšalim hakima kd iatir malalh mtaqin udiauria hauia bkulhun šapirata sakla kd iatir malalh mkidib udiauria hauia bkulhun bišauata hakima kd mšalim šuta triSa bkulhun paiqania d abad u`siqta škiha hakima dauria triS upaturia maušaT lkulhun šulmania sakla kd iatir bpumh hašib hušbana d aula b`dia mqarib danqia usianqia hakima kd `tlak dina minh dina iahib mn napšia u`bidatak bnihuta ušlama masgilun sakla kd `tlak dina minh šuta dakšia uqalh mqašia Sauria lsipia mamTia hakima d lahadia aminTul d dilh ulau dilh rania sakla sgara bSaurh uraqid `u mamlilit mn hakima Taba zadibak `ubadia Tabia zakuata `u bahšatba bsakla mitqašat mn glala minilh d hakima lsakla aiak glala d bmiša laraTba minilh d hakima lsakla aiak naura l`uira minilh d hakima lsakla aiak miTra barqa bišta minilh d hakima lsakla aiak mana hiuara lazgauaia minilh d hakima lsakla aiak miša d purusma lSaiada minilh d hakima lsakla aiak bastarqa ldabaga minilh d hakima lsakla aiak ptula lgauaia minilh d hakima lsakla aiak gumria d nura bgu mia minilh d hakima lsakla aiak makluzana lharašia uduga kpinta lsakla qilalak bkulhun šiTuata sauata lsakla šqul uqabil minh riTna d aula d hakima d amar ana mn qudam sakla lamrahaq hu riša d kulhun saklh umindam lahakim sakla d šdiq bhakima mihšab man d lau rahmak latibdia

b`bdatak d libia lanhia ulamakik latihišbia br haria `niš d laTalam anašia luat dina lanizal d qaria ulabid damia lzarnuqa udaula hamilh umašqia mia lhabria d qaria ulabid damia lgabra d snia bdmutia uSaiar Silmia hu banašia lamSia d niSapir d qaria ulabid damia lkaSara d hauria llbušia d malka ušiqluia minh d qaria ulaabid damia lTura lTruša d kul zmaria uanamia lašama d qaria ulaabid damia lbanaia d banta lnapšia labna d qaria ulabid damia lšakaba d šakib bhilmia gaTil bildbabia kd `tar mn šintia mindam uabid d qaria ulabid damia lpardispan d klila lnapšia lagdal d qaria ulabid damia ldaian d dina lhurina uailinun lhalin d qarin ulaabdin d šnut amrin ušnut abdin mn lbar mhauian nišanqia d haimanuta umn gauaiin hbila hblun aminTul d abdia ulaiadia d Subianh d marh labid qarib muta mn hiia šalmania hanik hinun d qrun ušumaiun uabid uma d mamlala pumaiun lamkadbia hazin hu malala d hakimia d apriš ugalil iahia br zakria b`urašlam mdinta d iahuTaiia uzakilh iauar ziua hu ukulhun adiauria uhiia zakin lkulhun `ubadia sa . hazin raza usidra uaprašata d iahia br zakria hu sa # bšumaihun d hiia rbia nukraiia laupa uruahua d hiia ušabiq haTaiia nihuilia `l . ulab . u`l `m . u`l `m hurintia . u`l zauai . u`l ahai . u`l ahai hurinia . u`l šitlai . u`l abahatai

. bšumaihun d hiia rbia nukraiia . `unian ab `unian udalian rba br rurbia abun br hiia . hazin hu raza usidra uaprišata d apriš manda d hiia lgubria bhiria zidqa ukulhun šurbata d adam kd hua adam uhaua zauh nihtat ruha d qudša laruqa d saupat titaita u`l `bdunia titaiia d hšuka uatiat ruha Tnupia udaštania mn zamur daiua uasarala lhaua bhalSa uamra nihuia iumia uiahria ušaiia uripsia u`dania d bhiria zidqa bgauh nitgaTlun unistakrun uhda minaihun lnhura lanisaq `lh d saliq hibil ziua maituiia `ruta utušbihta mn nhura hazin raza d qrat uhašbat ruha uata hibil ziua dal mha bmarginh hiuara lmia uamar zibna upusqana nihuia lmindam d qrat uhašbat ruha lasra iumia ulhamisar iumia ulsrin iumia uliahra ulpalgu d iahra d bhiria zidqa bgauh lanitgaTlun ulanistakrun uhaizak amarla iurba lruha kul mahu d anat abadt manda d hiia pusqana mšauilh haizak amralh ruha liurba `it mindam d ana abdana d almia kulhun bgauh mištbin utarmidia bgauh saTin uazlat ruha ušauiat Tabla uzmara uphuria usiTia uazlat uzmara usiTia ušauiat qarnia ubiluria d alma kulhun bgauh mištbin uazlat uqaimalh qudamia d manda d hiia uamralh ana aklana šaba mnauata uanat aklit mnata hda ubmnata d anat d aklit ldilia mnata bgauh `tlia uamarla manda d hiia ia `uirtia d `uira bliba hasirta d aina nhura lahazia anat hazin aklit šaba mnauata uana akalna mnata hda ubmnata d ana akilna ldilak bgauh mahu d `tlik uamralh `tlin halin naSuraiia d rbuta bargba uminuna nasbin halin d šatin hamra bzmara ukinar zmara uambuba halin d iatbia puhria uguha gahna lqudamaihun bšibia dilia mištbin ušumak dilak manda d hiia ladakria uzidqa laihbia uTabuta labdia balma hazin ana makšilnalun uraminalun btasniqia d alma hazin amarla manda d hiia hanatun d haizin abdia bškintik dilik ništikinun `u baiina lmiqria `utria qarina mn iardna hiuara rba d hiia qarilun manda d hiia l`utria ultarmidia uamarlun `lkun qarina bnia d ana

rabit `lkun qarina naSbia d ana niSbit mn abinia amamia utaumia ulišania bnai `zdaraz bmamlalai dilia d latistakrun bhšuka gahia aminTul d mzarzinalkun umaqminalkun balma hazin aminTul d ana b`uSrai iadana d `kma d dara baSra bišuta kabra `lauaikun anatun bturSa qum qudamai d mparqinalkun mn ridpa d šuba šibiahia uhab zidqa uqrun qala d hiia ualbuš lbušia ukasun ksuiia `u `ka gabra naSuraia d lamSia d natnh lkulh zidqa nitun palga d zidqa u`dh bkušTa nipšuT lqudamai uana barqa d nhura bmalia `hišbia `lh tum maprišnalkun bhiria zidqa `lkun d `it luath d iurba ul`utria d minh zhir uzihrun ubhir ubihrun utar utaruan usar usaruan unSab uanan nSab ulrabia Talia d iatib bmarkabth lqudamh ultartin tikia d nhura d traSlh briših hda zihan šuma uhda hurintin zha zihan šuma uamarlun iurba man d mSia lmizakia lqala d hiia d hua mn laqadmia uamarla iurba lruha akandit qala d hiia btibil aith akandit qala d hiia b`udnai napil kma qala d hiia btibil aith riTna d hibil ziua šamana ana amarna akandit hibil ziua mn dara lasliq tum maprišnalkun bhiria zidqa kul zban d qraba barqa d nhura uaiar ziqa balma nitiahar anatun b`uSraikun pruš aminTul dilkun hu hšuka unhura mkadšia mn hdadia atuata unišanqia mhauia bgauh d rqiha uanatun minh latidihlun tum maprišnalkun bhiria zidqa zariz napšaikun ubnaikun uzauaikun ušitlaikun ulhaimanaikun ulhamaikun umaiaikun uminh latidihlun aminTul iakandit d ardna rba d hiia ušilmai unidbai haka hinun aminTul d halin naTria haka lahun akuat damia arqa d tibil liurba lmisapa ldila ulrqiha lhdadia kd arba d mia azla hinila tlata zibnia biuma qala qarilh lšamiš mn bit abatur zibna brahmia d miSTipra uzibna brahmia d šaba šaiia uzibna brahmia d lpaina anatun `tapraš uminh latidihlun kd qaimitun mn šintaikun ubaiitun mibia rahmia kd mitahzia plugta d ziua tum bun bšaba šaiia tum baiitun mibia rahmia d lpaina d qaimia drabšia bun gabra d kasilun ldrabšia mqabilun lrahmaikun unaTarlun bit ginzaiun d hiia rurbia hiia liadan hiia lsabran hiia lgubria masbiranan uqaiamin hiia bškinatun uhiia zakin sa . hazin hu raza usidra uaprišata d apriš ugalil uamar manda d hiia sa # . bšumaihun d hiia rbia asuta uzakuta ušabiq haTaiia nihuilia ldilia . ulab . u`l `m . u`l `m hurintia . u`l zauai . u`l ahai . u`l ahai hurinia . u`l šitlai . u`l abahatai

. hazin hu raza usidra uqarqalta d šuba kukbia d galilun uaprišlun manda d hiia barqa d tibil u`hablun lhibil ušitil uanuš uhibil ušitil uanuš `hablun lrahmia šumaihun uglilia lrazaihun ušiTuatun d šuba šibiahia ulliguTta qadqaita d lgaT kiuan mn qudam kulhun kukbia d rugza mn bnia šurba rba d hiia kinta kan urušuma apak uanba nbiha d kadba uSaliba d hšuka ramilun lkadpaiun d smalun umn bataiun šbanun u`tahzilun badmu šliha uqra lnapšia maria mariuan alaha d mhauia gambaruata b`šumia uarqa ušra lSaiamia uSaiamata mšauia gubria `zibia u`nšia `zibata ušria `lauaihun ušakbia luataihun sahria udaiuia liliata mn `nšia hauin daiuia zikria uliliata mn `nšia hauin daiuia zikria umn gubria hauin liliata nuqbata ulagTia pagria ugaTlia umapqilun lnišmata mn pagraihin bla zibnaihun

umalpilun hukumta d kadba ubadmu dmuta d nhura midamin napšaihun umn šuth d gabra nukraia nasbia drašia d karba daršia ubit razia abdia ubgauia sagdia uluat hdadia šakbia uzira nasbia umia mn iardna brbita haditia hatiqia arbia ulagTia lquramaiun d kulhun bnia anašia ubadmu pihta d gabra nukraia abdia unišmatun msakralun ukul minaihun d maiit bdma umTanuta umarganuta d mia siauia umiša ramilun bpumh badmu tarmidia masiqta udukrana `l napšaihun abdia uqarin lnapšaihun nbihia d kadba uiahiblun Sauma rba d arba iumia utmania iumia ud`srin iumia bšidqa ubhamšin udšitin uhda iuma d Sauma iahiblun haslinun lbhiria zirqa d `da d kiuan uruha umšiha ušuba šibiahia tištalaT `lauaihun uap anatun tarmidai šlama `l nbihia latitnulin u`da minaihun latipišrun latipišTun aminTul d lqudamia bpagraihun nišmatun Sauia uziraiun mn bit hiia mipsaq ukul tarmida d šlama iahiblun rugza mn hiia mšauia `lh ha amarlkun lkiuan ulliguTta d lgaT mn bnia šurba rba d hiia d nagdia kupna mn hiuia Sahin mia mn šušumana kd maitia ruhaiun daika kd gimra giTma umaita nišmatun kd gumria d nura ha amarilkun lkiuan ulliguTta d lgaT hu uligTth d lgaT misip saiip liuma d sup umarlkun `l šamiš u`l ligTta d lgaT minh dilh hun iazuqaiia ubdmu dilia gabra nukuraia napšaihun midamin ubursmaiun kd Salibia lkadpaiun pakrilun ušuma d `šu dakria bdmu pihta umambuha dilh gabra nukraiia uasrh lagTia badmu masqata `ndruna mšauian umia unura napša `qara mšauilun udmita aklia uamria d alaha giTlia uluat `maiun ubnatun šakbia ušidqa lagTia umania d `nšia d daštaniata nasbia ulabšia umikasin uamria lamTanpinin ušiTuata d napšaiun laiadia kd zauaiun šadia `lauaiun mn karsatin uamašlilin mn biria šaba maqralin utinia d hiuaniata Taribin ubgapa mašigilun umn baba d iazuqaiia napiq baba d iahuTaiia lhdadia usalqia hdadia gazria u`daiun banpaiun šaipia udma d gzurta umia nasbia ubanpaiun Taria u`bidata d minh aklia umn hanatun zma ramibh uqarin lnapšaihun iahuTaiia d hTun umaskilania d askil mn mata ruhaiun bnura d iaqda qarilun mn iahuTaiia gziraiia baTlia kulhun amamia ubabia d hšuka minaihun miTanpia umakairia d abad `bidatun lbit hiia lamitakšar d akil mn `kiltun ainaihun nhura lahazia d abidlh lrahmutun muta tiniana maiit ana `lkun amarna tarmidai umaprišnalkun lkul Sbu maiit ana `lkun amarna lkul mindam d maititun mn šuqia ubiriata halil bmia uakul aminTil d lamhalil uakil lmana d barda mitnangar ha aprišnalkun lbaba d iahuTaiia `marlkun lbaba d libat kukbia d šanai mn kulhun kukbia d mina dila npaq gaura pirSa uzaniuta umina npaq tlatma ušitin zmaria uqalalia uhauian ruhia bišata umšauia puhria uzmaria uramin šibia bkul dukta umšauin Tablia ukinar ušiha ušibia uzmara iahbia lgibia d ruha d hinun talin Tablia bkadpaiun uzmara uambubia bpumaiun urugza rba mamlilibun u`nšia ugubria ururbia udirduqia bgauh mištahnia umištagria umipaTria ušiha labišlun ubhinga naplia humria d nirag bdmu quph lkadpaiun iatbilun ubhinga mšarilun ubsadqia d nura šadilun uharšia ušiha malbišnalun ubrazia ruita mištbin ulaiadia mahu d abdia tum npaq baba hurina d mnunaiia mitqrin uardia labšia uardia mksia uklilia d pirSa uzaniauta brišaihun matnalun hadiaiun mgalilin lšiTuata usiTraiin primlin lqlala ušabilun lbnia anašia umakšilun umitqarian sada d gubria gabaria ukita mšagša alma bgauaihun dilun mitgaTlia umistakria uabdilh haršia lkulh kana d nišmata ulgubria šabilun mn baitaiun umn zauaiun umapqilun bharšia `ubadia sainia ubtasniqa rba šadilun umitaqrin gibia d ruha umšiha ušabin šibia ugarbin girbia ušumh d mita dakria umaulia uzabna uargba uminSa napša mšauin kd maita ruhaiun mn qulalia upirSa ušušlata lanapqa umaitia muta tiniana uramin šiha uzmara d kadba ualmia udaria luataihun mištabin hinun lpumh d `ušana šaplia ha amarilkun lbaba d libat ul`bidata d abrat balma u`l qudša ulšuba qudšia qadmaiia amarnalun br iahuTaiia gaTlia umn zma nasbia ublhama apin ubikilta iahbilun udaštana uzaniuta d zaniuta d ptulata bhamra Tarqin bkasa mašqilun uainaiun d bnia anašia lanaplia `lauaihun ulašabqilun d hazilun uapkilin l`bidata d gabra nukraia utigra barqa

qabrin umia mn iardna ganbia ubnura salqilun ubtigra ramilun umahitilun lgubria u`l `nšia kd šlihia ubmia mamidilhun umn hanatun mia mašqilun ušuma d muta dakria `lauaiun šum aba ubra uruha d qudša mamidilhun ušumh d mšiha `lauaiun dakria utm hauia raza hurina d mitaqria qudša d atana d arbia ligria dukta d mištadar bainaiun hazilh umitaqria qudša msaiba d bgauh mistakar kula kana d nišmata uhauin ptulia uqadišia d zira `l aTmaiun rmilun ubnaiun gaTlia bkarsauatun umitiqrin ptulia uqadišia d mabTin uqaimia bmaTarata hauin minaiun `blia u`bilata d hinun Tabia biama rba d sup uqarin lnapšaihun Tubania uTubaniata d mTaba nišmatun bhabara gahia tum hauia baba hurina d rišaihun gaidia ualaha d qurqsa naqšia usagdilh uba baitaiun Sairilun uhinun ubnaiun ubnatun sagdilun unaquša naqšia u`bidata d haršia uhukumta umasiliuta abdia uluat atuat bdaštana šakbia uqarilh sibra d bit alahuta d `šu mšiha maran uamarlun ruha latikairunh d laiit `sura `la`aikun tum amralun ruha kul d abdia abuia u`mh maitilh ubrh bukra d iaqirlh sumnun bbaitaikun lbr minaikun latipqunh tum amarnalkun raza hurina kul pila supa ukatuliqa umatrapliTa upisquna uqašia ušamiša d maiit mn binataikun smuia bqlasa usgudaiun uSalun `lauaihun umn bit mazgidaikun latipquna uap d `lak kul d saiura usakla šahira d napiq mn binataikun d `lik ltihrata d mšiha sumuia bit madbha tum latikairunh `marlkun lbaba hurina `l qudša d bit mqadšia d iaqid blilbia umhabib bruiania d bnat anaša d šuba Tubania kanpia uluat `nta šakbia uzira šadiba uminaihun baTna uhaizak liahria šuba bmhita mahila lihria umapkila unasibila bšulith d mh upirSh udaštanh umn muqrh mšauin miša d birkta hanath raza bmia salqalh umn girba mšauin mdudia d qudša hanath raza bgramka ubgulazta apin haršia ušiha šadibh umitiqria qudša d gumarta d iaqid blilbia uruiania kulman d minh akil anph lbithiia lamazbar umn almia udaria kauia `marlkun lbaba hurina d abdabia bkana d nišmata d npaq minaiun `blia u`bilata tum bTura uaramata udaštata Taiin udmutaiun ldaiuia damia arTil šlihia umanzaihun lbarahia zakria udmutaihun saina mn lilia udahala mn gauh d habara gahia uqarilun nakriTia d raiia d iaruqa aklin umn maukalata uTabauata šapirata d šauia ptahil bania šumia uarqa lamšalTia `l mikal uhaduta litlun ulašabqilun ruha umšiha d nihrubh balma hazin udaiuia minaihun raTnia uamria d alaha minaian raTin uanin mn alaha lamitkamrinin uqarilun ltarmidia umpašqia malia umzabnia daulia d mia uamralun ltarmidia d šrara balma litlaikn tum Sauma ramilun lpumaiun d laništqil šumia d gabra gTila mn binataihun uaqapra d mita nasbia ubkul `bidatun u`kiltun ramin tum amar uapriš manda d hiia kul gabra naSraia d nakil `kilta d mšiha d iuma d lagTia Sauma lmana d nura mitnangar tum kul gabra naSuraia d biuma qadmaia d šidta haditia mia mn iardna nasib uminh ništia uanpia nimšia nihuia mna ruha umna mšiha umištakalun lšuba bmnauatun tum maprišnalkun tarmidai d hauia baba hurina d mn mšiha npaq d mitiqrin zandiqia umardmania d zira bTišia zaria umnata lhabara palgin u`nšia ugubria luat hdadia šakbia uzira nasbia ubhamra ramin lnišmata mašqilun uamrin dakia hu uqarilh lziqa unura umia ušamiš usira mšabilun ukd maita ruhaiun damia ldidbia d iatbia lduda saliq hablia maTilun ušahlia ganpaiun umiTarpia unaplia umitiqrun gbita d mardmania gba kul gabra naSraia d nikul mn `kiltun napil biama rba d sup d amarilkun lruha umšiha ušuba qudšia qruia balma lkatura lakan d nišmata `marlkun `l baba hurina d qra bil nasbia taga umdabria malkuta d minh npaq sipra d ruha ukul tibil umaita umitgTlia ldahba ukaspa gaTlia gaTla ušdia dma utarmidia bgauh mitgaTlia unaSuraiia bgauh mištabin uialpilia lsipra d ruha ušatilun lmia tahmia brabuta mištbin uSilmia uSibunia rahmin urahmilh lragagta d tibil uamria minh lanapqinin utibil labaTlia kul gabra bhira ušalmana d makisilun ridpa hambaga hauilh ana maprišnalkun tarmidai kul gabra naSuraia d agra uzirqa d iauar lSabunia nitin ututbia hiuara niSba udmutaiun nišania uziuh nalbiš unaqma qudamia nitamhia mhita bgu mhita lika d litlh saka

umn nhura iaqra nitagzar unapil bmaTarta d šuba šibiahia ulbit abatur laniqrub tum kulman d nitib lSibunia `u rišia natna `lauaihun dina d ladina nidanunh uap anatun tarmidai lSilmia ulSibunia d hazin alma latihuilkun ragagta umn iauar kasia latitpisqun aminTul kul d atuat d biardna Sb`ia ubrušuma d hiia ršima umania d Siba labšia lmania d nura mitnangra gaTna nišmata kd zimta briša ušaialta ušargazta hauiala bmia siauia umaita tum asuta litlh amarnalkun lqala d qra bil d kulhun rurbia urbutania bgauh mitgaTlia ulaTia b`daihun d nitparqun minaiun ubakin ualin umitašidin ukul ium abdia qraba uzma ašdia uhauilh ridpa lkulh kana d nišmata ulšurba rba d hiia zban zban kabria `lauaihun uamria nasqinun mn alma hazin ulhama bsipa aklia kma d dara baSara bišuta kabra `lauaihun ukulhun amamia utaumia ulišania ldilun sagdia uap napša nišmata d mn šurba rba d hiia d azlin ldilun hauin umn šumh d hiia kapria uldilia sagdia ubmanda d hiia saipiba uap babdala arbaia ubruha d qudša sahdia d glalun raza d muta uazlin ulšuma d hiia laiTilh ukul mTanputa umkairuta minaiun napqia ulšuma d hiia mkairilh kulman d mn šurbata rba d hiia hu ulabadla sagid ruaha lamaška aminTul d rušuma apik ušania lmana d barda migTil ap kul humria d npaq minh šuTa ušulTana `l abdia u`l amata d abdala šarin uqala ramibh uSaluta d zipa mSalin ulrqiha masqin uhdadia mdabria ulšuma d šibiahia mganilun unirig amarlun d laiit alaha d minai dilia iaqir ugabir hu kul zban zban hirba usipa bqraba ugiTla ukupna uSurpana uqraba uridpa lahh ramilun utibil kulh barbia zauiata hu marguš kul ium ramia binataihun ukulhun nišmata d abdala kadšilun bhirba unura u`šata kul ium kul iuma ruha lbra napqa uminh d nirig qraba abdia uamralh ana `habilak ktaba umimra uraza d muta galilak u`hauilak šuTa ušulTana u`mra ušima uamarilak kulh nhura ldilak nidnia uamratlun lsagadak ha lginat `dania masqinalkun latra d ainaikun msakialh umasqatlun l`šul titaita bšuTa ušulTana ubdahba ukaspa mšabšatlun u`lšul titaita msaratlun ukabšit `lauaihun mana sada hlaSa umSara upkara ungada uamarilak lau amart d alaha gabara ana hu nhura mhauinalkun uap kulman mn bnia šurba rba d hiia hu d alip mn ialpanun umn siprun hu msaralh lhaka atra rba d hšuka tum d našira abdia ubisra d našira abdia gaTlia aklia nišmatun bhirba usipa mitnasbia kul `nšia d šimTia upatakata d dahba ukaspa mištbin atutia dudia maitia muta tiniana ulbit hiia lasalqia ha aprišnalkun lbaba d bil ul`bidata d abid balma tum maprišnalkun lsin ulqala d qra d minh hauin iahuTaiia iahTia unapSia hauia girbania ugarbaniata hu abadbia bišuta btibil kulh bgu mura d hu Tapia hu baSir hu marim hu mašpil hu mdalh hu msaria hu pasiq kilh hu mahrib šnia uabid bišuta biuma uiahria ušnia hu masTilia lkulh kana d nišmata unapqa humria qadišata uzaprata ušaria l`nšia ulgubria umitaqrin baiuazag usaiin mia hda kumra brišaihun maqmia uluata šakbia uziria šadibh hanath raza nasbilh ubkaka apilh ubmiSra naplia nasbia lhdadia iaman ulhdadia lamgalalin uap iahTia unapSia mkainalun kd zan d abdia abdilun ulgubria u`nšia mn haka raza aklia tum ruaha uasuta litlun uainaihun nhura lahazia ha amarilkun lbaba d qra sin ul`bidata d abid balma ulšiTuata d šaTia lkana d nišmata d ašiTuia upalguia bmna mna hazin hu baba d auditinkun tarmidia ulšiTuata d abid balma `marlkun lbaba d qra nirig d mitaqria abdala arbaia d minh dilia šaba dmauata d rugza d kana d nišmata bgauh mitgaTlia utibil kulh atutia kursia mištpla d minh dilia npaq šauTa ušulTana d aklia umalkuta mdabria hirba usipa šamTia udma d bnia d adam ašdia ugarbin girbia ušabin šibia d lazban bdahbaiun ula`tangar bkaspaiun ulaqunun bqinianun ugazlun `bra mn `mia ugabra mn `nta ulaba mn bnia unasbia hailaiun hiltaiun ulamaTia b`daiun d aitpaSun minaiun bakia alia umitašdia kuliuma qraba abdia uzma ašdia hauia ridpa lkulh kana d nišmata ulšurba rba d hiia zban zban kabria `lauaihun uamria d nasrinun mn alma hazin ulhama bsipia aklia kma d dara baSra ubišuta kabra `lauaihun ukuhun amamia utaumia ulišania ldilun sagdia uap nišmata mn šurba rba d hiia ldilun hiia hauia umn šuma d hiia kapria uldilun sagdia bmanda d hiia saipibh uap babdala arbaia ubruha d qudša

sahdibh d glilun razia d muta uazlin `l šuma d hiia laiTilia ukul mkairuta minh umiTanputa minaihun npaq ulšuma d hiia mkairulh kulman mn šurba rba d hiia hu azil larbaia sagid ruaha lamaška aminTul d rušuma apik lmana d barda mitgaTlia ap kul humria d npaq minh šuTa ušulTana labdia uamata d abdala šarin uqala ramibh Sluta d zipa mSalin ulrqiha masqin uluat hdadia mdabria ulšuba šibiahia mganilun unirig amarlun d laiit alaha d minh dilia iaqir ukabir hu kul zban hirba usipa uqraba ugaTla ukupna Surpana uqraba uridpa lahia ramilun ulh` tibil kulh marguš kulium ramia binataiun ukulhin nišmata d abdala arbaia `lh azlia ukadšilun bhirba unura u`šata kulium ukul iuma h` ruha lqraba napqia uminh d nirig ramin uamrilh ana `hablak kdaba umimra uraza d muta uglalak šuTa ušulTana u`mra ušima d amarlak d kulh nhura ldilak nidna uamratlun lsagadak hu lginat `dania masqinalkun latra d ainaikun msakialh umsaratlh `l šiul titaita bšauTa ušulTana udahba ukaspa mšabšatlun ul`šul titaita ngada uamralak lau amart d alaha gabra ana hu nhura mahuinalkun umiša udupša maukilnalkun ulbušia rgigia malbišnalkun ukul busma iahbinalkun uTabuta maškitun ulaiit alaha d minh gabir u`nšia d rgigia iahbitilkun hašta alma šabšit `lauaian mn sada hlaSa umSara upkara ungada udina ladina dainatlun uabdia d gabra nukraia d anin sipa šalapnin `lauaihun hašta slaqnin lalma `laia d nhura uanin haka psiqnin bhšuka umia siauia uruaha uTabuta lamaškinin uamarlun abdulia arbaia labdia ulbabia kulhun d haimanubh kd ana šabištinkun bšibia rba utibil kulh ldilkun šauith šuTa ušulTana `hablkun ukulh alahuta atutaikun štpil ukulhun amamia utumia ulišania bgirba graubtinun ana uruha `m luat hdadia šbitinkun `mrit tihuilia `kilta liuma batraia l` ldilia ulqaduš rba d ab d minh huit ulab liuiatin ha hzun d kulhun šibiahia haila kd dilkun lahbalkun uabdaikun d šibiahia ahai bhailakun dilkun lamSun ušulTana kd dilkun lahualun hašta liuma rba d dina paršagna luatai litlaikun aminTul d alita udupša uakiltkinkun uklila busma ubrihania ubusmania `tpanaqtun ubalbušia iaquria asgitinkun dirkia d piTma šauitinkun hašta `niš mn `dai lampalaTlkun ulampariqlkun ulnhura lamasqilkun lbaba d kulhun šibiahia ulšiTuata kulhin aprištinkun uap mn `kaltaikun latiklun u`daikun bzma laniluša upuma d laSbia latinišqun umšabin hiia uhiia zakin lkulhun `ubadia uzakia ama d naSuraiia uhiia zak`in sa hazin raza usidra uqarqalta d šuba kukbia hu sa bšuma d hiia rbia `unian ab `unian udalian rba br rurbia abun br hiia . hazin hu raza usidra d ziua d iaqid bgu mana d minh hun šambibia d ziua umn hun iardna gauaiia minaihun umn hanatun iardna hua iardna rab kulhun iardnia mn hanath iardna piršat unipqat niTupta rabtia kasita qadmaita d minh mara d rabuta rab kulhun `utria abuhun d kulhun sabria d minh hua lhudaia rba zadiqa d minh hun bnia prišaiia d hiia qadmaiia d qaimia btušbihta sagdia umšabia lhak mana rba kabira uamarlun qum puq lpiriauis iardna ulgilia mia hašib uqrun bra hda d lasaipa dmuth ulitbh hašabta hinila nhur Srik ušdiq ubasim udamia l`utria bnia nhura uma d amarln mimra qam btušbihta usgid ušabuia uiatbuia uqaimuia uamrilh ma d amart mqaima uqam unpaq `l piriauis iardna ulgilia mia hašib uqidiuia lhda bra d lasaipa dmutia ulitbh hašabta lihdaia rba zadiqa d mn lihdaia rba zadiqa hua hiia qiriuia bmamlalun u`tqaiam hašabta lmahu qrun uqam hiia qadmaiia sgid ušabuia lhak mana rba kabira uamarlun hašibnin uqranin hda bra lihdaia rba zadiqa d mn lihdaia rba zadiqa hua uamarlun `zil albišuia `uSTlia d ziua ukasuia TarTabunia Tabia dakiia d nhura uatun albišuia `uSTlia d ziua ukasiuia TarTabunia Tabia dakiia d nhura uamarlun qum hzia abuk d iatib batria uamarlun `ka d rab minaikun unapšalh almia d nhura liaminh ulsmalh qum hzia škinta bgu škinta uamarlun haza škinta d anatun amartulia `lh haizak npaq uata paruanqa d hu adakas malala šumia mn qudamia d mana rba kabira uamarlh manu šumak šidqa nTir trin zibnia mšaiilh uamarlh manu šumak šidqa nTir tlata

zibnia mšaiilh uamarlh manu šumak amarlh ana hu rabia Talia lhudaia rba zadiqa ligTia uhananh uailia uhauiia škinta bgu škinta uhauiuia tilbunia rurbia d kasia hzia Sauta d šanai ziuh uiaqir nhurh ubaiar umitraurab dmuth kd hzia haq zha u`tazha unpal `l anph usgid ušaba haizak amarlh paruanqa d hu adkas ziua šumia kulman d haza dmuta lbnia anašia nigalil d lašihia ulaška ulika d saka litlh lnhura lanihizia d nikisia uninaTra lhaza dmuta ium bium nasqa unihizih latar nhur umn Sautai dilia tišria `lh uamarlun rab ziua rabia Talia lparuanqa d hu adakas malala šumia lziua d `lauia ziuia ulnhura d `lauia nhuria man d šqalia bluqia mn ainh uksil bisra mn libia hin amrit lhiia abahatak amarlun d nihdun b`uSraihun napšaihun bma d hzit haizak nhat uata uaškinun lhiia qadmaiia kd iatbia bškinatun uamarlun hdun unhar b`uSraikun d napšaikun bma hzit haizak amrilh hiia qadmaiia `l rabia Talia mahu hzit uamarlun hzit ziua d `lauia ziuia unhura d `lauia nhuria hzit Sauta d šanai uiaqir nhura umraurab dmutia unapšilh alip alip almia d nhura liaminh uruban ruban almia d nhura lsmalh uqam hiia qadmaiia hinun uškinata d napšaihun `hablh buta utušbihta usliq qala ukaluza luat mana rba kabira uhu mana rba kabira d šumia bhanath d alma d qala ukaluza uqam qra alip alip almia d nhura liaminh uruban ruban almia d nhura lsmalh uamarlh mana rba kabira lhak paruanqa d qaiim lqudamia d rabia Talia lia hu nibunh lqudamia uamarlh hin amrin umqaima unpaq uata mn qudamia d malka d nhura uluat hiia qadmaiia uamarlun rabia Talia lia hu lihdaia rba zadira lia asgia uamrilh hiia qadmaiia asgia lalma d nhura hurinia d qria ulamtaqnia šadrunh uligTuia `lauaihun d nitaqninun uamarlun nibunh bsarhabaiit uatiunia uligTuia uauluia rudamia kd sigdit ušabith uamarlh brik atra d `tit minh umšaba umraurab umqaiam gabra d `lak šihlak ušadrak ligTia bpras iaminh uasiq amTuia lqudamia d mana rba kabira kd hiziia hanania unišqia uamarlh `zil uamarlun lnaSuraiia d šbiqia balmia d hšuka umia siauia kul gabra naSuraia d kušTa mn napšia nipšaT akuat mana rba kabira d pšaT `da mn maSbuta d napšia kd Sauta lahuatlh hlaq umnaq bit hiia latihuilh kul gabra naSuraia kd iatib upihta nišauia agzarta umhita ušiqupta mn bit hiia tihuia `lh hinilh `npiš b`npiš niqum unišauia uiatir biatir nitab unitanha umšabin hiia banhura d saka litlh uhiia zakin uzakia iauar ziua urahmh sa

.