Ang Santos Nga Rosaryo Sa Mahal Nga Birhen Maria

ANG SANTOS NGA ROSARYO SA MAHAL NGA BIRHEN MARIA MGA PAG-AMPO SA PAGSUGOD Timaan sa Krus Tungod sa timaan + sa Santa Krus, sa among mga kaaway bawion mo kami Ginoong Dios namo, sa ngalan sa Amahan, ug sa Anak, ug sa Espiritu Santo. Amen. Credo Nagatoo ako sa Dios nga Amahan, ang Makagagahum sa tanan, Magbubuhat sa langit ug sa yuta. Nagatoo ako kang JesuCristo Iyang bugtong Anak atong Ginoo. Gipanamkon siya sa lalang sa Espiritu Santo ug natawo gikan ni Maria nga Ulay. Nag-antus sa sugo ni Poncio Pilato, gilansang sa krus, namatay ug gilubong. Miadto Siya sa mga nangamatay, sa ikatulo ka adlaw nabanhaw Siya. Misaka Siya sa langit ug nagalingkod sa tuo sa Dios, ang Amahan, ang Makagagahum sa tanan. Mobalik Siya aron sa paghukom sa mga buhi ug sa mga minatay. Nagatoo ako sa Espiritu Santo, sa Santos ug Katoliko nga Simbahan, sa panag-ambit sa mga Santos, sa pagpasaylo sa mga sala, sa pagkabanhaw sa lawas, ug sa kinabuhing walay katapusan. Amen. Amahan Namo Amahan Namo, nga anaa sa mga langit, pagdayegon ang imong ngalan, umabut kanamo ang Imong Gingharian, matuman ang imong pagbuot dinhi sa yuta maingon sa langit. Ang kalan-on namo sa matag adlaw ihatag kanamo karong adlawa, ug pasayloa kami sa among mga sala ingon nga nagapasaylo kami sa mga nakasala kanamo ug dili mo kami itugyan sa panulay, hinunoa luwasa kami sa daotan. Amen. Maghimaya ka Maria Maghimaya ka, Maria, punô ka sa grasya. Ang Ginoong Dios anaa kanimo. Bulahan ikaw sa mga babaye nga tanan, ug bulahan man usab ang bunga sa tiyan mo nga si Jesus. Santa Maria, Inahan sa Dios, iampo mo kami nga mga makasasala, karon ug sa oras sa among ikamatay. Amen.

Gloria Patri Himaya sa Amahan, ug sa Anak, ug sa Espiritu Santo. Maingon sa sinugdan, karon ug sa gihapon, ug sa mga katuigan nga tanan. Amen. O Jesus Ko O Jesus ko, pasayloa kami sa among mga sala. Luwasa kami sa kalayo sa Impyerno. Dad-a ang tanang mga kalag ngadto sa langit ilabi na kadtong nanginahanglan kayo sa Imong Kalooy. MGA MISTERYO SA KALIPAY 1. Ang pagpanamkon ni Maria Santisima sa lalang sa Espiritu Santo. Palandongan ta niining misteryo giunsa paghimamat ang Mahal nga Birhen Maria ni Arkanghel San Gabriel. Siya mao ang babaye nga puno sa grasya, ang balaang babae nga mamahimong Inahan sa atong Manunubos. Si Jesukristo, ang atong Ginoo, nagpakatawo diha kaniya. 1 Amahan Namo, 10 Maghimaya ka Maria, 1 Himaya, 1 O Jesus ko AWIT 2. Ang pagduaw ni Maria Santisima sa iyang ig-agaw nga si Santa Isabel. Palandongan ta karon ang Mahal nga Birhen nagbaktas sa kabukiran sa Judea aron pagduaw sa iyang ig-agaw, si Santa Isabel. Si Santa Isabel miingon kaniya: “Bulahan ikaw sa mga babayeng tanan!” Ug si Maria mipuyo uban kaniya sulod sa tulo ka bulan. 1 Amahan Namo, 10 Maghimaya ka Maria, 1 Himaya, 1 O Jesus ko AWIT 3. Ang pagkatawo sa Diosnong Bata didto sa Belen. Pamalandongan ta karon niining misteryo ang pagkatawo sa atong Manunubos didto sa pasungan sa Belen kay wala na may balay nga kaabutan ni San Jose ug ni Santa Maria. Ang batang Jesus gipahigda

sa mga ohot tupad sa iyang inahan. Ang mga tawo wala makaila ug modawat sa ilang Ginoo. 1 Amahan Namo, 10 Maghimaya ka Maria, 1 Himaya, 1 O Jesus ko AWIT 4. Ang paghalad sa Diosnong Bata didto sa templo. Pamalandongan nato karon ang paghalad ni Maria Santisima kang Jesus ngadto sa Templo. Si Simeon mapasalamaton nga nangaliya ngadto sa Dios ug midawat nga mahinangpon sa batang Jesus diha sa iyang mga bukton. 1 Amahan Namo, 10 Maghimaya ka Maria, 1 Himaya, 1 O Jesus ko AWIT 5. Ang pagkawala ug pagkakaplag sa Diosnong Bata didto sa temple. Pamalandongan ta karon niining misteryo unsa ka dakong kalipay ang gibati sa Mahal nga Birhen Maria ug ni San Jose sa ilang pagkakaplag sa batang Jesus didto sa temple human sa tulo ka adlaw nga pagpangita nila. Didto ra diay Siya sa temple nakiglantugi sa mga makinaadmananon nga nahibulong kayo sa Iyang katingalahan nga kinaadman. 1 Amahan Namo, 10 Maghimaya ka Maria, 1 Himaya, 1 O Jesus ko

MGA PANAPOS NGA PAG-AMPO Maghimaya ka Rayna Maghimaya ka Rayna, Inahan sa kalooy, kinabuhi, kinatam-is. Ikaw gilauman namo, maghimaya ka. Nagapanawag kami kanimo, mga hininginlan nga anak ni Eva. Nagapanghupaw kami, nagaagulo, ug nagapanghilak kami ning walog nga luhaan. Busa, among mag-alampo, ilingi mo kanamo kanang Imong mga mata nga maloloy-on ug kun ubos na kining paghingilin, ipakita mo kanamo kanang imong Anak nga si Jesus, nga mahal nga bunga sa tiyan mo. Ay maaghop, ay maloloy-on, ay matam-is nga Birhen Maria. V. I-ampo mo kami Santa nga Inahan sa Dios. R. Aron mahimo kaming takos sa gisaad ni Jesukristo among Ginoo. Amen. LITANIYA SA MAHAL NGA BIRHEN MARIA Ginoo,

Kaloy-i Kami.

Kristo

Kaloy-i Kami.

Ginoo,

Kaloy-i Kami.

Kristo,

Dunggon Kami.

Kristo,

Patalinghugan mo kami.

Dios, Amahan sa Langit,

Kaloy-an mo Kami.

Dios Anak Manunubos sa Kalibutan, Dios Espiritu Santo,

Kaloy-an mo Kami.

Santisima Trinidad, Dios nga usa, Santa Maria,

Santa nga Birhen sa mga Birhen, Inahan sa Diosnong Grasya, Inahan nga putli,

Kaloy-an mo Kami.

IG-AMPO MO KAMI.

Santa nga Inahan sa Dios, Inahan ni Kristo,

Kaloy-an mo Kami.

Inahan nga wala hilabti, Inahan nga Labing Ulay, Inahan nga Maligdong, Inahan nga Takus Dayegon, Inahan sa Kanunayng Panabang, Inahan sa Magbubuhat, Inahan sa Manluluwas(Manunubos), Inahan sa Santa Iglesia, Birhen nga Labing Maalam, Birhen nga Labing Talamdan, Birhen nga Bantugan, Birhen nga Gamhanan, Bitrhen nga Maloloy-on, Birhen nga Matinuohon, Salamin sa Katarungan, Lingkoranan sa Kinaadman, Hinungdan sa Among Kalipay, Kalis nga Espiritohanon, Kalis nga Dungganan, Talagsaong Baso sa Debosyon, Rosa nga Dili Matukib, Tore ni David, Tore nga Garing, Balay nga Bulawan, Arka sa Kasabotan, Ganghaan sa Langit, Bitoon sa Kabuntagon, Kaayohan sa mga Masakiton,

Dalangpanan sa mga Makasasala, Maglilipay sa mga nanagsubo, Hinabang sa mga Kristiyanos, Rayna sa mga Angheles, Rayna sa mga Patriyarka, Rayna sa mga Propeta, Rayna sa mga Apostoles, . Rayna sa mga Martires, Rayna sa mga Kompesores, Rayna sa Mga Birhen, Rayna sa mga Santos, Rayna nga Gipanamkon nga walay salang Panulondon, Rayna nga Gipasaka sa langit, Rayna sa Santos Uyamot nga Rosaryo, Rayna sa Pamilya, Rayna sa Kalinaw, Kordero sa Dios Nga nagawagtang sa Sala sa kalibutan, Pasaylo-a kami, Ginoo. Kordero sa Dios Nga nagawagtang sa Sala sa kalibutan, Dungga kami, Ginoo. Kordero sa Dios Nga nagawagtang sa Sala sa kalibutan, kaloy-i Kami V. Ig-ampo mo kami Santa nga Inahan sa Dios R. Aron mahimo kaming takos sa mga saad ni Jesukristo.

Mag-ampo kita: O Dios, kansang bugtong Anak, pinaagi sa iyang kinabuhi, kamatayon, ug pagkabanhaw, gilukat mo kami ngadto sa kinabuhing walay katapusan. Itugot, nangamuyo kami kanimo, uban sa pagpamalandong sa mga Misteryo sa Santos uyamot nga Rosaryo sa mahal nga Birhen Maria, makasunod unta kami sa ilang gipasabot ug mahuptan namo ang mga gisaad niini, pinaagi ni Kristo nga among Ginoo. Amen. AWIT: O MARIA, RAYNA SA PILIPINAS Pagdayeg sa Mahal nga Birhen Maria Dayegon ang imong kaulay, karon ug sa walay katapusan; ang maong Dios nahidlawan sa katahum mo ug kaanyagan. Kanimo Reynang langitnon, Maria Birhen nga walay ingon, ang kinabuhi ko ihatag, kasingkasing ko ug kalag. Kaloy-I kami, Inahan. Dili mo kami pagbiyaan. Ave Maria purissima! Sin peccado concebida! Pag-ampo alang sa Santo Papa Mag-ampo kita og usa ka Amahan Namo, Maghimaya ka Maria, ug Himaya sa Amahan, ihalad nato alang sa mga katuyuan sa Santo Papa. Amahan Namo Amahan Namo, nga anaa sa mga langit, pagdayegon ang imong ngalan, umabut kanamo ang Imong Gingharian, matuman ang imong pagbuot dinhi sa yuta maingon sa langit. Ang kalan-on namo sa matag adlaw ihatag kanamo karong adlawa, ug pasayloa kami sa among mga sala ingon nga nagapasaylo kami sa mga nakasala kanamo ug dili mo kami itugyan sa panulay, hinunoa luwasa kami sa daotan. Amen.

Maghimaya ka Maria Maghimaya ka, Maria, punô ka sa grasya. Ang Ginoong Dios anaa kanimo. Bulahan ikaw sa mga babaye nga tanan, ug bulahan man usab ang bunga sa tiyan mo nga si Jesus. Santa Maria, Inahan sa Dios, iampo mo kami nga mga makasasala, karon ug sa oras sa among ikamatay. Amen. Gloria Patri Himaya sa Amahan, ug sa Anak, ug sa Espiritu Santo. Maingon sa sinugdan, karon ug sa gihapon, ug sa mga katuigan nga tanan. Amen. Mga Pangaliya Mahal uyamot nga kasingkasing ni Jesus. Kaloy-an mo kami. (3x) Putli uyamot nga kasingkasing ni Maria Santisima. Ig-ampo mo kami. Señor San Jose Ig-ampo mo kami. San Miguel Arkanghel ug sa tanang mga anghel ug mga santos sa langit. Panalipdan ninyo kami. Ave Maria Purissima. Sin pecado concebida. Sa Ngalan sa Amahan, sa Anak, ug sa Espiritu Santo. Amen. AWIT: O BIRHEN MARIA

Mga Misteryo sa Kasakit (Martes ug Byernes) 1. Ang pag-ampo sa atong Ginoong Jesukristo sa taman sa Getsemani. (Alang sa kalinaw sa kalibutan) 2. Ang paghampak sa atong Ginoong Jesukristo nga ginaid sa usa ka haligi nga bato. (Alang sa tanan nga gilutos tungod sa ilang pagtuo kang Kristo) 3. Ang pagpurong-purong sa atong Ginoong Jesukristo sa purongpurong nga tunukon. (Alang sa atong nasud) 4. Ang pagpas-an sa atong Ginoong Jesukristo sa krus sa dalan sa kapaitan. (Alang sa tanang mga masakiton ug himalatyon) 5. Ang pagkamatay sa atong Ginoong Jesukristo sa krus. (Alang sa pamilya ______ nga sila magpabilin diha sa gugma ni Kristo) Mga Misteryo sa Himaya (Miyerkules ug Domingo) 1. Ang mahimayaong pagkabanhaw sa atong Ginoo. (Alang sa kalig-on diha sa pag-alagad sa Dios) 2. Ang mahimayaong pagsaka sa langit sa atong Ginoo. (Alang sa atong Santos nga Simbahan uban sa mga pangulo niini) 3. Ang pagkunsad sa Espiritu Santo kang Maria Santisima ug sa mga Apostoles. (Alang sa kahiusa sa tanang mga Kristyanos) 4. Ang pagpasaka sa langit sa Mahal nga Birhen Maria. (Alang sa tanang kalag sa purgatoryo) 5. Ang pagkorona kang Maria Santisima nga Rayna sa mga Angeles ug mga Santos sa langit. (Alang sa pamilya ______ nga sila magpabilin diha sa gugma ni Kristo)

Mga Misteryo sa Kahayag (Huwebes) 1. Ang pagbunyag kang Jesus sa suba sa Jordan. (Alang sa tanang mga binunyagan) 2. Ang pagpadayag ni Jesus sa Iyang kaugalingon didto sa kasal sa Cana. (Alang sa tanang mga minyo) 3. Ang pagsangyaw sa Ginharian sa Dios. (Alang sa tanang misyonero) 4. Ang pagkausab sa panagway ni Jesus. (Alang sa dugang mga bokasyon sa Simbahan) 5. Ang pagtukod sa Santos nga Eukaristiya. (Alang sa pamilya ______ nga sila magpabilin diha sa gugma ni Kristo)