Ang Iro Ni Kiko (Visayan Short Story for Kindergarten)

ANG IRO NI KIKO

Gisuwat ni : Dalia P. Renomeron Hinabay Elementary School Inopacan District Ang Iro Ni Kiko Si Kiko adunay usa ka iro. Blacky ang ngalan sa iyang iro. Itom ang kolor sa iyang balahibo, tambokon, abtikon, ug buotan. Kada sayo sa buntag kon way klase, moadto si Kiko sa ilang humayan ug mouban gayod kini si Blacky kay motabang man pagpamugaw sa mga langgam nga mangaon sa mga bunga sa ilang humayan. Usa ka buntag niana , samtang padulong na si Kiko ug ang iyang iro pauli sa ilang balay, nakakita si Blacky ug duha ka dako nga halas nga mipadulong na ni Kiko. Wala kabantay si Kiko kay naghangad- hangad kini samtang nagalakaw sa dalan. Unsa ang gibuhat ni Blacky, mi aw aw kini pagkusog nga naglantaw sa duha ka halas. Natingala si Kiko kon kinsa ang giusig sa iyang iro. Nakita kini ni Kiko nga nagpadulong niya ang duha ka halas, dali- dali sila ug panagan ngadto sa may hawan nga dapit. Wala patya ni Kiko ang mga halas kay dako kini ug tabang sa ilang humayan kay mangaon man kini ug mga ilaga nga mangaon usab sa bunga sa ilang kahumayan. Nagpasalamat si Kiko sa iyang iro kay nakasalbar kini sa iyang kinabuhi. Sukad niadto kanunay na gayod mouban si Blacky ni Kiko ngadto sa ilang humayan.